[美劇] Amazon Prime Video 消息討論區（請守劇透守則）-- Fallout S1 上架

[肉羊哩咖]

TLoVM S2 繼續一次過三話，E4 繼續上一話，快咗啲，打得夠燦爛；E5 就大路咗啲，E6 最正，情節有少少感人，打得就絕對壯絕。

呢套嘢無乜點賣係 D&D，本人唔多熟，不過好多嘢都唔多熟。

[肉羊哩咖]

TLoVM S3 E7-9 今均係三話都唔係獨立，相當緊湊，繼續講好多各隊員嘅過去，用得好無損個進度節奏。期待下三話推出。

[肉羊哩咖]

TLoVM S2 E10-12: 今季完結，唔會覺得趕，仍然非常刺激，可能會覺得嗰下未免太易，本人覺得個舖排做得好正。亦予告咗下一季會有幾大鑊。

[肉羊哩咖]

頭兩季 Star Trek Picard 觀眾「劣評如潮」，但據報至從換咗 show runner 之後，有睇晒全季 10 話嘅評論，尤其老舊嘅 Trek 謎，都有好評。今個禮拜上咗第一話，除咗大部份場境太黑，仲有少少唔多合理，呢個最終季度定嘅調似乎唔錯，啲角式正常， Star Fleet 似返個專業，有上下尊卑嘅組織，演員方面，Patrick Steward 老態似乎比 DS2 仲嚴重，有啲心痛，其他舊角，暫時有 Number One 有唔錯嘅發揮。似乎要睇多兩話再講。

[肉羊哩咖]

Star Trek Picard S3E02: 今話再好啲，再緊湊啲，好多嘢都明朗化，好有威勢嘅大奸角（？）現身。而最後，有驚喜角式登場。

[肉羊哩咖]

Picard S3E03: 有好多評論話呢話正，可能唔係 TNG fans，睇兩位退休人仕爭拗佢哋廿年前嘅感情瓜葛（附送好鬼死難睇嘅「還童」特技），另外，重重覆覆嘅追逐場面，好鬼死拖，又扮到好大鑊，但本人又信佢又係危而不險。好在，一條副線因為上一話某角登場而變返精彩，冇咁弱智，而後面發生緊咩事又清楚。總結無上一話咁好睇。

[肉羊哩咖]

Star Trek Picard S3E04: 呢話最掂，集中主角線，感情冒險戰鬥落齊，個節奏好，做收結又做得靚。

[肉羊哩咖]

Picard S3E05: 上一話咁正，今話又變返老套 -- 一邊個「副線」蒲返出嚟，無無謂謂嘥時間，最後拎到件 Deux Ex 留返之後用，啲編劇懶到～～～ 條主線係大玩懷舊，同埋「真真假假」遊戲，前者無唔熟 TNG 嘅會無感，不過演出一流；另一邊問題更大，呢啲「劑牙膏」式嘅反派，扮到個陰謀懶大咁，老早全世界現晒身玩反枱即時收檔，搞到上兩話有啲搞笑（啫係蠢）；新角同反派似乎好有關連，收尾突然發威就有啲怪。

予佢下一話先會掀開係個大陰謀會點玩，不過係咁提晒示，都唔多洗點畫公仔畫出腸。

[肉羊哩咖]

Picard S3E06 -- 今話完全 fans 向，海量復活蛋攻擊！最重要可以話係全員齊集！不過好似本人唔係個大 TNG fans 就爭啲，但唔會睇唔明。不過對家搞乜鬼去到呢度都呼之欲出。算好過上一話，只係繼續玩舖排。

[肉羊哩咖]

Picard S3E7 - 無無謂謂嘅一話，拖，仲要搵戲嚟做，有啲甚至係相當捉X～～～

S3E8 - 好在呢話救返好多上一話嘅不足，可惜好多嘢都預咗會係咁，而某啲角式無解之下好方便咁再出現。算 OK。

S3E9 - 解謎嘅一話，最後波士現身，危機一觸即發，而最後，畀足時間 TNG 嘅 FANS 好興奮～～～

[肉羊哩咖]

唔好意思，要清一下啲欠債。

最後一話 ST:Picard，相當精彩，班老人家再次做場刺激好戲，仲畀足時間交待埋之後嘅事。

總結：一嚟受制於前兩季，有好多設定上嘅問題，個故仔好多窿，連最終回都不能倖免；尤其個反派嘅致勝關鍵係「成功需父幹」⋯⋯如果係 TNG 嘅忠實 fans，應該會好開心過癮，但好似本人呢啲，就覺得只係合格唔差，但啲評論一致話好過晒前兩季太多，心諗真係唔好返轉頭嘥時間。

[肉羊哩咖]

The Invincible 隔咗一排，第二季（？）開播，叫做 Season 202 喎，怪名～

第一話講 Atom Eve 個身世，同佢點發覺佢自己嘅能力。節奏都 OK，有打有人性互動；當然係咪「女拳」好見仁見智。女主角係超強，呢一話啲佬，唔係蠢或傻就係衰人，仲有條佬叫佢收埋唔好用力量，似乎 check 晒近排興嗰啲「堅強女性角式」Strong Female Character，但唔同在唔係一出山就所向無敵，人見人愛，佢都要學要適應，會畀人打到傷晒佢仲有人性；遇到關心嘅人出事都流露感情（相對於屍骨 Invasion，咳），有情緒有困境有不足嘅地方，唔係完人一條。相比其他相近作品嘅「強女角」，叫做似返個人。

不過如果一心想睇打到血肉橫飛，對唔住，比上一季收歛咗好多。作畫分鏡未突破到上季但係仍然「高汁」。

[肉羊哩咖]

講咗一排，The Boys 外傳 Gen V 終於有嘢睇：


9 月 29 先上三話。睇啲解畫片，好耐無見嘅 Cindy 姐可能會再登場。

[肉羊哩咖]

黑白天使再臨，只得 6 話，雖然都有成 45 分鐘一話，但係居然都有嘅攝時間嘅話數，有兩話根本同主線無乜幫助，無無謂謂，雖然兩位主角啲化學反應都仲好笑，可惜啲配角今次比上季極度跌 watt，完全唔吸引，成個故仔格局細咗好多。失望。

[肉羊哩咖]

有笑有血腥暴力有青春校院，期得，九月廿六號上，應該唔會一次過上晒，正式紅旗予告：


好似第二季登場嘅 Cindy 又會再出咁。

[肉羊哩咖]

Totally Killer，10 月 6 號上。



雖然唔好呢味，但係啲陣容同玩法，都幾有趣。

[肉羊哩咖]

Gen V 講間專替 V 公司「培訓」超級英雄嘅大學，女主角一心離開佢嘅處境，好積極要入呢間學院，隨即發現呢度係個名利場，遇到班咁上下處境嘅同伴，同時發現學院仲有個不可告人嘅秘密⋯⋯

頭三話講晒啲主要角色嘅個性，背景同嘅缺陷。照返 The Boys 一貫傳統，對現實批評諷刺絕不留手。角式個個都幾討好，尤其女主角個同房。雖然大洒茄汁有人話睇得多會悶，捌開啲拳頭枕頭，講角式嘅處境，啲創意嘅動作場面，比正傳一啲都無輸蝕。（儘量唔好同其他啲 M 字 D 字之類去比較⋯⋯）

時間上接 The Boys S3 之後，無睇過正傳嘅，會有啲唔明。The Boys 好睇，唔好走寶！（好 hard sell）

[wing]

作者: 肉羊哩咖

Gen V 講間專替 V 公司「培訓」超級英雄嘅大學，女主角一心離開佢嘅處境，好積極要入呢間學院，隨即發現呢度係個名利場，遇到班咁上下處境嘅同伴，同時發現學院仲有個不可告人嘅秘密⋯⋯

頭三話講晒啲主要角色嘅個性，背景同嘅缺陷。照返 The Boys 一貫傳統，對現實批評諷刺絕不留手。角式個個都幾討好，尤其女主角個同房。雖然大洒茄汁有人話睇得多會悶，捌開啲拳頭枕頭，講角式嘅處境，啲創意嘅動作場面，比正傳一啲都無輸蝕。（儘量唔好同其他啲 M 字 D 字之類去比較⋯⋯）

時間上接 The Boys S3 之後，無睇過正傳嘅，會有啲唔明。The Boys 好睇，唔好走寶！（好 hard sell）

等出哂先睇

[肉羊哩咖]

呢套得 8 話，啲評論都係睇咗頭 6，唔洗等好耐。

[肉羊哩咖]

Gen V E4: 繼續非常好睇。 茄汁大放送唔在講，有度爆得，唔知係好痛定係好好笑。新客串 Tek Knight，佢有舖癮變態得嚟好搞笑吓，留返各位發掘。而今話條 team 終於人齊埋晒位，而女主角個室友繼續搶戲。最後發生咩事耐人尋味，期待。

[肉羊哩咖]

Gen V S5 -- 劇情發展得幾快，一嚟解咗上一話嘅疑團，仲預告咗實際班反派做緊乜嘢，同女主角身世有啲嘢～

下一話，有個特別客串登場，令人期待。

[肉羊哩咖]

Invincible S2 予告！


11月 3 號，嘩！好快！

[肉羊哩咖]

Gen V S1 E6: 大部份都係「回憶」，但係最重要唔止個大謎開咗估，仲對成個世界好有影響！期待最後兩話。

公怖咗會續第二季，好嘢～

[肉羊哩咖]

Gen V S1E7: 唔止同正傳 The Boys 串埋，仲有意料之外嘅扭橋！下回季度結局期待！

[wing]

作者: 肉羊哩咖

Gen V S1E7: 唔止同正傳 The Boys 串埋，仲有意料之外嘅扭橋！下回季度結局期待！

E7呢集真係唔講得笑.......... 如果真係大爆發，下季the boys個方向真係完全扭轉哂