RYZEN 7600X vs I9-12900K
https://www.youtube.com/watch?v=zFNWHTUt6dY
如果唔係出了RYZEN，可能現在I7依然係4 core
拭目以待INTEL第13代點樣反擊

如果齋砌嚟打機，原來隻 5800X3D 已經夠打低舊 i9，死未？但係低檔啲 AMD U 就爭啲，而舊 7900 實在太「炙手可熱」～

兩邊今代似乎都係放棄個位數% 的性能就可以將耗電發熱降到相當合理的水平
而amd 堆X670板真係好貴

不過目標都係等3D cache 版zen4 先再算
順便等低CL值的DDR5 價錢再合理啲

而家除咗 RTX 3 系冧價之外，乜都仲係好貴，I 記啲第十三代目未知，係啲新嘅 7xxx 食電算係咁，但熱力真係迫人，95 度係新常態，死得喇，日日開暖爐；性價比唔掂，據傳 X3D 版今年 11 月出；賢妻批咗筆蓆，黑五砌機唔等，玩 5800X3D 算，反正慳得就慳，打機又唔爭得 7900 太多，飛 DCS 都係睇粒 GPU 多嘅～

I 記開晒啲13 代目，啲數字有啲水份嘅嫌疑，月中等評論解禁，睇實測好過。

AM5 唔止粒 U 貴，又一定要用 DDR5，而啲板仲貴，據啲 YouTuber 報，啲銷量認真麻麻，到 I 記啲嘢正式上架再算～

有獨立性能測試數據出咗，i9 13900K 撼低咗粒 R9 7950X，不過食成 300W，如果老闆又用埋 RTX 4090 呢類大食怪嘅話，張電費單都唔好話唔傭～～～

睇咗條片睇用實 game 試，同打機「專用」嘅 R7 5800x3D 比，除咗 Cyberpunk 2077 同 Far Cry 6 新 i9 大幅領前之外，其他快得唔多（？！），死未？啲片有勞自己搵。

跟住 i5-13600K 唔係快過，都好接近 R5 7600X，又可以繼續用 Alder Lake 啲「舊」板，點搞吖？！

13代真係好堅

i5快過12代 i7

而且13代overall唔係快5-10%咁少

重點唔係新一代ryzen值唔值得買，而係佢迫到INTEL要出啲贏到佢的產品。
如果冇ryzen，肯定INTEL CPU唔會有現在的效能水平

都有錢買到4090呢個LEVEL嘅卡, 真係會在意電費?

張咭分分鐘中一月金個部機其他部件加埋，電費嘅嘢～～～ 可以將就將就～

另：CES，AMD 公怖咗三粒 X3D，遊戲向嘅 U，二月中發售。上個禮拜，先失驚無神推出 ZEN4 系嘅鎖咗 clock 嘅 U，部份性能唔爭得 X 系咁多，但價錢平一截，除咗啲底板同 DDR5 RAM 仲係死貴之外，對照返藍方 (Intel)，真係化算好多。

好似我咁情況的話在意既唔係電費
始終又唔係日打夜打，而係發熱量令室溫升溫問題
本身用緊3080ti 降電壓同時限耗電到300W左右（等於default 400W 時的95%性能）
室溫10度，窗只開一隻開條細空隙換氣
玩一個鐘成間房已經變左炎夏時27~29度
基本上20度時想打機都要開冷氣

前幾日見今年bonus 比想像中多好多
換左4090, 同樣under-voltage 同時限耗電到260W 左右（同樣等於default 95%左右性能）
已經快過張3080ti 唔止一半
仲要機箱排出既風係涼好多
3叔8nm 同TSMC 5nm+ efficiency 有無爭咁遠
這程度的發熱量明明唔需要咁大個散熱
攪到依家是但全部4090散熱都係overkill

（唔理，開始離題）只係玩 DCS World VR，睇過啲監測數據，張 MSI 4090 都係好係老世咁食緊 300 零 W 左右，就算玩 MSFS 都係咁上下，係咪真係要 Cyperpunk 2077 呢啲先至推得盡啲？！已經降壓去到 920mV，事關再低啲已經唔多穩定，DCS World VR 會死，唔係 VR 反而無乜事。有少少後悔，個牛買咗成千 W 嘅完全係嘥錢 -- 唔係本人想，NVIDIA 「勸」人玩 4090 起碼要個 850W 嘅牛。換過角度睇，有人拆咗張 4090 FE 睇，成張咭老蓮咁大咁長，副底板其實佔三份二都無，大部份都係散熱系統～ 而成個設計，啲用電功率預得好鬆，好驚死未來啲 game / app 會扯得更盡。

講溫度，呢樣緊要啲，又係睇啲監測數據唔太誇張，頂晒籠都係六五度樓下，最甘反而係粒 U，R7 5800x3D 可以滾到 68 到 70 度左近，一嚟佢個架構疊埋啲 cache 玩威化餅咁，會好熱，二啲本人因為嫌唔襟唔玩 AIO，只係用個一般到唔一般嘅 Cooler Master Hyper 212（部機搵人砌嘅，啲料選擇好有限公司），係爭啲，係好在仲未要 throttle。因為都知啲料有幾熱力四射，個箱用咗極誇張嘅 Factral Design Torrent，跟箱已經有五把扇，前頭有二把 280mm，下面有三把細啲嘅吹啲風上去，後面自己加咗把 120mm 嘅扇扯啲風出去，除咗發力嗰陣幾嘈之外，好在都未做到暖爐嘅效果。

留意而家天頭仲係涼，遲少少熱啲就知味道～ 可能真係要玩晝伏夜出。

4090要 1000w啦.. 除非你用i5先可以用番850w

依家用緊4080 + i7, full load GPU行blender render行成晚都係70度，玩落都放心，但都足夠當暖風機了 haha

其實太多因素要計，廠當然有理無理講1000w 穩陣無死
特別依家13th gen i7／i9 郁d都300W，瞬間power spike 仲可以咬到4xx W

如果係atx 3.0 既PSU 850W都好穩陣, 預晒buffer應付power spike
但atx 2.0 打前既PSU如果夾13代i7 i9最好都係1000w 穩陣d
始終GPU + CPU 一齊power spike個一下都幾多


不過我自已套5600x + 4090都只係用緊800W的鈦金級PSU
CPU&GPU兩者都UV完
full load晒睇watt meter 都未用到450W (實際俾左幾多電部pc仲要打返鈦金級93折）

上代30系 UV+power limit 75％已經無可避免效能開始降得多
今次40系 UV+power limit 65％都仲可以維持default 的95％ 效能
uv完張4090依家行2850mhz full load 風扇低轉速都只係55～57度

真係咁怕突然扯電？據啲測試片講，用到最新一代啲 U 真係好熱～～～ 譾到扯電又未到太離譜，如果係咪真係「未來導向」，唔識答。

4090 真係有銀嘅話，升級真係好值；但係下面啲 4 系，性價比真係 -- 爭啲。（唔好打面）

用 Unigine Heaven 4.0 做測試，uv 之後張咭行到 3105Mhz (係個 benchmark 噉講，反而其他各個監察軟件都話只有 2730MHz），頂峯溫度都只係 63 度。算係咁。

按：學老細試下粒 GPU 推上到 2850MHz 睇吓會點。

我Day 1買左4080講兩句

打機唔值啦

我主要用來行Blender，Blender個增長係Match番價錢差距; 有24G ram當然更好，但我知我個workflow 16GB都夠用

另外見佢多左AV1 encoder，呢點同30比係行到同行唔到的分別

當然諗過上4090，但當時除左GPU差別，再計埋PSU，機箱又要遇大少少就條線 (依家用緊Asus AP201)，最後就係用得4090又會諗i9... 加埋加埋就唔係差一千幾百

嘻！呢度志在吹水、「分享」啫，無所謂～

打機真係唔值，但係有人話轉返轉頭用返 RTX-3090Ti 可能仲抵玩，分分鐘畀你挖到返塊 EVGA 板，RAM 又多啲，係無咁正嘅 DLSS 同 AV1 啫，而 AV1，無記錯，要個軟件支援 AV1 先得，事關呢個 encoder 好似都比較新。

而粒 U，要睇返好似 Gamer Nexus 佢哋啲數字先講，性價比啲新 i5 好得人驚，尤其唔超用嚟做嘢嘅鎖頻 U。

13代PL1 / PL2/ PL4 個數值又改大咬左
i7／i9的 PL4 實際可以咬到4xx W, 當然PL4 只係講緊維持幾十ms 之內既時間

而今代40系個power spike都改善左好多，
(定因為12VHPWR熔頭事件? spike極都唔會多過TGP 既450W多少)
如果30系或者A卡RDNA2/3頂階，個瞬間power spike都可以上到600W
cpu同gpu一齊spike個下如果隻PSU本身只係預岩岩好buffer 唔夠的確就reboot

關於 4090 電源插口，個亂鬼籠嘅設計，出現會溶嘅問題呢單嘢，經 NVIDIA 同有啲幾專業嘅 YouTuber 調查過，指係砌機嘅人因為設計嘅甩漏，以為插實咗其實未，搞到個插口過熱而溶化。

冇嘅，唔買都買咗咯～～～ 賢妻早知個價位都無乜噪，都係「唔好搞大件事」～～～

(又離題）GamerNexus 轉報，有報導指 RTX-4080 會有改版 GPU 使用，雖然 NVIDIA 有前科，又未知有乜分別，救唔救到個銷情，要等班大佬們出啲表現數據先算。

另，完全唔意外，有傳話 RTX-4090 Ti 公怖在即～～～

減價最實際
變返好似GTX 960時代咁樣，中階card US$199就肯定好銷量

老闆，呢個價好似連 Intel 張 ARC 都買唔到～～～

intel 張 ARC定價都係跟nvidia啫。
你nvidia賣到咁貴，我只要平你少少就已經可以有市場，唔賣貴Ｄ就傻仔。

從來科技產品都係隨住科技進步，性能提升之外仲越賣越平的。
而家nvidia野心想改變這個規律，如果認同就中計了。