|
12-14-23, 09:00 PM | #1 |
The One
註冊日期: Sep 2002
文章: 31,562
|
《蒼鷺與少年》(The Boy and the Heron, 君たちはどう生きるか)|宮﨑駿半自傳式奇幻物語 吉卜力工作室首部IMAX動畫
https://www.ghibli.jp/info/013702/
https://www.ghibli.jp/works/kimitachi/ https://www.imdb.com/title/tt6587046/ https://zh.wikipedia.org/zh-hk/%E8%9...B0%91%E5%B9%B4 https://youtu.be/M9x73v-R2Nw?si=b_cv4-tvEMLswyAZ ★★★宮﨑 駿 衝擊想像 奇幻巔峰 吉卜力史上首部IMAX動畫 睽違10年,傳奇動畫大師終於回歸大銀幕!製作耗時長達7年,年屆82歲的宮﨑駿獻出生涯最意想不到的匠心傑作《蒼鷺與少年》(日:君たちはどう生きるか/英:The Boy and the Heron),衝擊觀眾想像,再創奇幻巔峰! 作為宮﨑駿第12部長篇動畫電影,今次新作承襲了宮﨑駿最擅長的奇幻題材,講述主角真人失去母親後,與神秘蒼鷺展開奇幻冒險,經歷蛻變成長後,選擇活出自己人生的旅程。今次作品將會最貼近他的人生和思想,備受全球粉絲熱切期待。 《蒼鷺與少年》除了是宮﨑駿久違銀幕回歸之作,也是吉卜力工作室史上首部IMAX動畫,呈獻極致悅目的手繪畫風。電影在12月將於香港隆重上映,邀請觀眾今個聖誕一同踏上全新奇幻之旅。 ★宮﨑 駿 半自傳式奇幻物語 宮﨑駿被譽為日本國寶級動畫大師,生涯合共執導了12部長篇動畫電影,亦是全球知名的動畫製作公司吉卜力工作室創辦人之一。2001年執導的《千與千尋》叫好叫座,更成為史上唯一一部榮獲奧斯卡金像獎最佳動畫長片的日本動畫,為日本這個動畫王國於國際舞台上寫下歷史一頁。 宮﨑駿的作品向來揉合個人經歷與奇幻創作,今次他在新作《蒼鷺與少年》更是毫無保留,是一部探討生命、死亡與萬物,並向友情致敬的半自傳式奇幻作。電影的主角真人有著與宮﨑駿重疊的少年時代,不少影評亦讚嘆這是他最個人化的作品。 ★啟發自少年成長故事 電影的原標題《你想活出怎樣的人生?》靈感來自作家吉野源三郎創作的同名小說,書中講述一位十五歲少年「小哥白尼」,在舅舅的引導下思考「人之所以為人的價值」和「生而為人應有的態度」。帶出即使世界變得殘酷,我們還是可以決定要用什麼樣的姿態好好活著的核心訊息。 ★零宣傳打破日本IMAX首周票房紀錄 ★打入台灣影史日本電影票房十大 電影於日本上映時,在「零宣傳」之下仍聲勢凌厲,超越《千與千尋》同期紀錄;於7月14日上映至今總共錄得超越84億日圓票房。這亦是吉卜力工作室首次設IMAX播放版本,萬眾期待下使其超越《鬼滅之刃劇場版 無限列車篇》,創下日本IMAX首周票房的歷史紀錄。於台灣上映不足兩週,即榮登台灣影史日本電影票房十大之列,足見宮﨑駿的奇幻世界依然魅力不減。 ★宮﨑 駿 動畫祭 10大經典迎接新作《蒼鷺與少年》 在期待《蒼鷺與少年》上映之際,香港觀眾可以率先到大銀幕重新欣賞宮﨑駿過去的經典作品。「宮﨑駿動畫祭」由11月24日起,將以十大經典迎接新作《蒼鷺與少年》,於MCL院線及英皇院線指定戲院上映,包括《風之谷》、《天空之城》、《龍貓》、《魔女宅急便》、《飛天紅豬俠》、《幽靈公主》、《千與千尋》、《哈爾移動城堡》、《崖上的波兒》、《風起了》。每位入場觀眾更可獲贈劇照紀念卡一張(數量有限,送完即止,受條款及細則約束)。放映詳情請留意戲院公佈。 ★踏上奇幻冒險 經歷蛻變成長 選擇活出自己的人生 《蒼鷺與少年》是一部出自大師宮﨑駿之手的半自傳式奇幻作品,探討生命、死亡與萬物,並向友情致敬。日本片名《你想活出怎樣的人生?》靈感來自日本作家吉野源三郎的同名小說。整部電影由宮﨑駿構思原創故事、編劇及執導,劇情描述在二戰時期喪母的少年真人,在神秘蒼鷺的帶領下,冒險進入生者與死者共存的世界。在那裡,死亡走到了終點,而生命找到新的開始。 上映日期:2023年12月14日(12月7日起 IMAX優先場) 導演:宮﨑駿 主演:(日語版)山時聰真、菅田將暉、柴咲幸、AIMYON(愛繆)、木村佳乃、木村拓哉 級別:IIA 片長:124分鐘 語言:日語(中英文字幕)│粵語配音 片種:劇情│奇幻│冒險 THE BOY AND THE HERON | Official English Trailer https://youtu.be/t5khm-VjEu4?si=hJo4eqCMKT1G44Ob
__________________
「前面有妖孽!」
「前面有油入!」 此篇文章於 12-14-23 10:09 PM 被 IDGAF 編輯。 |
12-14-23, 09:50 PM | #2 |
The One
註冊日期: Sep 2002
文章: 31,562
|
入場睇咗《蒼鷺與少年》,
好彩睇咗香港地區的宣傳, 知道今次係玩宮崎駿自傳式奇幻物語先入場睇, 唔係一定睇到好迷失。 因為個故事都幾散同亂咁, 但又唔會覺得悶,畫面上又有好多細節位咁, 睇完覺得佢唔係要觀眾明白個故事的來龍去脈, 似係想觀眾感受宮崎駿人生經歷過的大小事情同佢當時的感受咁, 覺得老、中、青角色都係佢自己嚟咁。 漂亮的後母、七個矮小的老婆婆 、火美個玻璃棺材, 所以是日式白雪公主故事? 新媽媽係媽媽個妹? 真.阿姨我不想努力了… "木村爸爸"你真識食, 媽媽娘家個莊園大到起到和風豪宅、洋館、兵工廠, 同埋異世界咁癲…!? 初段以為主角係火災後PTSD, 經歷完校園欺凌,"自爆"後有腦震盪先會幻覺, 見到"偷窺鳥"講人話(有牙造型堅恐怖~!!!)變身, 但後來安排同行的霧子婆婆都見到。 去到"死人異世界"開132號門果段, 有種新海誠《鈴芽之旅》閂門師的感覺~! 戲中各種鳥類,其實係咪代表戰爭入面各國的戰機/機師, 日本皇軍、納粹德國之類的東東? "嘩啦嘩啦"就係戰死的亡魂。 最尾係想講老一輩辛苦建立日本的動畫王國, 無人繼承/搵唔到值得託付的人, 只有會崩壞下去…咁悲哀?! 但仍然期望有能力出到新作品(第13部電影?) 沼王、七號羽毛、墳主等其實係代表什麼? 片尾曲的歌詞總結了全片內容。 《蒼鷺與少年》監製鈴木敏夫 爆主角就是宮﨑駿│12.14 聖誕踏上奇幻之旅 https://youtu.be/EUrdbQUbGRg?si=mjMPeJxI7hxLeRzL 米津玄師「地球儀」× 宮﨑駿「君たちはどう生きるか」Kenshi Yonezu - Spinning Globe (Hayao Miyazaki, The Boy and The Heron) https://youtu.be/abKcYyQ1V7Y?si=PFL6HbB-cnL5CQdt
__________________
「前面有妖孽!」
「前面有油入!」 此篇文章於 12-14-23 09:55 PM 被 IDGAF 編輯。 |
12-15-23, 09:15 AM | #3 |
The One
註冊日期: Sep 2002
文章: 31,562
|
電影監製鈴木敏:「我就是把少年推進異世界的蒼鷺!」,吓… 有幕講真人自製弓箭射中蒼鷺個嘴,(有追尾能力,飛彈嚟?) 蒼鷺個嘴穿咗個窿之後連飛行能力都無埋, 之後真人用木箭整咗個木塞塞住個窿,蒼鷺就飛得返, 感覺似飛機油箱穿咗漏油封返就無事吧? 本身個品牌夠紅, 「零宣傳」反而多人問點解同留意, 好過幾N次退休先。 《你想活出怎樣的人生?》, 某角:我想嫁比"木村拓哉"同佢做愛做的事, 生埋仔做病母,再比火燒死等佢哋記住我, 等餅印一樣的妹妹可以做老公的女人, 繼承家族的莊園做大奶奶, 發國難財建兵工廠賺大錢, 再係異世界玩Time loop, 兒子生性病母倍感安慰,END。 ; width:calc(100% - 2p;"> translateY(-4p rotate(30deg)"> ;"> ;"> translateX(8p;">
__________________
「前面有妖孽!」
「前面有油入!」 |
12-17-23, 09:44 PM | #4 |
Game Master
|
二擦LUXE, 似乎係Cut 左右銀幕播番IMAX個16:9比例,睇咗啲解讀打底再睇第二次就可以留意多啲宮崎伯伯想表達啲乜嘢
佢自己生於二戰年代,父親正正就係幫日軍生產戰機駕駛艙wind shield,前段故事有部份係佢自身小時經歷;及後日本戰敗,佢自身從小時應該已經build up咗反戰嘅意識,佢啲作品基本都有反戰意味,今次啲玻璃風罩應該代表玻璃棺材,啲戰爭死者去到異界變做warawara,等侍轉生投胎 而從外星而來嘅塔,我理解係指從外國而黎嘅動畫技術,而第一套彩色動畫電影正正就係1937年Disney嘅Snow White,呢套點解有七個矮婆婆相信係呢個原因 宮崎伯伯愛上動畫又一生都從事動畫製作,就似係塔主找到塔之後再改進佢然後就一生自留係塔內並創造出好多唔同嘅異世界;鈴木敏夫係蒼鷺因為佢係宮崎拍擋,亦係吉卜力PR,人前人後自由變換應該真係佢本人拿手好戲 進入異界第一場境個墓,金色門閘上寫住”學我者死”,可能係宮崎伯一個對從事動畫製作者嘅忠告? 動畫製作過程要投入必死信念? 似活在象牙塔中盡所有心力先可以製作出高質作品? 塘鵝們一窩蜂推閘要進入,似係表達睇到成功動畫風光而入行嘅從業員? 入咗行先發現冇啖好食又消磨意志? 呢度幾有想象空間。 之後啲奇幻旅程基本上係宮崎動畫集大成,應該仲有用到其他動畫或電影點子 帶惡意嘅鸚鵡,應該點解讀好呢? 一想係好戰嘅人;二想係只想用動畫賺錢嘅人,日本動畫已經有好多公司做製作,但眾所皆知有啲製作組已經去到榨取動畫師嘅地步,動畫變咗食人行業宮崎伯伯應該不樂意見到 之後用13塊石樍木支持住異世界,好多解說都有講,呢套就係吉卜力宮崎主導嘅第十二套電影,有說第十三套係planning中;而新嘅十三塊”白無垢“異世界基石,我想係代表宮崎伯伯想佢嘅精神繼承者要似佢自己咁用個純淨嘅靈魂去創造一啲感動到全世界人嘅作品; 真人唔接受做伯伯繼承者而塔世界崩壞,就其一正係呀仔吾郎唔接手吉卜力而最終賣盤收場;另一就日本動畫工業有點青黃不接及行業待遇不佳,佢都唔會想日本動畫步向末路 而最後真人有帶住異世界地上一塊碎石而保留住記憶,亦因停戰而一家回去成市生活,算係希望日本動畫界可以傳承下去啦 後加: 又睇咗NHK special 新近宮崎駿specials,原來阿塔主伯伯亦有致敬高畑勳之意,高畑係提拔宮崎之人,宮崎係好敬重佢的。 另外又睇到有說計埋宮崎駿出道作TV高立的未來世界的話,就數齊13塊樍木了。 此篇文章於 12-21-23 12:38 AM 被 C.Ryo 編輯。 |
03-11-24, 09:41 AM | #5 |
The One
註冊日期: Sep 2002
文章: 31,562
|
拎咗今年奧斯卡最佳動畫獎,恭喜晒~! 其實Spider-Man: Across the Spider-Verse先係我心水… 因為《蒼鷺與少年》睇完都唔肯定自己有無理解錯佢想表達的意思。 唔知呢套幾時會上出碟或串流平台(Netflix?)呢? 要再重溫細味… Best Animated Feature Film | 'The Boy and the Heron' | Oscars 2024 Press Room Speech https://youtu.be/hvAe9rWaSpY?si=e_r_krzDzZle1dWW ; width:calc(100% - 2p;"> translateY(-4p rotate(30deg)"> ;"> ;"> translateX(8p;">
__________________
「前面有妖孽!」
「前面有油入!」 |