[君のAPPは?]港鐵回應抄app事件：「有跟Pokeguide見面」

[Hunter]

MTR facebook原文: https://mobile.facebook.com/story.ph...er_action_list
MTR facebook: https://www.facebook.com/mtrhk/

港鐵回應抄app事件：「有跟Pokeguide見面」

近年為港鐵（066）提供類似「車站內搜索功能」以及「快捷出站」功能的Pokeguide，今日凌晨在facebook pages大控訴，聲稱港鐵App推出的兩個新功能，「站內搜尋」以及「快捷出站」疑似抄襲Pokeguide早已推出的功能，並大肆宣傳。Pokeguide於fb pages表示驚訝，並指去年已跟港鐵高層開了3至4次會。該fb post在11個小時內已錄得逾6,00個like及5,700個「嬲嬲」，並逾4,100個Shares。

港鐵於午後在官方fb post回應事件，其客戶體驗拓展總經理Annie承認港鐵有跟Pokeguide見面，但無回應是否抄襲其功能，只表示會聯絡Pokeguide「講返呢件事」，並指會希望跟不同範疇，包括I.T.及Social Media以及startup合作。

港鐵稍後亦透過電郵回覆本報查詢，表示由9月4日起，港鐵手機應用程式MTR Mobile已增加「快捷出站」及「站內搜尋」兩個新功能。港鐵表示，明白公眾對是次事件十分關注，亦會主動聯絡Pokeguide 就此事進行溝通。

Pokeguide在fb pages內表示，「車卡車門位置」並非專利，但其手機App只是將資訊集成data再推出供乘客使用。Pokeguide又聲稱，其幾個創辦人去年已跟港鐵高層開了3至4次會，並在會上分享其多年內收集的data，post內指「我地（哋）有提出過我地（哋）願意開放車卡車門答案data俾地鐵，而地鐵只需要喺佢嘅答案頁面credit番我地（哋）就得，唔明點解港鐵仲要花費千萬做番個一模一樣嘅功能？？？」

Pokeguide表示，「車卡車門位置」並非專利，但其手機App只是將資訊集石成data再推出供乘客使用。Pokeguide又指，曾提出用beacon引導乘客，並以香港大學站作例子，在通道上安裝beacon，感應乘客由閘機往月台方向，會收到列車通知，更可以賣廣告等資訊。又指港鐵在會上認同，但「個idea好好呀，我地（哋）會返去先同其他唔同部門同事研究吓」。Pokeguide呼籲網民以「一人一Tag」方式，要求港鐵回應。

港鐵於9月5日在fb pages宣傳「快捷出站」功能，另外在9月8日出post宣傳站內搜尋功能，並可在金鐘站試用。

=============================================

Pokeguide 全文: https://m.facebook.com/story.php?sto...82709865326795

“POKEGUIDE正式回應 - 地鐵App推出嘅兩個新功能”

呢幾日好多朋友message我，話「地鐵app抄Pokeguide」，最初聽到嘅時候，我地幾位創辦人感到好驚訝，因為上年我地仲有同地鐵高層開三四次會，完全冇諗過佢地會出番一模一樣嘅功能。碌一碌fb，見到大大小小嘅page都賣緊地鐵嘅「站內搜尋」同「快捷出站」廣告，我地更感到驚訝，原來抄襲人地嘅野，都可以鋪天蓋地咁宣傳。。

先講講大家都注意到嘅「快捷出站」功能，其實「車卡車門位置」呢樣野，從來都唔係專利，亦唔係一件好新穎嘅科技，多年嚟當大家行到地鐵月台，身邊總有一位朋友或者家人會同你講，「企呢度陣間出站會快D架」，我地只不過係將平時大家所講嘅說話同經驗真真正正實踐出嚟，方便自己方便大眾～ 問題係上年我地曾經同地鐵高層開會，會上我地有提出過我地願意開放車卡車門答案data俾地鐵，而地鐵只需要喺佢嘅答案頁面credit番我地就得，唔明點解港鐵仲要花費千萬做番個一模一樣嘅功能？？？

仲有金鐘站嘅「站內搜尋」功能，係我地上年喺會內提出嘅，我地講解咗點樣可以用beacon做法方便同引導乘客。我地當時以香港大學站作為例子，只要成條通道裝上beacon，感應到乘客由閘機往月台方向行走，就會收到通知有咩列車班次延誤，如果由月台向出口方向行，亦可以提供出口附近嘅地區新聞或者店舖優惠。我地提出可以line up其他研發beacon嘅startup，一齊合作做呢件事，而佢地最後嘅結論係「個idea好好呀，我地會返去先同其他唔同部門同事研究吓」，之後我地一直再冇任何書信往來，直到上星期睇見佢地大肆宣傳先知我地嘅idea又被「無通知下徵用咗」。

原來，一間咁大嘅公司係可以將人地嘅idea話抄就抄，抄完唔洗通知對方就當咗係自己野。
每次趕時間先嚟壞車，我忍。
年年盈餘過百億仲加價，我忍。
金鐘放工時間等五班車先迫上車，我忍。
但係點解香港個個都支持創科，支持建造智慧城市嘅時候，港鐵唔係俾多D機會同startup合作，而要額外花一大筆錢，偷完人idea再自己攞哂嚟做？我真係睇唔透，大家可唔可以幫手一人一Tag MTR 入嚟解釋吓？

====================================================


識睇一定睇講鐵FB
MTR Mobile今日係Google play成功爭取大量1星

[david]

講鐵：抄你係俾面你先抄咋，唔告你未經許可私自採集兼盜用商業DATA仲想點？

[luciferdark]

沒有最荒謬, 只有更
垬鐵食屎啦

[anyone]

抄埋日本有埋巴士點轉車同埋準時丫

[liar]

唔係專利唔係獨創有人做開，唔用佢寫好果套野就話人抄。
求其加兩句成日壞車咁就入到地鐵數，咁都有一堆人附和。。。。
真係一地港豬。

[Dyhalt Rushifar]

簡單D講，其實申請唔到專利既根本就唔應該走去同企業傾。
佢唔係抄只係一早PLAN一樣又好，明抄你CONCEPT都好，你根本就奈佢唔何，只係得一肚氣。

[Eking]

好埋個樣野全世界好多APP都做緊....咁佢自己係咪抄人先?

[若天]

快捷出站idea 唔係pokeguide 所創，連app 香港都有早過佢既
beacon 港鐵自己攪緊

咁都叫抄idea?

[Thaws]

越係大越係古惑, 商業常識來吧?

你望下抄人最大手O既騰〇同阿〇●●？
無諗計點樣人地難D抄/人地花時間抄o個陣你已經殺入晒成個場先係問題ar
由手機版發出

[( ﾟωﾟ)?]

其實好似巴士路線咁,依家有好多Apps都可以查巴士路線,如果巴士公司自己出個Apps查巴士路線咁巴士公司即是抄嗰啲Apps?

[Terry仔]

搞清楚一樣野
property 擁有者 =/= idea擁有者