前幾日同男朋友既家長食飯,
自知同佢地既生活態度好唔同, 所以結果同預期一樣 --- 佢地唔太喜歡我。

因為我年紀比我男朋友大 (雖然只差一年), 又知我係男朋友既前上司, 佢父母已經唔係太喜歡。
見完我後覺得我不合佢地眼緣, 我搵錢比我男朋友多, 佢地覺得我只是當男朋友係水泡騎牛搵馬之類。
又覺得我比起我男朋友強勢，將來結婚我會管埋我男朋友既錢 (男朋友會承繼家族財產既第一人), 佢爸爸好CONCERN錢, 好驚我會搶走晒咁...

講真, 我宜家都係白手興家, 將來自己都會有屬於自己既物業 (只係宜家個市太高追), 亦無諗過要靠邊個點點點...
雖然男朋友本身都唔太喜歡佢屋企, 亦叫我唔好諗咁多, 不過心中總覺得有點唔舒服... (不過我打完出黎已經好返左DD~~~)

只要你男友企得夠硬的話,佢家人最終都會接受你的,睇佢點處理.

你咁講似乎你男朋友家人有返咁上下身家...

不過日久見人心, 假如你真係無心去 "爭產" 的話, 佢地遲早都會知, 當然...過程可能會好艱辛, 肯定受好多氣, 都幾考驗你同你男朋友0既感情

其實都唔係...可能舊時係中國經歷過D 文革, 家族情仇之類, 所以佢爸爸淨係信得過「錢」呢類野。中國人思想對姊弟戀不太喜歡, 覺得我令到佢「無面」。

我無意爭D咩, 如果講有錢, 我家族同男友家差不多甚至更多, 但為了不受家族束縛, 我寧願走出黎由頭開始, 本身亦有力靠自己。
男朋友唔喜歡自己屋企但其實算係孝順仔, 雖然佢叫我唔好諗咁多不過心中難免有D唔舒服亦擔心男朋友左右做人難....OTZ

靜係講左一邊既？
你男友見左你家長未？四大長老互見未？
咁快就煩好似言之嘗早，有排你煩

講真就算你窮過佢好多都好都代表唔到d乜
係有心呃既細過佢都可以呃到佢身家
根本佢老豆只係concern錢
要解決錢既問題最好既解決方法就係用錢～

雙方都有錢O既話，應該可以搵律師簽紙一旦離婚唔會分家產，唔少外國明星都有做，亦都因為佢O地係明星，新聞才會報，相信唔少人都有做，只係新聞唔會報。

我知道, 其實無論我係咩 SITUATION 佢都有位挑剔, 所以其實都好無奈...(而且唔否認我仲有D憤怒)
至於我男朋友一早見左我屋企人, 而且都我男朋友經常黎我屋企玩同食飯, 因為相對佢屋企, 我屋企就好似另一個世界, 我既家人支持我地既戀情, 而且都唔會比佢有咩壓力。

其實佢屋企唔算真係有錢, 我直接咁講, 佢有D 被逼害妄想症, 我覺得我無論點做都唔合乎佢心意。

點解咁似我聽返黎既case 佢屋企人又係好驚好個仔蝕底咁 sosad
咁你男朋友其實係咪好驚佢屋企人~?

萬事起頭難,呢D要長時間了解, 冼乜咁在意,同男友開心拍下拖先啦...

其實，我老婆同阿媽關系唔係禁好，結婚前咪忍
結婚後，一年見唔過10次，大家唔洗煩

車 你鍾意佢個仔又唔係鍾意佢屋企人
一年頂盡大時大節先食飯~~
駛乜咁上心

個男仔幾大？二十代？三十代？

你不如追下post先~....
....
...
..
.
點解舊post你有回o既...?
咁不如你回憶下先
http://www.gaforum.org/showthread.php?t=235977

http://www.gaforum.org/showthread.php?t=213491

Thanks樓上.

其實大一年都唔算得係姊弟戀, 你哋兩個都未到30仲可以叫年青, 只要將來唔係同住就唔駛太擔心對方家人相處問題, 個男仔會維護你的話就更加唔駛擔心, 就樣時間証明及治療一切吧!

大一年唔係好多姐，佢家人盡量小見唔使煩

我不如咁講,點解大家都係建議唔好成日見呢?

睇樓主的情況,樓主男友係大仔之餘,應該係全家唯一男丁對吧?
係中國傳統思想中,長子係一定睇得好緊,特別係呀媽,我呀媽都係咁,好着緊自己伴侶點點點

其實去到結婚,一定會雙方見家長,簽紙都會,如果你地雙方都唔處理對方家長的問題
唔好講樓主難做,連雙方家庭都一定會有心結,久而久之一但撞正炒大鍋,雙方家長係有叫對方鬧離婚的可能

而家樓主唯一做法係先令男方家人接納左你,嘗試多去男方家人食飯或過夜,等男方家人摸清你個底先,仲有的係你自己都要減少本身的被害妄想先,初期實會有閒言閒語,但只要男方家人知道你係乜人,就會容易放下心防,咁就會較易接納你

樓主同你男友搞唔掂雙方家長只有更頭痕

利申:自己搞緊結婚,都煩呢D野......

有能力的話
skip對方全家