咁佢只係講土共幾難對抗啫…
實際冇必要幫人定位，以事論事就夠。

你下下叫人加入港獨我夠可以話你係外國奸細
講呢啲野冇意思O架喎
係網上討論一開始標籤人個TOPIC基本上已經唔洗玩

我講的係唔係嘅, 大家有眼睇嘅
你自己都係, 你可以叫人看回你自己和他的所有言論就知係咪大陸友來

原來我係大陸友, 呢句要QUOTE底
拎去比人笑下都好

小學生行為思維

講緊你自己m9a

說話者身份唔影響說話本身正確與否
理得佢大陸人香港人定外國勢力啫
由手機版發出

唔係la...佢講得有道理ga...
就算大陸唔打仗打死你，俾d著數俾其他國家，搶香港d生意，香港都夠死...
你要知道本身香港係近乎冇實業可言...

係你地太理想化,以為對手係稻草人je

我講既係"中共可能行使既對策"

其實我覺得唔駛獨立咁激進
只要而家既政府做返d似係人做既事.....
唔好下下向大財團屈服...
d官有返少少智慧.....
等香港人生活好過返d....
其實成個社會都會和諧好多.....
人民生活過得好,住得好..仲邊會有心上街....
但而家就完全相反....

就上邊既例子,一句"你俾貨佢就唔同你攞貨"就已經有排玩啦,香港食唔食到中國咁多貨?

有時吾係幫政府講野(又被人話5毛/w\)
你睇下其他地方依家係咩環境你就知香港其實吾差.依家吾係淨係香港經濟差.係全世界一齊差.
歐洲好好咩?失業率閒閒過5~7%.青少年失業率過10%.美國8點幾.
http://hk.news.yahoo.com/%E6%AD%90%E...--finance.html
香港得3點幾.幾乎全民就業.香港最多係在職貧窮.人地係冇飯開.
http://paper.wenweipo.com/2012/10/19/YO1210190007.htm
識個客係英國讀完書.都要返香港搵野做.搵左半年都搵吾番佢讀個科要轉行.
人地都未出聲.

台灣玩台獨玩左8年.衰足8年.係台灣讀完大學好多都係搵吾到野做.
中年大叔被人炒完搵吾到工要訓街.依家人地吾玩玩同中國融合.
香港就行返台灣條舊路.傻的嗎?

咁香港回歸咁多年,咪又係衰足咁多年

沒冇最衰只有更衰

怪得到邊個? (陣間又要俾人話/w\)
機場起跑道吾起.西九推到再來.啟德哂地皮10年.10/遊輪號碼係邊.頭珠三角大橋破壞環境又吾批.....
人地就係咁攪.
係人地個邊做好運埋過來成本係你3成或以下.只係攪地產炒金融.所有野炒到貴哂.
所有原本用來投資技術/設備既資金去炒埋一份.技術低既工種/產品比人搶走哂.
如果當你做老闆你都搬啦.係吾係!?仲點樣加價同加人工被香港人?
結果就係人工吾加.物價加.變相減人工.愈來愈窮.

報紙標題成日都有.(先吾好鬧住ok~)
97年一層樓賣500萬.依家2012年同一層樓賣500萬.但香港人都係買吾起.
你諗到d咩或者咁講代表住d咩??好好想想ww

一單還一單，機場起唔起跑道有得講。
你唔係住屯門根本唔知，再填落去，就會變到成條河禁。
而且附近又起人工島同港珠澳，d白海豚遲早就死哂...
政府仲為左保育，駛一大筆錢叫班漁民唔好係香港捕魚。起新機場跑道完全係將之前的成果推番。
再者，空域亦都係另一個問題。
我成日覺得呢d乜乜基建真係禁有必要起咩!?你話停滯不前又好，香港究竟仲要接納多幾多人先夠!?

老闆唔加人工，係香港人的劣根性黎。請得一個人，就當佢係機器禁用。
而且用最少成本，賺取最大的利益，本身亦都係資本主義下的問題。
加埋短視等等的問題，會加你人工就有鬼。唔好自己袋多幾個錢，用黎旁身!?
就算唔係去炒，佢地都寧願留多筆錢周轉用la...

講還講,以事論事,唔好標籤人同人身攻擊好嗎?兩邊都係

ANYWAY,唔係唔想香港發展,而係好多錢駛左D對香港人無幫助既地方上,例如高鐵
你叫我點放心俾政府搞呢D野?有錢最起碼係扶貧先吧?

一山還有一山低
台灣D老闆好似仲賤格過香港既
香港都仲肯出糧
台灣老闆係想班後生仔唔出糧黎返公「學野」
再望遠D日本、歐洲、美國..........就明白全世界經濟都差唔係一句大話黎sosad

點呀~發洩完未?可以繼續未=w=?

要反對可以列一百個理由.我同你一個一個反駁.冇意思.
我都知~咩都可以吾犧牲吾付出咁實係最好.但係咩犧牲冇付出又咩改變吾到.
[窮則變.變則通]呀~

以前老闆就係你咁諗.依家個班係嘈吾會同你嘈.佢地係直頭想執哂佢返大陸開個檔.
好多都係等緊死.等業主一加租就執哂佢.你估做老闆真係咁好做?幾多人係比人加租迫執左?
今時今日香港打工仔所站既位置.你明吾明? 人為刀俎，我為魚肉.

人地依家珠江三角洲係講緊一個叫一小時生活圈概念.玩呢d.
係廣州出世.住係澳門.係香港返工係未來吾係奇事.
http://www.hkheadline.com/news_topic...sid=2146&nt=np
香港依家吾係煙屎低.低2仔低.吾跟玩.只會自己被自己邊緣化.
不過最怕既係人地吾比一齊玩ww

我與其比條魚你.不如教你捉魚.不如整靚個魚塘你慢慢捉

高鐵某程度係加速香港死亡，繼續諗都唔諗咁同內地融合，仲邊有老闆肯出錢喺香港請人…？
香港一個收錢殼，大陸做實務既公司只會有增冇減。
當然，做地產同金融就應該冇事既。

基層香港人一係走一係死，基本上冇第三個可能。

答曰:[有.當今時勢.手執綜援.腳踏公屋.方為上策也!]

政府經常話要加速融合，香港先保到命
但實際就係香港和陸地有顯著性的不同，先仍然保持對大陸人既吸引力
你說如果融合左，內地人仲落黎買樓/買日用品黎做咩？
雖然靠呢類經濟，對香港人都係痛苦，但同融合後相比，香港人返去同內地人爭食，邊個慘d先？

經常話要融合先係大道理，講唔出融合對香港人既好處先係大問題
而且呢個政府，仲要將香港人建立出黎幾十年既成果，拎出黎俾內地享用完，仲要調轉話受左恩惠，香港人要感恩瀨返上邊鞋底，先令人咁慶

我唔認同。如果係大陸做生意真係禁好，點解近排禁多外資係中國撒走!?
仲有，隨著人民幣升值，港紙一直冇變。今時今日番內地，肯定冇以前禁好境。
當然，你話係內地D租一定唔會升到香港禁貴，肯定GE。
但係內地的制度並唔好，隨時傾一單生意要左疏通右疏通。
再者，一雞死一雞嗚，老闆放棄得呢個市場，呢個市場本身仲有肉食GE，總會有第二個人去接手。

人地禁大個城市，資源又比我地多，叻過我地香港有咩禁奇!?
只要內地一日唔夠開放，高官總係腐敗貪錢，俾唔到人信心。香港都仲會有價值。
反而走去加速融合先至係會失去優勢。

再講，內地的地方債務日趨嚴重，內地真係表面上禁好境!?
http://hk.news.yahoo.com/%E7%B2%B5%E...211734206.html

香港一路都係靠“接近大陸但又唔似大陸”揾食
同化左就大陸一般城市都不如，人地地又多個你人工又低過你
經濟上多合作唔等於要同化，起碼軟件上唔可以跟大陸
由手機版發出

你講得啱.上面搵食係難過以前.我老細啱啱先執左間鋪www
但吾係冇得做囉.有得玩吓.
香港個d係啱啱夠開支.我都同老細講.你依家執一間鋪好易.但係依家再重新揼過一間新既出來好難.
依家有得玩既係咩人呢.就係間鋪係自己鋪既人.同你鬥等.邊個死先.
來緊如果香港樓市爆埋.個市一轉差.剩低個市場就比呢班人掃埋.
d人覺得香港係大財團玩哂.未來仲勁.因為連中小企都死埋.
香港係以佢呢個級數既有錢佬都冇得玩wwww其他人諗都吾洗諗



歷史循環.五百年東方.五百年西方.西方文明起於14/5世紀成於文藝復興.到依家剛好500年多
(我懶我吾打咁多字.有興趣就入去睇www)
五百年大循環
http://danbie.blog.hexun.com.tw/38436486_d.html
我在意香港經濟向那一邊走.但我吾在意邊個執政.
中國基數低起點低.係要時間.香港過去幾十年都起起跌跌吾少啦~

再盡d講句.就算中國吾再係由共xx執政.分為四/五個經濟專區.
上三角.珠三角等等.中國起緊呢個勢係吾會改變.香港只有同周邊融合走大都會路線.