呢個係分身, 無咩點用過
實情正身都上左GAF, 大大話話都至少六年
以下小弟之言論, 希望唔算係日記式啦
始終唔係忽然間今日發生左咩事, 係想講下上左GAF咁多年種感覺

初初上GAF都係因為上網搵動畫時無意中發現
自己鍾意打機睇動漫睇波, 呢度有齊晒
而且有一點我好欣賞(亦都係維持到今時今日), 就係唔會出現粗口橫飛之情況
另外亦唔會有咩極品小白, 會員普遍發言質素好OK, 加上又有大量正版同好
漸漸地上GAF可以講成為了生活一部分
上GAF呢個動作好似已經變成左習慣咁, 一日無上好似有D唔安樂咁

之但係上左咁多年, 果時種熱衷係早兩三年已經開始消失
客觀咁去睇GAF呢個論壇, 都覺得有D問題值得反思
GAF發展到今時今日, 我覺得已經形成左一個CLOSE COMMUNITY
即是新會員都幾難容入到GAF種文化
而舊會員, 或者可能年較大左對GA方面興趣減少而慢慢流失
響呢兩三年真係觀察到GAF出聲既人越來越少, 更加無咩新血

另一樣野我覺得有點負面, 就係 無知 呢回事係GAF好似一種罪咁
如果有人對佢唔係太認識既話題發表自己個人感想的話, 會被人怒插 (如清談講政治堆TOPIC)
講錯少少理解錯少少, 一定會被人修正 (如主機版討論銷量堆THREAD)
加上版主們一向強政厲治之作風, 係GAF生存真係要慎言
安安全全咁跟紅頂白, 唔好亂咁提出異見引起討論以免紛爭
GAF好似一個社會既縮影咁
但就少左一份包容, 包容到唔同人唔同背景唔同意見果種包容
我都明白或者呢D都係為左杜絕小白
但每個人都唔會每樣野都識
如果要RESEARCH完一輪確定POST內容無錯先出的話我覺得幾辛苦
可能呢個係GAF少左人出POST之其中一個原因
令到GAF無以前咁多唔同種類見解同聲音, 所以我自己覺得GAF越來越悶
每個人出身背景經歷唔同, 所以對一件事有唔同意見其實好正常
無論果個人既意見有幾無知, 或者幾港女, 又或者同自己有幾多分出入, 都應該比D尊重咯

可能只係我自己個人諗法唔同左, GAF呢種批評式文化已經唔適合我
同時間我都係上述提過果種年紀大開始對GA減少興趣果種人
我諗我都差唔多GAF畢業... 正身分身都唔會再點出聲
出呢條THREAD, 算叫做為自己上左GAF咁多年做一個總結
同時借用某GAF出位人仕之一句
我都係想拋磚引玉姐
希望呢個TOPIC可以引起大家都講下對GAF有咩感想
如果我上述意見引起任何人不快不滿, SAY聲SORRY



最後要多謝YUI大, 整左一個咁好咁正氣咁有秩序既FORUM
仲有NEO大同MONEY大無私咁為大家提供咁多最新最快資訊

幾同意閣下睇法,
不過政治TOPIC就邊度都一樣, 特別火d

>安安全全咁跟紅頂白, 唔好亂咁提出異見引起討論以免紛爭
又未至於會跟紅頂白, 不過預左比人插ge時候一般我會選擇唔出聲算

有野講錯比人修正無問題架喎,做下research先出post亦都係d網上論壇好基本責任

>安安全全咁跟紅頂白, 唔好亂咁提出異見引起討論以免紛爭
通常都費事post，反正一定會比人插

我都試過比人插,插完之後都無乜心機去討論了
總知有異見而同人地主流意見唔同就會好容易比人插

有好有唔好

好的是無咁多無意義的reply
但係壞的是對參與討論的門檻提高左好多

呢度係容納唔到架啦
不過我就係咁先要存在係呢度

咁不如唔好叫討論區，叫同好區算了

我覺得GAF既人已經算比較文明，肯講下道理~~~~外面既froum仲狠呀!~

無人迫你留低,
有時D野, 唔好要人講到咁明
寸同尺你依家分到未﹖

另回樓主,
至於唔同論點就俾人插一事
我覺得剩係唔同論點係唔會俾人插, 而係, 有時A君明明係講錯野, 講下講下又變左對人不對事時, 俾人群插我覺得好正常囉

即係迫人接受你個套價值觀?
呢樣係其次
明知呢樣野係有問題,但人地唔覺個下先...

有d覺得係d新人太依賴呢度...可能見d情報太快..
(自己工作上見)可能宜家d後宜仔都係咁...

game版見過有人係咁推topic問有冇新情報,兩日推一次
講真有o既唔會冇人post,冇o既你推都冇用...一係自己去搵....

Just let it be eliminate

都唔係迫, 其實好多時罵戰TOPIC裏面, 開頭兩方面都係有POINT去討論件事的
奈何總有其中一方, 或者有人介入, 言語上令其他人唔太舒服, 先至會開始罵戰...
就我為例
一單我自己係度話東涌點GE, 就有個會員插入齋插我講GE野, 我開頭都好聲好氣回,
但係佢一方面剩插我又無POINT.
另一單, 樓下冷氣機搞到我屋企地板出汗個單, 唔多講了, 相信好多人都有印象

呢個係另一個問題...見係其他FORUM, 都有好多神人以唔好GE口氣去問字幕組幾時出新一集...大佬, 真係唔洗錢幫佢地打工咁...
另外, 有D會員俾人話完一次都仲要亂嚟, 講左一次唔可以係買賣版度問, 邊度有GAME賣, 佢過一陣又出一個邊度有輕小說賣GE POST
AI........無法, 可能暑假關係

但係唔見得群插果班係有理講得服人，然後就人身攻擊
同埋成群為插而插
仲要係唔同topic抽以前既topic野ot，呢個都good喇
不如將我出過post既topic黎抽喇

有人話佢自已住公屋丫麻，post左幅圖出黎咁既格式同有公屋真係未見過
早知當時就踢爆佢喇

上次個POST係邊個有問題GE, 我唔再多講, 大家心中有數
呢個TOPIC就我GE問題, 我又引左隻野入嚟玩野,係我錯

某物又再突顯中文白痴, 你咁鐘意自我解說GE你講夠佢,
我唔想騎劫左樓主個POST

btw未聽過早出post果個係比佢遲入同quote佢既post既人引入黎
呢下真係長知識

你地兩個都好大仇口喎..
不過你地兩個既事外人就不插口了..不過只想說一句..討論時小心用字吧..

無咩感覺
一個forum,唔使錢,比較守規則同正氣

會員黎架野個人覺得貴精不貴多

幾個版主不斷POST新料,仲要超UPDATE, 剩係呢樣都已經好好了

感覺出post個d來來去去都係個班人
新人出post好多時都冇人理.

有時game版，以我所見，有人問野，我通常都答左先，另外加句想知更多資料可以看看頭post
我自已都唔知點解

私人恩怨私下了吧

特別係遊戲版~其實個人覺得版主都好少用權,唔明點解會有人咁不滿

個個都有新人既時候
我自己真係唔覺有人會因為「舊人先答」「新人唔答」