安全貨倉十一樓.............(轉貼自廿三的日記)

[碧咸廿三]

Thursday, July 3, 2008

今天返回舊公司玉記~
主要係返去踢波~
另外就係撻文具黎用~
當然唔少得係去編輯部度拎d未睇既漫畫啦~
其實係順便見下編輯部兩位美少女姐~

臨去踢波前撞到編劇小強~咁就一路行一路吹下水啦~
就話呢排玉記有點點怪事發生......

就係呢排佢地好多人每逄開夜既時候都會落街買野食既....
係歷年來不變既習慣~通常係大概點零兩點鐘左右啦....

咁就話說近呢一兩個月.....
玉記既三部電梯的中間果部....(玉記在十一樓的頂層)
佢地就話去買宵夜果陣時...係臨出門口時成日有人唔等埋人出門口就入左電梯....
但係就一埋去架電梯度就依然停係十一樓度...開電梯入面就一個人都冇.....

成間公司有唔少人遇過呢個情況....有男有女..
但係就次次都係中間果部電梯既.....聽到都有點點驚.....

因為多年前..編劇小強同彩稿大師都曾經遇到一個更可怕既經歷....
話說佢地買完宵夜回程搭中間部電梯上十一樓寫畫部既時候...
部電梯去到八樓時候就無端端開左...入面係黑麻麻既...
咁佢地諗住按關門又冇反應....按左十幾秒都係咁....
當時佢地都經已好驚....但係編劇小強就大胆出電梯外睇下個制有冇比人整蠱~搵野頂住左制咁啦~
點知又冇...跟住入番電梯度編劇小強就大叫 :[唔好玩啦!]
之後按多下就慢慢關上..去番十一樓....

當時個個都好驚....有d連宵夜都唔敢去食...都持續左一段時間....

其實再之前我地都發生過一段少少怪既事情既....
就係話說某一晚..我同主筆鄺彬彬同小魔神細鵬又係落街食宵夜~
點知去到地下果陣架電梯突然再下一層...而架電梯亦顯示個層數係B1~
但係果度從來都冇B1呢回事既~亦冇地下停車場~
雖然只係一段十分短暫既時間~架電梯亦都升一升咁去番G層~
當時大家都冇一點驚既感覺~可能因為只係維持左一陣既關係卦......

對比起編劇小強既情況我覺得佢地大鑊D囉~
而出現B1果層其實上期神4專欄都有講過~只係角色同人數唔同左~
其實係因為近排呢輪怪事多左~主筆順手寫下出黎咁解既姐~

新加番一段今日收到風既一單先

就係話說設計部一名同事有晚通左兩晚夜之後終於走得~
大概深夜兩點左右....
咁又係一條友搭電梯落去走既~
但係出左部電梯之後幾步~
後面無端端有人問佢 :[請問呢部電梯係咪上十一樓去架?] (大概係咁上下既意思)
咁佢答係~之後就關門上左去勒....

之後行行下佢又諗.....
佢岩岩先係部電梯出左黎幾步就後面有人係架電梯入面既?出電梯時又係無人既...
果個人又未見過係度返工既....仲係夜麻麻...

不過佢最後都係當開夜開得多~精神錯亂咁就算lu....

尋日訪問左其中一人~以下為當時人大隻文憶述....
字眼有少少更改.....因為好多粗口囉~

大隻文：〔都舊年0既事囉﹗咪我有曰正想出閘走人之際，隔住度玻璃門見到有條"人"影入＿左中間部lift，我當時心諗︰　＿﹗送lif尾﹗點知出＿到去見到部lift仲停晌度，我即時反應係︰你條PK唔係知我想入lift，就懶到連掣都唔＿噤，等我泥噤下嘩 ？咁我咪噤番開部lift，諗住睇下邊＿個咁＿狗，點知lift門一開.........Oh﹗Its unbelievable ﹗ 不過當時我都只係以為自己睇＿錯，仲搭番部lift落去走人，直到睇完腹隆磚蘭先知原來咁＿多人見過........ 〕

新加番現場環境...

由入面望出去~呢個位就係最多人見到有人入電梯果個位架勒.....




三架電梯既位置.......





呢個係近少少既中間果部電梯...



傳聞中既猛鬼第八層...



轉貼 : http://hk.myblog.yahoo.com/beckhams23/article?mid=1261

[Ewin]

今期神兵尾頁專欄都講緊呢件事!

[DevilElvis]

安全貨倉十一樓<---點解會叫做安全貨倉o既?

[thesame]

我都試過在一家酒店發生d咁ga事
時間係10點左右
我目標10樓,但部lift但5樓停左
開左門,冇見人,勁按關門,關唔到
果陣我就記起見鬼1個女主角搭lift果part,有個阿伯在女主角後面
勁恐怖,最後我按左一下5樓(燈亮了又熄了)
跟住就關到門,不過關唔實
心念唔好玩啦,我用手一夾,關到門,上樓....
之後返到房先安心d,唔再夠膽搭果部lift了

[風音]

作者: DevilElvis

安全貨倉十一樓<---點解會叫做安全貨倉o既?

果座樓叫做"安全貨倉"囉

[Justine]

我只係記得菲林部有人見過.....
我就差不多日日都係自已一個走,無乜異樣
可能時運高

我反而覺得福龍果面D Lift恐怖d....

[marspeople]

可以出本真人SHOW漫畫

[雲漾]

原來有d咁既事~
部lift我應該都搭過..
以前間中都會上 12樓~
但係果度部lift 只可以到11樓~要行樓梯上去~
所以次次都經過 玉XX

不過就無遇過d咩特別野...

[D.Luffy]

咁多人試/見過咁猛料?
成日見腹隆的專欄描寫得咁誇張, 以為只係搞笑添...
講真, 部Lift咁新淨, 就咁睇我真係唔覺有乜鬼異感覺,
反而某d工廠大廈d 舊Lift, 即使係從來無發生任何事,
搭佢地果陣都會令我感到好不安

[Busconcamp]

作者: D.Luffy

咁多人試/見過咁猛料?
成日見腹隆的專欄描寫得咁誇張, 以為只係搞笑添...
講真, 部Lift咁新淨, 就咁睇我真係唔覺有乜鬼異感覺,
反而某d工廠大廈d 舊Lift, 即使係從來無發生任何事,
搭佢地果陣都會令我感到好不安

無論新/舊樓...
升降機機房及槽...
比升降機內籠恐佈n倍(指燈光.環境,聲響,氣紛)...

[clanyuen1]

我個人覺得
升降機房真係幾恐怖,尤其係成間房只有自己一個人做嘢.曾經聽過一單,話說有兩個的師傅去修理,當然要上機房檢查啦,當佢哋檢查左一陣,有人問佢地'你們做緊乜嘢？'佢哋呆一呆,但係冇出聲,快手快腳做完走人,當時深夜兩點幾...而我果一次,就日光日白,當時我一個人八點幾返到,但師傅未到,咁我就一個人在機房等佢，呢間機房有兩個出入口，就係我望住出口發呆時,我望到有一個人影經過,入左去制板後面，我當時以為係師傅，咁就走去,但係去到又見唔到人，咁我就開了全屋D燈，然後我就坐係門口等師傅回來,問左佢幾次佢先至講上面果件事出來。自始之後我唔會一個人入去呢間房。