[港產] 男極探射燈 - 主演 李逸朗

[凍檸茶]

【真係呢個戲名？】傳齊昕新戲叫《男極探射燈》 與陳惠敏演父女？

建立時間: 0210 17:08

特首梁振英女兒梁齊昕殺入影圈，接拍劉俊輝監製及導演新戲，戲名傳係叫《男極探射燈》，將於今日傍晚喺沙田舉行記者會。

而齊昕於呢部戲將與另一新聞人物李逸朗演情侶，據悉齊昕於戲中演一名愛心社工，有傳該片還有大膽床戲，而貴為影壇新人嘅齊昕，片酬達6位數字。

有 傳陳惠敏將會喺戲中演齊昕老竇，本報致電陳惠敏，佢反問：「係唔係真呀？」問到期唔期待同CY女合作，佢話：「咁佢都靚女，都有睇頭。」

我一定入場支持齊昕

[歌絲˙暮斯]

十卜十卜

推

[Terry仔]

你真係唔理好醜，乜都食得落

[朝霧 海斗]

特別演出 私煙bb

[凍檸茶]

由李逸朗主演嘅電影《男極探射燈》噚晚喺尖沙嘴舉行煞科宴，呢套戲由籌備選角到拍完，都大把是非。而本身李逸朗都唔少是非纏身，佢返嚟香港發展，早排去中環搵舊拍檔蔣雅文（Mandy）影咗張合照，跟住故事就不斷延續，李逸朗再拍《100毛》短片，被直指抽水，連退隱咗既Mandy都忍唔住開腔。

李逸朗前日已受訪講咗一大堆澄清，之後再於fb貼文，但臨時殺出謝老四掌摑曾江事件，上唔到頭條，於是晚上再寫一篇，話「希望大家繼續支持Mandy」，仲自認係「傻女」啦，又話如果佢同《100毛》條片為Mandy帶來不便，李逸朗表示「我深感抱歉」。個po最後一句係:「請各位媒體朋友别再為這件事打電話給我作採訪，因為我不會再回應更多了，多謝。」

之但係，李逸朗真係好nice，呢頭話唔講，嗰頭又講。噚晚去到煞科宴，例牌被問，對於Mandy講到明嗌佢唔好再抽水，李逸朗由頭到尾都氣定神閒，仲話喺呢個活動講埋之後都唔會再回應。即係，肯講喇。

李逸朗話：「我冇抽水，如果要抽就搵大陸拍緊戲嘅朋友，大家睇嘢方法同方向都唔同。其實好小事，冇乜嘢要交代，覺得好好笑，可能娛樂圈冇乜新聞。」仲話唔會因為呢件事特登打畀Mandy澄清。

再被問及嗰張「七年之約」合照，李逸朗表示：「係講番七年前我哋離開公司，佢去台灣發展，我去大陸，大家都叫對方俾心機做，唔可以常喺三、四線浮游，要對人生有個交代。大家互相鼓勵，所以返嚟有時間就去睇下佢，只係幾分鐘嘅事。」

幾分鐘嘅見面被勾起塵年嘅緋聞，李逸朗好似冇否認過拍拖，佢就話：「一路都冇承認過，有否認過，只係大家好似掩住眼冇睇過，我哋只係工作上朋友，係公司安排。」仲話如果大家堅持要咁睇，佢都好無奈。