阿媽份遺書俾乜野做手腳 ? 點解要咁做 ?

後尾大叔有提到
以雙葉性格,如果知道自己老母俾人殺
一定會暴走 (大叔都知馬沙嫌疑好高)

馬沙為左保證份研究安全落自己袋
最佳方法係令人以為若葉自殺
偽造遺書係要精神面上打擊雙葉
唔深究若葉『點解』會死
因為一深究件事,研究同馬沙就會浮上水面

今次基本各方面係比前兩作神好多。
角色升COOP變得更重要，有支援能力，而呢D有D係RPG基本有（交替角色），亦有D係強化。
時間變得更唔夠用，比以前有更多活動，而自由活動時間又少左（要預告狀、改變迷宮認知多一兩日）
好既地方同大家覺得既差不多，講D唔同既感覺。

主角應該有無口之中最唔似無口，都睇得出性格，好多劇情都有對白。
其他角色比4淡既原因主要係4係以打倒同伴後加入、而佢地要面對自己既另一面，每個人都有自己煩惱要承擔既野，但5既龍司其實最路人，由頭到尾都無野承擔，佢只係好正常覺得做怪盜好玩，想一直玩落去既少年。
長鼻子今次最多劇情？而且特別，竟然係假既，今次雙子助手合一果幕好正！
不過4既佈局較正，由番長第一日入城，握手已經係。

迷宮真係以怪盜會去既地方都出哂，城堡、美術館、銀行、古墓、賭場、遊輪。

PERSONA︰今次D P有D失望，初期P除左杏同春之外都幾型，但進化之後，會長（變型金鋼？）明明轉圈用技好鬼型，龍司做咩係齊天大聖！？呢隻本身有開的，甘樣只係抽出黎，落基又係，比左明智用

塔羅牌︰真畫既好有今集既特色，但張張都好怪好邪惡，太陽曬死兩骸，死神斬左個頭，唔明點解女教皇手持咸書？

音樂方面個人都係鍾意3,4果種多D，今次ED聽得無FEEL

有D地方奇怪，應該仲有加強版︰
讶姐審判既支援係????，應該係有野
最後果到講主角同莎係升降機相遇好巧合，特別提呢到好怪
總覺明智果下係未死，雖然講左失去反應

認知世界︰呢點其實幾正，因為甘可以合理出現甘多迷宮，而且有D用日常現實既認知，貓變車果到係講唔知點解人會有甘既認知，所以佢變到（唔釋錯的話），應該係龍貓架車。銀行果到龍司叫佢拎秘密武器就話自己唔係多啦A夢
特別最後D人唔承認怪盜團，所以佢地消失。

唔係係自己留意左時事政治定真係D GAME加入多左政治？P5都好現實甘講，最後果到真係現實到無人有，大眾明知係錯，但只想唔洗理甘多，平平安安過日子就得，即使係錯、會死都無所謂，只想係呢個似自由非自由既牢裡

希望ATLUS快D出新作！