和女友發生了問題, 與姐弟戀有關, 有冇人可以幫下我

[Avelcain]

佢本身大我2年
計埋月份的話可以話3年
本身我地今年一齊GRAD左 (同一學系)
予定諗住一齊搵工了
結果我找到先, 開始左每晚都要OT到9,10點既忙碌又壓力的生活
然而其實我地之間一直存在著問題
佢本身是一個很傳統觀念的女仔
可能是因為家人由細到大一直都咁樣教佢
所以, 其實姐弟戀對她來說一直都是心裡的一條刺,
只是我們一直都扮睇唔到, 唔諗就冇事

然後, 昨晚, 我如常OT到10點後就打比佢
傾下衣家番工D辛苦野咁
佢突然同我講, 話其實我重細, (因為我只有20),
我唔需要咁早就要咁辛苦出來熬,
就算去讀多個DEGREE輕鬆多幾年, 到時23,4才出來做野都好正常
之後我都知有問題了 (其實一直都知)

我就同佢講, 我係鐘意佢先同佢一齊
為左佢, 我可以勤力D, 早D出來熬去追番我落後左佢個3年
但係佢就話: 唔想自己成為我的壓力, 佢好驚成為任何人的壓力
重話唔好成日話"為左佢", 要為左自己, 拎多3年時間讀多個有用D既DEGREE可能前景重好

其實我自己好清楚, 如果我再去讀書, 我地唔會有可能再向埋一齊
佢重話, 我還後生, 第時可能重可以識番D細過自己重好既女仔
又話咩男人搵個細自己10年的女仔冇問題, 但女仔就唔得....(因為佢傳統觀念)
之後講D野愈來愈奇怪...話其實我地係米一齊得太快, 話就算一齊左都唔係好了解我...
本身佢個人唔係咁..
佢係個D會諗長遠來拍拖的人
不過近來佢親戚中黎左個會考都冇考過, 唔3唔4的女仔, 但又同佢屋企有錢的表哥鬼死咁恩愛
令到佢重新定位...其實我地唔洗諗到好長遠..
再加上之前冇自信的失言..令到佢更加咁諗..

其實佢一直都冇講出口話想分手
其實係米只係我諗多左...佢只係純粹關心我叫我諗下自己...
其實佢係米導緊我叫我同佢講分手...
其實係米只是我個人一直都冇自信比唔到信心佢...
其實當初我地係米唔應該向埋一齊..
其實佢究竟由始終有冇鐘意過我想同我一齊...
如果佢真係鐘意我既, 唔係應該就算我番工辛苦, 佢都會支持我既咩...

其實....係米一切都係我自己拿來犯賤...?
現在番工D野又難又辛苦, 衣家加埋女友咁樣..
我真係好辛苦..
一直以來就算我工作幾辛苦都好只要我諗起佢我就會覺得任何都不是問題了...
但現在佢唔想我咁樣諗..我可以點做...

[(=v=)b]

我想講~唔好話為左對方而做乜乜乜~對方會好辛苦~什至會驚左你~
你所講為對方做既~未必係對方想要~

[Middle]

先放鬆少少，
唔好令自己越諗越灰。

如果你覺得佢係因為姊弟戀呢個傳統觀念而令到佢諗多左，
不妨了解下有d 乜野係觸動到佢咁諗，
例如係家人丫定朋友，
然後試試就果個原因而再慢慢開解佢。
又或者可能係因為其他原因都唔定，儘量多d 同佢開心見誠傾下喇。

另一方面，你自己亦要先清楚自己其實係點諗，
同埋有無真係如佢所講，你而家會唔會因為果三年差而有好大壓力?
當然呢樣可以係動力而唔係壓力，但你要同樣俾佢了解呢一點，
同埋而家你做梗o既野對你自己唻講都係有好處（如早d 出唻做野早d 汲取經驗有多d 競爭力之類）。

不過如果兩人平時相處得夠開心、夠同步，
就唔會再諗太多呢類問題；
你可以試下花多少少時間或心機 —— 雖然你未必有太多時間剩，
但如果走得過呢個難關，之後應該會更好。

[卡柏]

其實你係咪唔應該問我地，而去問下你既女朋友呢？兩個人相處，o係某d位應該要坦誠，尤其係關乎到你同佢之間既將來！
你一路估，一路唔開心，咁樣相處有咩意思？你既然有諗過同佢既將來，咁就更加要明白，知道依家諗緊乜！

[Avelcain]

其實我想知點解佢要咁講...有冇女USER可以知道佢心理...佢係米想分手....

[忘記密碼]

佢想同你一齊繼續讀.

[Avelcain]

作者: (=v=)b

我想講~唔好話為左對方而做乜乜乜~對方會好辛苦~什至會驚左你~
你所講為對方做既~未必係對方想要~

咁應該點...
姐係話衣家番工係為左自己?
然後順佢意話唔洗睇太遠....
佢都一樣可以去識大過佢既男仔...
正如佢話我一樣...
乜拍拖係咁樣既咩...當你一日重係IN A RELATIONSHIP重可以簡?
到底乜野係拍拖..
我真係唔知...

[Avelcain]

作者: Middle

先放鬆少少，
唔好令自己越諗越灰。

如果你覺得佢係因為姊弟戀呢個傳統觀念而令到佢諗多左，
不妨了解下有d 乜野係觸動到佢咁諗，
例如係家人丫定朋友，
然後試試就果個原因而再慢慢開解佢。
又或者可能係因為其他原因都唔定，儘量多d 同佢開心見誠傾下喇。

另一方面，你自己亦要先清楚自己其實係點諗，
同埋有無真係如佢所講，你而家會唔會因為果三年差而有好大壓力?
當然呢樣可以係動力而唔係壓力，但你要同樣俾佢了解呢一點，
同埋而家你做梗o既野對你自己唻講都係有好處（如早d 出唻做野早d 汲取經驗有多d 競爭力之類）。

不過如果兩人平時相處得夠開心、夠同步，
就唔會再諗太多呢類問題；
你可以試下花多少少時間或心機 —— 雖然你未必有太多時間剩，
但如果走得過呢個難關，之後應該會更好。

其實已經傾左好多次
開解左好多次
我發覺, 好多時都係佢同佢D FD傾完電話個人就會變到咁...
我真係唔知佢同佢D八妹FD係點樣傾計的......

[Avelcain]

作者: 卡柏

其實你係咪唔應該問我地，而去問下你既女朋友呢？兩個人相處，o係某d位應該要坦誠，尤其係關乎到你同佢之間既將來！
你一路估，一路唔開心，咁樣相處有咩意思？你既然有諗過同佢既將來，咁就更加要明白，知道依家諗緊乜！

琴晚已經即刻同佢傾好耐
我都已經問得好直接..
佢又冇直接答..
我實在唔知點算先各度問..

[Avelcain]

作者: 忘記密碼

佢想同你一齊繼續讀.

冇可能..

[(=v=)b]

作者: funnyfun

咁應該點...
姐係話衣家番工係為左自己?
然後順佢意話唔洗睇太遠....
佢都一樣可以去識大過佢既男仔...
正如佢話我一樣...
乜拍拖係咁樣既咩...當你一日重係IN A RELATIONSHIP重可以簡?
到底乜野係拍拖..
我真係唔知...

我答唔到你問題~
我只係覺得~如果另一半~話為左我而做乜乜乜~而唔係我想佢做既~同佢一齊~我會覺得好辛苦~

[sunhikari]

我無女友,只係我的估計,參考好了

我諗唔係係咪大過樓主的問題,而係因為樓主早找到工過佢
因為樓主的女友係大過佢自己,有可能覺得點解自己男友細過自己又找到工,但點解自己找唔到工?
家上女方家人壓力,會有可能一時想唔開

我認為單純只係自尊的問題

如果係的話,你同佢講第日會讀PART-TIME讀上去,而家工作為未來結婚儲錢
咁我想你女友應該會好LUN,唔會再亂諗野

一句,我無女友,參考就好,錯左唔好鬧我

[Middle]

做乜你搞到自己都越唻越亂……

一係你簡單D諗，
對方係無以前咁鍾意你，
但未決定同唔同你分手;
你可以再出力D做D野感動佢去令佢對你有番感覺，
又或者用其他開心野轉移佢視線、令佢唔好諗太多。

最緊要—點，你自己唔好表現得亂呀

[Avelcain]

作者: (=v=)b

我答唔到你問題~
我只係覺得~如果另一半~話為左我而做乜乜乜~而唔係我想佢做既~同佢一齊~我會覺得好辛苦~

佢成日講到話好似佢既出現, 令到我變左..
重話如果唔係佢既出現, 我可能可以重好似以前咁懶懶閒..工都唔去搵..唔洗咁辛苦
咁但係女仔唔係見到有男仔為左佢咁上進會開心先係的嗎...
尼點我都是不明白...
係我講過話"為左佢"所以比左無形壓力佢?

[Avelcain]

作者: sunhikari

我無女友,只係我的估計,參考好了

我諗唔係係咪大過樓主的問題,而係因為樓主早找到工過佢
因為樓主的女友係大過佢自己,有可能覺得點解自己男友細過自己又找到工,但點解自己找唔到工?
家上女方家人壓力,會有可能一時想唔開

我認為單純只係自尊的問題

如果係的話,你同佢講第日會讀PART-TIME讀上去,而家工作為未來結婚儲錢
咁我想你女友應該會好LUN,唔會再亂諗野

一句,我無女友,參考就好,錯左唔好鬧我

應該唔關事, 謝謝你的回覆

[Avelcain]

作者: Middle

做乜你搞到自己都越唻越亂……

一係你簡單D諗，
對方係無以前咁鍾意你，
但未決定同唔同你分手;
你可以再出力D做D野感動佢去令佢對你有番感覺，
又或者用其他開心野轉移佢視線、令佢唔好諗太多。

最緊要—點，你自己唔好表現得亂呀

我諗住今日都係要打番比佢..
但係唔知點樣同佢講好...
好驚又變左琴晚咁..
唉..可能我真係把她看得太重..當曬係精神支柱咁..
難怪一有問題就會搞到自己好亂..

[基路亞]

唔上進又死... 上進肯捱又死... 唉...

[(=v=)b]

作者: funnyfun

佢成日講到話好似佢既出現, 令到我變左..
重話如果唔係佢既出現, 我可能可以重好似以前咁懶懶閒..工都唔去搵..唔洗咁辛苦
咁但係女仔唔係見到有男仔為左佢咁上進會開心先係的嗎...
尼點我都是不明白...
係我講過話"為左佢"所以比左無形壓力佢?

唔係上唔上進問題~係佢想要乜野~唔想要乜野既問題~
你諗下你同佢D FRIEND出去玩個時~佢D FRIEND有無同你講過D乜野~?
身為朋友既~多數都唔想朋友感情方面有唔開心~
佢D朋友無意間透露某D佢對你既不滿~係好常見既事~
對證下藥啦~

[某F]

你用個度力根本食唔應對方
而且你應該要有你自己既生活圈子

對方就係想大家都有空間

而且你唔好講上進為佢,其實都係為你自己好

[2dn]

就咁聽，判斷唔到你女友係信心危機，還是想你唔好做份咁多OT既工，多啲時間用來拍拖。
不過好大可能係兩樣都有。

個人覺得，你倆現在既年紀，果份感情唔一直煲住，好快會冷卻下來，
而你份工咁長工作時間，可能會毀左你地，無奈現實可能係工無得你揀，盡可能抽時間一齊啦。

少見面就會諗多左，你女友現在23歲，「資本」最雄厚但開始感覺衰退，佢可能覺得到左一個「押注」既時刻，
投資將來（你）還是把握現在（外面現成的）呢？個心一定好亂，連你都亂左唔識處理既話，呢段感情會有危機。

現在要做既唔係問佢發生咩問題，佢個腦現在已經好多問題喇，
你要做既係俾佢答案，話俾佢聽只要對彼此有信心，你地係有將來既，
叫佢唔好再胡思亂想，唔好睇小你20歲，20歲代表更大既發展空間。
佢令到你改變，呢點你要多謝女友，因為佢令你變好唔係變壞。

咁樣講可能好空泛好虛，但有時心亂既時候就係要呢啲答案，
等佢個心安定啲再睇下有咩實質問題令佢擔心。

仲有啊，就算你個心真係諗住為左佢而努力工作，都唔好宣之於口啦，你OT做到死狗咁佢會好難受架。

[singsingjai]

其實我覺得讀完書出尼做野好正常... 我唔明點解個女人會有問題..
香港個個都OT 架啦.. = =

[iu fu pig]

答案...早已在你的心中...
有些東西..你們兩個也很明白...
然而...是但一方不想承認這個事實....

努力做好自己吧....

[Designer]

1)年齡問題
男女雙方心裡都有條刺 （其實大細2-3年跟本睇唔出／唔覺)
如果消除唔到條刺只會令情況惡化

2)工作辛苦
同女方傾番工D辛苦(有壓力)=>女方驚成男方壓力
即是要消除工作上壓力

[orlando_dog]

作者: 2dn

少見面就會諗多左，你女友現在23歲，「資本」最雄厚但開始感覺衰退，佢可能覺得到左一個「押注」既時刻，
投資將來（你）還是把握現在（外面現成的）呢？

我係女user...同樣係二十出頭,來自傳統家庭兼搵緊工...
然後如果我男朋友係好似你咁的話,
我一定會有以上想法...@@

樓主不如嘗試問下你女友係咪因為咁樣而不安...?

[Hitomi]

O~~~我又要出來講我的故事

我大我老公AROUND 3年2個月

我老母0係我細個果時話同我睇相~話一定要搵個大我4-6年的老公~
加上一般人的眼光~我本身都好抗拒姐弟戀~~

我同老公拍拖頭幾年(初相識時佢才18歲~我是21歲)~兩個人一齊的時候係無野的~~
但當狂街上撞到佢D朋友同學之類~我會立即閃到九里遠~因為我覺得好尷尬
果時我覺得呢鋪自己羅黎衰簡直自掘墳墓~仲咩鬼同個細過自己的人拍拖~
呢條刺足足在我心入面3-4年~

呢條刺隨住時間慢慢消失~~~所以我相信時間可以解決呢d心理上障礙

可能我份人比較心軟啦~佢對我真係太好啦~我都唔捨得hurt佢
所以就咁拍左7年拖了


--->為左佢, 我可以勤力D, 早D出來熬去追番我落後左佢個3年
我相佢真係唔想自己成為你的壓力~因為佢都未完全接受你~
一個自己未接受的人咁樣為自己...如果係我我會唔知點好囉...會覺得更徬徨!
因為佢可能覺得自己將來未必同到你一齊~但一方面又唔想hurt你
(至少我以前真係咁諗)


我老公本來都係果d終日打機的頹廢毒男~同左我一齊之後就變左好多~變得好上進
佢話係為左我將來生活好d唔想我捱苦~所以佢會俾心機
當我正式接受佢+覺得真係有機會同佢結婚的時候~呢d說話我覺得變成很感動wo