條管冇裂過爭2局升得，
諗住轉場前剛剛好，
又俾d紙板隊友我，
其實呢個分級制令到強弱太懸殊，
有d勁嘅因為遊戲時間唔算多,隊友又時強時弱，
好多都升級不順，甚至c級都有d好勁，
咁樣其實唔係咁好，因為有d新人，又或者唔係咁熟練嘅玩家，
一入哩個模式經常同d熟練嘅對戰，攪到入c級試咗一二次已經唔想玩，
反而我覺得俾有能力嘅快d向上流，例如c同B唔駛打咁多局就俾佢升喇，
輸五場斷一大截，好似要贏9場先升到，都唔知邊個諗出黎......
其實級數可以再細分少少，而家強弱成日黐埋一堆，對兩邊都唔討好，
好多一睇根本都應該係嗰一級別，有d又弱到離晒譜，今日有場破咗自己記錄，
B級搶塔殺咗27人.....

所以用副ACC 屠下新手平衡下先..
LV7 比個LV37 殺一次,就squidbag 我, D人真無品

咁又咁講，你有咩級實力就會停留係果一級，
到你係果級有返咁上下既時候 或 加上有下級跌落黎既隊友扶持就有機會升去下一級睇驗下，
但由於你係依級最下位，所以都會好快跌返去之前果級，
所以就係依家果級好好磨練下，
易跌難升算係嚴格品質控制，
升升跌跌其實都係同自己實力有唔多唔少關係

我意思係就算有實力升，你擺明唔屬於嗰一級，
但都要花好多時間先升到，我覺得可以做快d同細分d,
由其係最低嗰2級，老練嗰啲停留得太耐，會害埋初入打排名者嘅遊戲體驗～

啱啱搶地升埋上A-,中途都有2場係強弱懸殊，
其實習慣咗開始1分鐘倒已經知道隊友得唔得，
當你連續殺咗對面1個、2個、3個，都仲有第4個打緊你，真係吹到啤一聲～

咁可能我第一次玩splatoon就係玩2，我自己覺得係自己瞄得唔夠人準同快，
所以係b卡住 我自己覺得正常, 當然豬隊友都唔少(升到下級自己就變豬隊友)
一開始升到b就連b跌b-都會好緊張
依家係keep住全A/A+,有時上到s但keep唔到,
升升跌跌已經冇之前咁在乎，當左係實力認證，
當你好似 "信長" 咁開個新acc去玩返 應該好快就升得返去依家果級
屠宰c級新手...

重玩C... 有時真係好大差距...
落後時隊友太刻意去異次元儲必,打少一個咁
對手都係企一齊, 反而難打... 買支pro 屈距離
Splat zone C- 一昇就B-
農園殺完一波, 一早估到佢地2點方向出.. 一個雨雲,殺3個

feel 到有老手都係重玩定新入手,都是十幾lv,
有個狙 同佢玩立回,比佢跳射殺死

SZ農園有Baller都唔會特別難打
只要確保最後係上到中間機台
爆唔到對手都會立即整停到計時
暫時亦未見有人醒到一早上牆企網埋伏，響爆後伏擊

同埋普遍玩家應該未慣灑水器反吸鐵絲網頂
幾次都見對手忙於地面對打，無人諗住消滅
由手機版發出

我未玩過上集，
但農園我覺得好打，勝率唔差，
主要可能係個場夾到自己武器～

農園係好玩亦係個人最鐘意嘅場
貪佢四方八面都可以進攻，刺激度夠高，一個唔留神就會俾人入侵屋企
尤其個比上集map改咗少少，有啲位更好打

上集用大奶最後十幾秒成日企中場位置翻牆將啲油潑去人哋屋企

我明的

但我的情況有少少唔同
我最近屋企連線唔知係咪食左屎咁係咁斷線
而呢個機制斷線=當你輸
so... 連斷幾場加上本身已經輸左的自然

不過尋晚連線好左d運魚又升番上B+
不得不承認三個賽制我比較好的是運魚...

其實我之前運魚斷線斷到去番C+已經感受到同B RANK的差距好大，畢竟已經不能自稱新手，目前真的想打上去，唯有練多D手

但我已經俾DUAL SWEEPER縱壞到唔識用副武...

LV 12 Rank B
排到1700 好似偏高咁...
隊友死先就唔好JUMP 過黎..我對住兩三個,你又JUMP,

斷線我深感明白，我一開始都係係咁斷線，
斷線可以話係咁多種輸法之中最想掟機的，
我既解決方法係買個5G router，
從此就無再斷線了

我都覺得運魚好玩，節奏緊湊，都係首次拎S既賽制

有排玩op綠油桶，係未公佈改弱之前就諗所有武器都有機會被改弱，
而大部分武器都係槍系，所以練槍感覺轉武器都易d
依家用緊壽司

我推塔之前一兩裂過半, 好樂觀
連斷4,5次,跌完又打得急,打到好屎,爆兩三條bar

爆BAR 已經係家常便飯
只要打到安全線就好安心咁打，唔求升 只求唔跌出果個級別就夠
我已經玩左200幾小時

佢組隊系統個原意係避免有人不停咁輸/贏
但現實係，佢想派廢人俾你->點知係勁；想派勁人俾你->點知係廢

宜家問題係太易升
今集多左ok線，基本上過到ok線，花時間就升到
搞到同一個rank入面，水平落差好大
結果就係有實力再升既玩得無癮，新升上黎既又學唔到野

最初改完系統o個日上過S，上到去確實係會易打d
真係純技術較量，唔係鬥隊友豬
但係後來好似消化左個改動咁

如果A-盡量match番A-咁樣會好好多

做到幾多得幾多，盡力而為就算

推塔同搶地既關鍵，我覺得係第一次全滅或半全滅後既行動
建議係冷靜謹慎咁慢慢油番地清場先，係rank入面油地包含極多重意義

因為再多一次全滅或半全滅就會俾對手拋離好多分，好難再追
尢其係推塔，好易推到一半就膠著到尾

P.S.如果可以就買個usb lan插，同時解決到斷線問題同delay問題

係呀落後唔好急... 組織番,殺下人,map control
SZ - 攞番控制權,對方懲罰時間都差唔多對等, 實質打和緊,除非賽事時間太少,只要keep住控制就反勝
TC- 大家同rank ,有得打,TC 真係滾雪球, 少D 死,專注殺敵攻爆防守點,又係可反勝
RM- 支炮可hold 60 秒,真係殺到一波,推只係十秒間的事,就已可推大半

膠著時,真係又搵咩地方卡住,例如可能左路高位比人camp 死,對面blaster 阻住架車, 支炮成日同一路線推, 試下打另一面,拉開對手都好...

越嚟越覺得波波好玩
唔怪得祭頭幾位都係金槍

打左場TC, 個NZIP 同若葉係咁jump 去戰區送死... 細場都JUMP?
你油番D 地起甲啦
明明支援系又唔知自己定位

剛剛area俾兩個波SM

Inkjet 雖然話易左打爆
但都係唔多人會注意佢油地功能
容易攻對手失位
剛剛一場Regular臨尾靠佢反勝0.6％
由手機版發出

依家前線常見爆波Vs爆波或者爆波Vs著地
仲有見人開波波就自己開埋追住佢，話俾對手聽你死梗

而家個波波梗係好玩 改番正常

金槍打ZONE 好勁,
但都係無咩射程, L3 有冰壺同ball.. 不過主武要逐下按. TC 同RM 都有用

我覺得已經比之前場場都係壽司同綠桶好
壽司呢D萬能武器本來就唔應該有個咁勁既SP
而家金槍起碼你會覺得其實係打搶地特別勁，但打其他Rule無咁屈
可以一把武器全部Rule都吃香既情況會少左先......雖然洗衣機我覺得條條Rule都有咁上下勁

炸地我都覺得而家只係剛好 反應快既人依然都係可以見起跳就打落黎

改版前金槍玩SZ已經覺得唔係好弱
主副SP全部都油地力高
個波再弱都好過銀槍放地彈無左機動性
只要多個隊友幫手就容易控場

反而個波 Buff 後一人入敵陣都好易殺多啲人，或者一擊停計時
攞去RM 都會做到開路先鋒，係TC先無咩作用
整體其實幾OP
話唔定下次會因為咁上調儲SP要求

洗衣機速度上略輸，暫時只覺TC 會有明顯優勢
由手機版發出

啱啱搶塔上埋A-,上到去連輸幾場即刻跌返B+
個匹配又係奇怪，成班完全唔夠對面打，
點解上到A 可以出現3,4分鐘內0殺，但sp放咗5次嘅隊員.....
最抵死最弱嗰個連續跟足我三場，
已經連輸緊，點解仲可以不斷配d一齊輸嘅人同隊,
唔順邪繼續跟機真係會繼續一齊.....