跑步討論區(渣打馬拉松 2013)

[凍檸茶]

渣打馬拉松踏入20周年，定於明年1月17日舉行，各項賽事在9月25日起，分4個階段接受報名。今年繼續採用網上實時報名，透過大會網址採取先到先得方式報名，報名費為350元。

今次參賽名額增至7.4萬個，較去年多1000個，馬拉松及半馬拉松各增500名額。今年全馬及半馬路線將較以往有改動，跑手在彌敦道出發後，會沿途一直跑到油麻地至旺角，之後轉入亞皆老街及連翔道，再接回西九龍公路。

新路線只限全馬及半馬，途經尖沙咀彌敦道(近美麗華酒店)、甘肅街以南的彌敦道、甘肅街以北的彌敦道(北行)及亞皆老街。

[凍檸茶]

香港業餘田徑總會宣佈，渣打香港馬拉松2016首階段接受報名的馬拉松組別合共15,500個名額已滿，現已截止接受報名。其餘組別的報名時間方面，半馬拉松賽事下周二（9月29日）上午7時起接受報名；十公里賽事10月2日上午7時起接受報名；輪椅三公里及十公里賽事於10月5日上午7時起接受報名。有意報名市民需於網上實時報名，透過大會網址採取先到先得方式報名，報名費為350元。

渣打馬拉松踏入20周年，定於明年1月17日舉行，今次參賽名額增至7.4萬個，全馬及半馬路線將首次跑入旺角鬧市。
由手機版發出

[埃及使者]

全半馬都報唔到
唯有報10K

[埃及使者]

CHROME同FIREFOX
同一時間兩邊竟然唔一樣
前者仲係ON HOLD，後者已經CLOSED

[魚伕]

同朋友一齊6:59 準備....7點正入唔到....狂F5...7點02分先入到...排2XXX
朋友05分先入到...但已經相差一萬個位....
已經報唔到精英組....

[Busconcamp]

偶俾$450 donation,guest就$1500
可用黎報稅，早早9月初報名，唔駛爭位~

[埃及使者]

作者: Busconcamp

偶俾$450 donation,guest就$1500
可用黎報稅，早早9月初報名，唔駛爭位~

可以既咩?
要點做?

[埃及使者]

最後報左10K挑戰
冇得跑彌敦道

[風之將]

報左10km一組,想問下今年confirm email個姓名位係咪改左名行先到姓?

[埃及使者]

應該係，我果封CONFIRM都係咁寫

[Busconcamp]

作者: 埃及使者

可以既咩?
要點做?

係偶公司代報的，
staff $450
員工可幫埋guest報名，不過donation就$1500
但9月中已經截止左,唔駛上網爭位的確爽

作者: 埃及使者

最後報左10K挑戰
冇得跑彌敦道

挑戰組都好丫，跑最早，唔塞人~

[凍檸茶]

好彩今年有朋友幫手, 如果係我點起到身報名`

[Busconcamp]

淘寶￥1800 賣渣馬名額

【晴報專訊】每年渣打香港馬拉松各項比賽均迅速滿額，近日淘寶驚現渣馬名額放售，開價一千八百元人民幣（逾二千港元），較官方報名費貴五倍！有本港跑手表示，不時聽聞代跑、交換號碼布等違規行為。有律師指，即使不涉金錢交易，亦有機會犯欺詐罪。

渣打香港馬拉松踏入二十年，各項賽事逾七萬個參賽名額日前已經迅速爆滿。內地淘寶網近日出現「【轉讓】2016渣打香港馬拉松名額」的內容，開價更高達一千八百元人民幣（約二千二百港元），較官方報名費三百五十元貴五倍。

較報名費貴五倍 昨午已刪

賣家聲稱男女賽事名額均有出售，但不可更改報名者的姓名，上月底發布至今約三百人查看；惟有關內容昨午已被刪除。在內地部分討論區，去年亦出現過貼文「求轉讓」本港馬拉松名額。

過去渣馬亦曾出現參賽者與報名者身份不符的「代跑」情況，李先生數年前就曾代替因公事無法出賽的朋友跑渣馬。

他說，大會在比賽前數周通知參賽者領取跑手包，會檢查身份證，但參賽日只需帶着號碼布去跑，故不易被發現是代跑。雖然比賽證書仍是朋友的名字，但李直言不介意：「純粹喜歡跑馬拉松而代跑，因為平時冇機會跑馬路，亦難得與好多人一齊跑。」

參賽日無查身份 易冒名代跑

二零一二年奪得渣馬十公里賽男子組冠軍的跑手陳家豪指，曾聽聞不同犯規方式，如有人未能成功報名而影印朋友的號碼布，比賽日扮成參賽者。

「香港馬拉松2016」籌委會指，根據大會規則，任何人均不得轉售參賽名額、號碼布、計時晶片、或與他人轉換組別，一經證實，參賽資格將被取消，報名費不獲退還，日後亦有機會拒絕其參賽；大會亦有權要求參賽者出示身份證核實。

律師梁永鏗表示，馬拉松代跑有如會考「請槍」，即使不涉及金錢交易，亦有機會令報名人獲得好處，如更好成績，或原本因無法參加比賽而沒有成績、但因為請人跑而有成績，都有機會觸犯欺詐罪，最高可判監十四年。

全馬備戰需九個月 臨時代跑易受傷

跑馬拉松通常要提早準備，若臨時有事不能出賽而決定找人代跑，浸大體育學系副教授雷雄德批評不合體育精神，「報名時應考慮清楚能否參賽，不要認為先報了再算，更不要當跑馬拉松是嘉年華。」

他指，一般十公里賽應提早三個月準備，半馬應提早半年，全馬則提早九個月。長跑訓練還要配合充足睡眠及均衡飲食，如吸收足夠碳水化合物、脂肪、蛋白質等。若準備做得不充分，能量儲備不足，輕則未能完成比賽，亦有機會出現抽筋、受傷等。

跑手陳家豪認為，大部分參賽者並非以奪標為目標，相信十公里賽事即使準備未夠充分亦不至於有大損傷；但半馬及全馬消耗體力大，一般市民若每年只跑一、兩場馬拉松，而未能提早三個月至半年準備的話，有機會受傷。

[凍檸茶]

跑完大阪馬拉虫
由前一日拎衫同跑完拎記念品都好好安排
拎衫O個日,
好多關於運動既店鋪擺檔,
又有完跑神社祈福,
有一排展覽館講理念.

真係霸哂成個大阪比你跑7個鐘,
佢分批出發, 我係J組. 大會開跑時間9AM. 到我到開始9:15
沿途好多啦啦隊
好多樂團/表演
最后10KM 好好笑, 連寿司, 麵包都有得你食
亦有好多途人自發既啦啦隊, 比殺龍巴斯你噴
臨終點要上橋O個下脫力

走O個時仲有SUTTLE 送你去最近車站~

不過我之前冇乜練到, 卦住玩水同單車, 個時間只係快咗2MINS
渣馬前真係要加強練習下


由手機版發出

[Busconcamp]

今日公司派左跑手包...
頂...乜大會同公司件衫d質料薄左咁多既(當日會著公司件衫跑)...

[Busconcamp]

周日風雨跑渣馬 做好保暖免失溫



【晴報專訊】渣打馬拉松將於周日（17日）舉行，但天文台預告當日天氣不似預期，最低氣溫料降至14度，且或有大雨。專家指近十年賽事都未曾碰上如此惡劣天氣，提醒跑手在濕冷天氣開跑，需做足熱身及注意保暖，免因失溫消耗過多能量。

今年是渣打馬拉松20周年，可惜天公不造美。天文台科學主任梁恩瑜指，未來兩三日受高空擾動影響，密雲且間中有雨，雨勢頗大，且當日稍後會再有一道冷鋒橫過廣東沿岸，預測全日氣溫介乎14度至18度。另外，下周本港氣溫料會逐步下降，至下周六（23日）最低氣溫更跌至11度。

濕冷下參賽 業餘跑手要當心

浸大社科院體育學系副教授雷雄德指，印象中近十年渣馬賽事較少遇到惡劣天氣，傾盆大雨更「無乜發生」。他指，在濕冷天氣下參賽，精英跑手料可應付，但缺乏街跑經驗的業餘跑手，出戰時需有齊全裝備，包括跑鞋是否有防滑坑紋，能否及時排走路面水窪的水份等。他建議跑手穿着專門運動衣保暖及跣走雨水，避免因失溫消耗過多能量。

他又提醒，跑手當日要特別留意路面狀況，尤其是坑渠蓋等障礙物，應減少自拍，並切忌以過大步幅跑動，以免不慎滑倒。雷預測賽程後段，尤其是西隧斜路較易發生意外，因跑手屆時較疲累，落斜亦易跣腳，要特別留神。

半夜三時前倘紅雨 賽事取消

家庭醫生林永和建議，在濕冷天氣下患鼻敏感或氣管敏感的跑手，賽前宜多作路面測試，如早起練習適應真正比賽情況。亦須做足熱身，並建議完成熱身後才脫下大衣開跑，賽後亦應馬上保暖，賽事中需定時補充水份。而年長、年幼及有慢性疾病者，更應量力而為。

渣打馬拉松大會指，若周日凌晨三時前天文台發出紅雨、黑雨警告訊號，或發出三號或以上熱帶氣旋警告訊號，則賽事將會取消，提醒巿民留意電台或電視台最新廣播。

記得食早餐 要有碳水化合物

在惡劣天氣作賽，維持充沛體力尤其重要。尚營坊高級營養師黃凱詩提醒，比賽當日須吃早餐，作賽前兩三天已應進食足夠早餐，當中須包括碳水化合物，建議分量約一碗通粉、或兩片麵包、或六湯匙麥皮。除五穀類食物外，亦需進食香蕉或蘋果等水果補充水份和糖分，儲備足夠能量。

黃續指，在賽事中補充水份亦很重要，因水份可帶走身體內的乳酸。同時正餐亦應盡量包含碳水化合物，因身體需要一定能量，才能確保肌肉及肝臟內肝糖儲備足夠應付賽事。

是否延期 賽會決定

天文台台長岑智明透過fb呼籲渣馬選手注意周日氣溫下降。有網民擔心低溫及大雨，易造成身體不適，問及會否提議比賽延期，他回應網民指：「就天氣變化保持溝通，比賽安排由賽會決定。」

[Busconcamp]

[渣馬備戰] 6個打水戰的準備



(星期四更新)：天文台喺星期四(1月14日) 罕有咁發出警告，話星期日天氣會「有雨，雨勢有時頗大」。至於氣溫嘅預測，維持喺14至18度，但天文台強調「一道冷鋒會橫過廣東沿岸」。即係話，呢次比賽好大機會落雨，仲有可能係大雨，伴隨住仲要面對氣溫急降！



淡定有錢剩，有人話「未經過水戰洗禮就唔算真正嘅跑手」，無錯，咩天氣我哋都要迎戰！不過，都要做好準備：

1. 越遲濕越著數
落雨一定會濕身，不過越遲濕越好。如果真係好大雨，可以喺最後一刻先換衫寄行李（注意人龍及起點線關門），令到戰衣喺起步前唔會太濕。亦可以去到比賽場地先換鞋換襪。總之，遲啲濕，就會比其他選手著數一啲。

不過，除非你著跑山鞋，否則一般跑鞋絕對唔會防水，所以好好貼晒膠布先上場比賽呀。而手機、耳機等，亦要做好防水措施，最簡單就係搵密實袋袋住。
（行李寄存時間：全馬及半馬，10公里）



2. 防雨裝備
有跑友喺呢個星期一二已搜羅定便利雨衣（據講惠康買$8.5，7仔25蚊件呀！）。而便利雨衣可以喺起步前著住（選手大概要喺等候區等足15分鐘），擋雨兼保暖。而起,步之後，可以棄置，或隨便袋住，有需要拎出嚟著。其他裝備，就有防水風褸、帽，甚至手袖等。（補充：全身衣物要零棉質，棉質衣物濕水後會越嚟越重，最好揀快乾料呀。)

打水戰5大準備 3香港嘅渣馬呢幾年都無乜點落過雨。台北馬拉松就喺2013年大雨中作賽，大家睇下人哋有咩準備。

3. 皮膚護理
濕身更容易令皮膚磨擦受傷，記得喺重要部位（腳板、大肶內側，乳頭等）搽上凡士林等潤膚膏。甚至貼上透氣膠布。
而衣著方面，亦以貼身為宜，未有壓力衫褲可以考慮添置（又有藉口shopping嘞！）。

4. 小心失溫
長期淋雨，容易令體溫過低，後果十分嚴重。特別對全馬或半馬選手來說，若比賽中途要慢行，又遇到高架橋嘅強風，真係好易冷親。
預防方法係以長袖衫褲作為戰衣，或穿著運動用手袖或腳套，加強衣服嘅保溫功能。
(補充：半馬或全馬選手，要長時間面對冷風冷雨，除了衣物保護，亦可自攜朱古力等高熱量食物維持身體熱量。)

5. 路濕地滑
渣馬賽道9成9都係馬路，同行人路唔同，馬路常有油跡。而油跡經雨水洗擦下會好滑。大家要高速發圍嘅話，過彎就要小心甩尾呀。

台北有長跑賽事，就係檢查線嘅地台搞到選手搧到攤攤腰。
台北有長跑賽事，就係檢查站嘅地台搧到選手攤攤腰。

6. 心理準備
「比賽先嚟落雨，唔通連個天都唔鍾意我……」中學生都知咁樣諗唔啱㗎啦，你仲咁諗？事實上，喺賽路上，每一個人都受天雨影響，如果你覺得自己辛苦咗，人哋一樣係咁啫。而落住雨跑無咁熱，可能你會鍾意㖭。呢個時候，不如搵個假想敵人跟住佢跑，反正落雨要PB都唔容易，放鬆啲跑，好好享受跑步樂趣啦！打水戰5大準備 7最後要注意，就係記得帶定一套衫，跑完有得替換。因為運動完好易冷親，好易病㗎。

[埃及使者]

唔...今年要棄權了
朝早先睇完醫生，感冒

[Busconcamp]

無可避免雨中作賽
未開跑，停雨
開跑前，毛毛雨
剛開跑，停雨
3公里，開始有雨
6公里，越落越大
禾係初初5公里著雨褸
之後見橫掂刀濕...
索性除左佢袋落衭袋
過左終點先著返

算達賽前目標...58分幾完成第一組10km

[風之將]

第一組,今年唔知做乜同挑戰組同時出發,好彩去到最後兩公里先落雨a

[Busconcamp]

作者: 風之將

第一組,今年唔知做乜同挑戰組同時出發,好彩去到最後兩公里先落雨a

同時
唔係bor
相差半個鐘喎
挑戰組：0545
第一組：0615

偶淋左7公里雨

[sgouki]

咁少野咋, 我半馬7-8成時間濕身T大作戰.....

[風之將]

作者: Busconcamp

同時
唔係bor
相差半個鐘喎
挑戰組：0545
第一組：0615

偶淋左7公里雨

我一組但係五點九就開始出發 我都唔知咩事 前面班挑戰組走哂無封到就比埋後面個堆出埋去 所以勁多人
由手機版發出

[Busconcamp]

作者: 風之將

我一組但係五點九就開始出發 我都唔知咩事 前面班挑戰組走哂無封到就比埋後面個堆出埋去 所以勁多人
由手機版發出

吓？！
偶0545之前已經上左東廊hea住企埋一邊，
之後係企係近君綽酒店對出，右邊最前排俾繩截住果個位置等候，
待挑戰組出發晒，工作人員先放行第1組既跑手行/跑上計分區前既位置，
(剛剛睇返相片記錄...偶06時08分重企係大型吹氣“起點”前留影)
最後再等夠鐘0615先起步喎~

咁偶諗當時你係人群混亂...工作人員又無睇號碼牌？
咁就“被出發”左？！
偶諗你聽日上官網check...要睇下有無自己成績了！

[Busconcamp]

作者: 埃及使者

唔...今年要棄權了
朝早先睇完醫生，感冒

你既小遺憾...
下年順利吧！

偶2011首次參加渣馬10km，
跑前一日竟發燒...幸睇左醫生啪藥快快好，
朝早順利完成賽事