慢慢煲。

罰叔 S2E01 一睇就知係拖戲，佢同個女人前後總共搞咗幾多次？ 不過一開打就好正。

第二話一開始就向某部片致敬。 （待續）

不過諗返轉頭其實Star Trek系列都唔係第一次加入傷健共融元素,
以前90年代果套都好似有過角色係盲的,
但帶個特殊的眼鏡就睇得返嘢咁上下的劇情。

睇咗The Assassination of Gianni Versace,
好睇,值得推介~!

不過,睇完唔係好明個凶手點解要殺第三名死者,
甚至唔係殺包養佢果個阿伯,
同埋正如第三名死者太太咁講,
既然已經知道凶手的名同容貌,
又知佢拎咗第三名死者架綠色車用,
警方都追查唔到主角行蹤會唔會太廢,
第四名死者就最無辜…

Gianni Versace因為太成功又出名又剛好是gay,
殺了佢主角就出名同變得特別,
其實有無同佢本人真係相遇過都唔係重要。

第一同第二名死者的背景故事其實幾搶戲又反映到現實~!

差唔多到最後先講主角的身世,
佢爸爸對佢的影響都幾大。

https://www.youtube.com/watch?v=y1qS2tqnmrI

睇咗我的英雄學院第3季,
如果無理解錯的話,
根據角色的對白提及,
其實去到聯校考臨時牌果時,
都只不過係開學後4個月左右,
不過,完全唔覺得班主角有上堂學過d乜就直接係實戰中成長了~!
究竟1A班有咩特別,搞到被惡人們睇中成為目標呢?

同埋套動畫入面不段有新角色加入,發展落去隨時多過Pokemon,
真係好奇想知其實有無搞過讀者投稿收集靈感?

https://www.youtube.com/watch?v=WUDWBg4cFiw

因為A班係主角all might教吧
由手機版發出

罰叔 S2E02:咁避過敵人，好橋。古惑女仲唔肯信罰叔，後面會解釋返掛。個奸角好陰沉，幾壓場吓。

罰叔 S2E03:搞出咁大龍鳳，唔引人注意冇可能；單嘢一般電影會一take過完晒，呢度分兩劑，不過後面大玩 John Wick，太正，冇投訴。妙在主角側居然無人死。不過今話大部份配角都係一話過，睇都唔會再出場，算喇。

個主角實在太屈機,教埋書都得…

雖然我無睇過漫畫原作,
不過睇動畫第2季開場主角的對白,
成個故事的內容都係主角成為世界最棒英雄前的事跡嚟…

睇咗/玩咗Black Mirror: Bandersnatch,
好似大部份線都係Bad End嚟咁…
係得Netflix線歡樂少少。

如果佢下次類似的節目,
希望會係有類似心理測驗、結果分析之類的元素。

https://www.youtube.com/watch?v=VNw9DAwp2Kk

二月新番：

Russian Doll， 玩 time loop 喜劇, 一號上


龍皇子 S2， 十五號

雨傘學院（同某企業無關），都係十五號

仲未見 EVA 同 Revisions， 搞乜？

知唔知EVA佢係得TV版,
定有埋新舊咁多套劇場版?

TV版,本身自己有買到正版VCD/DVD,
不過Netflix版應該是HD化的BD版吧?

劇場版"新"果幾有DVD同BD。
反而想睇返舊果套的劇場版。

睇官方段宣傳片,
外購電影方面有Ghost in the Shell、Split、怪獸與牠們的產地等都幾吸引,
可惜好多我都係iTunes買咗數碼版,仲有得串流4K HDR/Dolby Vision。

Netflix二月最新片單 | 香港 | HK
https://www.youtube.com/watch?v=haHTnG70Qc0

https://www.netflix.com/hk/title/80201680

見金球獎The Kominsky Method(荷里活教父)拎咗
最佳音樂及喜劇電視劇
最佳音樂及喜劇類電視劇男主角
就試下睇,睇完覺得唔算係喜劇仲幾沉重講老年人面對死亡同家庭問題,
不過可能年齡層問題,佢套劇講的笑料好多都聽唔明…
下季應該唔會睇了。

監製 Chuck Lorre 誠意呈獻的《荷里活教父》，即將在 11 月 16 日正式上線。山迪（Michael Douglas 飾）與他此生莫逆諾曼（Alan Arkin 飾），運用幽默感、充滿尊嚴地面對人生跌宕以及……不爭氣的前列腺。二人相處點滴，讓我們體會友誼歷久彌新的美好

https://www.youtube.com/watch?v=z0tVNLjzZWo

據報 TV 應該就齊26話，係咪 BD 化就唔知，應該好似 Cowboy Bebop 咁掛；電影就係舊嗰兩套劇場版 The End 同 Death & Rebirth。都提過香港因為「有心人」嘅關係，比較易買到，歐美就唔係咁情況，要「心安理得」咁睇齊非常非常之貴，所以當日話 Netflix 有得睇就幾哄動吓

—————

（退休）殺手片 Polar 今日上，



—————

有傳搞緊咱家包乞食系列，不過係由拍電影版個公司做，都唔好有咩期望～

https://www.theverge.com/2019/1/24/1...in-development

罰叔

S2E04: 慢晒，講咗少少女主角點解會被追殺，可以講多啲；反而講得太多個牧師，重覆咗； Billy 無喇喇走去講條爆出嚟嘅阿伯，又拖。
S2E05: 有打，女主角條線開始有啲眉目，健身室打鬥一般；另一邊 Billy 條線先開始有啲推進，好唔合理佢點可以當之前通緝嘅事無咗？Billy 可以大搖大擺咁週街走無人理？
S2E06: 女主角玩變裝幾好，反而做 DHS 位女主角真係好鬼無用～

-del-

見到上咗roma

正,有得睇返舊劇場版~!
當時睇唔明的內容,
唔知宜家再睇會唔會有新的體會。

https://zh.wikipedia.org/wiki/%E6%96...A0%B4%E7%89%88




墨西哥、黑白畫面、男人耍棍、女人自強,完…得獎~!
(金球獎最佳導演獎和最佳外語電影獎)

https://www.netflix.com/hk/title/80240715

之前睇咗1月新劇A Series of Unfortunate Events Season 3,
個故事好似都有幾多隱喻諷刺宜家的世界,
經常透過快閃畫面加急口令式對白去交代故事背景,
其實睇完一次都唔係好消化到佢真正想表達的嘢,
如果有時間會由第一季開始重睇…

https://www.youtube.com/watch?v=W0e7OwD3iWc

以性為題材的香港電視節目比較少,
好似得RTHK的性本善系列,
同埋HKTV拍果套大眾情性(Sexpedia)。
https://zh.wikipedia.org/wiki/%E5%A4...83%85%E6%80%A7


套劇有The X Files系列女主角Gillian Anderson,
同Hugo個男主角Asa Butterfield飾演一對母子,
已經吸引到兩個不同年齡層的觀眾去睇。

不過,睇完覺得有少少浪費咗個題材,
用英國做背景但拍出嚟同美劇Glee好似都係差唔多咁,
特別係最後一集某男同Eric打鬥後果幕,直頭同Glee某集一樣添。
(呢套劇的配樂又的確幾好聽的~! )
甚至無上述果套港劇大眾情性講得咁白,
好似浪費咗阿媽呢個性治療師角色咁。

不過,都明白主角班同學點解咁心急,
除咗怕"進度"落後其他同輩之外,
個故事地點設定係一個一小時得一班巴士出市區的偏遠小鎮,
如果係唔盡快搵自己的心儀對象"實習"的話,機會一定只會越來越少…

性愛自修室》| 人物介紹 | Netflix
https://www.youtube.com/watch?v=DubcZvSAFII

E07：等咗三話終於有場大龍鳳，不過阿標你一有得打就「正常」返嘅～
E08：由DD S1睇住佢紮嗰位探員戲份重好多，個牧師同古惑女由第四話開始講少咗就有啲唔協調嘅感覺，第六話開集幾乎連出鏡都無，開頭佢哋幾重戲，但係去到呢度有被掟埋一邊咁。
E09：一直都有講DHS 個女角有事，呢話講多返少少，尤其佢同個心理醫生幾長嘅對白，幾悶吓。反而牧師畀佢班舊相識一幕就唔錯，做 Person of Interest 入面 Fusco 嗰位客串，如果同一宇宙兩個角式踫頭會幾有趣。
E10：又黑又閃，打就無之前幾場咁高欣賞值。
E11：Karen 客串，暗示佢同 DD 感情出咗事？不過佢出場都叫洽到好處；
E12：以為 DHS 女角終於有啲用，點知又衰咗；跟住阿標條線由佢「接手」，早就應該咁～
E13：明知係結局但去到中間都唔多有嗰種緊凑埋尾嘅感覺，同上一季好唔同。都預佢摺埋，係爭啲不過叫好尾。

個人覺得兩條線唔係問題，但編排得好亂，罰叔／編劇顧得一個對家顧唔掂另一邊，覺得一係將佢哋合流，一係輪流上會好啲；演員都交足戲，即使係 Karen 表現都係水準以上，標記係癲，但唔誇張，唔好當佢小丑咁睇，又無上一季咁深沉同乞人憎。反而原創角式個牧師就好有壓場感，角式都幾完整吓，算唔錯。

好地方S03E12真係扭到你都估唔到，有人被迫坐正，跟手無先兆下玩切細洋葱！

ST: D S02E01 先旨聲明：唔係 Trekkie，幾鍾意第一季咁黑風格，係唔係 canon 話知佢，好戲就得。 完全唔同風格，真係回歸返光明面；上季好多問題今話輕鬆解決；冒險有（紅杉）領當，人人守望相助，用科學同勇氣解決危機，同時又唔多尊重私隱咁噃；仲有個工程主管支旗楝晒出嚟。

ST: D S02E02 搵 Johnathan Frakes 做導演，佢做 TNG 入面個大副，同導演過幾套 TNG 電影，真係幾傳統保證；今話講返 Star Trek 其中一個最基本嘢：你唔好持住本身科技先進，走去同啲科技無咁先進嘅說三道四，指手劃腳，你就算想幫手就唔好畀人知，呢度同新 Star Trek 電影好唔同，而成個劇本都處理同節奏一流。今季個大謎玩落去有可多方向，幾期待。

睇咗香港Netflix一月新劇Titans,
幾鐘意呢個嗜血版Robin Dick Grayson,
不過當佢知道自己的地位比Batman"新男寵"Jason Todd取代後吃醋就笑咗…

其他角色方面,
Starfire似太陽能電筒,夜晚就廢武功,
綠毛Gar變身做青虎好似淨係嚇到普通人,本人又怕做裸身狂,
Rachel的能力係呢一季似乎最強,但經常失控暴走。
雖然套劇講一眾主角好似組咗隊咁,
但實際又睇唔到佢到有合作做到d乜,
甚至合體技都無招咁…

反而幾鍾意睇Hawk & Dawn呢條線,
因#MeToo立志做英雄打到周身傷,要食一大堆藥仲不舉,
真係幾悲哀…

想睇Batman VS Robin的,
要等到結尾衝入敵陣"發夢"式完場前先有機會比主角F*** Batman/Bruce(主角口頭禪)
好似有點可惜…


DC UNIVERSE | TITANS: SEASON 1 FINALE
https://www.youtube.com/watch?v=O8bl2Vurk7M



===============================

The Ending Of Titans Season 1 Explained
https://www.youtube.com/watch?v=Y6cSJTJom7w

睇晒9 話 Carmen Sandiego，幼齡向，叫做故仔簡單有趣同乘機講啲地理文化知識；講俠盗同邪惡組奪寶，又畀差佬兼神秘組織追緝嘅冒險故仔，雷神3 演 Valkire 嗰位配年輕咗好多嘅 Carmen，Stranger Things 入面做 Finn 嗰位配白帽黑客兼幕後情報提供，畫功動作唔錯，又串插 Carmen 身世之謎，留晒線去下一季。

Sex Education 亳不意外地公怖咗有第二季，未有期～

Star Trek: Discovery S02E03 Point of Light,
講咗3集都仲未見Spock登出(唔計童年版),
反而"瓊姐"強勢登場了,唔知係咪常駐角色呢?

外星女L'Rell個長髮+Deep V造型,真夠重口味…

ST: D S2E03 呢話樣樣都講啲，但又無嘢係埋尾，整體上差咗。

係，連肥妹「被上身」單嘢感覺上無咁簡單，尤係隻嘢嗡嘅嘢，同佢個動機留晒白，仲有係為因為肥妹被上身先可以賽跑從後趕上？都幾耐人尋味；

米高同冼樸單嘢繼續餵啲謎畀你，但感情上本人睇得幾抽離吓；

最估唔到佢返去挖返 Klingon 壇嘢出嚟講，可能係比較好嘅一條線，但打鬥就認真唔掂，最矚目似乎暗示緊會再同連邦開戰，而楊姨姨點知 Klingon 出事，唔見米高做咗啲乜，點都好 Sector 31 似乎會有更多出場機會，斷估佢同大橋有關。

－－－－－
台下：有報指 ST: D 已經玩完，無第三季，未公怖就聽住先；唓！罰叔都未被斬幾時輪到佢～