想要求管理員認真整頓有關劇透的規則

[十一月]

首先我表明我個人立場，以下幾種情況
１，在topic字句中包含了作品的內容
２，在完全無關的topic講其他作品的內容
３，在Ｂ作品topic講Ａ作品的內容
４，在A作品topic講Ａ作品的內容

1，２，３我覺得都要嚴禁。
但4，我覺得作品的topic就係要來講該作品的一切內容（包括劇透）。你唔想睇到的話，就應該自己克制一下，唔好入去該作品的topic。自己唔克制，卻要求別人克制，把資訊隱藏起來令你安心。然後想睇劇透的人又要逐個Spoiler Click開來睇，我覺得係過於霸道。

現有規則的灰色地帶，我覺得有必要修正。
假如管理員決定無論任何情況都必須把劇透內容隱藏的話，我沒有異議。
但假如管理員決定維持現狀，在某些情況下容許不隱藏劇透內容的話，我希望那些盲目反劇透的人，在鬧人之前，先睇清楚人地有否犯規。

以上，我想先在這處討論一下，稍後才正式post在申訴區。

利申，我不是那種喜歡進行劇透來自high的人。我純粹係對那些不理情況，盲目反劇透的人反感。

[十一月]

冇人想討論嗎?
咁我再講多少少。

我唔係反劇透的人，所以我好難完全明白佢地的心態。
在我看來，佢地反劇透的理據，不外乎是「覺得如果一早知道了劇情，在正式睇的時候就會沒有樂趣，甚至會唔想睇。」
然後，佢地將以上理據視為真理，覺得一切劇透都係天理不容，所以一見到劇透就歇斯底里咁鬧。

但「一早知道了劇情就會沒有樂趣」，呢一點我絕對相信唔係所有人都係咁諗。
無論日劇及動畫都有下集預告，電影亦有預告片，這些或多或少時都會包含一些劇情。如果劇透真係100%影響觀看意欲，咁預告片根本就不應該存在。
另外，我相信有唔少人，在睇每一季的動畫時，會因為急不及待想知道往後的劇情，而去找小說或漫畫來看。然後在睇動畫時，對比與原作的分別。而我自己，甚至會去wiki看個詳細。

(為易於閱讀，其他野在下一個post再講)

[十一月]

劇透是否錯，我覺得要視乎場合。（#1已寫了我的見解，不再詳述）

雖然我不太擅長比喻，但也在此喻一下。
板規 ＝ 法律
沒有講明不准劇透的topic = 泳池的更衣室
沒有隱藏的劇透 = 裸露

在公眾場所裸露是犯法。在公眾場所裸露，絕對係錯的行為。
而泳池的更衣室，雖然都係公眾場所，但更衣室就必定會有人裸露，是不可抗力。
你自己衝入泳池的更衣室，見到人裸露就發哂癲咁鬧人點解唔遮好，然後投訴，並覺得自己係正義使者，仲話如果自己如果係管理員就趕人走，我覺得根本係黐線。

雖然論壇係公眾地方，但topic的作用就係俾人講一切有關該作品的內容，包括劇透。
沒有講明不准劇透的topic，劇透就是合法。你自己手痕click入去，踏到地雷之後就鬧人，我覺得根本係黐線。

入去某電影的topic，在該電影上映之後，大約有一半或三份一的post，都係隱藏了的劇透。咁已經證明咗其實好多人都想講，及想睇劇透。

(為易於閱讀，其他野在下一個post再講)

[十一月]

維基對於劇透的方針

先睇重點。
劇透警告廢除理由
英語版2007年11月廢除；日語版2008年5月廢除；中文版2009年11月廢除。請勿以任何方式隱藏對作品劇情、角色介紹等的內容。

維基早就禁止隱藏劇透了，而GAF卻仍然停留在石器時代。
可能有人會話，維基的性質同forum唔同，但其實維基同forum有一點是共通的。
就是，你自己唔手痕click入去相關項目，即使人地成份劇本寫哂出來，你都唔會睇到。

最後
有人覺得劇透是天理不容，而我覺得反劇透是一種阻住地球轉的行為，兩者永遠對立。
所以最好是一切按規則處理，因此我打算提議管理員整頓版規。

[真!DC]

戲上左睇左之後出po討論劇情唔代表未睇既人想睇劇透喎
由手機版發出

[十一月]

作者: 真!DC

戲上左睇左之後出po討論劇情唔代表未睇既人想睇劇透喎
由手機版發出

唔想睇的人咪唔好入去那個topic囉。

[iu fu pig]

作者: 十一月

唔想睇的人咪唔好入去那個topic囉。

你肯定你呢個諗法同「叫人一劇透就spoils ，喺好霸道」有分別？
其實邊個討論串/區都唔希望比人劇透架啦⋯⋯

呢個你可以話喺意識，喺顧人感受嘅行為
你當然可以唔理人感受咁做人啦，因為你喺自由嘅（岩唔岩聽？）
點解要有版規？就喺因該有人唔理，所以要人管理
規則喺死嘅，不過你喺聰明嘅，聰明嘅人，好簡單可以行多一步，Po之前收一收，顧埋未睇嘅人先呢？
其實現實啲講，比人劇透唔緊要，比人劇透咗仲要大條道理比人話先難下氣，聰明嘅你一定明嘅
由手機版發出

[十一月]

假設返番去初始，大家乜都唔好做。
反劇透者繼續亂入topic，愛劇透者繼續唔隱藏。咁受害者好明顯係反劇透者。
以人人平等角度來講，你覺得你應該自己想辦法避免自己受害，抑或係人地要體諒你，免你受害？

我再講一次，topic就係俾人講一切有關作品的內容（包括劇情）。
正如泳池更衣室雖然唔係為了俾人入去裸露而設，但入去到就必然會見到人裸露，你介意見到裸露，就只有唔好去。

作者: iu fu pig

其實邊個討論串/區都唔希望比人劇透架啦⋯⋯

我極不同意呢一點，你唔想睇資訊（劇情也是資訊）的話，你入去做乜？

作者: iu fu pig

其實現實啲講，比人劇透唔緊要，比人劇透咗仲要大條道理比人話先難下氣

而家唔係有人PM你向你劇透，而係在一個本應用來講一切相關資訊的公眾地方劇透，然後你自己衝入去令自己受罪。

我在頭post都講過，１，２，３的情況都係要禁。
但４係應該容許的。

[十一月]

你地D反劇透的人，講來講去都係感受感受。
而家又唔係有人揸槍指住你地，迫你地上網，及入去可能有劇透的topic。
明明你地可以唔入topic，或者另開一個講明不准劇透的topic。你地可以自由選擇。
但相反，你地卻想強迫人一定要用SPOILER。咁到底邊個自私D，根本唔需要拗。

[pet3]

作者: iu fu pig

你肯定你呢個諗法同「叫人一劇透就spoils ，喺好霸道」有分別？
其實邊個討論串/區都唔希望比人劇透架啦⋯⋯

呢個你可以話喺意識，喺顧人感受嘅行為
你當然可以唔理人感受咁做人啦，因為你喺自由嘅（岩唔岩聽？）
點解要有版規？就喺因該有人唔理，所以要人管理
規則喺死嘅，不過你喺聰明嘅，聰明嘅人，好簡單可以行多一步，Po之前收一收，顧埋未睇嘅人先呢？
其實現實啲講，比人劇透唔緊要，比人劇透咗仲要大條道理比人話先難下氣，聰明嘅你一定明嘅
由手機版發出

遊戲主題(特別機戰)都係咁
未爆機之前唔好入主題
否則會比人說出最終頭目是誰
也是正常

[十一月]

有一點，我唔知Ｄ人係蠢到領悟唔到，定係唔想面對。
別人體諒你，是美德，但你要求別人一定要體諒你，是公主病。
而家就係有人擺出一副，你一定要體諒我，所以一定要用SPOILER，否則就係天理不容的態度。
所以令人反感。

[真!DC]

有時係對套戲有興趣想睇下相關情報同口碑決定睇唔睇架

或者學game版咁情報同攻略分開兩個topic
由手機版發出

[十一月]

作者: 真!DC

有時係對套戲有興趣想睇下相關情報同口碑決定睇唔睇架

或者學game版咁情報同攻略分開兩個topic
由手機版發出

先生，板規有講可以另開不准劇透的topic。
你Ｄ人懶另開topic，但又要人地就哂你。係皇帝定公主呀？

[真!DC]

作者: 十一月

先生，板規有講可以另開不准劇透的topic。
你Ｄ人懶另開topic，但又要人地就哂你。係皇帝定公主呀？

本來平心靜氣討論下做乜回得咁悔氣
利申好少入電影版
由手機版發出

[十一月]

作者: 真!DC

本來平心靜氣討論下做乜回得咁悔氣
利申好少入電影版
由手機版發出

sorry，語氣重了兼錯了對象。
其實我係指桑罵槐。
我針對的係那個以自己的感受為優先，無視版規，胡亂投訴，「認為劇透乃原罪的原教旨主義者」。

[lunn]

作者: 十一月

sorry，語氣重了兼錯了對象。
其實我係指桑罵槐。
我針對的係那個以自己的感受為優先，無視版規，胡亂投訴，「認為劇透乃原罪的原教旨主義者」。

你係唔係講緊依單野??? LINK

[Dyhalt Rushifar]

其實在下覺得現狀OK。
劇透討論就SPOIL咗就得，有人唔鍾意SPOIL，不過又有人睇唔順眼咪叫管理員幫手SPOIL囉，
既唔係BAN咗出文既人亦唔係強迫要佢自己加SPOIL…

當然，明確要求劇透者SPOIL會比較好D。

[十一月]

作者: Dyhalt Rushifar

其實在下覺得現狀OK。
劇透討論就SPOIL咗就得，唔鍾意SPOIL不過又由起他人不快既叫管理員幫手SPOIL囉，
既唔係BAN咗出文既人亦唔係強迫要佢自己加SPOIL…

就係現狀有問題。
我出呢個post的導火線係，板規話新片7日內才必須隱藏劇透，然後有人在大約13日後沒有隱藏劇透，之後有人把自己的感受凌駕板規去投訴劇透者。

[Dyhalt Rushifar]

作者: 十一月

就係現狀有問題。
我出呢個post的導火線係，板規話新片7日內才必須隱藏劇透，然後有人在大約13日後沒有隱藏劇透，之後有人把自己的感受凌駕板規去投訴劇透者。

THEN？有人被處分？
定係個POST俾ADMIN刪咗？

[十一月]

作者: Dyhalt Rushifar

THEN？有人被處分？
定係個POST俾ADMIN刪咗？

冇刪除，但強行改了為隱藏囉。咁係唔係侵犯了出post者的自由呢？
當然，假如出post者真係違反版規，我會覺得管理員做得好。
但事實係人地冇違反喎。而從出post者的回應睇得出佢都覺得係無理投訴。

所以我覺得板規應該清晰列明邊Ｄ情況一定要隱藏劇透，邊Ｄ情況可以不隱藏劇透。
而在可以不隱藏劇透的情況下，投訴沒有隱藏劇透，不應該成立。

[( ﾟωﾟ)?]

其實可以咁睇:
劇透者因為已經睇咗戲,所以係既得利益者(未被人劇透), 而投訴劇透者因為未睇戲,如果被劇透而買飛睇戲會因此有損失,因為係討論區要Click入去先知有劇透,公平原則當然有人投訴要spoil劇透啦.


至於Wiki目的唔係討論,而係詳細說明劇情,所以睇親都知係100%劇透,所以反而可以選擇睇定唔睇

[十一月]

作者: ( ﾟωﾟ)?

至於Wiki目的唔係討論,而係詳細說明劇情,所以睇親都知係100%劇透,所以反而可以選擇睇定唔睇

你錯了，那些反劇透的人無孔不入，佢地覺得自己唔想睇到的就要遮。當初維基都曾經被反劇透派搞到烏煙瘴氣。係經過咗一段時間的爭論之後才得出現在這個結果。

學#15話齋，戲上映了，唔講劇情講乜？
你唔想踩地雷咪自己克制一下，唔好入去topic囉，點解要全世界為你設想？
不過，我都明白有Ｄ人就係上網成癮，唔睇唔安樂。所以我覺得最好設一個絕對要隱藏劇透的期限。過了期限之後，一切不用隱藏。
在絕對隱藏劇透的期限內，不隱藏者要罰。
在過了絕對隱藏劇透期限之後，禁止無理投訴。

[Eking]

戲上左, 除左劇情重有乜可以討論 ?

[GUSTAV]

其他地方出香港冇得睇就話劇透姐 上左/播左仲透乜鬼野
當年gaf一向都係想冇劇透就自己開個TOPIC 係TITLE 講明
係某d會員覺得spoiler 係必然成日係到唔比人講姐
有時成個page都係spoiler 非常影響觀感

[歌絲˙暮斯]

小學雞....

樓主好似教書 ga ho?

加聲明 or 分隔線仁至義盡啦，呢度又有 spoiler 功能仲想點。
由手機版發出