寫我心情．分享區(新帖#592 by Ryokoryoko)

[狼]

作者: 戀戀芭比

之但係你有沒有聴過:
最愛的,很多都不會結婚...
結婚的,通常都不是最愛...

okay，修正：
想辦法自己掙麵包(不論男女)，之後再為愛而係埋一齊。

叫你咪quote 架啦

[藍莓咖啡]

咁又係, 其實依家的社會
冇人可以保證一生一世的愛
身為女性係必須要有能力養活自己 咁樣談的愛情感覺會安穩d

[Seppie]

作者: 藍莓咖啡

咁又係, 其實依家的社會
冇人可以保證一生一世的愛
身為女性係必須要有能力養活自己 咁樣談的愛情感覺會安穩d

又可以話呢點係男女平等既表現之一!

[Seppie]

某朋友講得岩
我真係好好想下自己需要咩野人, 咩野既相處方式
甚至試下改變自己遷就(將就!?)一下

好可惜
都覺得好矛盾
如果我性格上甚至好多野都強過好多男仔既
咁我又點搵到另一半去依靠呢?
甚至係
明知好大機會到最後又嫌對方唔夠我強唔夠我硬淨既
咁我又點解要搵另一半去依靠呢?

咩野都好!
遇到岩既人, 但因為唔岩既timing 而分手
先係最可惜...................

[狼]

既然自覺得強過男人，為甚麼還要抱著「依靠」的心態？

(呢句係打俾其他會員睇的。ww)

後記：我之前係無諗過你ignore 左我仲睇到/會去睇我既post 啦.....
回個ignore 左我既會員，唔係好....既一件事咩...

[Seppie]

作者: 古惑的狼

既然自覺得強過男人，為甚麼還要抱著「依靠」的心態？

(呢句係打俾其他會員睇的。ww)

你後面果句係唔係有d 多餘呢? a

明明人地搵個強個自己既男仔好易
去到我度就好難lor 就係咁je

[龍寶寶]

作者: Seppie

明明人地搵個強個自己既男仔好易
去到我度就好難lor 就係咁je

你上面所講的我非常明白

你幾強都好,孤獨一人生活其實係件好慘的事

[麥C]

作者: Seppie

明明人地搵個強個自己既男仔好易
去到我度就好難lor 就係咁je

其實一定要男仔強過女仔?

[Seppie]

作者: 麥C

其實一定要男仔強過女仔?

我已經同過弱勢過我既男仔一齊
不過真係唔work 架

我整整下會覺大家真係有距離, 會整整下溝通不到

我都唔求強過我喇
同我差唔多都好難搵lor

[龍寶寶]

作者: 麥C

其實一定要男仔強過女仔?

唔用女仕角度去諗,用返男仕角度,娛樂圈都有單[廢柴老公]事件,如果你係男性,你接唔接受到日日比人話廢柴老公?

基本上唔會有男女平等,你女人咩都唔識無人怪你話你,但男人你唔識/唔得就係死罪

[loser]

5.

一位穿著淡黃色連身裙的二十來歲華裔女子在表演台上走著.

樣子不算美, 也不算醜. 看那扁平的鼻子及淺淺的眼窩, 似乎是南方人.

由於南方人膚色較深, 原本長裙的露肩設計難免會突顯出黃種人肩部黑色素集中的缺點. 可是, 那雙特意加在肩旁的大蝴蝶結作為裝飾之餘, 亦正好無聲無息的掩蓋了那些微的缺點.

雖然她個子不高, 只有約五尺三, 四寸, 可是在長裙下擺的傾斜剪裁以及波浪底邊的襯托下, 令只穿上平底鞋的雙腿看上去也不覺得短小.

這女孩除除的走到表演台中央, 呆呆的站了兩秒. 然後轉身往回走, 最後消失在入口的煙霧之中.

"搞甚麼飛機啊? 這也算是模特兒嗎? 還是白撞的?" 藍妹妹忽然變成丈八金剛, 完全摸不著頭腦.

"可她穿的衣服不正是 Mr. Matthew 的風格嗎?"

"那確是我喜歡的 Mr. Matthew 風格. 可是, 你沒有留意到嗎, 她的舉止有哪分像是模特兒!? 連步伐也完全沒有跟上節拍, 就像是在隨便逛街似的." 藍妹妹在嘀咕著.

"可是, 不是模特兒的話又怎會在台上..."

"唏, 可人兒, 為何在這裏發愁啊!?" 一把聲音從背後響起, 把疤髀的說話打斷了...


<未完待續>

[Seppie]

作者: 龍寶寶

唔用女仕角度去諗,用返男仕角度,娛樂圈都有單[廢柴老公]事件,如果你係男性,你接唔接受到日日比人話廢柴老公?

基本上唔會有男女平等,你女人咩都唔識無人怪你話你,但男人你唔識/唔得就係死罪

寶姐講得岩

[綾小路雷太]

作者: 龍寶寶

唔用女仕角度去諗,用返男仕角度,娛樂圈都有單[廢柴老公]事件,如果你係男性,你接唔接受到日日比人話廢柴老公?

基本上唔會有男女平等,你女人咩都唔識無人怪你話你,但男人你唔識/唔得就係死罪

男人最痛是這種

不過，其實所謂強弱，我諗都有好多方面
可能個女仔搵錢搵得多過男仔，但係個男仔識得體貼自己女友
咁可能呢一點已經算係各有千秋。

十項全能既男人，唔係冇既，不過係香港，難搵囉

[藍莓咖啡]

唔一定話邊一方要強D的

但係不論係再強的強者都好, 總有軟弱疲累想有依靠的時候
弱者就更加唔駛講啦。

即使是再強的女孩子，疲倦時有可靠的支柱
果種安心感甚至可以稱之為滿足

[麥C]

作者: 龍寶寶

唔用女仕角度去諗,用返男仕角度,娛樂圈都有單[廢柴老公]事件,如果你係男性,你接唔接受到日日比人話廢柴老公?

基本上唔會有男女平等,你女人咩都唔識無人怪你話你,但男人你唔識/唔得就係死罪

真係好難講
身邊唔小情侶朋友都係女仔強勢d
問題在於2個人搵唔搵到一個可以一齊又開心的方式

人冇可能識晒所有野
一定有野唔識
咁個個男人都有死罪啦

[龍寶寶]

作者: 麥C

真係好難講
身邊唔小情侶朋友都係女仔強勢d
問題在於2個人搵唔搵到一個可以一齊又開心的方式

人冇可能識晒所有野
一定有野唔識
咁個個男人都有死罪啦

你所講的強勢我覺得只係男讓女,而唔係真係強勢
沙皮姐果隻的強勢就算男仕們唔讓佢都唔會係佢對手果隻

[麥C]

作者: 龍寶寶

你所講的強勢我覺得只係男讓女,而唔係真係強勢
沙皮姐果隻的強勢就算男仕們唔讓佢都唔會係佢對手果隻

有機會介紹佢地上來比你見識下
係男讓女定係點

[Seppie]

作者: 綾小路雷太

男人最痛是這種

不過，其實所謂強弱，我諗都有好多方面
可能個女仔搵錢搵得多過男仔，但係個男仔識得體貼自己女友
咁可能呢一點已經算係各有千秋。

十項全能既男人，唔係冇既，不過係香港，難搵囉

但係最extreme 係:
男既唔係窮, 而係直情失業, 完全冇$
真係點體貼都冇用.....
當你次次話想去邊去邊. 講緊只係o係mk 食d唔係貴既野
每人50蚊到, 都唔算好貴啦?
一係:
a) 女既出埋男果份; or
b) 男既一句: 冇$出離

一餐半餐我出沒問題
但...長貧難顧lor!
如果女仔拍拖到咁既話, 真係好無奈吧?
你估真係有情飲水飽咩

[龍九九]

愛情理論vs實際情況

[loser]

作者: Seppie

但係最extreme 係:
男既唔係窮, 而係直情失業, 完全冇$
真係點體貼都冇用.....
當你次次話想去邊去邊. 講緊只係o係mk 食d唔係貴既野
每人50蚊到, 都唔算好貴啦?
一係:
a) 女既出埋男果份; or
b) 男既一句: 冇$出離

一餐半餐我出沒問題
但...長貧難顧lor!
如果女仔拍拖到咁既話, 真係好無奈吧?
你估真係有情飲水飽咩

若果男女角色對調, 大家又點睇?

[Seppie]

作者: loser

若果男女角色對調, 大家又點睇?

好問題!!!
星期6 我約左個男仔friend, 佢都咁問我

我地都覺得如果男女掉轉, 我同佢既事情一定容易辦得多!

[loser]

作者: Seppie

好問題!!!
星期6 我約左個男仔friend, 佢都咁問我

我地都覺得如果男女掉轉, 我同佢既事情一定容易辦得多!

就係社會價值同角色定位問題, 衍生出唔少悲情男女....

[loser]

6.

"寶寶龍, 終於見到你了. 忙完了嗎?" 見到友人, 疤髀幾乎把之前的困擾都忘記了.

"今天算是比較順利, 沒出甚麼大亂子, 亦沒有甚麼怪人搗亂. 可是瑣事總是不少. 到了尾聲我才能偷走出來啊. "

"那麽陪伴我們一會兒吧. 先給你介紹, 這位是藍妹妹, <姿矣乎> 愛情版的版主." 疤髀轉頭對著藍妹妹道: "寶寶龍是這個比賽的負責人. 沒有寶寶龍的幫忙我們也弄不到邀請函呢!"

"甭客氣, 美人. 剛才你們看似很煩惱的. 我能幫上忙嗎."

"我們很懷疑那個甘小雯是否真的是模特兒啊. 無論她的身栽舉止, 全都不專業." 藍妹妹幾乎扁起了小咀.

"你猜對了, 也猜不對."

"!?...!!???" 此刻連疤髀也都變成了丈八金剛.

"甘小雯並不是專業的模特兒, 從來沒有踏過台板. 可她作為 Mr. Matthew 的代表, 走在這個台上, 便是一位不折不扣的模特兒, 無從置議." 寶寶龍用極專業的語氣解說著.

"Mr. Matthew 怎麼想的? 還以為會是高羚級數的超級模特兒. 甚麼會是這種業餘程度的!?" 藍妹妹一臉失望.

"跟龍次青及高羚的組合相比之下的確失色很多. 恐怕大勢已去...."

"他有自己的想法吧. " 寶寶龍聳聳肩. "他以往也曾經與女朋友一起撘檔出賽. 這是他的喜好吧."

"女朋友!? 那個甘小雯是她的女朋友嗎!?" 疤髀及藍妹妹幾乎一同驚呼.

"不用這般大驚小怪吧? 這也不是甚麼秘密."

"我總以為名設計師會...."

"別想太多了. 接著是童裝組別的比賽. 你們不會感興趣吧!? 要趁這空檔跟我到後台走走嗎?"


<未完待續>

[藍莓咖啡]

失業的時候, 對我黎講$50一餐飯絕對係貴........
如果我係個男仔, 我會一直揀b)吧........
又或者食左飯先出去.....or 返屋企先食飯

[Seppie]

作者: 藍莓咖啡

失業的時候, 對我黎講$50一餐飯絕對係貴........
如果我係個男仔, 我會一直揀b)吧........
又或者食左飯先出去.....or 返屋企先食飯

我仲唔係一味要佢出離ar
我都已經成日入佢住果頭搵佢架喇
但我收工過去, 都要多d時間同交通費又貴d 啦

上排我就係日日都係聽到佢果句"冇$出離"真係火都離埋