[TVB] 台慶劇 "巾幗梟雄之義海豪情" 18/10/10起 逢一至五 20:30~21:30 主演:鄧萃雯,黎耀祥,黃浩然,陳法拉,惠英紅,岳華,謝雪心,敖嘉年

[Busconcamp]

巾幗梟雄:


巾幗梟雄之義海豪情:


編劇 麥世龍、楊雪兒、石凱婷等

編導 陸天華、陳耀全、伍冠楨、黃國強等

助理編導 鄧如嫣、杜文鋒、廖潔雯、黃惠芬、鍾志祥等

演出 鄧萃雯、黎耀祥、黃浩然、陳法拉、惠英紅、岳　華、謝雪心、敖嘉年

主題曲 義海豪情
作曲 鄧智偉、葉肇中
填詞 陳詩慧
主唱 古巨基

製作
年份 2010年3月~7月
製作統籌 余方馨
監製 李添勝
編審 張華標、陳靜儀

集數 32
播出日期 2010年10月18日-11月28日
播出時間 逄星期一至五 20:30-21:30
11月19日 暫停播映
11月27日 21:30-22:30
11月28日 21:30-23:30

鄭家:
演員--角色--關係/暱稱
岳　華 鄭朗軍 大毒梟、煙館決策人,鄭朗熊、鄭朗喜之兄,鄭九妹之父,馬麗華之夫,鄭少康之養父（奸角）
胡定欣 馬麗華 學生、歌女,韓毓霞之女,鄭朗軍之妾侍,被鄭九妹照顧，後反目,被鄭朗喜利用（亦忠亦奸）
郭　峰 鄭朗熊 鄭朗軍之弟,鄭朗喜之兄,鄭九妹之二叔
謝雪心 鄭朗喜 喜姐,大毒梟、煙館決策人,鄭朗軍、鄭朗熊之妹,鄭九妹之天敵、死敵,被鄭九妹陷害,利用馬麗華,童年由王若嵐飾、少女由羅芷晴飾（大奸角）
鄧萃雯 鄭九妹 九姑娘,大毒梟、煙館決策人,鄭朗軍之女,鄭朗熊、鄭朗喜之侄女,鄭朗喜之天敵、死敵,鄭少康非親生之姊,照顧馬麗華，後來反目,陷害鄭朗喜,韓毓霞之好友
童年由丘芷蓉飾、少女由黃美棋飾（大奸角）
黃智賢 鄭少康 鄭朗軍之養子,鄭九妹非親生之弟

劉家:
演員--角色--關係/暱稱
黎耀祥 劉　醒 刑偵隊隊長,劉晴之兄,趙冬妮之夫，後離異,唐吉之上司、好友,楊陽、車永安之上司（亦忠亦奸）
陳法拉 劉　晴 學生,劉醒之妹,楊陽之女友
江美儀 趙冬妮 劉醒之妻，後離異,梁非凡之女友

楊家:
演員--角色--關係/暱稱
惠英紅 吳麗嬋 楊陽之母
黃浩然 楊　陽 警察,吳麗嬋之子,劉晴之男友

其他演員:
演員--角色--關係/暱稱
敖嘉年 唐　吉 排骨仔,警察,劉醒之下屬兼好友
麥長青 梁非凡 梁局長,警察,趙冬妮之男友,劉醒、楊陽、唐吉、車永安之上司（奸角）
李成昌 黃　綠 醫生
梁証嘉 車永安 安哥,警察,劉醒之下屬
金　剛 向山鐵也 日軍大佐,喬山鋼星之上司（大奸角）
李　嘉 喬山鋼星 日軍少佐,向山鐵也之下屬（大奸角）
湯俊明 日本士兵(大奸角）
吳雲甫 日本士兵（大奸角）
鄭世豪 日本士兵（大奸角）
羅鈞滿 日本士兵（大奸角）
馬海倫 鐵姐,幫會四虎將之一（奸角）
韓毓霞 馬麗華之母,鄭九妹之好友,少女由蔣家旻飾演
姚瑩瑩 護士,黃綠之妻
魯文傑 大車,警察,劉醒之下屬
魯振順 大鳳哥,幫會四虎將之一（奸角）
戴耀明 天馬,警察,劉醒之下屬
張松枝
林淑敏 燕平 舞女
游　飈
李岡龍 大華哥,幫會四虎將之一（奸角）
黃劍偉
葉志華
吳曉君 燕天 舞女
陳志健 天星,警察,劉醒之下屬

====================================================================================================
為台慶...趕出街...7月拍畢10月推出...

[搖搖]

金剛做大奸角...

[昏迷童子Sleepy]

作者: 搖搖

通街都金剛做大奸角...

系列傳統......(大誤

[DevilElvis]

希望再創紀錄

[ahleung]

(有少少劇透)

http://forum7.hkgolden.com/view.aspx...essage=2641352

黃金視窗:最後勝利　李添勝
2010年10月17日

「我做人其實好簡單,少啲私心、多啲公道」,早年成功捧紅周潤發和劉德華等巨星的金牌監製李添勝,去年在台慶頒獎禮上領取萬千光輝演藝大獎時,一番肺腑之言,贏盡讚賞。曾經是電視上的經典小人物掃街茂,現實中卻被無線中人視為大英雄。
明晚推出的台慶劇《巾幗梟雄之義海豪情》,被添哥喻為歷年來最滿意作品,未播已來勢洶洶,男、女主角黎耀祥和鄧萃雯被指是視帝視後大熱,年底台慶頒獎禮的最佳劇集獎,更誓成添哥囊中物,造就他的最後勝利。　撰文:戴彩煥

現年 64歲的李添勝,原本三年前已打算退休,結果在無線總經理陳志雲及多位高層連番遊說下,一而再、再而三地留低。接受本報記者專訪當日,添哥因膝蓋傷患步履蹣跚,他慨嘆近年體能大不如前,連 10多年來的跑步習慣也被迫停下。添哥說:「真係好想退落嚟,體能唔得,早幾年拍《楚漢驕雄》去無錫擒山,後生嗰班都唔夠我嚟,但幾年之後已經唔係嗰種體能,鶽家叫我返內地一次都支持唔住。」

79年
《網中人》

84年
《鹿鼎記》

見盡以權謀私之人

本來明日播放的《巾幗梟雄之義海豪情》是添哥入行 41年的封刀之作,結果他近日又被遊說續約一年。添哥自言並非賣花讚花香,他指歷年來最感滿意的作品,不是周潤發和鄭裕玲主演的《網中人》,也不是梁朝偉和劉德華主演的《鹿鼎記》,而是黎耀祥與鄧萃雯今次孭飛的《義海豪情》。
添哥說:「呢部係編審張華標離開 TVB前最後一部,我亦諗住拍埋《義海》之後退休,所以大家都踩行油去做。《義海》係我咁多年嚟最滿意嘅一部,因為某程度上係有突破,我拋開曬過往素材, 每一個情節大家唔會覺得熟口熟面。套劇經歷國民政府、日治時期同國共內戰三個大時代,一班小人物處身大時代,我就唔需要諗番以前做來做去嗰啲謀咗人哋幾多股份,搶人公司,跟住人哋發奮搶番返嚟,又或者 A愛 B, B愛 C, C又愛 A,我完全丟曬呢啲嘢。」
數《義海》最搶最出位角色,添哥預告是飾演黎耀祥上司、其後淪為漢奸的麥長青(麥包),他說:「成個劇最仆街係佢,個角色真係好 PK。《巾幗梟雄》有敖嘉年,《鐵馬尋橋》有林嘉華,今次麥長青比佢哋兩個更 PK。」
去年添哥領取萬千光輝演藝大獎時,在《萬千星輝頒獎典禮》上對著全港觀眾及無線高層說:「我做人其實好簡單,少啲私心、多啲公道。」大快人心。添哥指當晚全因毫無心理準備,純粹衝口而出,他說:「佢哋( TVB)保密過咗龍,可能因為咁,冇任何準備下個心諗到乜就講乜。保密保到咁真係唔啱,大概半小時前都喺我耳邊單聲吖,等我思緒整理一下,唔使搞到咁混亂,亂曬大龍。」

85年
《楊家將》

04年
《楚漢驕雄》

衝口而出的往往是真心話,添哥未有否認,他說:「咁多年嚟,難免睇到一啲人唔係企喺公司立場,而係成日企喺自己立場,咁問題咪多。有時明明啱嘅嘢,講講嚇變咗唔啱,變咗你自己啱,顛倒黑白是非。」可會路見不平,拔刀相助?他說:「睇情況,應該出聲就出聲,但出咗聲冇幫助就最好避免越搞越禍。」

轟抄襲自己攞嚟衰

過去 10多年來,本地電視劇質素每下愈況,添哥認為要提升電視劇質素,有必要認真培育一班幕後創作人才,他說:「創作呢樣嘢不進則退,套套搞埋啲四角戀三角戀,突破唔到,俾人覺得陳腔濫調。舊嗰班好多走咗,新嗰班接觸嘅科技多到不得了,但固有人情根基好少,因為人與人之間距離大咗,一部電腦可以聯絡好多人, 但嗰個人真性情係點佢未必知,佢哋好似活喺一個虛擬世界,所知嘅嘢往往喺電腦或者睇書得番嚟,唔似得以前啲劇中人物個個有血有肉,鶽家好多時得番個殼。所以啲人成日話啲劇冇以前咁好睇係有原因,負責創作嗰班,接觸真實人物比較少,鶽家左鄰右裡姓乜名乜都唔知啦,咁又點知人物性格係點?所以資源多少未必係成敗命脈,反而係睇劇本搞得好唔好,大有大做小有小做,唔會連個譜都冇埋。劇本唔好,使幾多錢都係嘥。」
陳腔濫調之餘,近年香港劇集也連番被轟抄襲,添哥直指此行為不智,他說:「抄人哋精神,情節上可以完全唔同,《阿凡達》( Avatar)都有個精神喺度,話人類掠奪人哋嘅資源。最不智係連佈景都抄埋,認真無聊,抄嚟做乜?抄人情節係冇意義,人哋社會文化背景同香港根本完全唔同。我覺得抄精神冇壞,好似個劇以環保為中心咁,鶽家全世界都講緊環保,你話我抄邊個?唔通你講得我唔講得?但故事橋段都抄埋,就自己攞嚟衰。」

06年
《鐵血保鏢》

10年
《巾幗梟雄之義海豪情》

昔日添哥拍過無數改編自金庸小說的劇集,如《鹿鼎記》和《射鵰英雄傳》等,問到若無線再次重拍,有哪幾位花旦小生適合演繹金庸筆下的經典人物時,添哥想了好一會才說:「呢個問題我都唔識答,如果公司叫我再拍《鹿鼎記》,我一定叫公司唔好拍,因為拍唔到,自己攞個醜字嚟寫,去邊度搵七個老婆?韋小寶又難搵,康熙又難搵,仲有索額圖呢?拍金庸小說, TVB鶽家冇能力拍落去,因為冇演員,拍金庸唔係單靠班後生演員,係靠嗰啲掌門、武林大俠,個個 40幾 60幾歲有型有格,東邪西毒南帝北丐去邊度搵?搵班後生個個黐鬚畫到貓咁唔得 o架嘛!」

嘲港台拍劇嘆慢板

年前內地小生黃曉明主演的《鹿鼎記》,添哥自言也有留意,他說:「唔好睇,呢個係劇本問題,寫鹹濕韋小寶一定死,韋小寶唔係鹹濕,係衰鬼格。」
添哥曾主演電視劇《為兩餐》, 70年代在《歡樂今宵》趣劇中扮演的掃街茂更深入人心。問他當年為何不索性做明星時,添哥笑說:「雖然自己五官端正,但天生條件矮,覺得自己唔適合,客串過嚇癮冇所謂,當年我都幫港台拍過,講起就火都滾埋,拍足一日拍得嗰 10幾個鏡頭,如果畀我拍,三粒鍾搞掂啦!」

麥包本是偵探,後淪為漢奸,被添哥喻為劇中最 PK的人,必爆。

一杯香濃咖啡,已是添哥不可或缺的生活習慣。

添哥話當年

李添勝多年來捧紅過不少天王巨星,拍過不少為人稱道的劇集,在電視圈打滾多年,聽他話從前,比看電視劇還要精采。

杜琪峰隊雞精躁火

85年添哥監製的電視劇《楊家將》,齊集周潤發、鄭裕玲、梁朝偉、劉德華、張曼玉、汪明荃、劉嘉玲和萬梓良等猛人巨星,堪稱史上最強卡士劇集。粒粒皆巨星,會否最難搞?添哥笑說:「唔難搞,不過係辛苦,趕囉! TVB當年團隊精神好好,一話打仗,公司一落命令話 10幾日後搞,就個個都返曬嚟。記得有場拍金沙灘嘅戲,我哋成車金沙撒落去龍蝦灣,拍完之後執到幾多得幾多,執唔到就算數,鶽家實俾環保署拉啦。佢哋個個都喺呢度( TVB)出去,個個返到嚟不知幾咁高興,化妝間嘈到不得了。杜琪峰當年負責拍廠,佢老婆買咗半打雞精畀佢飲,諗住飲一支就撐兩、三個鍾,點知佢越飲越躁, 係人都鬧。」

萬梓良連累幕後人

91年萬梓良為無線拍攝《大家族》期間,曾寫血衣「乞求雞毛司令賜廠期」向高層抗議廠期被 cut。據傳萬子所指的雞毛司令,正是當時負責管理廠期的添哥。添哥說:「大佬你諗嚇啦,人哋攝影、收音、燈光返輪班,一個禮拜休息一日,本來個廠最遲收凌晨 3點,執好曬嘢返到屋企都成 4、 5點,第日返下晝兩、三點,中間 6、 7個鍾頭瞓覺,你偶然一次 over到凌晨 5點冇所謂,但你餐餐都係咁,人哋第日點返工?
「工程部阿頭 cut佢廠係必然,就算係我,我都一樣叫 cut,冇可能咁 o架嘛,咪拍多一、兩日囉,又唔係唔畀你拍,做乜晚晚要咁?根本係佢自己搞唔清楚啲問題。佢話邊個都冇所謂,反正佢話邊個都冇人理佢。」

小八卦:冇出世紙的掃街茂

70年代李添勝的掃街茂一角深入人心。
「死飛仔,開到咁快,趕住去攞出世紙咩!遲早撞瓜你個死飛仔」。這是李添勝 70年代在《歡樂今宵》中扮演掃街茂的經典金句,不過當年經常鬧人趕住攞出世紙的掃街茂,現實中原來沒有出世紙。
添哥說:「原本我係冇名嘅,李添勝個名係小學校長幫我改。我係執媽接生,本來出世之後要報番曬啲資料,但我阿媽身體唔好,老竇又唔識字,又要返工,咁就一直冇理。後來執媽間留產所都執埋笠,乜嘢資料都查唔番。以前我通山走曬到黑麻麻,屋企人就叫我黑仔,到入學時阿媽就叫校長幫我改名。其實應該係留產所報番啲資料上去,隔咗好多年屋企人都唔去做呢樣嘢,真係好滑稽。」
64歲的李添勝監製過無數受歡迎劇集，向來不喜爭名逐利的他，早年曾向無線要求降職減人工，只求繼續製作觀眾喜歡的作品。攝影：林德雄

[IDGAF]

啱啱TVB43年 快樂力量迎台慶,
主題曲由黎耀祥唱埋的。

如果百佳超市廣告有PART2可以改對白。
http://www.youtube.com/watch?v=a_jQXGd94ZM
帥奶:「黎耀祥你今年會唔會拎亞太區男歌手呀?」
黎耀祥:「盡量…盡量」

[nefrezx]

首集做喇喎

[Busconcamp]

作者: 機場美少年

啱啱TVB43年 快樂力量迎台慶,
主題曲由黎耀祥唱埋的。

如果百佳超市廣告有PART2可以改對白。
http://www.youtube.com/watch?v=a_jQXGd94ZM
帥奶:「黎耀祥你今年會唔會拎亞太區男歌手呀?」
黎耀祥:「盡量…盡量」

主題曲:紅蝴蝶...係巾幗梟雄(I)既主題曲,原主唱係吳卓羲

[IDGAF]

作者: Busconcamp

主題曲:紅蝴蝶...係巾幗梟雄(I)既主題曲,原主唱係吳卓羲

係喎,古SIR唱2的主題曲~!咁佢拎亞太區男歌手啦…

[Rance]

將個結局放O係頭到播哂點谷收視呀

[mario0606]

作者: Rance

將個結局放O係頭到播哂點谷收視呀

可能最後話柴九其實無死到

[Rance]

作者: mario0606

可能最後話柴九其實無死到

跟住鄧萃雯O係個棺材爬起身同柴九相認?

[Busconcamp]

作者: Rance

跟住鄧萃雯O係個棺材爬起身同柴九相認?

已知九姑娘做唔到由頭帶到尾

[MS331]

作者: mario0606

可能最後話柴九其實無死到

可能學Schindler's List,最尾去掃佢墓

[Rance]

架警車(?)好似好新款咁o既

D草可以擋子彈

[nefrezx]

埋一邊

呢段笑左

[eddy]

頂...又玩無限子彈

[BlackWing]

作者: Rance

架警車(?)好似好新款咁o既

D草可以擋子彈

d草真係堅勁
見到佢側下身之後d草搖左一下,即刻笑左出來

[皇家馬爹里]

好似要做到柴九好好火咁！！

[煲機小王子]

必文做得好
練靶果度正

終於有番歌手唱主題曲 幾好聽
片尾竟然唔係MV

[CSY]

劇情已經知道兩主角必成一對, 又把結局最後會怎樣都講埋..
一開始就已經透乾透淨, 都好難會再有啥期待或高潮喎..

[ヴィタさんさんKS☀]

作者: CSY

劇情已經知道兩主角必成一對, 又把結局最後會怎樣都講埋..
一開始就已經透乾透淨, 都好難會再有啥期待或高潮喎..

而家個結局可能係孔明來
可能之後個結局又唔係而家既睇到咁,到時又有話題

[IamO]

作者: CSY

劇情已經知道兩主角必成一對, 又把結局最後會怎樣都講埋..
一開始就已經透乾透淨, 都好難會再有啥期待或高潮喎..

我亞媽唔記得咗睇第一集, 可能係好事
尋晚睇完亞記, 轉返無線, 見到柴九, 問我几點做,
做做下播ed

[nefrezx]

有冇可能咁黑仔

[鳳熾魂]

作者: nefrezx

有冇可能咁黑仔

證明左關二哥係好廢排骨一開始拜果個勁好多