曼聯躉紅魔鬼地帶[VOL.94]~Closed~

[Busconcamp]

加利佬：有一件事令迪基亞分心



曼聯喺周一(11日)凌晨英超大戰，0:2不敵阿仙奴，紅魔鬼第一球失波，頗令人意外，因為當時阿仙奴中場格列沙加遠射，曼聯鋼門迪基亞好似發緊夢，出現錯判，睇住個波入網，球迷睇到O哂嘴，唔知佢搞邊科。

曼聯名宿加利尼維利就有「獨特見解」，指呢位西班牙國腳受到續約問題困擾，搞到無法專心比賽，佢話：「初時睇到以為係個波省中人改變方向，但事實並唔係咁，而係迪基亞判斷出錯，我知道傾續約嘅問題，喺佢耳邊製造太多噪音。」迪基亞上輪英超對修咸頓，亦對被手遠射攻入大門，似乎精神真係唔夠集中。

迪基亞同曼聯嘅合約將於2020年屆滿，但遲遲未傾掂數，據悉知道就人工問題有重大分歧，迪基亞希望可以貼近50萬鎊周薪嘅A山，但會方唔肯再開出天價合約。

如果迪基亞選擇離隊，亦冇乜球會可以滿足到佢嘅人工要求，令佢進退失據，又難怪佢咁煩惱。

[Busconcamp]

謝借用蘇B　曼聯向莫迪發巨額補償



曼聯季中由莫迪借用蘇斯克查回巢救亡，效果出奇咁好，由爭前4絕望變成有機會，歐聯更淘汰巴黎聖日耳門殺入8強，英國《鏡報》報道，曼聯將向莫迪發出600萬鎊巨額補償，以感謝對方仗義借出蘇B。

在外借到曼聯前，莫迪剛與蘇斯克查簽下3年新約，但合約因蘇B外借到曼聯無法履行，其實曼聯在法律上毋須向莫迪賠償，但今次畀巨額補償對方，純粹出於向莫迪作出感謝。

[Busconcamp]

曼聯前鋒個個精英　射門全歐洲最勁！



曼聯今季雖然冇份爭英超冠軍，不過佢哋條鋒線確係個個精英，「紅魔鬼」前線粒粒皆星，盧卡古、拉舒福特、安東尼馬迪爾、連格等質素唔使懷疑，論射門準繩度更加係全歐洲最勁！

據國際體育研究中心（CIES）足球研究所報告顯示，曼聯今季383次射門，有186次成功命中目標，錄得48.6%嘅射門命中率，係全歐洲命中率最高球隊，有美斯、蘇亞雷斯壓陣嘅巴塞隆拿就以48.3%排第2位(見表)。最估唔到嘅係，西甲小球會基羅納竟然高踞第4位，德甲嘅哈化柏林同法蘭克福都進佔前10。

歐洲射門命中率排行榜

1 曼聯(英超) 48.6%
2 巴塞隆拿(西甲) 48.3%
3 多蒙特(德甲) 46.3%
4 基羅納(西甲) 45.8%
5 利物浦(英超) 45.6%
6 哈化柏林(德甲) 45.1%
7 巴黎聖日耳門(法甲) 45%
8 利華古遜(德甲) 43.7%
8 法蘭克福(德甲) 43.7%
10 拜仁慕尼黑(德甲) 43%

[Busconcamp]

【阿King】期待兩位奇迹男對決



今屆歐聯16強次回合有2場波，睇到人熱血沸騰，包括曼聯作客絕殺巴黎聖日耳，以及啱啱周三(13日)凌晨，祖雲達斯贏馬體會3:0，兩回合合計反勝3:2晉級8強，皆因兩隊賽前都係「數據上」已被判死刑，但最後都可以逃出生天，夠晒戲劇性。

呢兩場同樣打破歷史宿命，曼聯成為歐聯史上第1支首回合輸2球或以上嘅球隊，卻可於次回合收復失地晉級。

至於祖記之前5次於歐聯首回合落後2球，全部出局，今次終於第1次落後2球，反勝晉級，同時打破埋施蒙尼執教馬體會後，25次淘汰賽首回合贏波必定晉級嘅定律。

改寫歷史嘅人都好有淵源，一位係曼聯主帥蘇斯克查，一位係祖記球星C朗，兩人曾經係曼聯隊友，分別協助紅魔鬼捧過英超、歐聯等重要錦標，同樣都係球隊嘅「關鍵先生」，無數於最後時刻改寫戰局。

兩人今季都轉咗新工，雖然搵食地方都唔一樣，但冇變嘅係仍然扮演「救世主」、「奇迹男」角色，蘇斯克查臨危受命拯救咗曼聯，C朗亦挺身而出將祖記由歐聯瀕臨出局，拉番上岸，雙方似乎都有「神力」支持。

曼聯同祖雲達斯今屆歐聯分組賽交過手，但當時曼聯仲係由摩連奴領軍，相信好多球迷同阿King一樣，想睇下兩位「奇迹男」蘇B同C朗，一旦喺今屆歐聯餘下賽事遇上，到時會產生咩結果？

[Busconcamp]

英媒：蘇斯克查本月內坐正



以替工身份帶隊嘅蘇斯克查，自去年底上任以來，成功令曼聯谷底反彈，即使上仗聯賽搶4大戰不敵阿仙奴，蘇B民望仍然高企，英國傳媒《鏡報》報道，曼聯高層已啟動蘇斯克查「坐正」程序，預計於本月內完成，蘇斯克查正式成為曼聯領隊。

蘇斯克查原本為挪威球隊莫迪主帥，去年底獲外借回巢執教曼聯，借用期至5月中英超聯賽煞科為止，但這段時間曼聯谷底反彈，蘇斯克查領軍18場，錄得14勝2和2負，大部份球員戰意及作戰水準被全面激活，奇迹反勝巴黎聖日耳門，更令蘇B民望達到高峰。

英媒預計，在本月30日主場對屈福特前，蘇斯克查將獲正式委任為曼聯新任領隊。

[Busconcamp]

曼聯加碼！將以8.3億簽入查頓辛祖



蘇斯克查下季坐正曼聯帥位已經冇懸念，下一步就係為下季組軍做準備，會方亦全力作出配合，根據英國《獨立報》爆料，曼聯增兵取得重大進展，即將以8000萬鎊(約8.3億港元)簽入多蒙特翼鋒查頓辛祖，並會畀件7號球衣佢。

上月已傳出曼聯想用7000萬鎊收購呢位即將19歲嘅英格蘭新星，但報價未到多蒙特要求，於是決定加碼至8000萬鎊。據悉，曼聯代表團已經接近說服多蒙特放人，而且查頓辛祖亦希望返回祖國搵食。

查頓辛祖今季喺德甲表現一鳴驚人，已有8球進帳，無論係速度、爆炸力、傳球、射門、控制比賽節奏，都屬於德甲球員之中首屈一指，甚至被譽為同法國新星基利安麥巴比同級數，並已經晉身英格蘭大國腳。曼聯對查頓辛祖志在必得，認為佢可以將球隊傳奇7號重新發揚光大。

值得一提，查頓辛祖出身曼城青年軍，如果佢真係加盟曼聯，唔知曼城領隊哥迪奧拿有乜感受呢？

[digiharuka]

可以安心爭聯賽前四?

[Busconcamp]

英足盃：狼隊擒紅魔 ？

不敵阿仙奴後，曼聯的超強氣勢被打斷，周六出戰英足盃八強作客狼隊。紅魔傷兵多，缺盧卡古、阿歷斯山齊士及菲爾鍾斯等，狼隊對強隊一向醒神（體通天下明日3:55am直播）

周日作客阿仙奴的大戰，曼聯被格列沙加及奧巴美揚破門輸0:2，看守領隊蘇斯克查的聯賽不敗紀錄告終，士氣受損。雖然法國射手安東尼馬迪爾該場復出後備上陣，但狀態一般，今仗要代養傷的盧卡古掛帥，難為紅魔爭取入球。

曼聯後防尤其缺人，路爾斯華倫西亞、達美安及鍾斯缺陣，兵源不多，故今仗蘇B或以達洛治及剛復出的馬高斯盧祖任兩閘，不過前者缺乏經驗，後者狀態未足以下，或被狼隊一眾快馬攻陷。論重要性，英足盃當然不及英超及歐聯，曼聯為應付餘下賽程，或派副選如安達斯彭利拿等迎戰，戰力勢進一步減低。

[Busconcamp]

曼聯8強撼剋星巴塞 曼城熱刺英超內訌 紅軍抽上籤鬥波圖

【明報專訊】歐聯8強昨晚抽籤，在16強絕處逢生的曼聯，在8強抽到「下下籤」再遇硬仗，大戰5屆歐聯冠軍巴塞隆拿。而4支英超球隊中，最終由熱刺與曼城上演「英超內訌」；利物浦及祖雲達斯則抽好籤，分別遇上波圖和阿積士。

今屆歐聯8強由國際米蘭2010年歐聯冠軍成員、巴西門將施薩索拉斯擔任抽籤嘉賓，縱賽前網上曾流傳一張圖片，聲稱是歐洲足協的內定抽籤結果，但最終結果完全不同。最矚目一戰是在16強逆轉巴黎聖日耳門的曼聯，事隔8年再次硬撼巴塞隆拿。

英超殺手美斯歐聯鬥英球會入22球

曼聯史上在歐聯8次與巴塞交手，僅得1勝4和3負劣績，當中在2009年及2011年歐聯決賽兩度交峰，最終曼聯都成手下敗將屈居亞軍，而巴塞的阿根廷球王美斯，在歷來歐聯對英超球隊共入22球之多，堪稱「英超殺手」。

首回合曼聯先在奧脫福球場出擊，次回合作客造訪魯營球場。值得一提是，曼聯暫代領隊蘇斯克查於1999年歐聯決賽，補時絕殺拜仁慕尼黑一役的比賽場地，正是魯營球場。如今蘇帥事隔20年重臨福地，面對巴塞剛締造連續30場歐聯主場不敗的驕人紀錄，似乎又要再創奇蹟才可率領球隊晉級。

若然曼聯再闖一關，4強將會遇上利物浦對波圖之勝方，或有機會再演「雙紅會」。紅軍中場占士米拿抽籤前曾希望，8強避上3支英超球隊，最終如他所願。利物浦上屆16強曾與波圖交手，最終「紅軍」兩回合計以5：0大勝晉級。

C朗率祖雲鬥阿積士 若晉級遇英超隊

4支英超隊躋身歐聯8強，結果熱刺與曼城狹路相逢；換言之，4強肯定有一支英超球隊，將遇上阿積士對祖雲達斯之勝方。「斑馬兵」球星基斯坦奴朗拿度（C朗），亦將面對淘汰其前東家皇家馬德里的阿積士。而抽籤同時定出4強及決賽路線，兩大球王C朗及美斯的對決，需至決賽才能碰頭。

歐聯8強首回合於香港時間下月10及11日舉行，次回合於緊接下一周的17及18日上演。

[digiharuka]

只要再放 L14 P6 M31 H21 這條中場線一起就一定沒創造力, 死路一條

[Squall-Lucifer]

我最初以為又用L14打假狗，兩隻快馬在Half Space插入，點知.....

[digiharuka]

作者: Squall-Lucifer

我最初以為又用L14打假狗，兩隻快馬在Half Space插入，點知.....

魔佬個時有L9 就係咁， 家下R10打正前L14就假9，大家都知L14控傳能力， 就咁

係放P15才有機， 只是又到那2件法國包玩野


車仔失分真是分分都緊要了

[Busconcamp]

連敗兼出局 曼聯1：2遭「狼」噬



【now.com體育】繼英超不敵阿仙奴後，曼聯再遇滑鐵盧，周六在英足盃8強作客以1:2爆冷不敵狼隊出局。

曼聯以羅美路把關，前鋒安東尼馬迪爾（Anthony Martial）、攻中連格、中場安達斯靴里拉皆復任正選，但射手盧卡古因傷缺陣，由拉舒福特掛帥。狼隊的雙箭頭為魯爾占美尼斯、迪亞高祖達。

狼隊開賽後樂於主守，讓紅魔取得大部份控球權；10分鐘，拉舒福特在右路發難再傳予中場保羅普巴施射，但沒甚威脅地不中目標。曼聯受制於狼隊的堅固防線，未能創造出具威脅埋門，兩軍以0:0完半場。

53分鐘，魯爾占美尼斯接應角球施頭槌，羅美路神勇救出；狼隊的攻勢威脅甚大，魯爾占美尼斯在70分鐘再接再厲，射門被擋出後，自己成功補中，領先1:0。落後之下，紅魔立即換入中場安達斯彭利拿，但在6分鐘後被迪亞高祖達在一次突擊射破大門。

中堅域陀連迪路夫在83分鐘領紅牌，經VAR改為黃牌，曼聯雖然不致踢少1人，但最終仍返魂乏術，僅憑拉舒福特在補時5分鐘破蛋，以1:2錄得兩連敗。

[Busconcamp]

蘇B稱表現大倒退：上任以來最差

【now.com體育】曼聯英足盃爆冷出局無緣晉4強，領隊蘇斯克查直言那是他麾下表現最差的一次。

蘇斯克查在曼聯以1:2受挫於狼隊後說：「有些球員將會離開為國家隊效力，他們將可享受休息時間，需要從頭再來。我方之前有一段出色的走勢，現在則遭逢連敗。對阿仙奴，我們就是未能入球，而今天是差勁，是我們最差勁的一次。」

曼聯是役與狼隊半場互無紀錄，及至下半場中後段連失兩球，只憑拉舒福特在補時5分鐘破蛋，錄得兩連敗。綜觀全場，紅魔控球時間逾6成，然而射門及射門中框次數都不及對手。 「我在這兒直到夏季，面前有很多場聯賽及歐聯比賽。」言下之意，隱見他還是未確定「坐正」：「這是一大倒退，主要源於控球及傳送的質素。」

[Busconcamp]

蘇B給魔兵的國際賽期指引：帶笑回來

【now.com體育】曼聯在英足盃被狼隊淘汰錄得兩連敗後，進入國際賽期，領隊蘇斯克查向球員傳遞明確不已的訊息，敦促眾將要充分利用這段休息叉電，然後重新回來爭取英超前4和迎戰歐聯戰事。

「對於那些要踢國際賽的球員，去好好享受吧，盡你所能比賽。」蘇斯克查（Ole Gunnar Solskjaer）說，「他們有些已被召回國家隊，也許這會讓他們有所提升，但我們只需要重新『充電』。無論你做甚麼，如果你有休息日，或者與國家隊一起比賽，回來的時候都要帶著燦爛的笑容，充滿活力，為聯賽和歐聯做好準備。」

蘇斯克查又強調，魔兵會從失望中反彈，「我們仍有很多比賽要踢，曼聯在4月和5月，我們總能找到狀態。我們已急不及待迎接挑戰，我們要迎戰巴塞隆拿這場大賽，還有許多值得期待的亮點。球員？不用擔心他們的心態。當他們再次回來時，我們會嘗試做得更好。」

曼聯將於3月30日才再有比賽，於英超主場迎戰屈福特。

[Busconcamp]

父親證華倫西亞季尾離紅魔

【now.com體育】效力曼聯10年的後衛路爾斯華倫西亞，其父親接受訪問時證實兒子會在季尾離隊。

效力曼聯10年的後衛路爾斯華倫西亞（Antonio Valencia），今季受傷患影響，狀態反覆，本季更只在聯賽上陣5場，令外界盛傳這名本季合同完結的厄瓜多爾球員，將於今夏離隊他投，而這消息亦得到華倫西亞的父親證實。

其父親接受厄瓜多爾傳媒訪問時表示：「他（華倫西亞）未來一定不會繼續在曼聯效力。他希望作出改變，而球會方面亦不會與他續約，這情況就像生命中各項事物一樣，總有完結的一日。」 外界盛傳華倫西亞有多個落腳點，當中包括英超球會，其父親亦認為有一些球會是適合自己的兒子，「阿仙奴、韋斯咸、國際米蘭和一間中超球會都是他的選擇，但在足球世界內，所有事情都可以改變。他希望作出最佳的決定，但更重要的是他希望簽下一紙兩年的合同，並效力一支可爭取重要錦標的球隊。」

華倫西亞效力曼聯多年間合共上陣338場，並攻入25球，曾為球會贏過兩次聯賽冠軍、兩次聯賽盃、一次足總盃和一次歐霸盃，個人方面剛兩咨當選球會年度最佳球員。

[Busconcamp]

華維迪指歐聯對曼聯很難應付

巴塞在2009及2011歐聯決賽對曼聯，兩次都由哥迪奧拿帶隊的巴塞勝出。事隔多年，兩隊在歐聯8強遇上，看上去巴塞仍是牌面佔優。

不過，華維迪警告隊員要小心應付：「他們在反勝PSG時做得很好，而且是在多傷兵的情況下完成任務。到對陣我們時，他們不會再有太多傷兵，我們要留意這一點。」（Goal.com）

[Busconcamp]

碧咸讚蘇斯克查成熟了

碧咸和蘇斯克查都是1999年歐聯冠軍成員，又一起在費格遜領導下贏過5次英超冠軍，幫曼聯創造過盛世。

碧咸表示，他為蘇斯克查的戰績感到讚嘆不絕：「因為他帶隊有成績，因此受到球員信服，特別是在歐聯舞台贏波真的很成功，作為領隊他真的很成熟了。」（Goal.com）

[Busconcamp]

皇馬7.8億搶人　一個原因令曼聯冇得唔放



皇馬搵番施丹執教後，全力展開重建大計，根據英國《鏡報》爆料，「銀河艦隊」準備今夏用7500萬鎊(約7.8億港元)，收購曼聯門將迪基亞。

由於呢位西班牙國腳只剩下1年合約，加上佢仍然唔肯續約，曼聯為免人財兩失，可能要焗住放人。

今季加盟皇馬嘅比利時門將泰拔高圖爾斯表現欠佳，各項賽事上陣32次失42球，施丹回巢首場比賽，立即用基羅拿華斯代替佢把關。

雖然呢位哥斯達黎加鋼門係施丹愛將，但畢竟已經接近33歲，施丹為球隊將來打算，都要搵1位當打門將，目標直指28歲嘅迪基亞。

事實上，皇馬早於4年前已經幾乎簽到迪基亞，但臨尾甩拖，今次捲土重來，志在必得。加上迪基亞同曼聯續約問題上，仍然未有進展，皆因佢要求40萬鎊周薪，令紅魔鬼高層難以接受。

[Busconcamp]

祖記又諗縮數　想平借A山拍C朗



專門搵免轉會費球員嘅祖雲達斯又出手，今次目標係曼聯智利前鋒阿歷斯山齊士，A山同曼聯仲有3年約，當然冇得平簽，但就可以借住先，因為消息指曼聯打算今夏清洗呢位廢將，由於身價太高出售機會不大，最可能將佢外借，祖記睇中呢點，諗住搵着數。

A山喺曼聯嘅基本周薪係35萬鎊，再加埋獎金同肖像權，周薪高達50萬鎊，咁嘅人工但表現差劣，真係搵鬼要，亦因為咁，A山有好大議價空間，曼聯將佢外借用意係減少損失，消息指祖記方面提出兩個方案，一就係A山肯自降人工，二就係曼聯負責部份人工開支。

其實祖記本身都有吸引力，A山過檔嘅話可以拍住球王C朗，話唔定可以鹹魚翻生，所以唔係冇得諗架。

[Busconcamp]

觸傷膝部舊患　馬迪爾有排煩



曼聯前鋒安東尼馬迪爾喺上場英足盃復出之後，又觸傷膝部舊患，退出法國國隊大軍名單，無緣出戰23及26日凌晨歐國盃外圍賽對摩爾多瓦及冰島。

蘇斯克查執教之後，安東尼馬迪爾表現出色，相隔1年重新入選法國國家隊。不過，佢上場踢完對狼隊之後，發現右膝痛楚，疑似觸傷舊患。

曼聯同法國足總溝通後決定，畀佢留喺球會養傷，法國主帥迪甘斯補選馬體會中場湯馬士林馬，頂替安東尼馬迪爾。

安東尼馬迪爾冇份為法國出戰上年世界盃，錯過捧盃機會，難得依家獲重召，又因為受傷退隊，似乎佢同國家隊真係冇乜緣份。

[Busconcamp]

曼聯今夏收購目標曝光　法國新星準備入魔



曼聯雖未公布看守領隊蘇斯克查坐正，但係時間唔等人，喺轉會市場見到好球員就要出手，歐洲傳媒盛傳，曼聯在爭逐巴黎聖日耳門法國中場拉比奧特佔得先機，只要傾掂薪酬條件就冇問題，另外羅馬希臘後衞文奴拿斯亦展開斟介。

自由身嘅拉比奧特一直盛傳與巴塞隆拿傾得好接近，但自從巴塞宣布簽入法蘭基迪莊，拉比奧特就冇晒行，不過該23歲法國國腳仍獲多間歐洲豪門垂青，曼聯成為首選，條件係紅魔鬼要畀20萬鎊周薪及1000萬鎊簽字費。

另外曼聯於摩連奴年代都希望購入後衞，消息指紅魔睇中27歲希臘後衞文奴拿斯，轉會費3500萬鎊，據稱文奴拿斯已答應加盟，成事機會甚高。

至於曼聯收購巴塞菲臘比古天奴及皇馬加里夫巴利，暫時仍在傳聞階段，距離成事尚有一段距離。

[Busconcamp]

普巴重提摩佬：互不信任

【now.com體育】曼聯中場保羅普巴重提跟前領隊摩連奴的不和關係，坦言雙方互不信任。

雖然摩連奴在2016年把保羅普巴（Paul Pogba）帶回曼聯，但兩者其後交惡，摩佬更一度把普巴貶為後備。回想這段不快的關係，普巴說：「或者我們對彼此失去信心，令事情變壞。外界有很多傳言，但不是真實的。」

摩佬在去年12月被辭退，普巴於看守領隊蘇斯克查麾下如獲新生，17場取得9入球7助攻。這名法國國腳力撐對方坐正：「我們當然想他留下來，球隊成績很好，我跟他的關係亦很好。」

普巴坦言所有紅魔球員在蘇B麾下都很快樂：「當球員很快樂，就希望繼續這樣下去。蘇斯克查值得坐正，他很了解這家球會，而且是一名很快樂的領隊，令球員重拾信心，重獲自由度，可以再次享受足球。」

[Busconcamp]

鬼拍後尾枕　普巴又畀曼聯球迷鬧爆



國際比賽日，保羅普巴要為法國隊服役，但佢份人一向講嘢唔經大腦，喺法國隊記者會上及其後傳媒採訪中，竟然連續向皇馬及巴塞示好，睇住呢個壞孩子又想叛變，曼聯球迷群情淘湧，紛紛喺網上作出聲討，叫佢立即離隊。

普巴先喺法國隊記者會上聲稱，為施丹嘅皇馬效力係佢夢想，佢話：「效力皇馬係每個球員嘅夢想，佢哋係世上最佳球會，由施丹執教，對於任何喜歡足球嘅人，都會有呢個夢想。」

隨後接受《歐洲體育》採訪，普巴又話：「我一直關注巴塞，睇佢哋比賽可以學到好多嘢，我喜歡佢哋嘅足球，佢哋係世上最佳之一。」

睇住呢啲訪問片，雖然可能只係普巴嘅客套話，但聽在曼聯球迷耳中就嬲到震，紛紛在網上留言鬧爆，對呢位內鬼同反骨仔已經厭倦，快啲送佢扯。

[Busconcamp]

轉會曼聯？古天奴過檔PSG更合理

古天奴過檔巴塞後被寄予厚望，不過他未能得到領隊華維迪信任，本季基本上只任後備。有傳曼聯有意於今夏搶人，但古天奴家人於英國住得不太習慣，故暫時這名巴西國腳未有回歸英超意欲。另外祖雲達斯未能負擔其230萬歐元稅後月薪，拜仁亦寧願正式簽占士洛迪古斯，故古天奴過檔PSG，和尼馬、堤亞高施華等巴西兵並肩作戰最有可能。

巴塞方面亦有意出售古天奴，若收到約8000萬歐元轉會費，就會認真考慮放人。（goal.com）