[飲食求助]點先可以沖倒一杯正宗港式奶茶

[YOSHIKI SNAKE]

我在台灣讀書但又成日想回味下香港奶茶,我下個星期會回香港,買問下沖奶茶要買乜料(最好可以題供下在那裏買好)同點做先好飲,同可以的話港式寧蒙茶係點做的可否又講解一下,請各位神人指點

[大情大性武大帝]

要大量的茶葉…
我在屋企都會用兩包奶茶再加一包中國茶，例如陸羽沖一杯…

[啤梨王子]

要搵u大大答喇~

[二伍]

要用兩種唔同茶葉茶包
其中一隻係lipton

[豆腐]

off一陣先，係台灣讀書可以隨時返港??除非有緊要事情先可以
我係度讀左4年都唔知可以隨便返港.....咁做唔係會被開除戶籍??


另外，要一隻絲襪

[NTBOY]

之前有人講過
好似十幾隻茶齊齊撈

[b_boy]

去茶餐廳飲仲好

[Designer]

作者: b_boy

去茶餐廳飲仲好

對 之前睇無記響星期日8:00pm?鶖M有講懷舊港式絲襪奶茶,不過乜都唔記得囉.

[Q-]

先不論港式奶茶，如果飲茶想加奶o既話通常strong o既茶都會正o的~
而家沖奶茶用緊隻strong pekoe，唔錯咖~

[毒貓貓‧KIBA]

聽我舅父講煲茶期間會加隻蛋~~
因為佢話佢細個做過大排檔~~
知道此秘技會令茶滑d~~

[YOSHIKI SNAKE]

作者: 豆腐

off一陣先，係台灣讀書可以隨時返港??除非有緊要事情先可以
我係度讀左4年都唔知可以隨便返港.....咁做唔係會被開除戶籍??


另外，要一隻絲襪

緊係白事啦,唔係都唔比你出境

[YOSHIKI SNAKE]

作者: b_boy

去茶餐廳飲仲好

台灣無這一玩意飲的,有我都唔問啦,你估自己整好得閒呀,台灣大學考試同報告多到嚇親人

[b_boy]

作者: YOSHIKI SNAKE

台灣無這一玩意飲的,有我都唔問啦,你估自己整好得閒呀,台灣大學考試同報告多到嚇親人

sorry, 誤會0左你意思, 以為你話返黎香港自己沖黎飲
你係想買番去台灣自己沖, 對嗎?

[主人]

台灣D珍珠奶茶如果無左D珍珠好似仲同香港果D差不多, 個人覺得更好飲添
不過我只係試過香港的台珠奶茶, 唔知正唔正宗

[豆腐]

作者: 主人

台灣D珍珠奶茶如果無左D珍珠好似仲同香港果D差不多, 個人覺得更好飲添
不過我只係試過香港的台珠奶茶, 唔知正唔正宗

台灣個D甜到爆，搞到我每次叫都要叫「珍奶半糖」
所以其實係國外讀書既最懷念就係奶茶.....
其實樓主讀邊間??因為我都想買....
我讀東海....

[YOSHIKI SNAKE]

作者: 豆腐

台灣個D甜到爆，搞到我每次叫都要叫「珍奶半糖」
所以其實係國外讀書既最懷念就係奶茶.....
其實樓主讀邊間??因為我都想買....
我讀東海....

很遠呀,我也是東,不過是東吳

[YOSHIKI SNAKE]

作者: b_boy

sorry, 誤會0左你意思, 以為你話返黎香港自己沖黎飲
你係想買番去台灣自己沖, 對嗎?

係呀,同我d室友都有興趣飲,因為香港奶茶在台灣真的很有名

[Abale~姬絲汀小美]

作者: YOSHIKI SNAKE

很遠呀,我也是東,不過是東吳

士林實情應該有材料買架,冇紅茶葉買嗎?

[YOSHIKI SNAKE]

作者: Abale~姬絲汀小美

士林實情應該有材料買架,冇紅茶葉買嗎?

但唔係只係得紅茶葉下,就係唔識先要問

[Abale~姬絲汀小美]

作者: YOSHIKI SNAKE

但唔係只係得紅茶葉下,就係唔識先要問

咁又唔係得紅茶葉既,不過好多茶餐廳多數都用紅茶葉,
你去citysuper果度d西式茶葉比較多選擇

[YOSHIKI SNAKE]

作者: Abale~姬絲汀小美

咁又唔係得紅茶葉既,不過好多茶餐廳多數都用紅茶葉,
你去citysuper果度d西式茶葉比較多選擇

點解你咁清楚,唔通你又係東吳

[Abale~姬絲汀小美]

作者: YOSHIKI SNAKE

點解你咁清楚,唔通你又係東吳

我是在新莊讀書
方便說一下你現在是大幾嗎?

[Abale~姬絲汀小美]

或者你可以參考一下


轉貼: 飲食男女

要 選 最 具 香 港 代 表 性 的 飲 品 ， 必 選 絲 襪 奶 茶 。
多 少 年 來 ， 那 杯 茶 味 香 濃 、 奶 香 且 滑 的 「 掛 杯 」 奶 茶 ， 已 成 無 數 「 香 港 仔 」 在 晴 朗的 一 天 出 發 上 學 上 班 的 回 魂 丸 ， 在 茶 餐 廳 蛇 竇 內 我 就 撞 見 過 立 法 會 議 員 、 電 台 名 嘴， 甚 至 我 老 闆 ！
大 家 相 視 而 笑 ， 低 頭 呷 口 順 滑 奶 茶 ， 港 式 歎 茶 也 可 這 般 愜 意 。

茶 要 夠 濃 ， 奶 也 要 夠 濃 。
絲 襪 奶 茶 很 草 根 ， 要 飲 一 定 要 到 茶 餐 廳 （ 若 果 你 找 到 好 的 茶 啡 檔 ， 我 也 不 反 對 ） 。好 的 絲 襪 奶 茶 ， 茶 要 夠 濃 ， 奶 也 要 夠 濃 ， 若 果 你 到 過 五 星 級 酒 店 飲 過 一 杯 茶 也 稀 、奶 也 稀 ， 顏 色 和 味 道 均 曖 昧 的 英 式 奶 茶 ， 你 一 定 明 白 我 所 謂 何 事 。
好 的 絲 襪 奶 茶 ， 入 口 幼 滑 如 絲 ， 不 會 一 飲 而 瀉 ， 而 是 延 綿 細 密 ， 有 忌 廉 口 感 ， 即 所謂 奶 茶 的 厚 度 （ Body ） 。 奶 茶 的 厚 度 主 要 由 淡 奶 的 濃 淡 度 決 定 ， 淡 奶 所 含 的 奶 脂一 定 要 夠 濃 ， 奶 茶 才 能 夠 在 表 面 凝 結 成 一 層 茶 啡 色 的 奶 衣 ， 成 為 掛 杯 奶 茶 。 掛 杯 奶茶 只 算 合 格 了 一 半 ， 奶 味 絕 對 不 能 夠 蓋 過 茶 味 ， 而 且 入 口 不 能 夠 澀 ， 才 算 一 杯 完 美的 掛 杯 絲 襪 奶 茶

溝 茶 溝 出
1+1=3 的 魔 法
沖 調 港 式 絲 襪 奶 茶 和 烹 調 印 度 咖 喱 一 樣 ， 基 本 材 料 雖 相 若 ， 但 分 量 配 搭 每 家 都有 自 己 的 秘 方 。 絲 襪 奶 茶 講 究 溝 茶 ， 溝 茶 初 步 決 定 了 茶 味 是 否 夠 香 濃 ， 一 般 茶 餐 廳會 用 一 至 兩 種 碎 紅 茶 （ 即 雜 茶 ， 如 「 金 玫 瑰 」 紅 茶 ） 做 膽 ， 取 其 褐 紅 茶 色 和 濃 厚 茶味 ， 再 摻 入 較 高 級 的 立 頓 錫 蘭 紅 茶 ， 帶 出 茶 香 。 溝 茶 可 以 將 每 種 茶 葉 的 細 微 差 異 映襯 出 來 ， 令 茶 味 和 香 氣 更 具 層 次 感 ， 變 出 1+1=3 的 魔 法 。

沖 茶 、 焗 茶 、 撞 茶 … … 1.2.3
然 而 茶 葉 混 合 妥 當 只 是 第 一 步 ， 要 沖 出 靚 茶 ， 便 要 靠 師 傅 一 沖 二 焗 三 撞 茶 。
首 先 把 茶 葉 放 進 茶 壺 內 用 白 棉 布 縫 製 的 茶 隔 沖 茶 。 沖 奶 茶 就 和 中 國 茶 一 樣 講 究 水 溫 ， 錫 蘭 紅 茶 和 雜 茶 均 屬 已 發 酵 紅 茶 ， 要 用 接 近 100 ℃ 的 熱水 沖 泡 ， 而 且 先 要 沿 壺 邊 倒 入 熱 水 ， 一 來 替 茶 壺 提 溫 ， 二 來 用 熱 水 發 開 茶 葉 ， 茶 香才 可 彰 顯 ， 然 後 便 可 正 式 倒 入 熱 水 沖 茶 。 沖 好 茶 要 蓋 上 壺 蓋 ， 焗 的 時 間 過 短 茶 味 會淡 ， 但 焗 得 過 久 又 會 泡 出 茶 葉 中 所 含 的 咖 啡 因 和 丹 寧 酸 ， 令 茶 味 變 澀 。 所 以 焗 五 分鐘 便 剛 剛 好 ， 有 茶 味 而 不 澀 。
要 充 分 提 取 茶 葉 的 色 香 味 ， 將 沖 好 的 茶 倒 入 空 置 茶 壺 ， 再 撞 回 盛 有 茶 葉 的 壺 中 ， 反 覆 撞 兩 至 三 次 ， 便 算 沖 好 一 壺 茶 膽 。
可 是 很 多 茶 餐 廳 都 會 翻 用 茶 葉 ， 翻 沖 出 來 的 茶 ， 味 淡 卻 澀 ； 也 有 為 求 快 捷 ， 預 先 沖泡 一 大 壺 茶 膽 ， 茶 膽 擺 賣 過 久 ， 茶 味 便 會 變 澀 。 要 沖 好 奶 茶 ， 茶 葉 只 可 沖 一 遍 ， 而且 要 用 細 壺 逐 壺 沖 泡 ， 茶 味 才 會 好 和 穩 定 。 再 加 入 淡 奶 便 成 絲 襪 奶 茶 ， 尤 以 奶 脂 最濃 、 奶 味 濃 郁 的 荷 蘭 淡 奶 為 佳 ， 淡 奶 和 茶 的 比 例 應 約 為 1 。
下 次 入 茶 餐 廳 ， 不 妨 先 瞄 瞄 水 吧 師 傅 是 否 用 細 壺 沖 奶 茶 ， 再 瞄 埋 隔 籬 杯 奶 茶 是 否 掛 杯 ， 要 飲 香 夾 滑 絲 襪 奶 茶 便 更 有 保 證 。

奶 茶 — — 港 英 餘 孽 ， 還 是 愛 國 回 歸 ？

港 式 絲 襪 奶 茶 的 興 起 ， 乃 受 殖 民 地 時 期 英 國 人 喜 歡 喝 錫 蘭 紅 茶 的 風 氣 所 影 響 ， 香 港人 沾 染 了 英 國 人 在 茶 內 加 奶 和 糖 的 飲 法 ， 但 中 國 人 始 終 飲 慣 了 濃 茶 ， 所 以 便 發 明 了用 絲 襪 作 茶 隔 ， 把 大 量 茶 葉 放 入 其 中 沖 出 濃 茶 。 後 因 有 礙 觀 瞻 ， 才 改 用 白 棉 布 袋 ，只 是 仍 然 慣 性 被 稱 為 「 絲 襪 」 ， 沖 出 來 的 就 是 港 式 絲 襪 奶 茶 。 只 是 許 多 人 都 不 知 道， 其 實 英 國 人 在 紅 茶 中 加 奶 和 糖 的 飲 法 ， 其 實 乃 學 自 滿 族 飲 馬 奶 茶 的 習 慣 。

地 址 ： 香 港 灣 仔 春 園 街 41 號
電 話 ： 2572 0526
營 業 時 間 ： 6:45am-7pm
收 費 ： 只 收 現 金
交 通 ： 灣 仔 地 鐵 站 B2 出 口
泊 車 ： 合 和 中 心 $24/hr 。
賣 點 ： 由 56 年 創 店 至 今 ， 別 無 分 店 ， 只 因 好 的 水 吧 師 傅 難 尋 。 現 在 店 內 的 水吧 師 傅 均 屬 第 二 代 的 傳 人 ， 沿 用 金 玫 瑰 紅 茶 溝 立 頓 錫 蘭 紅 茶 的 配 方 ， 茶 葉 沖 泡 一 遍即 棄 ， 並 以 細 壺 逐 壺 沖 泡 ， 以 免 茶 膽 擺 賣 過 耐 ， 茶 味 變 質 ； 淡 奶 亦 用 奶 味 香 濃 的 荷蘭 黑 白 奶 。 所 以 金 鳳 的 奶 茶 ， 香 滑 得 來 有 茶 味 ， 而 且 品 質 穩 定 ， 沒 有 愈 飲 愈 淡 或 澀口 的 毛 病 ， 不 加 冰 的 原 裝 凍 奶 茶 更 屬 香 港 首 創 。

[主人]

睇完上文有兩點疑問

1. 奶茶最初係西方國家的飲品來嗎??

2. 他們最初的沖奶茶方法是否只會用一種紅茶而不會溝幾種茶??

[可人怡]

作者: A HoManTin Work

要大量的茶葉…

其實用茶包就okay！