Games Animation Forum

返回   Games Animation Forum > 娛樂興趣區 > 娛樂資訊潮流頻道 > 電影版

回覆
 
主題工具 顯示模式
舊 10-06-19, 02:13 PM   #51
動漫遊戲迷
Insane Gamer
 
註冊日期: Nov 2006
文章: 528
評語
關於電影在評語方面,大體上已如坊間所言,情節無疑普通得像一般的肥皂劇,祖昆馮力士確「單天保至尊」(強顏大笑而流露痛苦、自我釋放時卻喜中有恨及惑中有慨嘆)。不過,電影倒有一些細節甚有妙處:

老闆不信任亞瑟時,並非態度惡劣,致亞瑟無法當場大笑表達傷心而不能直接向他表不滿,凸顯亞瑟是明白事理的人,加強自己是性本善之說服力(邪只是為世所迫而致)

藍度因求保留工作而向老闆訛稱手槍是亞瑟託他購買,雖然為保工作而自私,但是起初送槍給亞瑟及在往後得悉亞瑟或與罪案有關,卻仍與矮子探望亞瑟,某程度視亞瑟為朋友,只是最後無心地以矮子開玩笑而被亞瑟殺掉。這點妙在出於亞瑟得悉母親的過去及認清父親的真面目之後,因亞瑟在那時已對葛咸的腐朽甚感不滿,即使藍度不是嘲笑他(其實藍度未免太笨,明知曾出賣對方便了解對方可不會仍視自己為朋友),可是亞瑟已達至對弱勢社群感同身受至極,加上自己也對藍度出賣自己一事仍存憤恨而對他沒有好感,致自己要為同類者爭一口氣才殺「欺凌者」(亞瑟也沒有殺矮子滅口,證明良知及友情仍在心)。

梅利真心欣賞亞瑟的諧趣才邀請對方(他在後台制止助手勿用略為強硬的語氣說話,加上盡量給亞瑟發言,倒不像有意找亞瑟出醜),只是未經他人許可便取他人為材料才致殺身之禍。這點為電影的壓軸高潮的妙處是亞瑟已殺掉母親而失去其中一道支柱(另一道支柱是梅利),讓亞瑟開始踏入被負面情緒束縛至不願思考(假如亞瑟是在得知母親的過去及發現父親的真面目前而被梅利賞識,或許會想到對方為真心賞識自己),寧自己為所欲為而求解脫,致藉出席電視節目表達自己因崩潰而悲苦至極及對葛咸不滿。

蘇菲為亞瑟的情侶是他妄想出來確教人意想不到。這點除了凸出亞瑟感到空虛至寂寞找一個伴侶,還凸顯世間有人同情他(蘇菲可沒有在事後報警)。

母親與繼父虐子絕為真相,只是亞瑟應為蝙蝠俠之兄,因母親在亞卡漢精神病院被心理醫生治療時仍說湯馬士是亞瑟之父,某程度該為湯馬士捏造證據。這齣電影可為《蝙蝠俠》系列的平行世界式作品。蝙蝠俠與小丑無論在不同的平行世界始終是宿敵,而且在價值觀上的正反對比是相輔共生,彷似一體兩面。小丑如在此平行世界是蝙蝠俠之兄,雙方便有在宿命上的淵源(血緣),讓彼此的宿敵及一體兩面的關係顯得更強(湯馬士對布斯該像以往的平行世界是真心關愛布斯的好父親,那麼蝙蝠俠與小丑便分別為湯馬士的正與邪)。

亞瑟在亞卡漢精神病院以笑蓋苦時,加插布斯目睹父母被殺的鏡頭,表達了社會不斷出現抑鬱者(布斯)。不過,布斯因存有光明,致能戰勝負面情緒而成俠。

此篇文章於 10-07-19 03:42 PM 被 動漫遊戲迷 編輯。
動漫遊戲迷 目前離線   回覆時引用此篇文章
舊 10-06-19, 04:29 PM   #52
HON HON
God of Gamer
沒有妳, 還是愛妳
 
註冊日期: Nov 2006
文章: 11,390
3DS Friend Code3222 5528 5573
PSN  IDAhHonHon
XBox Live GamertagAhHon Go
我覺得呢套戲唔駛諗太多, 其實佢只係講呢個JOKER既心理上係點樣既人黎, 諗得太多反而變成仲痛苦過佢...

總之...個人睇法既劇透...

- 佢阿媽就俾佢整死左, 原來搞到佢咁係係佢阿媽一手做成, 接受唔到所以...
- 請佢上節目只當佢係一個笑柄, 並非真心當佢係人咁睇...
- 個舊同事出賣左佢, 仲要上黎扮無辜, 所以收佢工...
- 佢係一個講道理既人, 所以侏儒同事無事係合理(至於話有無供佢出黎,呢個就係跟個故事無關既事)
- 佢只係想有人關心同有人陪, 所以將鄰居變成FF既對象...
- 佢對BRUCE老豆當知道真相後已經變成無理會兼無所謂...
(佢上埋電視嗰幕對佢黎講已經係完結, 只係佢既行為被個社會情況咁啱得咁橋令佢變成另一方面既象徵)

至於跟住做落去新既BATMAN會點講同埋會唔會跟返佢呢個背景延續做落去, 咁就要睇菭去至知LU,


HON HON 目前離線   回覆時引用此篇文章
舊 10-06-19, 07:35 PM   #53
肉羊哩咖
Ultimate Gamer
griffin611
 
註冊日期: May 2008
文章: 4,627
答樓上

有評指出佢老母後生日影嗰幅相有字,署名 T.W.,可能係同 Thomas Wayne 有過一腳嘅證據咁話,要睇多次確認。不過當然可以係假。

導演講過呢部同嚟緊嘅新蝙蝠俠無關係。


__________________
本人唔小心噏錯嘢被人扑,都係抵死㗎喇~~~
其實點知到畀咗咩人扑咗嘅呢?
肉羊哩咖 目前離線   回覆時引用此篇文章
舊 10-07-19, 09:45 AM   #54
mrk
God of Gamer
 
註冊日期: Mar 2009
文章: 7,489
Wii U IDmrk_us_1st
Nintendo Switch ID美國Acc-7963-3777-4483
3DS Friend Code3050 7594 0791
PSN  IDmrk1us
XBox Live Gamertagmrk hk
已睇IMAX版,改編得好正!


__________________
依家係5部3DS日版+美版機主,
在此後補番日版機FC:3823-9193-3514。
重有日版WiiU主機的NNID:mrk_jp_1st
switch日服Acc_2707-3945-3492(HK*mrk_jp1)
switch美國Acc_7963-3777-4483(HK*mrk_us1)
switch港服Acc_6669-1669-8277(HK*mrk_hk1)
switch英服Acc_3093-4099-7614(HK*mrk_uk1)
mrk 目前離線   回覆時引用此篇文章
舊 10-07-19, 01:14 PM   #55
真!DC
Banned User
奉行我道
 
註冊日期: Jan 2003
文章: 22,835
睇完
覺得
槍殺果段戲太早了,
最初以為係幻想點知鄰居果般段先係
如果劇情係一直都抑壓最後去到一個點先變瘋狂一次爆發出尼覺得感染力會大好多
個人覺得或者改成係意外冇心殺人會好d

另外到底係唔係真係私生子唔重要了
重點係一切都係佢阿媽攪出尼

請佢上節目個主係咪想嘲笑佢都好都只係為節目效果
後台都見到佢係用工作夥伴態度同主角講野

Ending收得比較平淡

由手機版發出
真!DC 目前離線   回覆時引用此篇文章
舊 10-08-19, 10:45 AM   #56
iamleoluk
God of Gamer
美波様!
 
註冊日期: Nov 2005
文章: 14,928
PSN  IDiamleoluk
成套根本就係Phoenix既表演場
個人覺得套戲無想像中咁好睇,可能太多人讚得太勁所以有落差,我略嫌成為joker個過程太普通

雖然唔關事,但我都係鍾意三部曲嗰個joker多啲
三部曲個個係天才犯罪者,做事細密有目的,狂氣之中有深度,好有奸角既魅力
phoenix既joker只係一個受壓迫,被社會遺忘既精神病人,一時衝動之下犯罪,
之後沉溺係暴力之中,並誤打誤撞之下煽動左市民,純粹係一個黐線佬鍊成反社會人格既悲(喜?)劇故事

另外有人話套戲有d似香港依家,我就覺得唔係咁似,背景、示威既理念、手法同目的都難以相提並論
我甚至覺得用Joker黎比有d矮化左香港依家既示威
iamleoluk 目前離線   回覆時引用此篇文章
舊 10-09-19, 09:07 AM   #57
gingq7
God of Gamer
是但
 
註冊日期: May 2008
文章: 8,199
個人覺得套戲無想像中咁好睇 +1

我覺得最後果part高潮太短, 欠了些甚麼


__________________
Fate / Grand Order:
169454177
gingq7 目前離線   回覆時引用此篇文章
舊 10-09-19, 10:21 AM   #58
12號四分衛
Game Master
 
註冊日期: Jan 2006
文章: 2,017
XBox Live Gamertagqbgabe12
引用:
作者: 真!DC 查看文章
睇完
覺得
槍殺果段戲太早了,
最初以為係幻想點知鄰居果般段先係
如果劇情係一直都抑壓最後去到一個點先變瘋狂一次爆發出尼覺得感染力會大好多
個人覺得或者改成係意外冇心殺人會好d


由手機版發出
兩睇

諗番佢係不停「進化」
由一開始比細路打唔還手
到比人車上面打還手
去到拿到阿媽個Report後
先完全Unlock,一次比一次殺人殺得輕鬆
12號四分衛 目前離線   回覆時引用此篇文章
舊 10-09-19, 11:34 AM   #59
12號四分衛
Game Master
 
註冊日期: Jan 2006
文章: 2,017
XBox Live Gamertagqbgabe12
引用:
作者: gingq7 查看文章
個人覺得套戲無想像中咁好睇 +1

我覺得最後果part高潮太短, 欠了些甚麼
個人覺得套戲無想像中咁好睇 +2


S


我諗最大「問題」係多多少少都會有等睇superhero genre 的心態入場
點諗到佢比起Nolan的版本更加「真實系」...
結局的高潮,就「只係」見證佢成魔

如果套野完全唔提gotham city/Thomas/Bruce Wayne/joker個名,就只係唔提個名, 可能無期望無失望

12號四分衛 目前離線   回覆時引用此篇文章
舊 10-09-19, 12:22 PM   #60
真!DC
Banned User
奉行我道
 
註冊日期: Jan 2003
文章: 22,835
我係抱住睇小市民點樣受壓迫變痴線佬報服社會心情去睇
冇當美國英雄片
見到
有布斯小朋友出場反而覺得好意外,估唔到同batman故事有關係

覺得唔夠壓迫唔夠報復
由手機版發出
真!DC 目前離線   回覆時引用此篇文章
舊 10-09-19, 06:47 PM   #61
王小虎
God of Gamer
 
註冊日期: Apr 2002
文章: 7,514
唔算係完全小市民受逼害引致。佢本身有創傷後遺症,會抑鬱,會失控狂笑。佢唔食藥後更加出現幻覺。當然我會覺得係悲劇,社會冇人關心,政府資助的醫生都只係打份工,巡例睇症,甚至乎最後cut budget連藥都冇得食。

佢比人喺街打、欺凌,比同事出賣,都唔係講咩高層社會的逼害,都係同階層的欺凌、歧視。正如佢喺地鐵殺咗個三個中產,都只係因為發病然後反抗自衛,完全冇話係為咩特別原因,甚至講係誤打誤撞。佢喺talk show時都有講佢唔係因為咩政治原因殺佢哋(不過佢都有表達對社會的不滿)。

但係當佢殺咗人,傳媒開始大肆報導,有人吹捧佢,模仿佢,佢先覺得受人注視,有咗存在感。潘多拉盒子被打開。

知道咗自己身世後,好似坐完過山車,又話有老豆,下一秒又話唔係,唔再相信佢阿媽,同埋自己的創傷後遺症都係某程度因為佢阿媽,於是殺埋佢(定係等佢唔使活喺個謊話中)。然後又發現自己好多野都係幻覺,甚至連另一個對自己好的人都係假的,開始生無可戀。

殺得兩次,唔爭在第三次,不過其實個時佢已經豁咗出去,係諗住臨自殺前,殺多個好討厭的人會覺得爽,道德規條已經冇晒。臨去前比警察追個小插曲,咁都捉我唔到,反而令到佢又有翻小小成功感,覺得做小丑好爽。

然後電視機前,比人窒頭窒勢,結果冇辦法完成自殺劇本,嬲起上嚟殺主持人(都係言語上欺凌佢的人)。喺電視機面前,全世界聚焦的感覺無與倫比。被捕後遇上車禍,比d示威者推上車頂做英雄,又再次令佢存在感、滿足感爆燈,完全解釋咗一個咁痴線,咁反社會,點解會成為小丑黨的首領,同埋以後點解要不停做出毀滅呢個社會的行為,只係為咗得到注視。

所以個故事唔係講普通人,佢本身有精神病,得唔到幫助,仲火上加油比人欺凌,再加上一d意外同複雜的家族史,先走上成魔之道。

有人話張相寫住T.W.代表Thomas Wayne真係佢老豆,只係屈佢阿媽入精神病院,當然亦有可能"你見到"的只係"佢見到"的幻覺,張相其實咩都冇寫。不過亦冇必要去確認邊個解釋先啱,open end就係想要咁嘅效果。

有d政客話驚套戲鼓吹暴力,驚會有人copycat,套戲就係叫你哋d政府高官用多d資源心力去關心吓精神病人,唔係一味唔好講唔好提,塞個頭入枕頭下面唔聽唔睇。有冇睇"我們與惡的距離",就係要多d關心,先可以防止下一個悲劇的發生。

此篇文章於 10-09-19 07:08 PM 被 王小虎 編輯。
王小虎 目前離線   回覆時引用此篇文章
舊 10-11-19, 10:52 AM   #62
鈴蘭
The One
↘今日はもう寝ようぜ
 
註冊日期: May 2004
文章: 44,170
3DS Friend Code3695 1429 8736
PSN  IDSatoulingJP
XBox Live GamertagSatouLing
SPOILER

老實 我完全唔覺得可以同香港既情況類比
只有藍絲會咁諗,因為你要先將香港人既反抗眨低到葛咸城最後果班人既水平先做到


然後對於呢個Joker既塑造我係好不滿
呢個Joker其實根本無理念

然後如果佢要寫Joker係比社會體制同環境逼出黎既癲佬
咁就根本唔應該寫佢有妄想症同精神病
根本而家係成個描寫上,只係Arthur本身就係一個癲佬,只係初時仲有好多野令佢仲係正常人範疇度


__________________
Let us
start
the game.
ペルソナ5
2016/09/15 ON SALE
さあ、はじめるとしよう。貴方の心をいただこう!

黑名單︰kennnz LEGOCAPTOR nakakula
隨時更新
鈴蘭 目前線上   回覆時引用此篇文章
舊 10-11-19, 01:30 PM   #63
王小虎
God of Gamer
 
註冊日期: Apr 2002
文章: 7,514
其實可以對比翻Dark Knight Rises的槍擊事件,兩者都係有精神病(現實的犯人雖然冇因為有病而減刑,但都係有病)。兩者都有寫記事簿習慣,而且亦都喺記事簿睇得出有想犯案的傾向。

所以我覺得導演係有心地去回應槍擊事件,不過佢用的角度唔係好多人可以接受,甚至槍擊事件死者的家屬都出來評擊,話佢以同情的角度去寫Joker呢個人。可能我啱啱睇完"我們與惡的距離",會有唔同觀點,精神病如果冇人注視關心,冇資源去幫佢哋,歷史會不斷重覆,無差別殺人事件會再出現。並唔係一味鬧一味寫衰佢,以後就會神奇地冇晒精神病人,冇晒不幸的意外。我哋可以做的係有好的機制投放資源,喺意外發生前盡量避免。你諗吓其實如果佢一路有藥食,冇人比支槍佢(槍管),出事的機會率低好多。

當然香港普通人冇槍,好似同我哋好唔關事(當然都會有,但個程度相較下低)。不過如果用同等的心態,要一個好的制度去教育/訓導同監管/審判有槍的人士,要佢哋無論係心理質素、道德水平、人權法律的知識都提高到應有的水準,唔係吓吓話用"你交幾多錢稅"去衡量別人,用職業去批判人的社會"地位"(其實無論地位高低都應該擁有基本人權),無視法律濫用暴力,知法犯法,就會搞成今日的田地。

你話呢個情況,邊個似痴線似Joker多d?

此篇文章於 10-11-19 01:33 PM 被 王小虎 編輯。
王小虎 目前離線   回覆時引用此篇文章
舊 10-12-19, 12:12 AM   #64
動漫遊戲迷
Insane Gamer
 
註冊日期: Nov 2006
文章: 528
引用:
作者: iamleoluk 查看文章
雖然唔關事,但我都係鍾意三部曲嗰個joker多啲
三部曲個個係天才犯罪者,做事細密有目的,狂氣之中有深度,好有奸角既魅力
phoenix既joker只係一個受壓迫,被社會遺忘既精神病人,一時衝動之下犯罪,
之後沉溺係暴力之中,並誤打誤撞之下煽動左市民,純粹係一個黐線佬鍊成反社會人格既悲(喜?)劇故事
其實多個小丑孰優(角色及演員),真是一時三刻難教人有定論。

〈黑夜之神〉的小丑除了有智慧及目的至上外,其邪惡是純粹及完美,一種是原本如此的性本惡,並非在後天受陰影束縛所致,單純地以癲喪的性格(不同版本的小丑均有癲喪此特質,只是部份版本的癲喪屬作風而已)享受藉玩弄他人而嘲笑對方取樂(這是亞福曾在電影提及,小丑在電影內提及受父親虐待及為了向妻子逗笑只是謊話,大家如回想整齣〈黑夜之神〉便會記得該小丑是愛說謊話),還有深究人性至極得用如「實驗」的方式作惡而觀察結果的「御宅族者」;雖然他的邪惡是強而神智正常,但是這種超然如神的邪惡倒「離地」,一般觀眾未必有共鳴而喜歡。

《小丑》的小丑只是一個受情緒束縛,需要藉作惡發洩情緒(雖然他有抑鬱病,但是作惡仍清醒至清楚自己幹甚麼,並非完全失常),本性是善,只要得到他人引導及關懷便會變回好人,某程度是弱而容易被他人對付其心理。不過,這種罪犯在現今社會倒不少。

女性該喜歡《自殺特攻:超能部隊》的浪漫情聖式小丑(一個人能無時無刻記掛及拯救情人,情人怎不願一生一世跟他走)。

如果小丑(真人電影)以1989年的版本開始,而且邪惡度、危險度及困難度為基準(Level 100為Max,1是最低)而論,「貓屎先生」是70-80,〈黑夜之神〉是90-Max,「浪漫情聖」是50-60(其喪像如愛玩極限運動的愛刺激),「抑鬱病者」是30。

此篇文章於 10-12-19 12:14 AM 被 動漫遊戲迷 編輯。
動漫遊戲迷 目前離線   回覆時引用此篇文章
舊 10-12-19, 04:02 PM   #65
肉羊哩咖
Ultimate Gamer
griffin611
 
註冊日期: May 2008
文章: 4,627
每一個故事個主角都係英雄

走去睇多次,主要係因為有少部份影評大讚個配樂,留心去聽的確去襯個氣氛出嚟。原來做配樂嗰位,有份做兩套Sicario,The Revenant 同 HBO 套 Chernobyl。

有影評話「每一個故仔,無論個主角係好人定壞人,佢都會以為佢自己係英雄。」,再睇到呢個版本嘅小丑勁自己中心,甚至陶醉,尤其係好多時做完衰嘢之後,會好 high 咁跳返 part 舞嘅。所以拗話係咪 Arthur 引發個「革命」出嚟,佢自己覺得係就 okay 就係 okay,無謂太鑽牛角尖;所以佢最後同人講「你唔明㗎啦」,或者就係咁。佢最後爆嗰啲對社會同制度嘅不滿,某程度上係真嘅,不過佢拎呢個借口嚟報私怨啫。(不過見有影評話對現實批評得唔夠喎,唉)佢嚮樓梯跳嗰隻舞可能已經成為經典,不過唔知 Spiderman 3 定呢隻,邊隻難睇啲~

如果真係要比較,都係鍾意 TDK 入面個小丑多少少,寫玩心理呢家嘢 Christopher Nolan 高章好多皮。睇返轉頭,如果無 Bruce 出現而係求其一個首富,唔係寫 Gotham City 而係紐約,根本都仲係一套好正嘅極真實嘅角式電影。


__________________
本人唔小心噏錯嘢被人扑,都係抵死㗎喇~~~
其實點知到畀咗咩人扑咗嘅呢?

此篇文章於 10-12-19 04:08 PM 被 肉羊哩咖 編輯。
肉羊哩咖 目前離線   回覆時引用此篇文章
舊 10-13-19, 11:45 PM   #66
鈴蘭
The One
↘今日はもう寝ようぜ
 
註冊日期: May 2004
文章: 44,170
3DS Friend Code3695 1429 8736
PSN  IDSatoulingJP
XBox Live GamertagSatouLing
Christopher Nolan版既Joker,無論係才智定係理念上我覺得真係完勝呢隻
Christopher Nolan果個先係Joker

我同意你最後一句 其實套戲如果唔係叫Joker,我會比一個唔同既評價


__________________
Let us
start
the game.
ペルソナ5
2016/09/15 ON SALE
さあ、はじめるとしよう。貴方の心をいただこう!

黑名單︰kennnz LEGOCAPTOR nakakula
隨時更新
鈴蘭 目前線上   回覆時引用此篇文章
舊 10-14-19, 12:59 AM   #67
kog
Moderator
リン・ミンメイ
 
註冊日期: Jul 2002
文章: 13,654
睇咗,以這Joker實力,點同‎Batman鬥....

又如果宣傳上不是用‎Batman世界觀的Joker,
只是普通一個獨立故事,可能冇咁期待。


kog 目前離線   回覆時引用此篇文章
舊 10-14-19, 01:07 AM   #68
LTKS
Insane Gamer
 
註冊日期: Jan 2011
文章: 830
呢一套戲係JOKER拋開枷鎖嘅過程
我接受到計謀能力係會唔同,因為目的唔同

Nolan版果個已經完全無枷鎖
LTKS 目前離線   回覆時引用此篇文章
舊 10-14-19, 02:33 AM   #69
次期Cekehe
Game Master
 
註冊日期: Apr 2002
文章: 2,605
藍度
其實我有點懷疑藍度出賣JOKER這件事,會否只是JOKER的妄想。當JOKER被老細炒魷,離開前罵了藍度一句,當時藍度完全是黑人問號的表情。如果藍度真的有出賣JOKER,害他丟飯碗,正常來說,他應該不會若無其事的和矮子一起去探望JOKER。但假如他的確視JOKER為朋友,那麼他完全沒有因為害對方丟飯碗,而覺得內疚或向JOKER道歉,又好像不太合理。至於被刪減片段中,也有一段藍度在街上告誡JOKER,警方正在調查和小丑相關的人,早晚會查到公司,擔心他是否和案件有關。種種跡象來看,藍度根本不像是曾出賣JOKER的人啊......


__________________
大愛AKB48、SKE48、NMB48、HKT48、SNH48、乃木坂46!

P&D
輕課主acc: 160,670,900 - (已297)光埃龍、月讀龍、濕婆龍、幻龍王、覺麒麟、覺濕婆、比古洛、紅奧丁、覺愛貓、呂布、執行者、潘朵拉、光咖哩、火龍女、劉備、新木印、覺白虎、暗咖哩、覺墮西、雷奧、天秤等等...... (尚有尼龍、一護、水龍女等等正在排隊中)

無課副acc:271,912,456 - 常用隊長:月讀龍、日龍、覺愛貓、覺光埃、火龍女、潘朵拉、比達、覺麒麟、覺月讀等等...
次期Cekehe 目前離線   回覆時引用此篇文章
舊 10-14-19, 03:40 AM   #70
肉羊哩咖
Ultimate Gamer
griffin611
 
註冊日期: May 2008
文章: 4,627
引用:
作者: 次期Cekehe 查看文章
藍度
其實我有點懷疑藍度出賣JOKER這件事,會否只是JOKER的妄想。當JOKER被老細炒魷,離開前罵了藍度一句,當時藍度完全是黑人問號的表情。如果藍度真的有出賣JOKER,害他丟飯碗,正常來說,他應該不會若無其事的和矮子一起去探望JOKER。但假如他的確視JOKER為朋友,那麼他完全沒有因為害對方丟飯碗,而覺得內疚或向JOKER道歉,又好像不太合理。至於被刪減片段中,也有一段藍度在街上告誡JOKER,警方正在調查和小丑相關的人,早晚會查到公司,擔心他是否和案件有關。種種跡象來看,藍度根本不像是曾出賣JOKER的人啊......
回上

有評論指,Arthur 個幻覺去到會聽到佢想聽到嘅嘢,所以個肥佬係咪咁好死畀支鎗佢,之後唔認賬篤佢出嚟,可能完全出至 Arthur 想有人關心而扭曲出嚟。事實上佢老細話其他同事都覺得佢好怪,係實話嘅話,咁個肥佬話無送支鎗過佢係事實嚟,當然你可以拗成件事當係肥佬自保,之後又厚面皮上門都可以通嘅。

----------

美帝嗰邊個票房繼續冧莊,只係跌咗唔夠43%(一般都跌一半或以上),破埋 Gravity 第二週個票房冠軍個紀錄。又話咩怕引發咩鎗擊,謝天謝地乜事都冇~~~呼


__________________
本人唔小心噏錯嘢被人扑,都係抵死㗎喇~~~
其實點知到畀咗咩人扑咗嘅呢?

此篇文章於 10-14-19 10:06 AM 被 肉羊哩咖 編輯。
肉羊哩咖 目前離線   回覆時引用此篇文章
舊 10-14-19, 10:06 AM   #71
Dyhalt Rushifar
God of Gamer
神人ではない!新人だ
 
註冊日期: Jun 2003
文章: 17,487
PSN  IDDyhalt
XBox Live GamertagDyhalt
上星期六終於睇咗,的確跟預期一樣,名聲好大不過實質一般貨色。
其實唔加妄想症要素可能仲好D…


__________________
早くそこをどきなさい 日陰じゃない私が
今すぐにひれ伏して 頭が高い 草以下が偉そうに
暑苦しいそのなり 情けない呆れる
身の程を知りなさい うざい女装癖変態ロリコン
無駄な時間 過ごしてるわ 理解しなさいな あなたが
生き様がずぶ 生き様がずぶ 生き様がそう ずぶの素人なのよ気付いて
生き恥さらし 生き恥さらし 生き恥さらし よく笑っていられるものだわ
Dyhalt Rushifar 目前線上   回覆時引用此篇文章
舊 10-14-19, 06:31 PM   #72
jason 仔
Crazy Gamer
 
註冊日期: Sep 2003
文章: 1,524
其實我都覺得冇講既咁神,呢個小丑更加冇得同黑夜之神既比

不過只論演技佢的確係好,帶起成套戲
jason 仔 目前離線   回覆時引用此篇文章
舊 10-16-19, 09:46 PM   #73
GreenTea
Administrator
 
註冊日期: May 2007
文章: 2,119
劇情流暢 容易代入 演技一流 就算無動作都唔悶
係水準之作
由手機版發出
GreenTea 目前離線   回覆時引用此篇文章
舊 10-17-19, 12:50 AM   #74
真!DC
Banned User
奉行我道
 
註冊日期: Jan 2003
文章: 22,835
覺得唔好同dark knight小丑比了
兩個定位完全相反
一個係製造社會混沌
一個係被混沌社會製造

一個來歷完全不明
一個你睇住佢誕生
Btw哩套唔應該當睇batman電影心態睇

覺得套戲對葛咸城社會狀況描述唔多夠
大部分時間都係講主角遭遇冇乜其他民眾情況
令人對民憤代入認同感唔夠
由手機版發出
真!DC 目前離線   回覆時引用此篇文章
舊 10-17-19, 11:01 PM   #75
Heaven
Junior Member
 
註冊日期: May 2013
文章: 88
我都覺民憤黎得太突然 好似故事背景一早set定仇富 要有睇蝙蝠俠有少少了解先會知
Heaven 目前離線   回覆時引用此篇文章
回覆

主題工具
顯示模式

論壇跳轉

相似的主題
主題 主題作者 版面 回覆 最後發表
Phoenix Point (X-Com 創作者新作.2018) 信長 PC電腦遊戲討論版 1 10-03-17 07:23 PM
[NDS] DQM Joker 2 Professional Jasoncheng 手提遊戲機討論版 8 04-21-11 02:39 AM
[多機種] Harry Potter and the Order of the Phoenix 神祕人1號 電視遊戲討論版 6 06-14-07 09:32 PM
[NDS] Harry Potter and the Order of the Phoenix okman 手提遊戲機討論版 2 06-08-07 01:18 PM
Batman vs Joker+Alien+Predator 大情大性武大帝 ~清談館~ 11 07-27-04 10:58 PM


現在的時間是 08:44 PM


手機版 | APP版
Powered by vBulletin® 版本 3.8.3
版權所有 ©2000 - 2019,Jelsoft Enterprises Ltd. map
Games Animation Forum