分手後，每日都會見到ex，更要每日見到已和她一齊的男人

[皇家馬爹里]

作者: HIM

單失都唔夠要攪到自己變雙失!? 除非補錢即走啫, 唔係都要捱一個月架啦, 捱到一個月, 都唔爭在捱多幾個月啦, 捱到幾個月, 都無事啦

我都系幾個月後先走，留系度好難捱。

[singsingjai]

overall 我始終唔贊成辭職.. 好多人想搵工都搵唔到呀而家..
為左個女人無左前途, 唔值得..

[Ayumania]

作者: 皇家馬爹里

我都系幾個月後先走，留系度好難捱。

可能隔幾個月後你會諗通/適應左呢
唔好一時之氣, 亦都無謂同$$, 同埋自己既前途鬥氣
除非你好肯定搵得返咁上下既工, 唔係既話第時諗返轉頭你會怨自己笨

既然佢唔係可以陪你走埋下半生既人, 咪放開D囉
男兒當自強!

[Ringo]

作者: irismong

大家都係咁講, 爬下文先好QUOTE人

唔駛針對我一個喎, 哈

同埋究竟係唔係只係食同屙既關係嘛, 只係比喻而已

幹嗎要猜想那麼多

樓主都無出聲, 又跟你們有什麼關係?

不過可以即管繼續 =W= 睇下有冇機會上天台

你既言論令到我好不安

[Diana]

唔好辭職,應該甘講,甘好為呢件事而辭工,
連呢關你都過唔到,甘你將來又點做大事呢... ...

而且,三思後行,而家找工真係好難,找到人工都唔會高... ...

[綾小路雷太]

作者: 戀戀芭比

唔好辭職,應該甘講,甘好為呢件事而辭工,
連呢關你都過唔到,甘你將來又點做大事呢... ...

而且,三思後行,而家找工真係好難,找到人工都唔會高... ...

水姐，或者咁講，人人既諗法唔同
有人會求名成利就，但亦有人只求三餐一宿

同樣，有人會求大富大貴，亦有可能有人只求天天安樂。

所以如果樓主決定冇眼屎乾淨盲，我諗我會尊重佢既決定
因為佢應該係呢個topic度搵到大家既意見，亦都諗清諗楚先會有呢個決定。

但我最後提醒樓主既係，唔該唔好貿貿然辭工
真係可以搵到後路先好走，你要記住，而家時勢唔好，隨時會朝不保晚。
你可能仲需要養家，如果因為一個女人而令你屋企三餐不繼，是為不孝。
希望你能明白自身苦況先好再做決定。

[c_fu]

理性上都會建議樓主唔會衝動

但係自己都係過來人
日日仲要見住真係好難頂
可幸自己果個唔係工作圈子內既人
有時真係要暫時離開一下
等時間去沖淡下

[cyberfox]

那你要活得比她更好!!!

將這種意願化成上進的動力,

令她覺得放棄你是最後悔的決定


你避..........只會令人覺得你無面見人,身有屎

[KammyKammy]

作者: 鐵拳浪子

拍拖啫？食咩？痀咩？

大家講到拍拖就叫搵食？分手就叫痀？咁大家曾經痀過幾多前任男友/女友？

食過幾多唔同地方識番黎既另一伴又走去第二度痾咗佢地？

係工作地方拍拖啫，唔駛講到又咩食食痀痀，一係就教埋樓主日後邊度食邊度痀最乾淨。

等時間沖淡一切，既然分手就分手啦，時間總會沖淡，日子總要過去。

不嬲都有呢個講法架啦, 唔係iris自己作架
唔好自己未聽過就針對人地先得架

********

我都試過喎, 分左手後仲要日日享學校見到
真係幾難面對的
不過佢享學校無第二個, 好在唔同班, 兜口兜面撞到都扮唔識…

不過我好快又同左第二個同學一齊, 督眼督鼻果個可能係佢

[鐵拳浪子]

作者: KammyKammy

不嬲都有呢個講法架啦, 唔係iris自己作架
唔好自己未聽過就針對人地先得架

我都試過喎, 分左手後仲要日日享學校見到
真係幾難面對的
不過佢享學校無第二個, 好在唔同班, 兜口兜面撞到都扮唔識…

不過我好快又同左第二個同學一齊, 督眼督鼻果個可能係佢

咁樣就叫針對？咁樣就叫未聽過？

佢只係回得最早0個個而又引用佢啫！

咁你個情況咪係個度食完又痾，痾完又係個度搵野食？

另外，講一講樓主，你望一望出面世界你覺得你真係搵到既，咪走囉！

不過你真係望真d喎！個市幾爛我諗你都應該好清楚，受下d苦，當磨練下自己啦！

[KammyKammy]

作者: 鐵拳浪子

咁樣就叫針對？咁樣就叫未聽過？

佢只係回得最早0個個而又引用佢啫！

咁你個情況咪係個度食完又痾，痾完又係個度搵野食？

你d態度好令人覺得好惡意囉

學生時代, 大家都係果度食果度痾

塘水滾塘魚

[鐵拳浪子]

作者: KammyKammy

你d態度好令人覺得好惡意囉

學生時代, 大家都係果度食果度痾

塘水滾塘魚

咁咪係囉！有咩大不了？

駛乜話係邊度拍拖就唔好係邊度分手？

大家點知0個個係咪你最後一個？

我覺得樓主放得低既話，往後更加大屈辱都唔係問題。

[KammyKammy]

作者: 鐵拳浪子

咁咪係囉！有咩大不了？

駛乜話係邊度拍拖就唔好係邊度分手？

大家點知0個個係咪你最後一個？

我覺得樓主放得低既話，往後更加大屈辱都唔係問題。

我果陣同ex無樓主同佢ex咁耐
一齊三年, 仲要一分手就同第二個一齊
自己點面對? d同事會點睇? (肯定食哂花生 )

又唔知佢地公事上仲有冇接觸, 又可唔可以平心去處理?

其實分手初期真係唔見好過見, 而家仲要日日咁對住都明白好痛苦下

無咩野既, 樓主自己都快手搵過個, 一齊閃光彈八卦咁邪番住佢互射啦~

[鐵拳浪子]

作者: KammyKammy

我果陣同ex無樓主同佢ex咁耐
一齊三年, 仲要一分手就同第二個一齊
自己點面對? d同事會點睇? (肯定食哂花生 )

又唔知佢地公事上仲有冇接觸, 又可唔可以平心去處理?

其實分手初期真係唔見好過見, 而家仲要日日咁對住都明白好痛苦下

無咩野既, 樓主自己都快手搵過個, 一齊閃光彈八卦咁邪番住佢互射啦~

d同事咩情況下都大把花生食啦！

反而我覺得同事間既友誼真係唔好睇得太認真，因為太多利害關係好易見真章。

樓主情況都係0個句，搵到先走未遲，你前女友最多放下閃光彈間接傷害你，但

係將來有d同事係放手榴彈直接傷害你，咪當磨練下自己。

[ying]

樓主, 我都一樣, 建議你留一留係公司度.
我都知你難受, 但你無錯wor.
why 要唔做份工呢 ? just 因為佢 ?
咁佢米仲開心....

我唔係主張報復, 但覺得如果真係捱唔到,
咁不如 set 個 timming 卑自己, 當係卑個自己一個寬限期又好, 考考自己又好...咩都好la,
首先記低而家有幾痛, 之後到那個 timming 時, 睇下情況又點.

祝樓主盡快平伏心情, 微笑面對.
(希望我都係一樣la) ~

[irismong]

作者: KammyKammy

你d態度好令人覺得好惡意囉

學生時代, 大家都係果度食果度痾

塘水滾塘魚

所以都會有麻煩/要更耐既時間去get it over with....

=========

同埋好似有少少誤會左「呢度食呢度屙」既意思 @@"

唔係o係邊度識o係邊度分手既問題...

而係... 唔好o係自己搵食 (番工) 既地方搵男/女朋友...

因為真係會有好多問題.. 唔單單只係分手既問題...

我身邊有朋友就黎因為呢個問題俾人炒

[豆腐]

放長雙眼睇下佢地幾時完結
通常你同佢點分，佢下次都會因為同樣事情而分

[IamO]

男人有2樣,
一樣女
一樣錢

唔好煩哂2樣

[綾小路雷太]

作者: irismong

同埋好似有少少誤會左「呢度食呢度屙」既意思 @@"

唔係o係邊度識o係邊度分手既問題...

而係... 唔好o係自己搵食 (番工) 既地方搵男/女朋友...

因為真係會有好多問題.. 唔單單只係分手既問題...

我身邊有朋友就黎因為呢個問題俾人炒

好明顯，錯哂
___________________________________________

補充一句，其實唔只係返工既...我諗同公職有關係既野都算
散左當然影響團隊士氣，有時有d位置，如果唔散仲影響士氣.....

我眼到有活生生例子就係咁死法，嚴重到失民心個種