到底她有沒有男朋友呢???

[mrk]

到底她有沒有男朋友呢???

話說自己無耐之前，
發現左自己鍾意左自己公司嘅女社工(日久生情個種)，
我係普通文職員工(個間係一間細公司仔，不起過10名員工)，
跟住就成日等佢收工(其實我就一邊清自己手頭上的工作邊等佢)一齊坐車(小巴)，
因為佢好盡責，
所以成日搞到好夜先收到工，
由最初冇嘢講，
到依家有講有笑有鬧，
週末時見唔到佢會好掛住佢，
跟住最近我同佢又再熟左d，吹吹下水，就有意冇意中，發現佢，成日話收工約左個好「熟」嘅人，
但又唔講係「男」定係「女」，
起初我諗佢都年紀唔細，有個「男朋友」都唔出奇啦(諗到依到好傷心，原來名花有主)，
之後諗左好耐，
我覺得我好想保持住暗戀佢個種感覺(我知我甘做係好唔現實，但我唔咁樣諗我會好傷心同埋想喊)，
1個星期之後，個日照常放工自己加班做嘢做到七七八八啦，就問佢我「就走啦，你走未呀」，
佢話：「send埋個e-mail先啦」
跟住佢打打下字，話：「send左啦」
「跟住佢放工坐車時，係到攞住本筆記係到寫一d我唔知係咩嘅嘢」
事後我諗到佢會唔會發現係我對佢有d嘢呢，
知道我有心陪佢做嘢做到咁夜，就騙我話做曬啦(可能)，
又發現佢最近穿得好靚，又成日係我面前用手「捲頭髮」，
所以我想問下大家覺得佢以上的行為係：

1. 佢係有男朋友，同埋我好自作多情攞
2. 佢未有男朋友，但又唔想話比人聽自己冇人追，所以就成日話約左個好「熟」嘅人
3. 佢未有男朋友，佢發現左我對佢有嘢，但又唔想明講，所以玩暗示
4. 佢未有男朋友，但又未發覺我對佢有嘢，只係計續係好同事1位

p.s.：對住佢o的小動作(可能係暗示)，我就越諗越頭痛，唔知佢個腦諗緊d咩!!!

[mrk]

補充：我今年25歲，佢唔知，但大約29-33歲都有可能，
　　　我平時係一個悶蛋，佢平時工作熱心又對人有禮，
　　　(好睇我，我做錯左，會同我話道理並詳細解釋，成日好顧我的感受)
　　　這間公司我做左2年多，佢做左10年多
　　　自己樣貌普通港男1名，佢係個美女，但成日趕車返工(佢住好遠)，
　　　求求其其唔化好妝個妝出門口，搞到平時個樣好普通咁。(第1次識佢已經係咁)

[smalltung]

直接問喇

[碧克]

問外人鬼知咩
與其問其他唔識既人去旁敲側擊,不如借平日傾偈直接問本人好過啦.

[Designer]

直接表白啦~

受唔受溝?

[mrk]

作者: 碧克

問外人鬼知咩
與其問其他唔識既人去旁敲側擊,不如借平日傾偈直接問本人好過啦.

失敗的話，以後朝見口晚見面，我唔知可以點面佢呀!!!

[Rotagen]

男未娶，女未嫁，有男朋友又如何先

[碧克]

作者: mrk

失敗的話，以後朝見口晚見面，我唔知可以點面佢呀!!!

咁就要考你口才了.
如果對方無意讓你接近,她有否伴侶根本不重要.
相反,對方覺得你係可以做friend(做friend咋),可以開話題慢慢傾,
吹吹下水自然有機會等對方自己「唔覺意」開估.

不過我都係果句,與其你問其他三唔識七既人「她有沒有男朋友」,
倒不如諗下點樣打開話題,同對方熟絡先再講啦.

[泡菜]

咁樓主都可以暗示一下先個bo

例如買花,搵人o係番工時間送上去,附張卡,寫d lum既野,當然要張卡唔可以寫名啦(橋唔怕舊,希望佢會受)

另外,行緊既時候可以留意多d你同她既身體距離

[HIM]

直接表白就可以知道答案!
如果你驚失敗之後唔知點面對而又只想繼續暗戀既話, 佢有冇男朋友都唔重要啦!

[Middle]

有時d 野，自己一個越諗、就越覺得有曖昧，
但對方係咪真係有野，又可以係另一回事，
你眼中o既世界只有你同對方，但實際仲有好多人；
如果佢d 小動作原來係、佢出面有鍾意o既人、想扮靚d 去追人地，
咁又點呢? ~ ~

未敢表白，又唔知對方真正點諗，
與其去估對方諗咩，不如去試下點樣同對方熟d 親近 d 、
例如同對方msn facebook 多d 間中約食飯睇戲行街之類、
令佢同你o既關係唔再只係同事、而係真係好朋友，
同時又可以令大家有更多了解、逐步去增加對方對自己o既好感，
進可攻，退可守呢。

[小草]

其實同事之間,尤其是熟左問對方有拍拖定結婚未是一件好正常GE事
唔好搞到好似D學生時期咁, 問下就等於想追佢咁

[藍莓咖啡]

佢仲未走.........「咁夜都未走, 約左bf未夠鐘呀?」
搞掂

[Seppie]

我唔明點解要估lor
如果係同事既, 又唔係hi bye 好疏果d
點解唔直接問係唔係有男友?

[管家婆]

作者: Seppie

我唔明點解要估lor
如果係同事既, 又唔係hi bye 好疏果d
點解唔直接問係唔係有男友?

如果佢敢直接問
駛鬼係度問我地外人咩



不過我都想同樓主講 有好多女仔鍾意隱瞞自己有男友或結左婚的

[Ewin]

社工無得估喎, 因為佢地習慣對好多CLIENT, 好識得將私人野同工事分開, 所以我成日都覺得好唔了解d社工同事
如果你地係日對夜對, 你咪等下先囉, 反正大把機會. 忍唔到既就去啦!

聽講女仔都鐘意有男仔鐘意佢, 所以俾人告白唔會煩, 心裡面都會開心. 唔知真定假, 一試不妨呀

[雷火武]

其實,有時表完白之後做唔成朋友.好大程度係因為男方閃閃縮縮所致.
失敗左一次都唔代表以後無機會..最緊要大方.
GO 啦.

[歌絲˙暮斯]

無膽鬼

[雷火武]

作者: 歌絲˙暮斯

無膽鬼

唔係個個好似你咁勁食女無數架嗎

[陸奧 貴志]

作者: 歌絲˙暮斯

無膽鬼

知你有膽到一埋到去就問人上唔上喇

[Seppie]

作者: 陸奧 貴志

知你有膽到一埋到去就問人上唔上喇

我同意歌斯果句wor!!
根本好多感情問題都係由冇膽開始

[陸奧 貴志]

作者: Seppie

我同意歌斯果句wor!!
根本好多感情問題都係由冇膽開始

加農炮好痛架

[歌絲˙暮斯]

廿幾歲人三十都黎啦, 仲 CC 縮縮.

TVB 婆"娜"劇睇太多, 放工一齊就自自然然有機會慢慢了解 ??

香港地, 搵食姐, 仲唔返屋企咩

你又好多時間咩

[安已不]

你 諗 多 左 喇
我睇你個POST, 由後半開始好多都係FF黎
追女仔最忌一開如令自己有成功感, 唔係你會跌得重痛
我覺得你可以試下約佢出街先

[sgouki]

有時個膽吾係剩係為左表白, 更重要係之後煩果D野, 剩係為執返劑就冇野講啦...........