|
12-10-06, 09:57 PM | #1 |
Advance Moderator
綿花白兔仔
註冊日期: Jul 2002
文章: 1,340
Birdan
|
轉: 地鐵鬧鬼地點大曝光
地下鐵路傳出有鬼已經不是一個新話題,但今年七月十四的前夕,一名列車車長在行車途中死去,令地鐵員工不禁將意外與鬼節聯想起來。再加上一向以來,地鐵員工都曾聲稱撞過鬼,更使員工不寒而悚。 據地鐵員工向本刊透露,地鐵公司不主張員工向內或向外談論這些問題,以免影響員工工作及精神狀態。雖然如此,員工之間仍是不時聽到撞鬼事件,而時間和地點都非常清楚。在地鐵工作了二十年的陳先生就向記者表示,雖然他不信鬼神,但在公司卻經常聽到同事在地鐵撞鬼的事。
地點︰九龍灣車廠時間︰凌晨二時 車廠午夜維修 本身也是在九龍灣車廠上班的陳先生表示,在車廠撞鬼之事常有流傳。其中一次是一名保安人員告訴他的,「地鐵車廠每晚都有保安四圍巡視,不過每次有人去到維修工場既路軌附近,就會不其然急急腳走。」陳指從前那位置就曾有怪事發生。事情是,「有一晚大約兩點幾,有個保安又如常咁四圍巡,去到一架維修列車旁,見到有兩三個外國人o係車底下面做野,佢自己又唔識講英文,唯有去搵其他職員問佢點解咁夜仲o係度維修。」陳先生表示為了慳電,車廠晚上時分的燈光很不足夠,如果一個人在又大又陰暗的地方,的確很恐怖。「果個安員之後搵到另外兩名同事一齊去,只見度已經乜人都冇!另外中央控制中心邊都話成晚都冇任何承建商或其他人要做維修。」保安員始知自己撞到「污糟野」。 地點︰九龍灣至彩虹段 時間︰晚上 隧道口打鞦韆 另一個故事發生在觀塘線,陳先生指最少有二十多名列車司機曾有以下經歷,「如果講到事緣,就要講番係二十幾年前,果陣地鐵仲起緊,當起緊九龍灣至彩虹果段路,發生過一宗工業意外,仲好似話有工人死左。從此之後,由九龍灣入彩虹隧道口都會有相同不可思議既事發生。」「好多車長o係夜晚都試過見到一個男人,o係隧道口攞住條電線o係度打韆鞦。佢都話見到一個身穿白色工作衣既男人,個樣就好模糊,睇得唔係好清楚。個個都話冇可能,因為條電線成千五伏特,咁高壓一個普通人連惦都冇可能喇,更何況係打韆鞦。」陳先生更表示有此經歷的同事,事後也會前往該處附近上香和拜祭。他們大多相信該鬼魂正是當年因工死亡的工人,因為陰魂不散,而經常在隧道徘徊。 地點︰去柴灣車廠途中 時間︰凌晨 尾班列車女人 另一宗恐怖經歷是在柴灣車廠工作的同事告訴陳先生。一天約凌晨車長駕駛尾班列車前往柴灣站,到達時車長便用廣播告訴乘客,「列車已經到達終點站,乘客請盡快離開車廂......」由於是尾班車的關係,車長需要由車頭步行至車尾,一方面確保車廂內再沒有乘客,另一方面就是要將列車調頭駛回車廠。而車長均發現車廂內並沒有任何乘客。當車長打算開車之前,他再一次用廣播告訴乘客不可再留在車廂之中,列車的門隨即關上,往車廠方向出發。 在行車的途中,突然有一中年婦人邊敲擊車長的門一邊叫喊︰「我都未落車!」當車長聽到後,惟有用廣播告訴該名婦人,「由於列車已經開出,去到車廠時,我們會派專車將你送返車站。」車長同時通知中央控制室,要求準備車輛接載該名婦人。當列車到達柴灣車廠時,車長由車長室出來,打算找尋該名婦人。但列車上卻空無一人,車長心想,「列車車門還未打開,該婦人應在車廂之中,也許她是往車尾方向行了過去吧。」這時候,車廠的工作人員已經到達,他們一同由車頭行至車尾,並一邊檢查車上的氣窗及車門,均沒有開啟過的痕跡。當他們達到車尾時,他們均不寒而慄,因為竟然一點發現也沒有。車廂中各人都很害怕,其中一人相信當時正值「鬼節」,才會碰到這些事!另一名曾於地鐵任職六年的阿賢,不諱言地鐵有鬼是每個職員均略有所聞的,「其實地鐵係地底果度,陰氣自然較重啦,好多同事都有撞鬼經歷。」雖然阿昌表示自己時運高從未撞鬼,但他卻表示很多職員也有過恐怖經驗。 地點︰荔景站 時間︰晚上 月台女鬼跳軌 「好多行荃灣線既車長都好驚,因為荃灣線好多怪事。有一日,有個車長開頭班車,由荃灣開出,當去到荔景站時就有怪事發生。」阿賢露出驚慌的表情,「當架車入站果陣,個車長見到有個女人跌左落路軌。」車長肯定架車係撞到人,所以他立即向中央控制室報告,一陣間就有站員去檢查車底。「但個結果係大家都估唔到!站員由車頭檢查到車尾,竟然一D發現都冇,唔好話個女人,就連血跡都冇。」而該車長事後更大病一場。 地點︰荔景至美孚隧道 時間︰全日 小孩隧道玩耍 據阿賢所說,荃灣線又怎會只有以上一件恐怖事件。「另一單我聽到都嚇親!有好多荃灣線既車長都會有呢個經歷。呢件事係發生係荔景至美孚站隧道裏面。」「車長駛經過條隧道果陣,去到中途就會見到有細路仔係度走o黎去,但係當架車去到細路果度時,佢又會突然之間唔見晒!」記者回想起多年前九廣鐵路一個以小孩子在樹林中玩耍為主題的廣告,該廣告亦曾傳出其中一個小孩的手指異常長了,更被認為是鬼手,想起已經令人毛骨悚然。記者訪問了地鐵公會主席陳善和。他強調以下全是他個人意見,並不代表公會立場,因為鬼神這類東西「信則有不信則無」。「我本人唔信有鬼,不過係地鐵做十九年,當然有聽過地鐵鬼故!」陳並不否認地鐵內的確傳出不少鬼故,「或者地鐵工作好多時都係要單獨一個人啦,好似車長,又或者車廠度做都係得你一個人,所以特別容易傳出呢個鬼故囉。」「有時地鐵工程都有發生過工業意外,亦曾經有一站係有人跳軌,所以都會有人講鬼怪。但係咪真實就無從稽考。」 陳又有沒有聽聞過地鐵員工所提供的鬼故?「好似見到有人地鐵電纜上面打韆鞦、有細路仔隧道度玩、甚至係有人跳車之後失蹤都有聽過。不過印象唔係好深刻,因為鬼神呢聽過就算,都唔會記心度。」「比較印象深刻懷疑有人跳軌之後唔見。果次報紙都有登過啦!個車長見到有個白影跌落路軌,之後搵唔到跌落去個人。不過呢事好多時都係聽番,當要搵返個當時人又搵唔到。」 荃灣車廠也有鬼 陳一直在荃灣車廠上班,原來荃灣車廠附近亦有怪事,「有幾條路會傳說話特別猛鬼,好似係荃灣車廠廿四路,果度係用泊車,果度好多車長都話撞到,但我都去過好多次,都見唔到。」「其實都有幾多人利用地鐵自殺,都曾經有一同事夜晚停駛之後,有一負責檢查路軌員工試過係路軌度見到手指腳指。」雖然這算不上是鬼故,但亦令人難以想像遇上這些事時可作出什麼反應。「因為好多時跳軌人畀車車中手手腳腳,所以痴住路軌又冇執到,所以都唔奇。」 陳指在一般發生跳軌事件之後,地鐵公司方面亦會有所行動,「如果有人地鐵跳軌,公司都會安排拜祭一,因為始終都係中國人社會,會燒元寶蠟燭,但求心安理得。而果班車個車長可以放三日假,或者做其他工作,叫做冷靜咁啦!如果個同事要求,公司都會安排心理輔導。」陳亦不忘補充說,「如果你信係有鬼,做果陣壓力就會大。咁不如唔信,反而做果陣唔洗成日度驚!好似我咁,我都唔信有,所以即使去到果盛傳有怪事發生過地方做都未試過撞鬼。」
__________________
------------------------------------ JiaJia@Rabbit |
12-12-06, 10:36 AM | #3 |
The One
註冊日期: Oct 2003
文章: 30,579
5069 4259 0235
|
至少地鐵職員用範圍d環境真係會令人不安就真o既...
__________________
|
12-13-06, 01:04 PM | #4 | |
Game Master
特殊戰技教導隊
註冊日期: Oct 2005
文章: 2,555
Siulok
|
引用:
乜成日有人跳軌既咩
__________________
在各種無知中,最差勁的是『政治無知』。他有耳不聽、有目不見,他從不參與任何政治活動。他彷彿懵然不知,種種生活費用,如大豆價格、麵粉價格、租金、醫藥費等,全都與政治決定息息相關。他甚至對自己的政治無知引以為傲,挺起胸膛,高聲說自己討厭政治。 這愚人並不知道,基於自己的政治冷感,社會出現了淫業、棄童、搶匪--更可悲的是出現了貪官污吏,他們對剝削社會的跨國企業阿諛奉承。 (布萊希特Bertolt Brecht, 1898-1956) |
|
12-17-06, 09:57 PM | #5 |
God of Gamer
註冊日期: Dec 2001
文章: 17,777
steve_ho110
|
尋晚997恐怖熱線都有人講地鐵鬼故.....
有位員工凌晨2點幾撞野.....
__________________
Man is not made for defeat. A man can be destroyed but not defeated. 人並不是生來給打敗的。人可被消滅,但不能夠被打敗。 Hemingway (1899-1961) |
12-17-06, 11:06 PM | #6 |
Game Master
33:33:33
註冊日期: Dec 2002
文章: 2,157
|
|
12-19-06, 12:48 AM | #7 |
Advance Moderator
綿花白兔仔
註冊日期: Jul 2002
文章: 1,340
Birdan
|
地鐵有真係唔奇,因為本身地底已經好陰森架啦,其實我去親上環站都唔係好自在,唔係o個度係咪特別多"矮" 呢?
__________________
------------------------------------ JiaJia@Rabbit |
12-27-06, 05:31 PM | #8 |
Game Master
Ace Killer
註冊日期: May 2004
文章: 2,215
|
地鐵路軌係陰森, 但係我就唔多信會有鬼
__________________
|
01-06-07, 10:56 PM | #9 |
Crazy Gamer
讓我舔舔你的血~
註冊日期: Sep 2003
文章: 1,050
|
唔好話冇,以前我同事時常午夜到地鐵站工作都見唔少,有一次佢踩到張報紙,張報紙居然會”嘩”一聲飛走左,你話邪唔邪?
__________________
專閹禽獸敗類, 插爆賤種Pat Pat! 地獄門口猫~人間兇獸 Tiger J! |
01-09-07, 08:53 PM | #10 |
Senior Gamer
註冊日期: Nov 2006
文章: 243
3823 8490 4570
|
我覺得呢個個案真係幾癲......
最好即刻拎部電話拍低佢~ |