|
11-03-11, 02:54 AM | #326 |
Crazy Gamer
趁熱影
註冊日期: Jul 2005
文章: 1,914
|
__________________
俾條路黎行下... |
11-03-11, 03:11 AM | #327 |
Ultimate Gamer
人修羅
註冊日期: Mar 2011
文章: 4,011
|
|
11-03-11, 03:48 AM | #328 |
Crazy Gamer
註冊日期: Sep 2002
文章: 1,283
|
__________________
黃蓋 : 跟董卓是不同的! 跟董卓!! |
11-03-11, 10:21 AM | #329 |
The One
註冊日期: Oct 2003
文章: 30,579
5069 4259 0235
|
__________________
|
11-03-11, 11:33 AM | #330 |
God of Gamer
註冊日期: Oct 2002
文章: 12,784
air_penny2002
|
而家投白票都好大壓力,話會益左隔離喎
|
11-03-11, 12:41 PM | #332 |
The One
註冊日期: Oct 2003
文章: 30,579
5069 4259 0235
|
__________________
|
11-03-11, 01:30 PM | #334 |
God of Gamer
圖騰製作中
註冊日期: Dec 2005
文章: 6,596
|
__________________
公堂之上不許罵髒話、不許講性器官、不許提人家老母... 我好歹也是個八府巡按,給點特權行不行? 好吧,那最多允許你提魯味吧... |
11-03-11, 01:43 PM | #335 |
Crazy Gamer
趁熱影
註冊日期: Jul 2005
文章: 1,914
|
有無羞恥心架,白鴿黨你失票即係你做得唔好,怪責人?
衣家已經唔係俾兩個爛蘋果你揀,係兩舊K,話唔可以投白票果d,可能已經進化到可以食K維生。
__________________
俾條路黎行下... |
11-03-11, 01:47 PM | #336 |
The One
註冊日期: Oct 2003
文章: 30,579
5069 4259 0235
|
__________________
|
11-03-11, 02:13 PM | #337 |
God of Gamer
神人ではない!新人だ
註冊日期: Jun 2003
文章: 19,189
Dyhalt Dyhalt
|
__________________
静かな日々が皆無なのは 誰もが日々彷徨うからさ 豊かな日々が皆無なのは 誰もが日々裏切るからさ |
11-03-11, 02:30 PM | #338 |
The One
註冊日期: Oct 2003
文章: 30,579
5069 4259 0235
|
__________________
|
11-03-11, 02:44 PM | #339 |
God of Gamer
圖騰製作中
註冊日期: Dec 2005
文章: 6,596
|
佢其實係反對政府上訴的(誤
__________________
公堂之上不許罵髒話、不許講性器官、不許提人家老母... 我好歹也是個八府巡按,給點特權行不行? 好吧,那最多允許你提魯味吧... |
11-03-11, 02:44 PM | #340 |
God of Gamer
圖騰製作中
註冊日期: Dec 2005
文章: 6,596
|
東方不敗
乙:我一落區佢就走左去,唔敢同我辯論,代表左咩呀?代表佢自知理虧,唔敢面對群眾囉! 甲:所以你代表群眾?你地支持度全港最高? 乙:我同你講A,你就問返我B!點同你理論唶?根本冇得理論! 甲:咁A係乜丫?我同你講A勒。 乙:你唔係自知理虧做乜一見到我就走左去呀! 甲:咁見到隻癲狗狂吠避一避都唔等如理虧既,可以係怕佢咬,亦可以係覺得講乜佢都唔明。 乙:你梗係唔敢同我辯論啦,我一分鐘就KO你啦!你個死傻仔響網上講野有X人聽咩,梗係冇人聽啦,Facebook得幾十個Like,返屋企吔屎啦你! 甲:你都響網上講緊野噃,呢度唔係商台哪喎。 乙:商台成個電台都響度幫偽民主派助選架你知唔知,最賤就係果個大口玲,丫賤到咁都有架喎正一八婆。重有果個濕X才子,睇佢幾時死丫我話你聽。 甲:大口玲點賤法呢? 乙:佢用佢個節目幫公民黨拉票囉! 甲:佢冇喎,係你日日叫人投人民力量候選人咋喎。 乙:殊!我D信眾唔聽商台架,你咪爆響口。 甲:但佢地知你幫人民力量拉票喎,咁你咪賤囉。 乙:又唔會,係人地做先至賤,我做就好正義既。 甲:一分鐘哪喎,點解我重未俾你KO? 乙:KO左啦,你唔認輸唶。 甲:輸贏既定義係乜? 乙:班記者日日都問我點先算贏,根本你地D想法就好迂腐,就淨係著眼D議席。講左啦,我地今次參選係要贏架,但贏唔到又唔代表輸。 甲:咁輸贏既定義到底係乜丫? 乙:我係要推動一個運動呀你知唔知,一個啟蒙運動。 甲:所以認同你D歪理既就啟蒙,同你意見不一樣就係傻仔? 乙:我知你想講乜!想話我五區公投果陣講過不足三成投票率就選到都辭職丫嘛?根本你就斷章取義響度,我係話民建聯參選先至有三成投票率丫嘛,而家民建聯都冇參選,咁就梗係冇三成啦大哥! 甲:冇斷章取義喎,你真係冇講過前提係有民建聯參選喎。 乙:有講過,你冇聽到唶,你D傻仔淨係俾主流傳媒洗腦。 甲:唔係喎,我聽晒所有人網D政論節目架喎,你係冇講過喎。唔啱咁囉,而家科技咁進步,你係響選舉前講過只有民建聯參選先會有三成投票率的話,播D聲帶黎聽聽囉。 乙:又冇聲帶喎,我係響屋企同隻狗講,都冇錄音。 甲:點解要追擊民主黨而唔係民建聯呢? 乙:講左十萬幾次啦,民主黨投左共丫嘛。 甲:你意思係民主黨所有黨員都加入左共產黨? 乙:唔係,係佢地走入中聯辦同共產黨密室談判。 甲:同中共談判就係投共?咁奧巴馬克林頓咪全部投晒共? 乙:佢地明明簽晒紙支持二零一二雙普選既,而家出爾反爾,係咪要票債票償先? 甲:但而家唔係有二零一二同二零一七畀佢地揀,佢地揀左二零一七喎,而係響普選遙遙無期同二零一七之間揀左二零一七丫嘛。 乙:但佢地支持果個係退步方案黎架你知唔知,好似個選委會咁,得果千二人,根本就係小圈子選舉。 甲:但之前得八百人咋喎,加到千二人點解會係退步呢? 乙:而家全香港七百萬市民都冇權提名特首候選人架,咁都唔算係假民主牙? 甲:我冇話個新方案好民主,而係問佢點退步法唶。 乙:根本民主黨呢D就賣藥黨,呃D市民你知唔知呀? 甲:佢呃過我D乜呢? 乙:佢話個新方案係民主進步囉! 甲:咁我都覺得係進步喎,而家二零一七有得一人一票選特首喎。 乙:但提名門檻都冇講清楚,根本到時中央求其派兩個共產黨你選你都要接受既! 甲:等等先,有冇進步唔係同你理想中既制度比較,而係同原來既制度比較架嘛。原來既制度係得八百個選舉委員、冇一人一票,而家係一千二百個委員,有一人一票喎。你係咪話冇一人一票比有一人一票更民主呢?否則的話,何來退步呢? 乙:有一人一票都唔代表係真普選架嘛!提名權都好重要架嘛! 甲:我冇話佢係真普選,而係話佢有進步。你其實係咪講唔出佢點退步法丫? 乙:但係之前承諾過係二零一二雙普選架嘛! 甲:咁共產黨講過唔算數丫嘛,關民主黨乜事? 乙:民主黨接受佢講過唔算數囉! 甲:所以應該學似你地咁,佢應承畀一百蚊你,最後淨係肯畀五十蚊,你就情願一個仙都唔要? 乙:如果佢係爭我一百蚊,咁我梗係要攞足一百蚊啦,我應得架嘛! 甲:咁佢唔肯畀丫嘛,咁點丫? 乙:點到佢唔畀呀?逼到佢畀囉! 甲:點逼法丫? 乙:搞抗爭囉。 甲:咁佢唔理你D抗爭,咁又點丫? 乙:你D人就係咁,就成日覺得抗爭冇用,就坐響屋企乜都唔做! 甲:我冇話抗爭冇用,咪就係因為有人抗爭所以而家二零一七有一人一票選特首囉。但你抗爭既最終目的都係要妥協架嘛,如果人地開乜野條件你都唔接受,你抗爭黎做乜野先? 乙:咁條件都有底線架嘛,民主黨當初講好左佢地既底線就係要有路線圖丫嘛! 甲:咁而家咪有路線圖囉,二零一七丫嘛。 乙:路線圖係包括幾時有得讓普羅市民提名特首架嘛,而家都唔知幾時有! 甲:咁中共唔肯咁早講明幾時有得畀一般人有提名權丫嘛。 乙:咁咪唔應該接受囉! 甲:唔接受咪連一人一票都冇囉。我而家攞左五十蚊先,要左一人一票先,唔代表我放棄追剩底落黎果五十蚊架嘛。我底線依然係要攞足一百蚊喎,我只係而家袋左五十蚊先咋嘛,我冇降低我底線喎。 乙:咁你接受左個方案就等如接受左攞五十蚊算數啦! 甲:唔係喎,我收左你一半錢都可以繼續追剩低果一半架喎。而家何俊仁講得好清楚,佢係要繼續爭取特首提名權同廢除所有功能組別議席喎。 乙:但佢接受左個爛方案就令到我地抗爭更加困難啦。 甲:我就係唔明點解攞左一半錢先會令到追返另外果一半更困難。不如你解我聽佢唔接受個方案點解會更早有真普選勒。 乙:佢令到一般市民以為而家已經有真普選囉,削弱抗爭力量囉。 甲:所以一般市民都係白痴仔,會以為冇份提名特首候選人都算係真民主? 乙:又唔好咁講。 甲:咁點講丫?你明明就係咁意思。 乙:你又歪曲我講既野。 甲:點歪曲法丫? 乙:我都冇話一般市民係白痴仔。 甲:咁唔係白痴又點會以為個新方案已經足夠民主丫? 乙:因為佢地唔用個腦諗野囉。 甲:唔用個腦諗野唔係白痴係乜丫? 乙:係懶。 甲:唔好愈講愈遠勒,一句到尾,你係咪話如果唔接受個方案會更早有真普選丫? 乙:唔一定,但接受左就一定更難有真普選。 甲:如果唔一定,你又點知唔接受會更容易或者更早有真普選呢? 乙:因為少左人出黎抗爭囉! 甲:咁係咪唔接受個方案會有更多人出黎抗爭丫? 乙:梗係啦! 甲:咁係咪多左人出黎抗爭一定會更早有真普選丫? 乙:又唔一定。 甲:其實好清楚,民主黨同你地目標都係一樣既,只係選擇既策略不同,策略不同唔代表人地係壞人黎架嘛,更加唔代表投左共。 乙:係何俊仁話我地唔係佢盟友架! 甲:大佬,你追擊佢地畀民建聯同工聯會贏喎,重點當你係盟友呀?係你地將佢地視為頭號敵人先既,唔通重要瞓響度任得你打牙? 乙:乜野畀民建聯贏呀?我地出黎選係要贏架! 甲:咁係咪選唔到就代表你輸丫? 乙:又唔係,我地最主要係要追擊民主黨。 甲:咁係咪民主黨選到就代表你輸丫? 乙:又唔係,我地最主要係要讓人民覺醒。 甲:所以陷世界都瞓緊覺,係得你地最清醒。 乙:係呀,唔係你地點會睇唔通票債票償運動之可貴。 甲:唔好講其他,到底今次區選點樣你地先至算輸? 乙:都話左咯,我地唔係淨係著眼今次既議席,而係要畀市民認清民主黨既真面目。 甲:到底點先算輸唶? 乙:我地係不論輸贏既! 甲:你明明話呢個係追擊民主黨既運動,咁至少你要令到民主黨候選人選唔到,個運動先可以算係成功架? 乙:咁追擊又唔一定代表令佢選唔到既,嚇佢一嚇都係好格。 甲:咁係咪民主黨候選人冇俾你嚇親就算係個運動失敗丫? 乙:又唔係,我地可以令更多人明白我地既理念丫嘛。 甲:咁係咪如果有民調證實你地既支持度不增反降,就代表你地失敗丫? 乙:又唔係,如果D人唔明白我地既理念,都係佢地低能唶。 甲:我明白你話個運動既意義係要讓市民明白你地既理念,但追擊所有泛民候選人、包括所有支持過你地五區公投既候選人,係咪最好既做法呢?你地真係冇其他辦法宣揚你地既理念?讓建制派大勝又真係值得付出既代價? 乙:班偽民主派唔想畀建制大勝,可以唔選格,等我地選囉! 甲:但現實係如果得你地同建制派隻抽,建制派依然會大勝丫嘛。 乙:都話我地唔係為議席咯,點解點極你都唔明架唶! 甲:但我係為議席喎,我係覺得多D泛民成員當選會對香港民主有益D喎。 乙:咁你短視囉,你睇唔到個民主覺醒運動既長遠影響力囉。 甲:我睇到喎,長遠黎講大家會因為你地不停搞分化而厭惡民主運動,唔再理政事,相對下建制派勢力日盛,中共響冇壓力底下再冇必要放權畀香港人,最後到二零四六都未有真普選。 乙:哦,即係話抗爭反而會有害民主進程唶? 甲:我都唔覺得你追擊民主黨係抗爭,坦白講,根本就係有條小氣鬼兼暴君怨恨民主黨唔聽佢號召,於是講D似是而非既怪論煽動一班冇獨立思考又以為粗暴橫蠻等如正義既傻仔攻擊民主黨,為報復私仇不惜犧牲香港幾十年黎辛苦凝聚既民主力量。 乙:我都不知幾有獨立思考! 甲:咁你講一樣暴君講過而你唔同意既野勒。 乙:我同意佢唔代表我冇獨立思考格。 甲:咁唔同意你地追擊民主黨都唔代表我低能得過你既。
__________________
公堂之上不許罵髒話、不許講性器官、不許提人家老母... 我好歹也是個八府巡按,給點特權行不行? 好吧,那最多允許你提魯味吧... 此篇文章於 11-03-11 03:21 PM 被 狼 編輯。 |
11-03-11, 02:48 PM | #341 |
God of Gamer
圖騰製作中
註冊日期: Dec 2005
文章: 6,596
|
工程界社促會 工程師 嚴建平
反高鐵人士闖記者會派傳單 2010-01-08 高鐵撥款申請今日到戲肉,支持和反對派都爭取機會表達意見。工程界社促會昨日召開記者會表態撐高鐵,不過在記者會開始前,三名反高鐵的公共專業聯盟成員「殺入」記者會現場,成員之一的司馬文手持大公文袋,走向工程界社促會高級副主席嚴建平表面前,遞信及握手,並向記者大派傳單。 嚴建平起初欣然接信,以為司馬文是記者,及後問清楚後,始知被人「踩場」,即時黑面。司馬文說希望邀請工程界進行公開辯論,以討論各個方案的優劣,嚴建平即時大叫「NO」,還以他們擅闖私人地方,把三人驅逐出外,直斥他們離譜,並命人收起記者手上傳單,場面尷尬。嚴建平話,公專突然擅闖會址,會保留追究的權利。
__________________
公堂之上不許罵髒話、不許講性器官、不許提人家老母... 我好歹也是個八府巡按,給點特權行不行? 好吧,那最多允許你提魯味吧... |
11-03-11, 02:56 PM | #342 |
The One
註冊日期: Oct 2003
文章: 30,579
5069 4259 0235
|
__________________
|
11-03-11, 03:16 PM | #343 | |
God of Gamer
圖騰製作中
註冊日期: Dec 2005
文章: 6,596
|
引用:
同政黨無關既會花人力物力做調查咩
__________________
公堂之上不許罵髒話、不許講性器官、不許提人家老母... 我好歹也是個八府巡按,給點特權行不行? 好吧,那最多允許你提魯味吧... |
|
11-03-11, 03:35 PM | #344 | |
God of Gamer
神人ではない!新人だ
註冊日期: Jun 2003
文章: 19,189
Dyhalt Dyhalt
|
引用:
同時間佢亦判斷咗今次唔成,一定唔會有新條件。 雖然乙真係腦殘咗些少…
__________________
静かな日々が皆無なのは 誰もが日々彷徨うからさ 豊かな日々が皆無なのは 誰もが日々裏切るからさ |
|
11-03-11, 03:55 PM | #345 |
God of Gamer
註冊日期: May 2002
文章: 12,524
gutscharm
|
其實而家成鬧毓民個邊偷人票,拉人落馬係有欠公道.
如果係認同人人有參選權,選民有自由意志的話. 點解會鬧其他人參選,點會鬧人哋嚟搶你票? 另外buy 人民力量個一套,去投白票的選民. 會唔會投俾民主黨?民協? 就算毓民唔呼籲投白票.佢地就會出嚟投? 大家可以攻擊人民力量.周圍點火頭.左搖右擺(你要狙擊定要議席?).講就兇狠做就毓民. 但唔可以鬧佢地去參選,唔可以鬧人偷票囉. 選民係有自由意志.知道自己投俾邊個,亦都要為自己投個一票負責.
__________________
「你說三聚氰胺毒奶粉要嚴查,於是趙連海被判了兩年半;你說汶川地震豆腐渣工程一定要查,於是譚作人被判了五年;你又說政治改革要至死方休,於是劉曉波被判了 11年;現在你又要鼓勵要說真話,但艾未未不見了!」 http://ps3trophycard.com/cards/gutscharm/card.png MY YOUTBE |
11-03-11, 04:04 PM | #346 |
God of Gamer
「乖~ 姐姐呵番~」
註冊日期: Sep 2003
文章: 7,060
AnimeTheme
|
唔好响度玩稻草人對稻草人啦, 好低能呀大佬
公道說話 |
11-03-11, 05:21 PM | #347 | |
The One
註冊日期: Oct 2003
文章: 30,579
5069 4259 0235
|
http://the-sun.on.cc/cnt/news/20111103/00408_002.html
引用:
__________________
|
|
11-03-11, 07:38 PM | #348 |
Crazy Gamer
註冊日期: Feb 2002
文章: 1,642
clan3
|
我想投票呀。
成個選區民建聯已自動當選,仲專登發哂通知信。 唔怪得成條村咁靜,連選舉廣告都都唔多個。 係唔係好多地區都係咁架? 我係葵青區青衣
__________________
入得呢行,就要拋開一切尊嚴,因為你係食物鏈中既最低層, 職業有分貴賤,唔好當你有清潔員,保安咁幸福, 因為一般性責任,你要有入獄的準備, 放心!高空工作,1人工作,10號風球出事你都有份,但公司唔保, 住戶是神,不得反抗... |
11-03-11, 07:48 PM | #349 |
Ultimate Gamer
註冊日期: Jun 2011
文章: 4,267
|
1-3號都係民x聯,點投?
|
|
相似的主題 | ||||
主題 | 主題作者 | 版面 | 回覆 | 最後發表 |
GAF GFDM-CWM 團 Vol. 53 <<本週六鑽荷-真神出末注意>> | POISON | 街機心得交流討論區 | 1006 | 11-09-06 12:19 PM |
本週各大歌曲流行榜 | JACKY | Neo Music UNIVERSE | 14 | 04-05-04 01:55 PM |
[pokemon 特報] 本週銷量榜 (電擊網頁) | t-cup | 手提遊戲機討論版 | 7 | 11-29-02 12:00 AM |