仲挽唔挽留呢段關係好 ?

[歌絲˙暮斯]

前文: http://gaforum.org/showthread.php?t=176494
話說 block 完佢之後, 我最後都係 unblock 左佢.
佢去左日本讀書, 同佢當時既男友同居, 但呢個男人會打佢, 所以佢一直都好痛苦, 唔開心, 一直同我有聯絡.
而我起澳洲, 雖然間中有拍拖, 但心裡面都有中意佢.

就咁過左七年.

前年因為屋企既事我返左香港, 咁岩佢起日本讀完又唔想自己一個人生活, 就又返埋香港.

咁耐無見乾柴烈火就好快走埋一齊.

其實一開始我地就有問題.
1) 佢唔想打工,唔想做野.想我養起佢所有野.起初可以,我俾段時間佢休息, 一休息就係兩年. 派生出好多生活同錢既問題.(後續)
2) 超大脾氣, 會因為小事而大發脾氣, 真係動肝火果隻, 當街鬧人鬧我係好平常.

唔返工做野引發出好多問題, 佢成日困自己起屋企, 一訓十幾個鐘, 又成晚自己打機睇戲, 作息唔定時, 自然健康同精神都唔好. 同家人關係唔好, 起屋企時間長, 會多左磨擦就更唔開心.

就係咁, 我有我工作, 有時又要周圍飛出差, 佢有佢 hea, 星期五六日就拍拖.
起初係 OK, 後來半年左右就出現問題, 我地開始去旅行, 支出好大. 平時拍拖支出, 到佢自己房電器傢俬, 行街買野之外, 我俾佢 4 位數零用, 仲要俾我屋企.

其實都仲夠, 不過佢健康一有事就真係開始頂唔住.

因為有鼻敏感, 而且有定期打針, 上年初出現 d 病徵. 以為係好大件事, 所以我開始慳返 d 錢,我地因為錢開始多問題.拍拖行街開始重複果幾個地方,減少買野俾佢,一起食飯食平d. 大家都開始悶.

鬧過幾次分手, 有時佢想維持返, 有時係我挽回.

其實我都有好多唔岩, 成日無記性, 忙又無 re 佢, 所謂慳 d 其實都買左唔少自己既 hobby: 相機, 貴衫 etc. 當佢一直無搵野做, 我地既日子係咁 loop 既時候, 我仲見過其他女人, 請人睇戲食飯, 俾人訓我膀頭, 輕輕咁 kiss and hug 都有..... 係唔知點解最後都控制住無亂來 當然無俾佢知.....

佢一直唔想做野, 其實我無迫過佢搵工. 我只係唔想佢咁浪費時間, 白過日子. 而且我無要求佢朝九晚五返一份工, 求奇做下 part time 輕鬆 d 幫補下都好, 始終我地仲有一個未知係乜, 要驗血又做磁力共震既病要應付. 佢雖然係專門學校畢業, 但 office 生存力好低, 亦無任何經驗, part time clerk 都未必想做/做得來.

之後間唔中都搵過幾份 freelance 既翻譯做, 但又怕自己能力唔夠, 做左幾份就無再做.
就一直到今年頭, 佢家人幫手出錢睇私家醫院, 驗出來既只係我地大驚少怪, 無乜大病. 咁岩又有個 live 想去外國睇兼旅行, 我又有牌要考, 荷包會應付唔來.

為左見偶像, 我地計劃再去旅行, 而佢自己去搵返部分既費用.

咁終於的起心肝搵工, 但又只係想做幾個月就閃, 所以就做份返一至六既餐廳. 點知一開始返工就大病, 一病病左好幾日.而好返後, 佢返工既日子大家都好慳, 佢話返工時只食 d 小食做午餐, 我好擔心, 都盡量再俾錢佢.

就係臨出糧前, 到我病要睇醫生, 而佢有樣一百蚊左右既化妝品要買, 我話真係無, 等一日出糧先得唔得, 唔係連自己返工都唔得.

佢好嬲, 將一直以來我對佢金錢既限制不滿都爆發晒出來, 問我同唔同意分手, 今次係前所未有, 我諗都好可能維持唔住.

嘩打左咁多字......

其實都係 as topic, 想問大家意見, 仲挽唔挽留呢段關係好 ?
其實我已經聯絡緊 plan ABCDE 既女人…

不過諗起.....兜兜轉轉咁多年, 最後都走返埋一齊, 所以好珍惜, 覺得好難得....
而呢段時間裡面, 大家真係無乜朋友生活, 除左屋企同工作, 就只有對方, 所以真係好難再接受到另外既人.