我想問下.............

[Middle]

如果我係你，o係佢果下話其實唔係咁鍾意套杯時，
我最多會再輕鬆笑住問多佢一兩次、真係唔要?
如果佢都係話唔要我就話俾其他想要o既朋友（即使係無果d 朋友）；
明白你換套杯想令佢開心，但要人夾硬收就唔係幾好，
人地會有壓力。

其實你經常送野俾佢、唔多唔少都會幾嚇到人；
佢係果d 成日收開禮物、又或者要人送禮物o既女仔就唔同講法，
但佢未必係吧；
而家無緣無故地就收到禮物，人地就會聯想到、你係有所求，
收唔收你o既禮物、某程度上係表現出對你仲想唔想接近。
不過要留意，人地feel 到你有野、唔等於人地就知道你係認真追佢丫、定玩玩下，
因為人地本來就唔太了解你。
話完全衰左，又唔算，起碼仲會一齊食飯、傾電話，
但可能你約睇戲約得比較著跡? 可能佢都會抱觀望態度，睇下你係點o既人，
又可能佢真係仲未對你有意思，所以用「三個月」唻推你。

樓主或者應該俾返個時間自己，願意去追佢幾耐；
三個月後可能佢真係得閒 、同佢再熟d 、有藉口再約佢睇戲，但你等唔等得到三個月?
要睇你自己本身o既情況。
另外，如果繼續落去，
要換換形式，唔好再成日送禮物喇，陣間俾左一個唔好o既印象佢仲死；
試下向同佢friend D 熟D o既方向著手喇，
多d 同佢講下你自己d 野，引下佢又講自己d 野（但唔好煞有介事咁講，自然d ），
搵大家o既共通點（話題、喜好、興趣），再去揀o岩方向發展 =)