立法會議事堂 Vol.10

[david]

泛民或提不信任動議

【本報訊】建制派議員政改投票甩轆的WhatsApp短訊曝光，立法會主席曾鈺成被揭有份做建制派投票「軍師」，令泛民震怒。23名泛民議員包括已宣佈於10月辭職的獨立議員湯家驊，昨分別約見及去信曾鈺成，提出三點要求，包括如實交代詳情、就主持會議不公向市民道歉、並承諾日後恪守政治中立及提出建議如何避免再犯，不排除會要求曾問責下台。

指嚴重違反政治中立

泛民23名議員的聯署信中，強調曾鈺成作為主席，必須公平公正地主持會議，不應參與議會內任何政黨或派別的投票取向和政治策略的討論，「是基本嘅政治道德及操守」。
信中又指，曝光的短訊內容揭露，曾鈺成在主持政改表決時，透過即時通訊頻密地參與建制派議員發言安排的討論、提出發言策略迫使泛民盡快全數發言，甚至向建制派通報自己以主席身份而獲得的泛民主派部署詳情，做法嚴重違反基本的政治道德操守和政治中立的承諾。
泛民六名立會議員昨午4時半再與曾鈺成見面，再向曾表達對今次事件的關注，以及當面要求曾鈺成就泛民提出的三點要求作回覆。飯盒會召集人梁家傑會後表示，曾鈺成在會面中稱，他要時間認真考慮泛民提出的要求，稍後再透過書面作回應，泛民會等曾鈺成回應後，再開會決定如何應對，包括是否要求曾鈺成下台，或者提出不信任動議。

兩麵受滴鳥？

[david]

【短訊洩密】林大輝：傷害建制派手法下三流

有報章接連洩露建制派立法會議員，以至港區人大代表WhatsApp群組對話內容，顯示立法會主席曾鈺成參與建制派政改表決當日發言策略，以及人大代表對建制派「甩轆」無投票的反應。工業界議員林大輝今早在電台節目，形容洩密事件「不幸」，批評放料人傷害建制派和社會，「冇道德同出賣朋友，手法下三流」。

事件曝光後各界紛紛推測放料人身份，林大輝認為「不應以貌取人憑空想像，對一啲冇做嘅人唔公平，對一啲有做嘅人就逃之夭夭」，認為難以「捉鬼」，但相信終歸會水落石出，呼籲放料人「收手啦喇，呢啲係非常唔道德嘅行為」。

中聯辦主任張曉明昨晚與40名建制派議員茶敘，獲邀出席的林大輝稱會談氣氛良好，張曉明代表中聯辦向建制派表示感謝及慰問，明白投票過程出現技術性錯誤，無追究政改表決「甩轆」事件，只談及建制派日後如何團結及向前。

關社會咩事...

[鈴蘭]

放料既人好唔道德
球證做埋教練就充滿道德？
由手機版發出

[小嘉]

作者: david

【短訊洩密】林大輝：傷害建制派手法下三流



關社會咩事...

出賣朋友

朋友係邊

[T.K.]

呢期有新相/片流出咩？
叫咩朋友

[小草]

事件曝光後各界紛紛推測放料人身份，林大輝認為「不應以貌取人憑空想像，對一啲冇做嘅人唔公平，對一啲有做嘅人就逃之夭夭」

似係知邊個做，但無人敢講出黎

其實如果唔係hack , 純copy 對話內容，能夠係政協同民賤都有身份既，其實唔難估

[GUSTAV]

有人想攪曾主席渣

[david]

【短訊洩密】傳田北辰放料 鍾國斌：你哋自己估啦

建制派及港區人大代表WhatsApp群組對話內容流出，揭露立法會主席曾鈺成參與討論政改表決發言策略，以及人大代表對建制派「甩轆」事件反應，各界紛紛猜想放料者何人。對於是否有身兼人大和立法會議員雙重身份的議員放料，自由黨主席鍾國斌表示，「一定係啦！如果唔係人大嗰啲資料，邊度會有？我唔係人大，我唔會有人大嗰chat group（對話群組）㗎嘛，人大啲料都放埋出嚟的話，大家可以諗」。

被問到是否即是新民黨田北辰很有機會是放料人時，鍾國斌即說「你哋自己去估啦，我無可能喺度comment（評論）」。對於有人揣測放料人是謝偉俊，鍾國斌隨即否定，「因為謝偉俊唔係人大，人大嗰啲料都放埋出來，佢都唔係人大，佢點會喺人大個group（群組）度啫？」。問到有沒有人曾將人大WhatsApp討論內容轉送到建制派的WhatsApp群組時，鍾國斌即說「冇」，指自己是從報章才得悉有關資料。

鍾國斌透露曾鈺成平日真的很少參與WhatsApp討論，「大家睇到嗰次係相對多咗啲，平時係好少」。他指無論是建制派或中聯辦主任張曉明，都覺得洩露行為不恰當，譴責放料人不道德，質疑「係想破壞社會氣氛定乜野？」，形容這是「不可取的卑劣行為」，破壞朋友間互信。不過他認為除非有真憑實據，否則很難證明放料人身份。

花生絕種鳥

[鈴蘭]

自由黨好似真係成個黨係呢件事都抱食花生態度

[GUSTAV]

田少佢想點 WWWWWWWW

[廢人]

可以拎到建制同人大WHATAPPS
仲可以叫到方向做野既
都應該無幾多人啦
由手機版發出

[D.K.]

作者: T.K.

呢期有新相/片流出咩？
叫咩朋友

月巴良講果種朋友

[小草]

作者: 廢人

可以拎到建制同人大WHATAPPS
仲可以叫到方向做野既
都應該無幾多人啦
由手機版發出

仲要無人敢爆佢身份，真係勁少人，
當然唔排除有啲高高在上的人，超越左呢兩個身份，而又一定要加呢位人兄

[kev00269270]

陷阱: 曾主席辭左主席位,如果咁唔好彩新東比建制選到,就真係18:17啦

泛民今次忍忍手其實係好事
間中食下花生都唔錯架

似乎佢地已經知邊個放料
尋晚肯定發生左D事

[朝霧 海斗]

我覺得真係唔好搞曾主席啦

雖然個wtapp 流左出黎 印象唔係幾好

但只要唔係白痴既都知曾主席唔會無立場 完全中立

但佢衰極都有依法做事 起碼第一次發動拉布曾主席陪你地玩左通頂

睇下吳亮星點主持會議先啦

的確沒有最低只有更低

但係一舊屎既時代你仲搵到個似係人既物體 你仲要殺左佢

香港真係玩完

[安安]

內鬥萬年一遇

坐定定響度 乜都唔洗做

[martinnitram]

作者: knight-philip

認真
"正義聯盟"用作政黨名的話一定被DC告到飛起
到時又花生一地了

又其實組政黨要咩條件咩法律程序? 定係阿豬阿狗有錢就玩得?

[martinnitram]

作者: 安安

內鬥萬年一遇

坐定定響度 乜都唔洗做

好似田少抽下水, 再睇下有咩油水抽下就算.
拉倒主席好似無咩用, 唔通搵個泛民坐個位有著數咩

[風音]

反轉豬肚無好結果

[小草]

作者: martinnitram

好似田少抽下水, 再睇下有咩油水抽下就算.
拉倒主席好似無咩用, 唔通搵個泛民坐個位有著數咩

拉倒主席，搵個真黑哨球證坐上去，計劃通
原來成件事係丫爺不滿曾主席唔幫手，要趕佢落台

[vov430]

作者: 安安

內鬥萬年一遇

坐定定響度 乜都唔洗做

睇定d冇問題,但係乜都唔做就好冇政治智慧
e d時間梗係搵機會,幫香港拎著數啦
整走689/張妖明就算超額完成b

[T.K.]

【WhatsApp風波 人力提不信任動議】
【曾鈺成：若議員支持 不會留任主席】

建制派WhatsApp群組短訊外洩風波，立法會主席曾鈺成表示，人民力量向他提出的不信任動議，會由內務委員會決定，是否加插一項議員議案辯論，如果大部分議員支持通過議案，他不會留任主席。

你走啦，我唔想搞大件事:0)

[david]

田北辰鞠躬道歉　黃國健照跟

【本報訊】建制派集體離場缺席政改投票，令政改方案慘敗，僅得8票支持、28票反對，早前立法會主席曾鈺成更被揭露曾提議建制派鄭重道歉，否則不能了結。新民黨立法會議員田北辰昨日成為首個建制派議員，對着電視鏡頭鞠躬道歉，工聯會黃國健在民主黨鄺俊宇反問下才向鏡頭鞠躬道歉，略帶輕佻說「鞠多個躬有乜問題啫？」

黃稱群組內容非政治機密

城市論壇昨日本來討論公民黨湯家驊辭職的問題，但話題卻離不開政改投票時，建制派集體離場沒有投票的「蝦碌」事件。台上嘉賓之一、新民黨田北辰主動要求發言，詢問哪個鏡頭影着他，然後站立面向鏡頭鞠躬道歉。台下民主黨鄺俊宇詢問工聯會黃國健會否如田北辰般道歉，黃國健指鄺的問題幼稚，指自己已公開道歉，「鞠多個躬有乜問題」，然後繼田北辰後鞠躬。

戲都唔想交

[朝霧 海斗]

建制派討論政改部署的WhatsApp群組對話內容曝光，更踢爆立法會主席曾鈺成有份參與建制派的政改投票部署，令他建立多年的中立形象「一鋪清袋」，有人質議是建制派「內鬼」所為。《am730》今日報道指從可靠渠道得悉，立法會主席曾鈺成3年前表明會考慮選特首時，其主席辦公室曾遭人安裝竊聽器，寓所亦懷疑被人監視。報道引述曾鈺成證實確有其事，但他不相信今次短訊洩密的動機是針對他個人。立法會秘書處就稱會先了解事件，有需要時會作出跟進。

曾鈺成過去屢次被傳是中央安排接替梁振英出任特首的「Plan B」，曾鈺成在2012年特首選舉展開前一個月亦曾表態會認真考慮參選，但10日後卻以時間太倉卒為由棄選。曾鈺成向《am730》證實，當時其助理曾在市面上購買過防竊聽裝置，「check過似有反應」，但他拒透露詳情。他又透露當年曾有人告知他在西貢帝琴灣寓所外，發現有可疑車輛長期停泊。

報道指，據了解曾鈺成懷疑被裝竊聽器的地方，包括保安森嚴的立法會1樓主席辦公室和6樓議員辦公室，其中主席辦公室設有會客室，曾鈺成經常在此會見各界人士。

[小草]

偷聽竊聽係要對方唔知先可以咁叫，你知都唔叫專家去處理就姐係有需要被監聽啦