咁我覺得人地重點都唔話依隻Zelda係咁啫...
客觀地講, 任記係角色或題材上一直都比較單一, 亦相對地以低成本開發遊戲(唔代表唔好), 未玩過或唔鍾意老任風格既人有依啲感覺都唔出奇.
但記住任天堂只係"一"間開發廠, 無論佢幾出色都好, 我地都唔應該要求佢"全能地"可以做所有題材既遊戲.
所以要以GAME評GAME, 好就贊差就彈~

講返Zelda, 依家睇返當中所謂既新元素, 老實講好多其實係其他GAME一早出現過, 你可以話老任無參考其他遊戲咩?
但我地玩開老任GAME大既人睇到都重好開心同興奮, 係因為我地知道老任係唔會只係"抄", 佢會用老任本身對遊戲既觸覺去把今集Zelda"合"做一隻好玩既GAME, 就係咁簡單~(我相信saberlam都係咁既意思)

完全同意，老任其實之前有訪問都講過，佢地有team人係會不停玩其他廠既遊戲，然後比返意見開發組，你可以話老任抄，但我覺得係模仿，然後配合自己風格出係自己遊戲度。其他廠唔係唔好，但合家歡類遊戲，係老任先做得好玩，你可以話係情意結，但好似孖車，火紋，明明好簡單既遊戲，點解係老任出先會多人玩？特別係近幾代火紋，鬼佬好鍾意，我見過有鬼佬係地鐵打到好入神，究竟係乜野原因，我諗要深入玩過老任既人先明白。