1 2 3
4 5 6 7 8 9
...
最後
well
網上識通常都係咁.
尖咀萬豚屋得唔得?
旺角一休都幾好食既
不過環境唔係咁好
DevilElvis 03:05 AM 05-21-13
作者: 歌絲˙暮斯:
well
網上識通常都係咁.
即係點?派彩?
等派彩,即係等睇樓主結果
約左大概幾時未?仲未捒定建議和民
作者: DevilElvis:
即係點?派彩?
得就得, 唔得就無下文
唔係話當識多個 fd 丫嘛
sunhikari 09:20 AM 05-21-13
樓主做返自己就好
你係wechat點對佢,就用返同一種態度
睇定d先
食完飯試下約第二次
得的話就可以有進一步攻略了
Avelcain 09:43 AM 05-21-13
加油呀電車
我都努力緊...
chandler 03:35 PM 05-21-13
$200BUDGET唔夠,好難食得好...
一門肯定唔得,尖咀有幾間都幾好,京笹,八王子,元氣一杯,不過都要300-400以上.
我覺得食放題唔錯,仲平過食一餐,不過人太多,氣氛就...
可以考慮MONSTER SUSHI,最平係佢.
第一次約人唔駛去到咁盡...
越普通越好 (當然唔係茶餐廳之類)
sugihara 04:11 PM 05-21-13
fb見到,唔知出處
轉載
《男人一生,只為尋覓一個肯同自己挨麥記嘅女人》
是咁的,身邊啲朋友成日問我有咩擇偶條件,巴巴閉閉咁分享佢地嘅心得。
話咩要有劉心悠嘅面孔、法拉嘅笑容、雷凱欣嘅身材、何家淑女嘅後台、Angela Monkey嘅整容醫生。
我多數就一句車埋去:「咁個條女會唔會陪你去食麥記先?」
個宅男肥仔拎住個巨無霸,臉容扭曲到好似畢加索啲名畫咁,生命去到一個非常危險嘅階段。聽到依個問題,佢已經從最終幻想中解放出黎。
他已經死了。
唔想講都要坦白講,一個男人去到廿幾歲,拖住條女,「去邊食飯」依個問題仲難解拆過「南北韓危機」同「阿仙奴N年無冠」。
有時銀包就得個幾廿蚊,衰啲講句入星巴克買杯Latte扮下高尚,已經要行路返屋企。
隔離有個女伴,想食餐經濟啲嘅都要左諗右諗,
「譚仔呀!今日想食米線!」
「吓,好逼喎...」
「沙嗲王呀!都坐得舒服!」
「吓,要等勁耐喎...」
「不如食碗雲吞麵呀!寶貝你想減肥嘛!」
「吓,勁多阿叔阿伯喎...」
「食麥記」?你真係講都唔敢講!就算佢肯,你都唔好意思問。
試過同一位已成歷史塵埃嘅女朋友走入一間茶記。
喂唔差架喎其實!
地板立立令唔在講、餐牌全過膠,令你感受到法國西南部波爾多嘅浪漫迷情、加上圍繞身邊,三部LCD大電視,令你可以係2013年,觀賞亞視節目:「
2010年亞洲小姐決賽」,個種係過去未來穿梭嘅快感令人縈繞夢域。
一個客飯配咕嚕肉,唔包餐飲都78蚊,絕對唔cheap!
只不過對面個女人就唔係咁諗啦,
聽到入茶記已經成個比達上身咁西口西面,
見到個餐牌直情變埋超級西面人。
大佬,你想做比達都睇下對面個個係唔係莊子啊!
又話唔乾淨、又話個位逼、又話電視機好嘈。
我心諗:「法拉利跑車啲位仲窄,你係咪唔坐先?成日落老籣啲 clubbing,都唔似好安靜下話,斷估你都唔會拎本雙城記去老籣呀,你邊有咁文藝呀?」
ok fine!我諗就凶狠,講就冇份...
最後佢講左一句:「Honestly,我覺得食餐飯每人三百零蚊好基本囉。」
我心諗:「安甩匙哩,你唔洗強調每人囉,你都冇找過數。係咪?」
我想即刻飛左佢。
但事實上佢即日已經飛左我。
悲劇。
我曾經以為女人都是這樣,我曾經想過做「一休和尚」算數。得閒有需要就扑下木魚,以此為樂。
估唔到有生之年仲搵到一個主動同我食麥記嘅女仔。
一個男人要同女朋友食麥記,為咗啲咩?
覺得麥記好好食?覺得麥趣飯好爆趣?覺得陳豪真係會拎住條寬頻線彈出黎請你飲杯「給不千奴」?
成年人唔好比咁多幻想自己啦,廿幾歲仔要拉個女朋友去食老麥只係因為四個字-「山窮水盡」。
講真,當個女仔提議食麥記嘅時候,我真係懷疑佢係到試探我。只要我話好,就會收取「你是好人」嘅好人卡。
但我見佢咁真心又一試無妨。
一坐低佢就問我食咩,就自己行左出去買。
我心諗「出事!」
係麥記兵法之中,只要你戰略得宜,一餐飯既價格要超越California Pizza絕對唔係難事。
一個散嗌嘅扭扭粉,掟個靚彎去隔離「麥café」整杯藍梅特飲,加件芝士餅。驀然回首order多客薯條走鹽,雞翼併盤當做例行,真係我慣了傷心,臨尾飄移外賣一個開心樂園餐,話要換禮物比細佬。成壇野已經一百幾廿蚊,仲要未買你個份。
只係說時遲、那時快,女朋友已經買咗返黎,佢最後要既只係廿一蚊既麥樂雞餐,無加大、無加三蚊變檸檬茶。
個一野已經眼濕濕,我想話比返錢佢,佢仲借啲意話遲下食好嘢先比我請返。
我好滾動,我終於流下男兒淚,個時仲要搭梗枱。
女朋友問我好地地做咩喊,我唯有話啲洋蔥澀眼,真係「一層一層一層 的剝開我的心」,但係我食梗魚柳包...
個一刻,我終於明白,咩叫感動。
踢場足球係 運動、
比賽攞獎係 激動、
BB出世係 作動、
上床攪野係 性衝動、
套都唔戴係 輕舉妄動、
長洲個個係 張保仔洞,
只有女朋友係你唔太惦嘅情況下,主動拉你去食麥記,仲要顧住你面子,唔令你難堪,掛住個笑樣拖住你隻手仔食薯條,個一下先叫感動。
劉心悠始終會老、法拉都有黑面嘅時候、雷凱欣會爆炸、何家淑女你又唔係陳X聰、Angela Monkey都開始同人撞樣啦!
男人一生,尋覓到一個肯同自己挨麥記嘅女人,三個字。
娶得過。
DevilElvis 04:29 PM 05-21-13
作者: chandler:
一門肯定唔得,尖咀有幾間都幾好,京笹,八王子,元氣一杯,不過都要300-400以上.
揀咗一門
chandler 05:25 PM 05-21-13
作者: DevilElvis:
揀咗一門
呢間係好野,品味之選,有睇OPENRICE都知玉子係必食
不過一定會貴少少. good luck
突然諗起好奇問下
wechat 唔係要用身分證登記既咩?
由手機版發出
DevilElvis 02:16 AM 05-22-13
作者: 歌絲˙暮斯:
突然諗起好奇問下
wechat 唔係要用身分證登記既咩?
由手機版發出
我無喎
DevilElvis 02:29 AM 05-22-13
完成咗....開頭都覺得自己生硬,女仔問我點解咁拘緊
問我識唔識講爛gag,我真係腦閉塞一時諗唔到....
(又或者真係少講...)
So 我都不瞞佢自己唔係成日約女仔出嚟食飯的男仔 (簡單D嚟講係無....)
不過之後飲咗D巨峰酒後個人開始放D,開始講下笑,引到佢笑
過程都算ok,佢又幾健談的,不過言談間知道佢剛分手個多月,還借朋友的事來講不用/想這麼快拍另一段拖,又說緣份話嚟就嚟....(無彩派了嗎?
)
怎樣也好,這是一次不錯的體驗
P.S.後續Sat會約佢去睇戲,又要plan la.......
你..... 係咪第一次咁約女性食飯 ?
作者: DevilElvis:
我無喎
無, 我咁問係因為印象中 wechat 好似係內地人用多.
心諗, 唔係咁難搵要搵內地人丫嘛.
DevilElvis 02:43 AM 05-22-13
作者: 歌絲˙暮斯:
你..... 係咪第一次咁約女性食飯 ?
係,由唔識未見過面就出嚟食係第一次
作者: 歌絲˙暮斯:
心諗, 唔係咁難搵要搵內地人丫嘛.
社交窄窄地,打波、游水、行山都係男性 or 嬸嬸級居多.......
呢 d事我十六歲左右已經開始 (我地應該差唔多大), 仲係用 ICQ
咁呀, 祝你好運啦.
起澳州用 wechat/weipo 試過兩個內地人, 表面都係化晒妝 + 大眼 con, 中意 vivenwestwood (一個當時都廿七歲, oh
).之後就無再用
不過內裡完全唔夾, 可能因為洗腦教育大, 好多時有 d 神經質.
DevilElvis 03:14 AM 05-22-13
作者: 歌絲˙暮斯:
呢 d事我十六歲左右已經開始 (我地應該差唔多大), 仲係用 ICQ
咁呀, 祝你好運啦.
起澳州用 wechat/weipo 試過兩個內地人, 表面都係化晒妝 + 大眼 con, 中意 vivenwestwood (一個當時都廿七歲, oh ).之後就無再用
不過內裡完全唔夾, 可能因為洗腦教育大, 好多時有 d 神經質.
我果個女仔係香港人嚟ga
作者: DevilElvis:
我果個女仔係香港人嚟ga
咁可能我偏見, 好似用 weibo wechat 既香港人十之八九同內地有關連.
sugihara 12:37 PM 05-22-13
快d學多d爛gag啦
咩從前有三隻蝦呀,關羽張飛劉備趙雲呀,放獅子入雪櫃4個步驟果d
通常你越覺得凍0既女仔越受
Avelcain 01:27 PM 05-22-13
作者: sugihara:
快d學多d爛gag啦
咩從前有三隻蝦呀,關羽張飛劉備趙雲呀,放獅子入雪櫃4個步驟果d
通常你越覺得凍0既女仔越受
你咪害人啦
一陣樓主真係照你咁講就死喇