2016立法會選舉

[Dyhalt Rushifar]

作者: 真!DC

仲有邊份主流報未紅會同熱血攪關係？
由手機版發出

未紅晒既明報/經濟日報…？
唔好話佢主動搵熱狗，熱狗主動搵佢都未必SHOW…
…HK01？

[T.K.]

話說有物業既熱狗有咩打算？
開始放盤？

未有物業的熱狗就永不上車？

[Garnet_Crow]

理論上熱血公民同熱時係兩個個體
大亨於熱血公民已經沒有角色，二代目即使肯跟媒體打好關係，大亨都唔會再指點江山

[T.K.]

即係腦燒既人網，同人力應該當成兩個個體看待咁樣？

[傑斯特]

一個打蘋果
一個插李怡

指點?老點就有份

[Dyhalt Rushifar]

作者: Garnet_Crow

理論上熱血公民同熱時係兩個個體
大亨於熱血公民已經沒有角色，二代目即使肯跟媒體打好關係，大亨都唔會再指點江山

大眾難分+1
特別係就任第一日就打倒蘋果，在下真係睇到都覺得頭痛…

[david]

戴耀廷認低估參考雷動計劃投票人數 指自己已成負資產

雷動計劃被部分立法會選舉候選人批評，發起人戴耀廷今早出席電台節目時，指原本希望集合20萬名支持非建制的選民在立法會選舉中策略投票，但僅約4萬名選民參與計劃成為策略選民，不過最終其他選民亦參考計劃投票，令參考計劃投票的人數遠超想像，致部分候選人得票出現大變動。

他承認是低估情況，指投票日的建議名單是根據民調以及策略選民的意願決定，例如在新界西選區，有4張名單需要考慮，最後由群組討論，投票決定建議保障其中公民黨郭家麒及社民連黃浩銘名單。到選舉日下午由於投票率高，因此建議再分票保工黨李卓人名單，但由於票源不平均及訊息因系統受攻擊延遲發放，結果未能成功。

他又表示，雷動計劃的投票名單是由參與計劃的策略選民選出，並無中央篩選，例如在九龍東，大部分參與者不願意投票給熱血公民黃洋達，因此將票源集中人民力量譚得志，結果兩張名單都落選。戴耀廷說非建制在立法會的議席分佈，以及在政制發展的重要性，成為非建制支持者在今次投票中的最重要考慮，選民為保非建制候選人取得末席，反令最終原本爭奪末席的議員得票最多。他指很多市民以為策略投票只是做「救兵」，但計劃實際上是如有清楚支持意向的人士，應在傍晚6時前投票，8時後才做「雷霆救兵」，認為將來要再推廣清楚有關訊息。

被問及由少數人決定投票建議是否符合政治道德，戴耀廷解釋任何人都可以做類似建議，選民亦非盲目跟隨，但他對部分多年朋友落選感到難過。戴指今次行動資源只用了約1萬元，認為現時已有很大「value added(附加價值)」，而在計劃後期，期望非建制派可以獲得30席議席，現時已達到目標。

他又表示，今次未見有建制派人士參與計劃影響分析，故無啟動可確認是否「五毛」的智能程式，將來若再大規模進行計劃就可能會使用，但坦言4年後他未必會再舉辦雷動計劃，因相信自己已成「負資產」，部分非建制派人士對他不滿，不過自己仍堅信策略投票是可行，強調自己並非心灰意冷，只是要令行動成功，必須是要各方信任的人策劃才可行，而很多人對他已無信任。他指只要策略投票成功，無論他在任何位置都無所謂，自己其實更喜歡教學及做研究。戴耀廷認為，雷動計劃將策略投票意識帶入社會，不少選民自己作出策略回應，非建制派日後應檢討選民對策略投票的重視程度。

自插了？

[Dyhalt Rushifar]

作者: david

戴耀廷認低估參考雷動計劃投票人數 指自己已成負資產



自插了？

在下覺得統計上出錯多過太多人參與。
你問下新西D人，有幾多人識雷動…

[真!DC]

我覺得溫和需要激進都需要
我個人係希望熱血入倒去

見到熱血支持者講到好似滅黨咁
雖然得一區當選但其實各區票數都唔少
支持率都唔低架
整頓一下策略下次再來未嘗不可

點知你檢討完第一件事係打倒蘋果
由手機版發出

[傑斯特]

戴耀廷=佔中三子?
個人覺得只係個誇大功績既人

[T.K.]

【給大家一個不要擔心的理由：我的名字是黃洋達】

這幾天收到很多鼓勵的說話，叫我不要放棄，叫我加油。
各位，你們是否記得，身體力行，身教大家「絕對不要放棄夢想」的，是誰啊？是我啊！

你們真的了解我嗎？大家到現在還在低估我嗎？
全港最強動員力的政治組織「熱血公民」，是我由零開始一手創立的，短時間內出現，四年間叱咤風雲，沒有我們，香港根本沒有大規模的實際本土行動！
雖然這場選戰，我們仍然被蘋果日報壓制，然而，揭起一浪新媒體浪潮，讓本土論述打入主流的，正正是我一手創辦的「熱血時報」！
現在各方自稱意見領袖的人，他們的口號及綱領，都是源自於我。

我為你們帶來了這麼多，你們卻始終學不懂尊重，一再把我低估！這次敗選，我承認失敗，卸下「熱血公民」首領一職，你們怎麼可能解讀成我要放棄了？

你們真的了解我嗎？
「治世之能臣，亂世之奸雄」

各位，我不會去檢討選舉結果的，我已經負上需要負的責任，我也不會發晦氣的，因為我有要事去做。
我是尊重民意的，我沒有得到民意授權去「治世」，所以這方面不是我們責任，大家選擇的是「亂世」，我自有我的崗位。

我向來宅心仁厚，顧全大局，如今大局已變，我也順天應人，發揮我的所長。

我完成了一個階段的任務，我也早就準備好下一階段的工作，我有預留位置給大家的，但玩法將有所不同，大家要追上我的步伐，因為在我往後的霸業裡，沒有太多的空間去教化大家，說服大家，要說的所謂「理念」，已經說過了，往後，我只會照料追隨我的人。

好好留著船票，你知道那是什麼。
xxxxxxxxxxxxxxxxxxxxxxxxxxxxxxxxxxxxxxxxxxx
反省檢討？班細既食左屎呀？

[信長]

肥良化??

[Dyhalt Rushifar]

說回來，在下好耐冇睇蘋果(YAHOO新聞冇嘛…)，蘋果其實抹黑咗佢地D咩？

[T.K.]

光頭欣賞下屬太太，緊記連同女兒附上
而家留言狀況，同呢版故事既下一頁差唔多

呢班人話要追求民主自由喎

[若天]

鄭松泰都幾慘，而家一班人話要跟隨黃洋達

個人崇拜>組織理念

[佐佐木莊尼]

而家比起熱普城 (雖然叫做已解散, 但為左方便 group 埋一齊叫, 繼續沿用哩個字), 戴耀廷起碼都叫有自知之明, 知自己係不受信任嘅負資產

睇黃洋達段字, 熱普城似乎仍然唔知, 或者唔肯承認自己衰咩. 祝 2020 好運, 如果佢地到時仍在的話.

[歌絲˙暮斯]

其實今次出快必，係咪同上屆出廢陶一樣志在攬炒黃洋達？（已 uninstall 蘋果 app起碼一年)
由手機版發出

[chitkan]

作者: 若天

鄭松泰都幾慘，而家一班人話要跟隨黃洋達

個人崇拜>組織理念

咁老老實實
熱普搞得起, 教主皇上的確係最大影響力, 除此之外除左台長搞MYRADIO台務,但本身唔係政治ICON
成個熱普系仲有邊個叫得出可以一出聲下面全部跟?
松太唔得、四眼唔得
再數雙黃之外都係得盧斯達叫有D影響力,但今次選舉佢都左右為難
熱本之爭佢都無介入停左出文

你講個人崇拜>組織理念
但實際上熱普既組織理念全部都係跟隨雙黃二人

[真!DC]

作者: Dyhalt Rushifar

說回來，在下好耐冇睇蘋果(YAHOO新聞冇嘛…)，蘋果其實抹黑咗佢地D咩？

我日日睇網上版
除左冇乜報佢地唔覺有抹黑
由手機版發出

[麥魚仔]

你係KOL 定只係玩緊單機KOF？

香港人求變，但不是廣義既變，只係狹義地變。

等於舊時約女食飯，佢突然話今日唔食日本菜，於是你即刻小心翼翼地揀間意大利餐廳。點知佢怒叱：我話唔食日本菜係唔想食壽司，其實仲可以食串燒架嘛。

哦。原來係咁。

今次選戰，見到好多人係網上都失望絕望。但普遍香港人就係咁，實現佢地最大心目中可行既民主。谷高左投票率，然後投番好多新面孔，就係依家選票反映到既主流思想。縱使佢地係網上俾人批判得好慘。

呢個亦令我繼續聯想到網上力量係社會發展同議政究竟仲有幾多空間。係未被開拓，定係一早已經係嚴重地誇大？就比如電視大戰，大家都以為普遍既香港人一早好厭惡無線，所以港視出黎大家都話撐，結果佢入唔到屋，Ｄ劇即刻無人睇了。到ViuTV 出黎，大家亦都熱烈地討論左一排，但早排Ｄ人又瘋傳城寨英雄好得了。大家又已經將本來電視霸權忘了個一乾二淨。係網上，仍然好似好有人氣既野，但其實係現實世界，卻唔係一定受到廣泛既垂青。俾網上彈得一文不值既野，係現實世界卻仍然大有生存空間。

人人都話紙媒在沒落，網媒在興起。今次不少既網上紅人，網上媒體，除左個別既互相傾軋之外，基本上都係保持不投左膠，不投泛民，而某幾個參選人既失言，係FB 係動軏有上千個SHARE。但即使如此，動搖唔到一向認為係口講空話既民主自決派大勝。佢地既得票甚至係駭人地高。另一方面，今次亦有幾個言論指出黎智英即將玩完，本土派既大勝。將會係蘋果同泛民既共業，劃上句號。殊不知，劃上句號既，唔係佢地，而係鄺神俊宇。佢做左票王。近五十萬票，呢個代表左咩野？代表係大部份人心目中，佢都人畜無害。人畜無害，就係大眾所期望既野。有地區經驗，寫到暢銷小說，滿頁標點，FINE。甚至可以話係香港人黎講係VERY NICE。WHY NOT GIVE A TRY? GOOD ENOUGH.

同其他地方網上勢力足以影響真實，香港呢個逆局現象實在值得我地深思。網媒，或者網上紅人OR SO-CALLED KOL，究竟真係KEY OPINION LEADER ，定只係KOF KEYBOARD FIGHTER？神駒可以有一萬人聽既電台，佢剷爆左膠，支持黃毓民，甚至連杜汶澤，李怡都有聽其節目。但點解天氣仍然不似預期，不足回天變天？

呢個值得深思。而更值得注意既係青年新政，今次係梁天琦既加持下，取得兩席。但受到好多人既質疑，年青人入到議會係咪可以勝任議會工作，完全未知。兩位都會受到嚴密既監察。坦白講，今次贏，完全係有運氣時份。我唔想好流於CLICHE 咁又講光環燒盡，但做得唔好的話，無說服力，亦都無人能夠幫唔到你。考驗，依家先開始。

至於香港既未來如何如何，太多人有講就不講了。但網上既力量點樣整合，翻出圍爐既高牆，係好值得研究既課題。

http://www.vjmedia.com.hk/articles/2016/09/06/141854/
鵝鑾鼻燈塔 fb
http://www.vjmedia.com.hk/articles/2016/09/06/141854/
==============================
我以為三色台會玩完,
沒注意到三色台膠劇仲好有市場,
係我估錯,而且無睇三色台只是少數。

[sunnylau]

看來下屆的票應該投長毛
長毛雖老
但品格可敬
最少還有我可以相信的地方...

黃洋達現在同被解職後立即發動叛亂的大將軍沒有分別 (不是我的,你也不能用!焦土政策?!)
泰博選擇退出組織當個獨立議員應該會更好

[kev00269270]

有冇人key黃洋達個樣上曹操度...

[ヨコ男]

作者: 真!DC

我日日睇網上版
除左冇乜報佢地唔覺有抹黑
由手機版發出

登左幾日郁民D負面野喎....
(2號既選舉廣告)

[真!DC]

廣告就唔知了w
冇睇實體版

長毛話下届唔玩了

關於無線劇，套城寨英雄間中睇到少少
的確同其他膠劇好唔同

這正是有競爭而提高質素既結果吧
由手機版發出

[Dyhalt Rushifar]

作者: 真!DC

我日日睇網上版
除左冇乜報佢地唔覺有抹黑
由手機版發出

無聊SEARCH一下，呢單？
http://hk.apple.nextmedia.com/news/a...60904/19759492