夜市經濟｜港府倡搞活搞旺夜市 學者：港人「做到隻狗咁」 冇特色未必撐 何柱國：發春夢

[Heaven]

財政司司長陳茂波早前在網誌上表示，政府要與業界合力搞活搞旺香港的夜市。然而，夜市經濟能否帶動本地經濟復甦仍是未知之數，坊間有聲音對此不太看好。

中大商學院亞太工商研究所名譽教研學人李兆波向《明報》表示，對政府欲大搞夜市「唔係咁睇好」，原因是香港酒店房價高本身已令旅客卻步，加上香港具規模的民間習俗活動不多，無特色的夜市未必能吸客到來或過夜，從而帶動消費。

鄰近城市深圳自2020年起致力推動夜間經濟，吸引不少當地居民晚上外出消遣及娛樂。李兆波續指，深圳居民早收工早吃飯，晚飯後仍可閒逛，但港人「做到隻狗咁」，如夜市沒特色，港人亦未必捧場。

對於財政司司長陳茂波提出搞活搞旺香港的夜市，前全國政協常委何柱國日前接受商台節目《光明頂》訪問時批評，是「發春夢」，只是嘴上講，但是實際做不到。他表示，現在樓市下行，他冀望政府穩定樓市，如果不作為，未來或會出現負資產，越來越多。何柱國籲政府快點取消樓市辣招，直言「如果你（陳茂波）冇本事不如唔好做」、「香港係靠你（陳茂波）」。何柱國又指若地產不行，會引致很多人失業，甚至終會像1997年一樣有人跳樓。

https://hk.sports.yahoo.com/news/%E6...012705079.html

夜市經濟︱林健鋒：商場延長營業不足夠 倡維港兩岸辦「海濱長廊夜市」
https://hk.sports.yahoo.com/news/%E6...012705079.html

夜市經濟︱西九具夜經濟潛力 譚兆民 : 9月初起海旁位置試辦街頭表演
https://www.singtaousa.com/2023-08-2...%97%81/4585877


日頭都唔見生意好, 仲搞夜市 發春夢

[flpchoho]

餐飲業界促派夜間消費券　學者認同西九設明火煮食

當局提出在短期內搞活夜市，稻苗飲食專業學會會長徐汶緯在本台節目《千禧年代》說，同意要有夜市經濟，但不認同走以往的大笪地形式，他說商場延長營業時間要有誘因或節目配合，認為要搞旺夜市，可舉辦歌星表演或新型創意市集，又提議當局發放晚上8時後使用的消費券，以促進市民消費。

徐汶緯說，受之前疫情因素影響，現時晚上8時後街上人流不足，零售店舖及食肆因此提早關門。他說如果當局要搞活夜市，需留意交通配套，而如果提供票價優惠，要小心考慮會否導致市民北上消費。

新鴻基地產執行董事馮秀炎在同一節目說，當商場進行大型宣傳活動，自然會吸引到人流。她以上海有通宵鐵路行駛以配合夜間經濟為例子，認同要考慮商場外圍交通因素。她又說，業界亦有反映，因人手不足影響營業時間，期望當局加快處理補充勞工計劃。

旅遊學者、職業訓練局項目經理黃家榮表示，內地盛行「特種兵」旅遊模式，即是早上來港參觀景點、待享用宵夜後才離港，認為如連接鐵路的本港商場延長營業時間，該群旅客在商場消費的時間將可增加。雖然他們對本港的旅遊收益未必很大，但可帶動整體氣氛，他們亦會在社交平台等分享旅遊體驗。

對於有意見提出在西九辦夜市，並容許少量檔販明火煮食，黃家榮認為，西九本身是知名海岸線地方，坊間有聲音反映該處不夠飲食地點，如有明火煮食，將可吸引遊人到訪。

https://news.rthk.hk/rthk/ch/compone...abChangeable=0

唔係宵夜，係頂多晚飯完就返上去，認識的大陸朋友都係咁，早上係上面落來（當然食左早餐），午餐就等食下午茶餐（或者唐記/M記/兩餸飯)，晚上6-8食埋晚飯返上去。
但其實更多的係先返左上去，之後深圳地鐵沿線商場食晚飯
小x書大把攻略

我只能夠講：求仁得仁
願望成真時又唔滿意，想點?

[Heaven]

酒店太貴 唔值得住一晚
由手機版發出

[真!DC]

前(美食)車可鑑
由手機版發出

[flpchoho]

作者: Heaven

酒店太貴 唔值得住一晚
由手機版發出

同等價錢，香港住賓館，深圳住三星酒店
佢地都問做咩唔係深圳住酒店，要係香港住賓館咁傻仔

亦發現身邊唔少認識的親戚朋友一到星期六就一家大細返上去玩兩日一夜住酒店，話平同埋服務好過香港（聽佢地講，無實際去）

[Dyhalt Rushifar]

香港酒店的確係貴到痴呆。
以前就話國際金融中心，家陣咩都跟足大陸，遅D連中國金融中心都可能做唔成，真係唔知憑咩SET咁貴…

搞夜市？在下驚你真係開埋飛田新地都搞唔起渣，都冇人想黎…
靠本地人就死得，有心情狂歡咪上晒去囉，政府貼7成消費都可能唔夠人地平呀。

[clanyuen1]

好似領展咁 捉哂D 小販之後 而家再扮晒野講懷舊，
成件事 嘅原因 天知地知大家都知，只係你扮唔知。

[flpchoho]

作者: Dyhalt Rushifar

香港酒店的確係貴到痴呆。
以前就話國際金融中心，家陣咩都跟足大陸，遅D連中國金融中心都可能做唔成，真係唔知憑咩SET咁貴…

搞夜市？在下驚你真係開埋飛田新地都搞唔起渣，都冇人想黎…
靠本地人就死得，有心情狂歡咪上晒去囉，政府貼7成消費都可能唔夠人地平呀。

中國金融中心--------我只能夠講從來都無香港份，將來香港都唔會係
本身上面已經有上海呢個地方，點解人地要讓比你？

[Dyhalt Rushifar]

作者: flpchoho

中國金融中心--------我只能夠講從來都無香港份，將來香港都唔會係
本身上面已經有上海呢個地方，點解人地要讓比你？

中國金融中心既話，香港應該算係做緊既，恆指成份要唔係大陸比較難。
大陸金融根本搞唔起，當個賭局開大定細唔係骰仔而係睇賭場大佬心情，個場唔會好多人入去賭。
隨住香港越行越近，遲早連恆指都係國家機密唔俾公開…咁既場嘛…

[flpchoho]

多個發展商推商場優惠及活動　冀搞活夜經濟

政府計劃推出活動，搞活夜市。據了解，財政司副司長黃偉綸最近聯絡業界，包括與各發展商研究是否可以延長商場的營業時間，舉辦活動。

多間發展商回覆查詢表示，支持政府提出的各項經濟復蘇政策，將推出不同活動。其中新鴻基表示，將於中秋節舉辦主題式市集，晚市提供不同優惠，鼓勵消費；恒地表示，會派發一萬張商場現金購物券，同時在各商場舉辦夜間表演活動，搞活夜經濟。

新世界表示，會積極考慮延長商場部分日子的營業時間，舉辦夜間活動吸引人流。信和集團計劃送出一萬張美酒換領券，各大商場會推出中秋活動，鼓勵市民於8時後消費。

另外，工聯會向特首李家超提交「觀塘海濱花園夜市發展項目」建議書，提出在觀塘海濱搞夜市，再興建行人天橋和以水上的士，接駁郵輪碼頭，打造成為夜市地標，以帶旺啟德郵輪碼頭的人流及利用水上的士解決郵輪碼頭交通問題。

有份提出建議的工聯會立法會議員鄧家彪表示，不是要打造舊式的「大笪地」，而是要變成地標景點，他有信心如建議獲得政府支持，只需半年時間，就可以形成一個具規模，可持續的夜市。

我情願去日本食壽司刺身好過

[wing]

作者: flpchoho

我情願去日本食壽司刺身好過

依家去日本冇咁好玩了，隨時遇著一隊一隊天龍人。

[wing]

作者: clanyuen1

好似領展咁 捉哂D 小販之後 而家再扮晒野講懷舊，
成件事 嘅原因 天知地知大家都知，只係你扮唔知。

好火滾

[野良猫]

作者: clanyuen1

好似領展咁 捉哂D 小販之後 而家再扮晒野講懷舊，
成件事 嘅原因 天知地知大家都知，只係你扮唔知。

所以聽到話要搞夜市我只諗到︰賊喊捉賊

當年眼淺為利益整死夜市小販，依家叫人去幫手旺場

[flpchoho]

From 獨立媒體，同場加映

「立會好聲音」下月伊館開騷 容海恩將唱《Monica》

有報導指，多名立法會議員將於9月8日在灣仔伊利沙白體育館舉行名為「立會好聲音」的慈善音樂會賀國慶。多名議員向《獨媒》確認開騷消息，其中曾在湖南衛視《我想和你唱》獻唱的新民黨容海恩向《獨媒》指，將會在音樂會上演唱張國榮的歌曲《Monica》，已安排之後練歌，又稱議員經常表演，已很熟悉表演流程，「不過今次就大型啲，喺伊館，咁所以都要認真多啲。」

https://www.inmediahk.net/node/%E6%9...T2Xak_L5V_t2TU

其實有冇人會去
由晚上6時半至10時，唱足3個半小時。之後直落宵夜咁？
「搞活夜市」？

[Heaven]

盂蘭節搞好d 全院滿坐
由手機版發出

[flpchoho]

From 獨立媒體

田北辰指「一啲都唔睇好」夜市 倡推新大型旅遊項目

【獨媒報導】政府近日力推夜市，料於短期內公布措施。實政圓桌立法會議員田北辰表示，疫情令港人減少出夜街，「一啲都唔睇好」發展夜市。他又提到，遊客不會為美食來港，認為本港需要大型新旅遊項目，例如其倡議多年的欣澳賽車場。

田北辰昨日與行政長官李家超就《施政報告》會面後見記者，他提到政府擬推動的夜市，稱「一啲都唔睇好」。田北辰續指，疫情改變市民生活及工作習慣，「啲人早食飯，早返屋企」。本身為連鎖時裝店G2000創辦人的他，指以往晚上7時到10時生意最為興旺，但現時大部份客人集中於晚上7時前光顧，認為並非壞事。「市場本身結構性改變，政府行為咁容易可以氹返啲人出嚟？我一啲都唔睇好。」

田北辰表示，在會面時向李家超表示「而家遊客唔嚟香港㗎喇」，指自己的生意額中，遊客所佔收入比2018年及2019年下跌三成，直言香港不再是購物天堂。他又指遊客不會為了美食來港，而是需要大型新旅遊項目，批評本港對上一次發展大項目已是18年前的迪士尼樂園，「之後就乜嘢都冇，一池死水」。他表示自己挑戰特首：「喺你呢一屆五年，如果有一個重點項目可以推動到，歷史會記得你。」

他重提實政圓桌提出多年，在欣澳填海用地興建賽車場，並同時作舉辦單車及馬拉松國際級賽事。田北辰忠告政府不要「一面倒起樓」。

倡32公頃高爾夫球場改作公眾球場

田北辰上月在立法會提出，將收回的32公頃粉嶺高爾夫球場用地改作公眾球場，交由高球會營運，發展局局長甯漢豪當時回應指無逼切需要。田北辰續提及相關建議，指現時只有9公頃起屋，「其他嗰啲就比人行行企企」，認為未能善用土地資源，希望政府保留用地作體育用途。

下「最後通牒」2023成立鐵路署

政府2021年宣布設立獨立於路政署的鐵路署，但現時仍無進展，田北辰指路政署「完全唔識」營運鐵路，現時只依賴港鐵自我監管，「出親咩事，講聲唔好意思，盡咗力喇」了事，要求政府不遲於2023年要成立鐵路署。

https://www.inmediahk.net/node/%E6%9...A0%85%E7%9B%AE

[flpchoho]

消息指夜經濟活動名為「香港夜繽紛」下周四舉行啟動禮

政府將於下周公布夜經濟活動安排。消息指，活動名為「香港夜繽紛」，下星期四在西九文化區設舉行啟動禮，希望提出具特色和創意的構思，為市面營造熱鬧氣氛，吸引市民外出，財政司司長陳茂波出席。

據了解，當局將公布籌辦連串夜間活動，搞活夜經濟，有發展商亦獲邀出席，部分商場響應，將推出消費優惠，並在部分日子，例如周末延長晚間營業時間。

旅發局表示，將於未來數月舉辦一連串大型盛事，當中包括在晚間舉行大型活動，營造熱鬧節慶氣氛，吸引旅客和市民參與。其中10月於中環海濱復辦實體版「香港美酒佳餚巡禮」，11月會推出「香港繽紛冬日巡禮」及除夕舉行「香港跨年倒數」，並在維港舉辦煙花匯演。

https://news.rthk.hk/rthk/ch/compone...abChangeable=0

真係以為咁做就得？
你鍾意啦

[Heaven]

做一個月show 之後就無件事嫁啦
由手機版發出

[Dyhalt Rushifar]

即管試下、即管試下、即管試下啦。
試完又_唔試又_總之今次_緊嘞

做政府做到好似上帝咁，神說有光就有光，一_定掂啦

[亍 ◣]

同之前HELLO HK....英文係唔係叫YEAH~HK?

[野良猫]

作者: 亍　◣

同之前HELLO HK....英文係唔係叫YEAH~HK?

電台聽番嚟
叫YES（夜市）HK

[wing]

作者: 野良猫

電台聽番嚟
叫YES（夜市）HK

嘔血

[flpchoho]

作者: 野良猫

電台聽番嚟
叫YES（夜市）HK

連個名都改得咁Hea

[BeanZzZz]

作者: flpchoho

連個名都改得咁Hea

廢老係咁上下架啦~~~

夜巿咪又係廢老睇娜娜

[Dyhalt Rushifar]

作者: 野良猫

電台聽番嚟
叫YES（夜市）HK

吔屎HK
可以請烏蠅哥撐場

不過新名唔係叫香港夜蚊瞓咩？