我和男朋友一起已經三年了, 一年前開始同居.
我每一天的生活都圍繞在返工, 回家, 吃飯, 睡覺的無限Loop.
因為近年放工後開始要返學, 單單是返工, 交功課和寫文已經令我快透不過氣了, 社交活動停止了超過一年. 電影幾個月才看一次, FB都沒有看很久了, 打機更是不可能的, 好像已經和潮流脫節了.
其間, 男朋友和他的家事佔了我大部份絕無僅有的空閒時間, 剩下的時間就自己盡力看動漫(宅性難改).
現在和男朋友出了點問題, 這才發現原來我已經沒有可以讓我傾訴心事的朋友了...只能襯自己一個人時低泣.

FORUM也很久沒玩過了, 希望各位給我一點意見.

我的男朋友做事有點"漏氣", 明明是正經事一定要去做的, 往往都要三催四請, 到最後先可以完成.
每每都說"遲點會做/ 好累/ 我自己會預時間", 但就繼續在打機, 看動漫, FB, Youtube...
到後來都是我一直BACK UP才做完件事.
最初未開始返學我仍然不覺得辛苦, 但現在, 我真的覺得有點累了.
我用盡了我的時間心力對待他和他的家人, 但現在換來的竟然是一臉憔悴.

有時, 男朋友會送我一些禮物, 但我從來沒有要求過想要甚麼禮物.
我不懂名牌, 不懂高科技玩意, 亦沒時間研究這些事物. 我認為二個人一起開心過日子便足夠了.

不經不覺便這麼多字了.
我只是不明白, 到底是我工作返學太忙感覺有點累, 還是, 跟男朋友一起才這麼累而已...

有沒有跟男朋友討論過你們之間的問題?

畢竟也走到同居的程度，有任何困難也得提出

依頼性既問題...

就係你一直幫佢執頭執尾
佢就認為毎件事到最後都一定OK有你搞掂

又問下你自己比佢依靠時内心有無少少開心先...
如果有即係你Enjoy有人要依頼你
如果無的話你就要佢自己有返D獨立性

唔係你只不過係長期幫人照顧緊個小朋友...
到将来結婚既野你又打算自己一個打點晒？

真心求教如何可以令他多點獨立性!! m(__)m

其實他已經對我求了婚, 但我不知是否所謂婚前恐懼, 現在覺得壓力越來越大...
我亦沒有信心可以一直一個人打點晒所有事...T__T

＞其實他已經對我求了婚

死...
你個Case真係好似我個Friend...
不過佢2個唔只3年ｗ


Btw無架...你試下一排咩野都做幫佢等佢自己做返啦

你要記住你係佢女友最多加埋係未来老婆
唔係佢阿媽...你真係無義務幫佢做晒D本来係佢自己做既野...
向得你求婚個心智都有返咁上下
我又唔知佢係唔係由細到大比人照顧慣...不過作為男人係唔係要有返D責任心呢？

多謝你肯聽我講，我都是剛好sem break 才有時間上網...
我最近開始放手等他自己做，但真是看著他搞到要請假才搞得掂事情...

所以我開始懷疑會不會是我跟他個性不合...

我自己就有事要先做事，自己屋企放第一，朋友同事放第二...
他就做事漏氣，但重情義，兄弟朋友同事叫他幇手他總會樂意去幇手。
但他對他自己屋企的事，和我的事，他就會在漏氣。

令我覺得最扭曲的是，很多事是可以一早完成，但他就是不去快快手做，是要我三催四請都唔做，甚至到最後要我幇他做晒research安排好才成。
其間他就去打機看Fb看小説和朋友去玩，但我就一個人累死。
朋友叫就聽，我叫就唔聽...

我可能是積壓太大，已經有點情緒失控，想約朋友傾但又太久没聯絡他們...
我這才發現我人生真的很失敗... T__T

我沒有正式和他傾過, 我不知道怎麼開口...

但有婉轉地說過一下, 例如"XXX是你自己的事, OO日便到期了, 我要做功課唔得閒你一定要自己跟喎!" 但結果他都是沒聲沒氣.
最後我見快到期但他都好像未有處理過, 便唯有幫他做好事前準備, 等他到時可以"有貨交", 不會"拿手不成勢".

我明白他工作可能都好累, 我真的不知怎樣做.

我覺得無論如何都要傾,你婉轉既方式只係令佢誤認為單純係xxx呢件事要特別處理(甚至佢根本唔會特別處理)

尤其講到談婚論嫁,呢個問題只會繼續發酵繼而爆破

你對佢既不滿唔係提佢就可以解決,甚至衰d講,傾完都未必有效

趁住大家仲未行到一個唔可以扭轉既地步,真係約一日用認真mode去傾下對彼此既意見

至於朋友,我覺得可以厚面皮fb msg/wtsapp傾下既,我自己都試過一段時間日夜工作,到完左工作既時候先發現原來冇晒朋友,都係自己厚住面皮搵番人(唔通等人記起你咩-.-)

有點我想了解清楚少少, 你指同居係二人世界定係同男友屋企人住?

哈哈, 干物妹...
雖然有點似, 但他應該好過干物妹少少..? 雖然沒有做家務, 但起碼自己用過的東西會執拾好, 這是他的優點.


因為我和他的家庭構成都有點複雜, 所以是他來了和我(及我一位親人, 稱作A)一起住了.
如果真的結婚了, 應該都是跟現在一樣, 因為我要照顧A安老.
觀測他和A相處融洽.
我私底下有問過他會不會介意一起住, 但他說A對他很好, 不會介意.

我整理了一下我的情緒, 可能是我都有點鑽牛角尖,
想要他能多點重視我的說話所以才越來越不開心.

不過, 我想, 可能搞結婚一事我便不太出力, 等他領著我去搞好了.
如果, 連這件事都漏氣/"懶懶行"的話, 應該可以理解成其實他並不重視我, 這樣想對嗎...?

感覺話題一整個飛越巔峰了

這是性格問題，重視不重視跟處理事件的態度其實沒大關係

好明顯樓主BF已經俾妳養成依賴嘅習慣
呢個問題話大唔大但都話細唔細
個人覺得一旦養成就好難改到

不過同時都覺得妳似乎工作學業都太忙
建議俾自己放一放假,等自己冷靜下再諗清楚

當然如果冷靜左再諗都仍然諗唔通的話
1. 要樓主BF反省+改過(呢個最難,等同要佢改變自己)
2. 自己重新考慮將來
都係呢兩條路啦

無人傾訴呢點我明白
我唔係無朋友,但都各有家室各有各忙
有時想呻多幾句都未必搵到啱嘅對象出黎
不過唔介意的話呢度大家都樂意俾下意見聽妳呻嘅

(Sorry, 之前Miss 了沒有看到你的回答.)
竟然... OTZ
唉, 我可能就是覺得我講的話對他越來越沒有影響力才越來越不開心...所以最近自己情緒都開始失控...
我會認真和他談一談, 希望可以改善我和他的關係!!

我上星期也厚面皮約了個朋友食飯, 但我失態地討苦水討到在餐廳哭出來了, 收不了眼淚...
我之前不會這樣容易在人前哭的, 我不知是婚前恐懼還是真的屈到病...
希望可以多點和人傾然後變回之前一樣堅強!! 我會加油!!

會這樣的嗎??
不可能這樣吧... 重視一個人的話, 他的事不是會記上心/優先處理的嗎...???
最少, 之前他都好一點的.
我怕可能是因為我答應了結婚, 所以便把我當成空氣一樣的必然存在, 才不重視我... (@x@)



多謝你們!!! 超級多謝!! T___T

偶爾哭一下也不壞,總比抑壓好,不是嗎?


想太多了吧,只能說有些人心內很重視伴侶,但做出來的行動很難令人相信
其實是你答應得太快了嗎?感覺上你當時沒太多考慮,到靜下來才發現一堆不安

咁熟口面既
由手機版發出

一睇就睇到係結婚的野，你覺得重要的野，男方可能覺得係無謂野
有D野，交俾兄弟姊妹做，要完美只會壓力爆煲

我上星期也厚面皮約了個朋友食飯, 但我失態地討苦水討到在餐廳哭出來了, 收不了眼淚...
我之前不會這樣容易在人前哭的, 我不知是婚前恐懼還是真的屈到病...
希望可以多點和人傾然後變回之前一樣堅強!! 我會加油!!

點睇都係長時間精神壓力既問題
因為返工返學已經冇時間比你放鬆
或者你搵返D私人時間比自己做下自己想做既野

男朋友既問題真係同佢傾清楚
去到結婚既地步得來不易
我作為男性懶開真係堅懶
不過通常你掉返晒D野比佢做
等佢慢慢學習返應該就會自己搞到

人類既堅強我覺得唔應該係自己死頂晒所有野再自己搞掂晒佢
因為你已經有你既另一半
更加應該傾清楚邊D野要佢分擔
要比佢知道你而家不安
而唔係去到最後爆獲之後先同佢講你頂左好耐

其實懶懶閒漏油唔代表佢唔會去做
反而放手俾個空間佢自己用自己嘅節奏去處理反而更好
他覺得有疑難時才開口問妳還不遲

說到底還是典型的時間觀問題而已（如沒有理解錯，妳該是急先鋒性格，對吧？）
放鬆一點，再一步一步觀察他的時間觀，或許妳也會有意外收獲也說不定。

絕對不是在煩搞結婚才說他漏氣.
我和他的親戚和朋友都不多, 兩方總數不出50人, 當中比較親近的可能只有35人左右.
可能連酒席都不會搞的了.
而且, 我們都決定不想因為搞結婚而花大錢, 錢留返之後用更好.
重要的不是結婚當日, 而是之後的每一日.

也對, 可能我真是比較急性子的人, 我會再給他和我自己多一點空間和耐心的.

多謝你們給了我不同角度的意見, 令我有了很多想法.
還有, 令我醒起做人一定不能忘記初衷.
我原本會幫他做這做那, 是因為他原本工作時間比我長一點, 所以我才想主動想幫他分擔.
不過後來不知怎的越分越多, 然後我又開始讀書, 變得我比他更忙更有壓力, 然後人就變得鑽牛角尖了.
我的初衷是想幫他分擔, 即是想他可以開心輕鬆一點, 這點應該是沒有改變的, 纽曲了的可能是我這其間的想法和感受.

我早兩日有再跟他傾了一下, 事情最終不至於向最壞的方向發展. 現在感覺放鬆了不少!!
這兩日都再沒有情緒失控, 或突然一個人哭, 之前我可能真的快[爆獲]了... 哈哈~
很多謝這裡的大家, 幫了我大忙, 超級謝謝!

這星期我亦約了個朋友去吃飯, 我要在這SEM BREAK其間努力找回我自己.
取得多點正能量, 撐過下一個SEM~

很多問題都是由雙方的沉默開始
很多小事變得理所當然
但兩人相處談的是協調互讓
而不是忍，因為你不是忍者，也不會影分身螺旋丸大玉螺旋丸風遁螺旋丸螺旋手裡劍(喂!

見到樓主事情有轉機實在可口可樂
但同樣重要嘅係,工作學業幾忙都好,都一定要俾自己放下假!!!一定要俾自己放下假!!!一定要俾自己放下假!!!(好重要所以要講3次)
太「密質質」嘅生活會令人無晒腦袋空間,一年唔知幾多人就係咁搞到鑽晒牛角尖,好多小問題都變大問題

你每次都幫佢由卒仔打到BOSS由佢企埋一邊食花生,你唔試下放手由得佢打.....佢點識升LV過關打BOSS? (冇經吸架隻game!)
總有日你會遇到大BOSS你自己一個打唔黎W............

香港人壓力真係大...讀書, 返工, 屋企人, 男朋友...
放鬆d, 俾自己出去輕鬆下仲好啦.

咁先係生活, 而唔係生存

fami~yan, 多謝你一直以來給我的意見, 的確是這樣呢.
我追求的是互讓, 不是忍讓.
最近又開始迷動畫, 又找了朋友去玩, 現在總算開心返好多了.
自己都覺得自己這兩日臉色好返好多~ yeah~ ^o^

現在我把結婚這件事完全放下來了(其實到現在都還甚麼都沒開始準備過), 感覺好像少了很多壓力.
男朋友亦同意我想延後便延後, 他說他的求婚不是想迫我, 只是想表達他已經選定了我而已.
當時我聽到這句話感覺好開心, 覺得他應該是真心想對我好的.
我也要多點體諒他, 互讓互助, 一起簡單輕鬆過日子就好.

我一直以來好像都是為了生存而生存... OTZ

小時候甚麼都沒玩過, 沒學過. 等出來工作後才知道自己如何無知無能, 才開始去玩, 和自學了游泳和單車.
我現在打算要學溜冰, 這又成了一個約朋友出來玩的理由了~ \(^O^)/
溜冰感覺好自由, 好像在飛一樣~
我一定要在下個月開學前學識(基本步YOUTUBE自修ing)~ (>_<)/