|
|
03-19-09, 04:42 AM
|
#1 |
|
Ultimate Gamer
 註冊日期: Dec 2001
文章: 4,034
 satoshi_negi |
還可能改變到甚麼嘛...哪怕只是一點點...
其實已經過去左幾日...
朋友問我不如係GAF講出黎睇下大家點睇.. 嗯...今晚就打返晒依短短3個月既事出黎啦... 可能會長氣左d...請見諒... 先由我同佢既背景資料開始先, 本身我係東大做緊研究生, 黎緊4月就開始讀master, 而女主角(就叫佢做S)已經係第3年係日本, 大學畢業後係去年10月開始黎東大做研究生(S都係以考入master課程為目標). 大家係同一個graduate school, 不過唔同研究室. 而我...其實, 好坦白講, 我由小學2年班左右開始就變得好唔鐘意中國大陸, 經常說中國壞話. 而S, 佢係中國XX省出身既. 我地個graduate school, 上年新落成左一座building, 係ground floor有個common room叫COMMONS, 入面有晒參考書, 大圓枱, 電腦, internet, 大長枱, 水機, 咖啡機, locker, printer...等等. 所以大家都成日係個度溫書(自閉). 係08年12月20日為止之前, 對於S其實冇咩印象, 只係認得有依個人存在, 之前冇見過既, 應該係10月新入學既... 行過會點頭, 不過就連S係咩野國籍既人都唔知... 08年12月20日 自己既研究室因為有symposium而去左幫手, 完左之後, 幾位同學一齊去左COMMONS, 咁岩S係度, 而研究室既上海人留學生又識得S, 大家就幾個一齊去左食晚飯. 正式認識佢既係由依一日開始. 09年1月1日 元旦凌晨 2:00左右 因為同朋友去完神社初詣, 而返我屋企條電車線又唔做通頂, 返唔到屋企, 於是乎又返左學校COMMONS. 一返到去, 竟然見到S係度溫緊書... 開始, 跟S愈黎愈多兩句. 因為我唔識講普通話, 我地既共通語言都係得日文. 原來S唔想等8月先考我地個graduate school既master入學試, 所以決定1月25日就考社會學部既master課程. 亦因為咁, S每日都會返黎COMMONS溫書. 交換左電話, MAIL聯絡. S成日坐係水機附近大圓枱部電腦, 我就坐開係長枱既, 每次去水機斟水時, 都會同S有兩句(嘛, ...水都飲多左...). 嘛, 可能S暫時都朋友少, 基本上發現差不多只係我同S有兩句(因為我同S都係由朝到晚都係COMMONS自閉, 所以S有同咩野人傾計我都可以留意到...). 之後S坐左黎長枱, 好多時我去洗手間經過S身邊時, S都會以「あのさぁ・・・」黎開頭, 然後就有野呻... 另外, 久唔久大家都有互相買D野食比大家. 而係依段期間, S開始由叫我做ｘｘｘさん－＞ｘｘｘ君－＞ｘｘｘ－＞ｘｘｘちゃん 唔, 雖然唔可能劃分到由幾時開始, 但係大概係依段期間入面, 我的確係開始對S有意思. 一方面都好驚比S知我一直以黎對中國大陸既睇法. 因為之前同S講過「きっと、さくら咲くよ！」(櫻花一定會開花唷!," 經常用黎鼓勵受驗生既說話"). 一日, 見到便行店有盒KitKet係for送比受驗生既, 上面印左「きっと、さくら咲くよ！」同埋另外有位置可以寫字, 就買左比佢. 1月23日交比S時, 好記得S笑得好開心... 1月25 S考筆試 2月1日 夜晚11點左右 S喊晒口打電話黎, 話有人話佢任性. 問佢係邊個話佢任性又唔講... 之後問我, 不如搵日一齊出去玩, 咁我當然話好. 之後又問我, 依加返黎學校好唔好, 我話我今晚要做埋個powerpoint send比先生wor. S: 你返黎我幫手一齊做好唔好 我: 好啦, 我依加返黎COMMONS啦 點知, S又突然話都係唔好, 叫我係屋企快D做好個powerpoint先... 咁我又聽聽話話...結果冇返到去... 2月3日 個日完左研究室既semi後, 見S又係COMMONS, 跟S傾傾下計時, S出左去接電話. S返到入黎後, 見S個樣怪怪地, 有D唔開心咁. 而另外其他幾位同學都話走, 咁我就話成日未check過email, 我check埋email先走, 打發左其他人走先. 之後當然係返轉頭睇下S咩野事. 果然, 一行過佢身邊就叫我坐低, 話頭先佢爸爸打電話黎, 話媽咪入左醫院. 已經入左院4日, 重未知咩野事. 夜D會再打比爸爸. S一路喊緊, 即時已經話: 入左院4日都重未知咩野事, 睇黎應該唔係小病, 如果媽咪長期要住院既, 無論考唔考得上master課程, 都可能會就咁返中國, 留返d錢比媽咪醫病... 夜晚, S mail左我話聽爸爸媽咪把聲都好精神... 嗯...當然一方面好擔心S, 另外都突然之間好驚如果佢真係返中國...唔再返黎東京... 2月5日 筆試合格發表 約左S 9:45係赤門等, 我早左15分鐘到, 而S都早左5分鐘到(其實S屋企就係學校離學校腳程1分鐘既地方). 打算一齊去便利店買D野食先, 經過安田講堂前面時, 有個媽咪帶住兩個應該得兩三歲左右既小朋友係度玩. S問: 鐘唔鐘意BB, 第時想唔想生BB, 如果係日本or香港, 可以唔洗限住生一個... 我: 我都想要BB ga, 一男一女就最好啦. 食完野, 去睇合格發表... S一望到有自己個受驗番號, 筆試合格, 就攬住左我, 攬左一陣就拖我埋去佢個番號個度. 之後都一齊拖住出返去社會學部出面. 之後掉返轉我拖返佢行, 行到去圖書館前面就攬返S轉頭, S都有放返兩隻手係我腰後面. 之後一路行返去COMMONS, 途中講起「派遣労働者」, 我因為當時唔識個字, 唔知S講咩野. S就話我, 果然係成日由高處向下望, 唔識D低下階層既事呢. 之後S要上堂, 係S就落堂時, 我就mail 問佢, 不如一齊去學校隔離個湯島神社, 求學問既. 行行下時, S問我, 如果佢最後面試都合格埋既, 可唔可以同佢係學校影返一SET寫真, 想寄返比屋企人. 我話當然冇問題. 去完神社, 差唔多送到佢返屋企時, S細細聲話: "頭先, 攬左XXX呢..." 我: "嗯, 互相攬左..." 依幾日開始, 有時見S成個下晝都唔係COMMONS, mail問佢黎唔黎COMMONS, S轉個頭就黎左COMMONS, 或者打電話黎話轉頭就落黎... 有時拎埋D生果落黎... 2月10日, 面試 朝早一早又返左COMMONS同S練多幾次面試. 之後下晝我研究室有semi, 到夜晚同教授食完飯後, 就mail S 叫佢落黎赤門. 好快S就落左黎, 重係跑住黎. 之後一齊係學校散步. 講下講下, 講到佢黎緊合格左, 由4月開始就唔會再係COMMONS溫書. 佢話, 如果可以都想有時黎返COMMONS. 之後我就向S告白. S答: 唔知, 如果可以既都好... 不過又唔知入試結果點, 又可能就咁就返中國... 再夜D, S mail比我: 對唔住, 之前已經有鐘意既人, 雖然比佢飛左, 不過仍然鐘意, XXX好好人, 好對唔住. 我: 唔, 之前約好左之後一齊去玩, 重可以一齊去嘛? S: 對唔住, 本來想以朋友身份一齊去, 依加唔可能... 第2日都mail左S, 話我冇事, 叫S唔好介意. 冇回覆... 2月16日再試下mail比S, 都係冇回覆... 2月17日, 我諗諗下, 依加我send咩野比S, S都知我有意圖既, 不如就抓爛塊面send 一d我從來都唔講, 而且又一d都唔好笑既同音字笑話比佢...終於有回覆... S: 好有趣... 係我重未回覆S時 S: 我想做宇宙人... 我: 你要做宇宙人的話, 咁我做異星人就好了 S: 我訓先啦, 晚安 2月18日, 朝早我未起身, S就mail比我話, 佢依加返part-time個度好凍... 之後幾個mail都變返閒談. 到左夜晚, 又mail比我, 話19日因為要返part-time, 冇得自己去睇最後合格發表, 問我可唔可以代佢去睇. 2月19日, 恭喜, 佢合格左~ 代佢拎埋張台紙, 用黎整新既學生証用既. 而個日下晝有懇親会, 又飲左d酒, 6點幾左右就去左COMMONS訓覺, 突然, S黎到叫醒左我... 交左台紙比佢, 開始傾返兩句. 不過問佢打左電話比屋企人未, 屋企人情況點... 佢冇答... 2月20日, S打電話黎, 同我講話原來佢媽咪係患左癌病, 而且已擴散... 我話係HK有朋友做醫生既, 不如我問問朋友點 2月21日, 問過朋友, 問過我係日本既host family, mail通知返S係日本同係HK醫癌大概咩野情況... 佢話, 如果可以接到媽咪黎日本醫就好... 2月24日, 研究室又有symposium, 因為有一位中國人前輩既叔父係係大陸做醫生既, 就問左該前輩係大陸醫癌其實咩野情況... 之後, 該前輩都留意到我對S有D野, 就估到S係咪有事, 咁我都冇否認. 2月25日, 我返左香港. 飛機起飛前仍然有同S mail聯絡... 2月26日, 下午食完lunch返到屋企...pc mail收到S既mail, 話我做咩同其他人講佢d事, 佢淨係講左比我知. 問我有冇企係佢立場諗過. 話好後悔識左我, 叫我以後唔好再比mail佢, 唔好搵佢. 我回返email比佢解釋 S都係叫我唔好再比mail佢... 咁我就話總之3月13日返到東京後再搵佢... 雖然返左黎HK兩星期, 不過都係呆下呆下咁就過左... 因為S係牛年, 買左隻牛牛錢罌, 入面入左D彩色紙仔, 上面寫晒同佢發生過既事, 講過既說話, 有晒日期, 大概時間同地點...另外加左包GODIVA朱古力. 3月13日, 一返到東京, 放低行李就去搵S. 去到S樓下, 無耐就落左黎. 一齊去左飲野, 大家都冇提過先前件事. 反而, 又變返好好傾. 佢話, 依兩星期好似好耐咁, 其實12號時打過比我, 不過我重未返. S化左粧落黎(佢平時好少化粧), 問佢係咪依加新返個份part-time要化粧, 佢竟然答唔係, 係為左我. 另, 交左牛牛同朱古力比佢, 佢係咁拎隻牛牛出黎睇(嘛, 我都覺得隻牛牛好得意ga...) 3月15日, 出門口返學校時, mail比S, 問下佢洗唔洗返part-time ar. S: 有冇好part-time介紹比我啊??? 我: 我聽日開始返勞動大學校個part-time啦, 我到時再睇下重有冇part-time職位可以介紹比你啊 S: 多謝! 另外, 我依加有男朋友啦 我: 係!? 係點樣既人黎??? S: 好好既人, 唔係好想比其他人知, 如果你唔講出去既, 我就話比你知 我: 我絕對唔會同其他人講, 請話比我知 S: 同XXX係同一個研究室既人, 想同XXX既關係劃清, 因為要避開謠言, 誤解... 冇同佢講過XXX既事, 所以都唔可以向XXX講佢既事 我: 依加可以見一見嘛, 我去緊 本鄉3丁目, 15分鐘後到 S: 因為佢都係學校, 如果比佢見到我地兩個就好麻煩. 係同佢開始前, 已經同XXX劃清楚所以唔會見 我: 係依兩星期既事嘛? 總之, 我係樓下等你, 拜託 S: 即使冇佢係度, 都唔會同XXX開始. 初初因為少朋友, 之前只係想依賴XXX. 好對唔住, 唔會黎見你. 我: 我到左啦. 無論花幾多時間, 我都係度等你... (等左半個鐘多D, S落左黎...) S話, 其實唔洗同我解釋係邊個同係幾時既事 另外...叫我唔好dup低頭行 話以後都唔好再兩個出黎, 唔好再係樓下等佢, 唔好再比mail佢 話我係樓下等佢, 好任性... 話, 從來都冇咩人對佢咁溫柔「こんなに優しくしてくれる人はいなかったから・・・」所以佢都一時唔識處理而另我誤會... 我問佢個個突然既男朋友係邊個, 係咪日本人, 佢話唔係. 我個研究室既人, 如果唔係日本人既男仔得我, 上海人, 台灣人, 鬼佬. 台灣人係我fd黎, 佢都係岩岩1月左右先同女朋友拍拖, 都係台灣人黎. 岩岩開始冇耐, 所以都應該冇咩可能咁快一腳踏兩船. 鬼佬, 應該連S都唔識... 而且都未見過鬼佬同S有傾過計 上海... 我問過S係咪上海個個, S又話唔係... S話, 其實只係岩岩開始, 會唔會突然就咁完左都唔知, 叫我總之唔好理係邊個. 之後, 行行下, S問我, 佢5月會返中國, 話可能會儲唔切機票錢, 如果到時唔夠錢, 可唔可以問我借住先. 我當然話冇問題. 我問佢, 其實覺得我點. S話, 冇特別諗過, 都係朋友, 比普通朋友好一點, 不過依加唔係 本來, 諗住同XXX一齊做朋友已經好好, XXX真係好好人 我: 依加, 係咪連朋友都不如嘛 S: 係, 因為XXX依加一定好傷心, 唔可能同我做到朋友 (我冇出聲, 隔左一陣) S: 因為係"初恋"嘛... 我: 嗯, 大概, 已經係"初恋"... S: 初恋通常都係失敗ga啦, 好快就冇事. 我之前都經常比人飛走. 失恋時好唔開心, 冇晒自信, 但係一到下一個出現時又會開心返晒, 自信滿滿. 我比人飛既時候, 一定會諗, 我咁好對方都唔要, 第日一定要令對方後悔當時唔要我... S叫我都不如好似佢咁諗, 寧願叫我第日要令佢後悔, 叫我憎佢... 之後繼續一路行, 送返佢返屋企, 雖然冇望佢, 不過聽到佢有少少鼻水聲... 行行下S又話, 4月13日唔會去武道館既入學式. 問佢點解, 佢話屋企人又唔係黎日本, 如果去完入學式有人一齊慶祝就話... 最後最後, 我問佢...唔驚比男朋友見到隻牛牛錢罌同入面d紙仔!? 佢話, 一定會留返隻牛牛錢罌同d紙仔... <完> 寫得好長...好對唔住... 另外重有d我同幾位朋友係e幾日得既黎既想法, 聽日再補充... 真係好好好唔開心... 唔, 或者...可能報應嘛...
__________________
☆★☆～ideas for life～☆★☆ 此篇文章於 03-25-09 02:19 AM 被 mudhole 編輯。 |
|
|
|
03-19-09, 09:24 AM
|
#2 |
|
Senior Gamer
 註冊日期: Dec 2007
文章: 348
|
好感人...睇到我眼濕濕...
樓主就讓這件事過去吧...既然S小姐也已經多次拒絕了 若果S小姐認為這樣做較幸福的話,就祝福她吧... 讓時間沖淡事件,以朋友的身份在身邊守護她吧
__________________
對萌及H免疫,當上熱血笨蛋或是蘿蔔控是最佳的方法 ↑↑ ↑↑↑↑↑↑ 目標 ロボ萬歳 |
|
|
|
|
03-19-09, 09:41 AM
|
#3 |
|
Ultimate Gamer
註冊日期: Apr 2004
文章: 4,583
|
S: 係因為XXX依加一定好傷心, 唔可能同我做到朋友
佢: 因為係"初恋"嘛... 我: 嗯, 大概, 已經係"初恋"... S: 初恋通常都係失敗ga啦, 佢=?? |
|
|
|
|
03-19-09, 10:27 AM
|
#4 |
|
God of Gamer
 註冊日期: May 2002
文章: 6,055
 5112 3637 7002KOUKEN_84 |
就將佢當成係一個回憶吧
(只少你有曾經得到過....)
__________________
我唔大方，不過唔代表我小氣 
|
|
|
|
|
03-19-09, 12:00 PM
|
#5 | |
|
Ultimate Gamer
註冊日期: Dec 2001
文章: 4,034
satoshi_negi |
引用:
應該係 S: 係, 因為XXX依加一定好傷心, 唔可能同我做到朋友 (我冇出聲, 隔左一陣) S: 因為係"初恋"嘛... 我: 嗯, 大概, 已經係"初恋"... S: 初恋通常都係失敗ga啦, 嗯, 我改返先 咁樣清楚D
__________________
☆★☆～ideas for life～☆★☆ |
|
|
|
|
|
03-19-09, 06:01 PM
|
#7 | |||
|
Ultimate Gamer
註冊日期: Dec 2001
文章: 4,034
satoshi_negi |
引用:
怕且, 都唔可能再以朋友的身份係身邊... 一黎咁樣等於同佢再冇聯絡, 而且, 由4月開始, 佢就會轉左去社會學部既graduate school, 唔會再黎我地個度... 引用:
大概!?...唔...大概... 引用:
只係...自己好想知道"真實"係點樣既一回事... 跟朋友傾過, 有3位朋友就懷疑, S係咪真係有男朋友... 的確諗返轉頭有好幾樣野都有d問題, 1. 係研究室而又唔係日本人既, 個3個都應該冇機會... 或者可能佢講緊大話, 其實係日本人或者係上海人都未定... 但係 2. 岩岩先同我講叫我唔好再同佢出黎唔好搵佢, 轉個頭就問我如果5月時佢唔夠錢返中國時可唔可以借比佢... 既然有男朋友既, 重洗乜問我借, 點解唔問男朋友!? 係佢男朋友的話應該一定會幫佢ga wor 3. 另外, 又話唔會去入學式, 因為反正冇人同佢慶祝... 咁佢男朋友點!? 男朋友唔係應該會陪佢去同慶祝嘛... 難得考入到東大而且都係屬於難入既文學部社會學研究科, 應該唔會唔慶祝嘛...(S都係對東大既幻想過分肥大化既人黎...) 4. 既然係有男朋友既, 做咩係13號夜晚時, 唔趁人少少同我講清楚... 重要話因為我先化粧落黎... 做咩重要講ED咁既說話... 係13號未見到佢之前, 以為佢重係嬲緊, 好擔心... 見到佢之後, 一心以為已經冇事, 可以再慢慢黎, 開心返晒... 點知, 隔左一日就突然話有男朋友, 而且重要大家以後唔好再出黎唔好聯絡... 一時間黎得咁突然真係好難接受... 其實另外最怕既就係...5月佢會就咁返左中國就唔再返黎東京... 2月3日S已經話過, 如果媽咪既病係要長期住院既, 就算合格都可能會就咁就返中國, 寧願留返D錢比媽咪醫病... S係2月頭已經煩惱緊如果合格既學費生活費問題, 依加再加上媽咪有事, 錢方面的確係應該唔夠... 話唔埋...可能就係因為唔會讀落去, 佢先唔去入學式... 同埋要令我完全死心... 當然, 即使佢係咁選擇, 亦完全可以理解, 屋企人有事, 只要自己唔讀落去就有機會救返既, 比著係我都應該會返HK算...
__________________
☆★☆～ideas for life～☆★☆ |
|||
|
|
|
|
03-19-09, 08:41 PM
|
#8 |
|
Crazy Gamer
 註冊日期: Aug 2003
文章: 1,716
|
forget about her
life always goes on 就當係留番比自己既回憶.. 遲早會遇到個大家互相鐘意既..
__________________
i love kendo i love comics i love computer games i love toys i love you! |
|
|
|
|
03-19-09, 11:29 PM
|
#9 |
|
God of Gamer
註冊日期: Mar 2002
文章: 9,266
|
S好似求其講個大話諗住避開你咁(但唔知佢點解要咁做)
算吧啦....
__________________
惡質PLAYER |
|
|
|
|
03-20-09, 12:53 AM
|
#10 |
|
Insane Gamer
註冊日期: Oct 2005
文章: 620
RMHK-Kinkedo |
假設個女仔其實無男朋友而又對樓主有意思，個女仔會唔會係怕喺埋一齊會累到樓主唔開心，或者到五月有啲咩事要分隔兩地，與其係咁不如趁未開始就乾脆作個善意嘅大話去拒絕樓主?
電視劇劇情上腦 
__________________
銀英戰艦首辦+超時空要塞模型收集中 
|
|
|
|
|
03-20-09, 02:51 AM
|
#11 | |||
|
Ultimate Gamer
註冊日期: Dec 2001
文章: 4,034
satoshi_negi |
引用:
我都唔想忘記佢... 嘛...亦唔可能真係話忘記就忘記... 雖然...可能真係忘記左會係最舒服... 好矛盾... 引用:
引用:
佢有冇講大話都好...都好難受... 如果真係好似佢咁講, 男朋友真係我研究室既人... 遲d當我知道左係邊個既時候, 我究竟應該點面對該人好...!? 我唔信我能夠若無其事...
__________________
☆★☆～ideas for life～☆★☆ 此篇文章於 03-20-09 02:57 AM 被 mudhole 編輯。 |
|||
|
|
|
|
03-20-09, 10:28 AM
|
#12 |
|
Ultimate Gamer
註冊日期: Jul 2004
文章: 4,550
|
不要傷心吧...
起碼知道個女仔對你點先啦... 有時相愛..不一定代表可以一齊的...有緣無分吧? 雖則有時我都唔明D女仔諗咩... |
|
|
|
|
03-20-09, 01:29 PM
|
#13 | |
|
God of Gamer
註冊日期: Mar 2002
文章: 9,266
|
引用:
真係只可以扮無事....  唔通你想同佢決鬥?
__________________
惡質PLAYER |
|
|
|
|
|
03-20-09, 03:57 PM
|
#14 | |
|
Ultimate Gamer
註冊日期: Dec 2001
文章: 4,034
satoshi_negi |
引用:
今日見到佢地一齊行出行入... 兩個重要若無其事咁埋黎同我打招乎... 唔係當我係聖人嘛...!? 我都只係一個普通不過既普通人... 唔會亦唔可能偉大到雖然對方唔鐘意自己, 但係只要佢幸福就心滿意足 點都唔可能... 我根本就非常自私, 自己鐘意既梗係想要得到手 岩岩佢兩個若無其事咁黎同我打招乎...淨係諗返起已經覺得何其嘔心... 或者...或者, 2月15日S重講話5月重可能會問我借錢, 其實都只不過係因為唔想比唔好既一面男朋友睇嘛... 而咁亦都明點解S會話之前一直都只不過係想依賴下我咁簡單... 可能, 對於S黎講, 我既存在只係比佢呻唔開心, 訴若, 搵支持既對象嘛... 反正無啦啦有人自動送上門, 又有求必應, 重方便過去神社... 咁...即係...唔開心既野就我食晒!?... 當然...依加我仍然諗如果S真係向我開到口既, 我諗我一樣會借比佢(當然都唔預會收得返)...
__________________
☆★☆～ideas for life～☆★☆ |
|
|
|
|
|
03-20-09, 05:21 PM
|
#15 |
|
Game Master
註冊日期: Feb 2004
文章: 2,212
|
我覺得唔好借俾佢, 佢問你借, 你咪話"你唔係有個好好o既男朋友, 點解唔叫佢借俾你?"
|
|
|
|
|
03-20-09, 05:25 PM
|
#16 |
|
Game Master
註冊日期: Feb 2004
文章: 2,212
|
姐係唔係叫你唔好做好人, 係唔好做爛好人
|
|
|
|
|
03-20-09, 06:48 PM
|
#17 |
|
Game Master
註冊日期: Nov 2002
文章: 3,230
Iris02320 |
既然對方都比你見埋佢BF...明即叫你對佢完全死心...
朋友，放開吧...用時間冷靜下自已的內心後， 再努力尋覓對象啦！ 
__________________
我需要錢!!!!
|
|
|
|
|
03-20-09, 07:32 PM
|
#18 |
|
Ultimate Gamer
註冊日期: Dec 2001
文章: 4,034
satoshi_negi |
できないよ・・・
本当に・・・もうできない・・・ どうしてだろう・・・ ぼくだって・・・本当にかのじょのことが好きだよ・・・ どうして、エンリケだよ・・・ どうやってエンリケに向けばいいんだよ・・・ とっても許せないことだ・・ これは・・ くるしんだよ・・・ 慰めてくれよ・・・
__________________
☆★☆～ideas for life～☆★☆ |
|
|
|
|
03-20-09, 07:38 PM
|
#19 |
|
Ultimate Gamer
註冊日期: Dec 2001
文章: 4,034
satoshi_negi |
ごめんなさい
ちょっと酔っ払ってる・・・ ごめんなさい・・・ 本当にごめんなさい・・・ 僕がｇ悪いんだ・・・ どうすればいいんだよ・
__________________
☆★☆～ideas for life～☆★☆ |
|
|
|
|
03-20-09, 11:30 PM
|
#20 |
|
Crazy Gamer
註冊日期: Jan 2008
文章: 1,819
waynelkw |
暫く苦しいが、傷も付いたが、
私の考えではこれで終わって断念したらいいじゃないかと、思ってる。 確かに、「初恋」ばかりのあなたには残念だし、気も済ませないし、、、だが、 正直に言えば、彼女はそんなに優しい人じゃないのは文章からよく見える。 |
|
|
|
|
03-20-09, 11:46 PM
|
#21 | |
|
Moderator
註冊日期: Oct 2003
文章: 1,826
|
引用:
定只係你見到佢地一齊行出行入而唔自覺地先入為主? 我覺得，就算人地唔鍾意自己／無同自己一齊都好， 要咁樣諗對方係對對方有d 唔尊重，亦都會令自己更辛苦...... 嫉妒係難以避免o既其中一樣感情，但唔好俾佢支配。 又，我開頭會諗， 佢最尾同你講有男朋友，都係想你快d 死心...... 抽離d 考慮下，你會睇到兩人有咩難處唔可以o係埋一齊， 對方都一樣會睇到，並因此而考慮、作出唔同o既決定。 o係你認真思考想去嘗試o既同時，對方都一樣有去思考過呢段關係會係點， 只係大家過唔到果個樽頸而已。 |
|
|
|
|
|
03-21-09, 02:32 AM
|
#22 | |||||
|
Ultimate Gamer
註冊日期: Dec 2001
文章: 4,034
satoshi_negi |
首先, 好對唔住, 頭先醉左...竟然連續出左兩個日文回覆...
話時話...我又真係太渣... 先飲得3罐唔夠就醉(嗯, 第一次醉...原來真係好辛苦...)...重要係COMMONS度嘔... 真係失態... 引用:
引用:
由2月15日個日, S同我咁講時, 我已經即刻心入面咁諗... 但係...係佢面前, 我又邊講得出口...邊可能拒絕到佢... 真係好難想像點樣對住佢講咁既說話... 其實係佢未同我開口講話可能會問我借之前, 係2月25日我返黎HK前, 佢已經同我講過話5月想返一返中國 係個時已經打算好到時同佢分擔一部分機票錢... 返正岩岩有分好好pay既新part-time...都負擔得起... 引用:
不過依加真係好矛盾... 佢冇做錯任何野, 但係對於我黎講, 我冇辦法唔去憎佢... 正正係因為自己識既人...更加變得唔甘心... 日後重要見到佢地係COMMONS出雙入對... 點解淨係佢可以同S一齊,而且對於我既事咩野都唔知咁便宜... 引用:
呃...點解會咁樣睇得出??? 雖然都有朋友咁講過...但係... 初恋...佢肯承認我初恋過!?... 嗯...的確曾經出現過好短好短既恋愛感覺...但係又未正式開始過... 我都唔知係咪真係應該當佢係初恋... 引用:
不過睇S今日既說話衣著等...我諗我就咁斷言都可以... 另外, 今日日本係公眾假期, S又已經考左入大學院, 基本上冇特別雖要返黎學校 又的確, S今日返黎後, 根本就冇野做, 只係同鬼佬一齊... 所以, 應該冇錯... 嗯, 我都覺自己好衰... 不過, 如果唔係咁諗, 我都唔知點樣去解釋點解2月15日S岩岩先同我講完有男朋友後, 轉個頭就話5月可能問我借錢...同埋, S話之前一切既野都只係想依賴一下我... 嗯, 原來只係依賴一下咁大把... Middle講得好岩...我依加的確係非常嫉妒... 自問真係放晒個心想對佢好, 有一點最直接意識到既實感係, 因為佢, 我由細到大對中國大陸既偏見都唔再諗 依一樣野係我咁多年以黎以為我冇可能會改變既 原來, 都只不過係咁簡單就可以突然改變左諗法 如果唔係真係鐘意佢既, 我諗依樣成為左我咁多年以黎做人最基本既立場, 唔會咁易就可以有改變... 雖然我又唔會話因為咁而突然變得愛國, 但係, 終於變得可以盡量客觀一點咁去睇中國大陸既事... 嘛...今次真係好好反省過...亦都好後悔以前自己講過既說話 的確好似2月5日S話過我咁, 一直都由高處向下觀察, 唔明白下層既事... 但係, 我真係諗唔到, 我做/講過咩野會另佢咁諗我... 定還是, 依句說話係出自佢對"香港"既印象... 如果係既, 咁我真係自得自業... 只不過就係前一陣子, 我正正就係個d以曾經係大英植民地而睇中國唔起既所謂"香港人"... 所以今天要有返相應既報應嘛... 同鬼佬比起...又的確... 鬼佬係外國白人, 我只係黃皮膚既亞洲人... 鬼佬係國費學生, 我只係私費學生... 鬼佬又高過我...成績又好 而我就...中學時成績差到升唔到上大學, 要去讀副學士... 雖然依加考到入東大, 教授都話係以好好成績而考入黎... 真係好好成績!? 我唔信lor... 自己考成點自己知咩野事... 英文我一定考得好差; 筆試3條, 一條100%全中既都冇... 最多係面試係好少少嘛...而面試, 根本就只係我帶個乖孩子既面具出黎 係d教授面前扮演一個斯文聽話既乖孩子... 反正, 大家都鐘意望落乖既學生嘛... 另外, 鬼佬出年就畢業, 所謂東大生...又識西班牙語日語英語, 就職方面唔洗怕嘛...好快就有咁上下經濟能力... 對於S黎講, 依加...經濟一定係好重要... 唔係話S貪錢, S平時真係好節儉好努力, 只係佢依加生活真係好難...
__________________
☆★☆～ideas for life～☆★☆ 此篇文章於 03-21-09 02:36 AM 被 mudhole 編輯。 |
|||||
|
|
|
|
03-21-09, 07:53 AM
|
#23 |
|
Moderator
註冊日期: Oct 2003
文章: 1,826
|
哎，又唔好咁樣比較，
一個人最後鍾唔鍾意另一個人、鍾意邊個多d ， 唔係優點多就一定得o既； 就好似你開頭鍾意佢、佢都有一d 條件o係你原本o既理想之外嘛。 再者，就當佢而家係因為了解到鬼佬o既優點、所以同佢一齊喇， 但鬼佬o既缺點呢? 可能佢之後會發現更多； 然後最後又會有另一種發展? 或者呢d 都只係後一步o既推想、未必會發生， 但你自己都要問下自己想點， 放棄、定繼續鍾意落去? 點揀都好，都要令自己走得積極正面開心， 前方是絕路，希望在轉角，故事唔係到呢刻就完的。
|
|
|
|
|
03-21-09, 09:02 AM
|
#24 |
|
God of Gamer
註冊日期: Mar 2002
文章: 9,266
|
又唔洗講到自己咁差O既....話晒都東大生
 不過你就真係唔好借錢比佢.....  到5月果陣你就會唔記得對佢o既感覺架啦
__________________
惡質PLAYER |
|
|
|
|
03-21-09, 10:12 AM
|
#25 |
|
Senior Gamer
註冊日期: May 2008
文章: 149
|
咁你又想點呢= =
事實上暫時的確係改變唔到D咩 咪放棄左佢算lo.. 再執著都只係傷害自己 |
|
|
|
平板模式
