thank you!!
跟住既兩年絕對係人生最重要既兩年!!

又有幾嚴呢
如果真係一 OT 就 lock，咁大部份都一早 lock 了，包括呢個 ~ ~

亦都唔好忽略健康 =)

thx!!!

多謝大家

健康? 那是什麼?
香港有E樣野咩?

事實喎

是嗎，那就看看這個版塊將如何造化吧...... =)

或許真的，很多人都沒法關注自己或身邊人的健康。
有空的時候我會叫自己再聽聽這段 youtube ：

http://www.youtube.com/watch?v=GPHaRcG3_VY

其實冇乜特別,我只想入來的真係講情而唔係講點樣比其他講情的人閃親,咁已經夠.
越來越做唔起個討論氣氛,自然越來越少人留.

克~ 閃親個下我諗大家初初都只係講笑
講講下不自覺沉浸左/習慣左說話模式......等等，好多原因，而沒有多元意見互相對比。所以先係變得好似一言堂咁...
其實有多元意見係好，起碼大家都可以有機會彼此交流，結果到最後總會有機會知彼此知幾時先係講笑幾時先係講真。

反而真正令到多元意見消失既原因唔係呢一樣，真正既原因，真正既劊子手
係有人呻閃前既一年多或更甚之前已經出現左
而家一味只係有人呻閃，唔係因，只係果之一，或者只係稱之為副作用。

不過，我諗當時人都係渾然不覺自己之前所作所為對個情版有幾大創傷架啦......算把啦

ps~ 其實上篇野，我指要有勇氣面對呢個結果既，從頭到尾，只係針對某一個人
而關於呢個人既同一點，我在明、在暗 (其實我對某人呻完，相信呢個人會有機會不經意地幫我宣揚開去咁解。) 這些年來我將同一點講左不下數十次
而且更唔只我一個人講佢同一點。

可惜，當事人還仍然堅持『市場』就是他自己本身，他認為自己的市場方針絕對正確。那好吧，其實沒有問題的，反正情版又不是屬於誰人的
雖然曾經留下腳毛的地方變得冷清總會覺得有點唏噓，不過人總需要向前走，沒能跟從步伐的，或許只能在逼不得已時作出取捨吧?

其實，往往係容易o係人地身上睇到問題，
而比較少從自己身上發掘錯處；
不論係做人上、事業上、感情上甚至討論區上，都一樣。
有人能力不足，有人意見不絕，有人逃避問題，有人冷眼旁觀，有人態度不善，有人過份主觀，
有人，實有人有問題。
點都好，我覺得與其力數對方有何不足或冷言冷語幾句就走開，
又或者大家各執一是、企o係自己角度唻諗件事係點，
倒不如搵多d 話題同大家分享，可能會更好。
始終，o係呢度就算拗贏左，又會點?
贏左呢個 post 、有人認輸，之後個版就會終於變好、聽晒你話?
咁不如為其他 topic 或有趣o既事情打多個字好過。
雖然，大家越唻越大，可能會各有各要忙、未必有心力再花時間o係網上世界，
但有時我寧願大家網下過得開心、都好過上網就變得勞嘈。
可能依然會有人唔認同，但唔認同還唔認同，
只希望大家能夠平心靜氣討論，就好。 =)

講得冠冕堂皇，但實際係點？
比起口中所謂力數人家不是、或者冷言冷語走開
人類更慣常的習性反而是「不理他人瓦上霜」
「你要點做，咪你既事囉！反正唔上呢個壇，仲有千千萬萬個壇；唔上壇，我仲有千千萬萬樣野做！」
然後連丟低一句都慳返，跟手徑自走開。
自從你單人管版，經歷那一個所謂的「怒lock post潮」之後
成年黎，情版有幾可可以每日有post可以得閒追下？
反而日日上黎，見到無新post既情況彼彼皆是！
更甚者，成個其他區，簡唔中都會見到成個catagary 都係紅箭頭，雖獨情版一支獨秀藍箭咀！

當然你可以繼續用你閣下既尺度去為自己辯護，聲稱自己已經管得唔嚴云云。
不過都係一句，呢個係屬於大家既壇、屬於大家既情版；而唔係你既私人FB，個人Fan page，Xanga 微博，你管得嚴唔嚴、過唔過火，唔係你一個人說了就算

市場係會因應環境而自我調節的。

如果去到今時今日，你都堅持自己無需要為情版的門可羅雀負上自己的那份責任，那我也無話可說了。只能跟你講一句自求多福。

不過都講句公道話，有時呢度既人講野有時幾曲線同尖酸刻薄，的確唔係人人受得到（拿，大家，有得罪既就放過我，當我細路仔唔識世界呀下-.-），作為版主你認為有需要去調整我覺得無可厚非的。

btw，已經不只一次聽聞閣下事忙沒有時間管理版務，要是真的分身不暇，且問你將會如何取捨？

___________________________________________________________________________________

ps唉，我都唔明點解自己會咁多牢騷...明明只係一個叫做留個腳毛既地方者，其實係咪根本冇必要為呢個曾經有感情既地方咁上心？

我而家就真係分身不暇，要睡了，你慢慢 =)

做咩無啦啦會擺我上台..

其實我本身都唔係要講d咩野惡意說話
純粹係尋日見到碧克講既幾句[嫌閃嫌到出聲就唔好],順便有感而發
佢講到咁樣會令到出Post既人更少[因為放閃光會比人話]
我都同意.另外加上我一直認為lock topic比較多既現像..

所以我就想話幾個原因加埋來會對此版長遠造成不良影響而已..

我冇心推你位列位班......Sorry...

我都冇心想講惡意說話-.-
純粹係講出一直以黎心入面既意見而已（一直以黎一OT就lock post既情況非常嚴重）

可能大家唔同意，但在我眼中呢種做法係引致到「情版人流少」同埋「嫌閃嫌到出聲成為風氣」既起源同最主要原因。
流程如下：

情版聚集會眾吹水 -> 有不同意見及態度的人磨合 -> 一言（與版主理想模式不合）就 lock post -> 開始有人覺得反正講講下都會 lock post，費事白費氣力，食花生算 -> CD-rom多過講野既人 -> 出post / 覆post人士寥寥可數 -> 湧躍發言者的說話模式或習慣會視為主流模式，但因人流銳減而未能利用彼此交流及溝通等方法令會員間的模式作健康調節 -> 一言（與版主理想模式不合）就 lock post，同時俾人覺得情版中人個個都只識串咀或討厭人放閃光彈云云 -> 覺得白費氣力既會繼續覺得白費氣力 -> ........

老實講，睇返上面個流程，責任係在於雙方（版主同會員），並非如上面某人所述，只係一味抽著當事人的不是去發大黎講。我咁激氣，只係因為本來有方法去令會員間彼此調節，但係因為版主一成不變的做法，間接摧毁左呢一個可以自動調節的modify system，而佢又冇發現呢個問題之餘，公然講自己冇問題，呢點先激心。

（注意：成件根本就係對事唔對人！早排先係旺角開益見到中大同佢打過招呼~我對佢本人冇乜野...
[雖然佢fedback返黎個樣好似有d芥蒂咁~或者係我錯覺？]）

最後，我都怕我自己激錯氣講錯野
尋晚再認真chk多次藍妹當年寫的《情誡》同埋GAF的公用版規
就我理解，我睇唔到兩者有任何條文明確地列明
版主需就「所謂OT」的情況有執行職務的必要。
（當然，如有，請不妨提出。）

到底呢個係版主的義務？抑或純粹係個人的見解？或者趁呢個機會，大家可以好好諗一下，同埋俾返意見出黎。

噢，事情突然告一段落了

原來同中大之間一直存在住好多誤會

btw，難得中大你不存芥蒂同我平心而論，謝謝！

有機會互相溝通是好事。 =)

比起文字，有時直接對話更能發現問題所在呢，
不論人事、或感情方面 ~ ~

既然有誤會
可以可以將講得既講出來?
而家你地兩個解決左姐

我地呢d會員都係唔知咩事架喎...

談下去大家都發現對方都只是想為個版好，就是這樣 =)

你地一齊做版主吧

那不如你們做~

我比你上來的時間更小

事實上版務人人有責-3-
上面都提到版的盛衰係在乎人與人之間的互動
版主是人，版友也是人，彼此間的互動其實很重要

又，麥C，無論你係認真又好，揶揄也罷，其實我冇資格做版主
你問老野就知我做版主的話會幾失敗XP

與其係咁，不如做個熱心協調大家、然後識趣走位既百搭keyman活躍會員算數: p

Deviantnip，其實只係我一直誤會中大冇諗過我講既野者。同埋原來有幾個可以直接溝通既機會
最後因為好多原因而擦身而過
其實如果我地當初可以早點通這一通電話，所有事情就容易解決好多，哈哈XD

見中間話你同佢都係想個版好
咁就有資格做啦

做咩要問老野!?