[FW] 香港專用足球術語

[KIM]

1) 醫院波------ 唔到腳的波, 隨時俾人踢傷 / 傳球尺寸差,容易令隊友受傷
2) 收山腳 ------- 顧名思義 一腳收你皮
3) 炒芥蘭 ------- 兩隻腳一齊炒埋一齊 即係撞埋一齊
4) 開汽水----- 噓
5) 磨薑 ------- 響石地場射波時隻腳指俾地下刮親
6) 恰西 ------- offside 越位
7) 地莊-------- 指一支球隊因有太多傷兵，在沒有選擇之下，只好連續場比賽用同一班球員上陣
8) 高章 -------- 技巧高超, 令人意想不到 / 多數形容後防球員，在對方緊迫下，後衛又唔大腳解圍， 反而賣弄自己的腳法、傳送，結果俾對方偷去腳下球。代表球員有查奧爾、法蘭迪保亞。
9) 魚生粥 ------- 僅熟
10) 底線傳底 ------- 和仔絕招 左/右 底線斬中 中間冇人頂到個波飛到右/左底線或底線出波時唔夠腰力, 隊友未能接應個波, 個波已經墜番落底線了
11) 球迷奇遇記 ------ 當眾人以為大局以定時出現估唔到0既賽果
12) 賣老抽 -------- 抽筋
13) 濕手巾 ------- 起勢0甘扭波
14) 叉燒 ------ chance(原為排球術語)!指一d易入既波!
15) 上五吋、下五吋 ------- 自己搵把尺度下自己小腿
16) 鵝眉月 ------- 禁區對出既半月形位置/蛾眉月---由十碼點劃出一個半徑十碼的圓形射十二碼時,除龍門及射球者,所有人都要離球十碼
17) 口趙 ---- 射門
18) 哨 ------- 球員不停走動
19) jit ------- 腳面"cheuk"高個波?
20) 腳腳七注 ------- 意思應該係用盡力狂抽
21) 七個一皮 ------- 7 : 1, 大比數
22) 掛網 ------ 形容入球掛網而入
23) 痾蛋 ------- 守門員接波甩手, 並從胯下將波漏入網
24) 牛油手 ------- 龍門線手, 經常接唔到波
25) 暖水壺 ------- 戰術一種，"暖水壺係咁滾"，即不斷用高空球放至對方禁區務求"滾"得入球
26) 踩波車-------- 球員不小心踩著足球後失去平衡
27) 手榴彈----- 大力將波擲入禁區
28 ) 掘---------指球員在邊/底線大力斬波去禁區的腳部動作,如同用鏟掘地的動作一樣
29) 彈琵琶 -------- 指龍門想抱住個波，不過抱唔實片左去兩邊
30) 三閘線----- 將球場平分為三分,約略所得出的界線
31) 插花 ------- 形容球員控球用腳左穿右插, 避開對方爛截意圖扭過對方
32) 執死雞 ------- 形容入球補中, 多於己方首次試射未能入球, 於未有其他球員作出反應時及時施射入球
33) 推左走右 ------ 運球者把皮球踢向攔截者的一側, 自己卻向另一側走過, 以圖避開攔截者再運球推進
34) 通坑渠 ------ 形容帶波時, 球穿過對方球員兩腳之間
35) 入埋大細龍 ------- 形容入球穿過守門員兩腳之間(細龍) 及入龍門(大龍)
36) "初"波
37) "猜"波------ 隊友之間不斷傳球
38) k角位------ 由龍門中央到大禁區角所形成的直線,因與底線成一K字,故得名
39) 拉西---- 用腳將個波加旋轉
40) 躂Q ------ 形容交波/斬波/射球時腳不應球, 使球受力不足或該變方向
41) 插水 ------- 扮野, 多指扮作球員跌下搏罰球, 狀似插水
42) 擦鞋仔波 ------ 有波就交
43) 炒飛機------ 通常指射門高出目標甚多
44) 紅牌阿姑 ------ 球員食紅牌
45) 波係圓既 ------ 評述員以此說明球賽未到最後難說勝負
46) 雙鎗將 ------ 球員左/右腳皆可踢/左右拉弓 , 無踢死一邊
47) 單蹄馬 ------ 指只懂用左腳或右腳的球員
48) 生虫腳 ------- 用不熟鍊的腳踢球
49) 鐵衛
50) 財星 ------ 應容實力/表演差之球員容易令己方失球, 而使下注對方之波盤得以贏錢

51) 窿 對 窿 ------- 0 比 0
52) 食糊 ------- 入球
53) 食詐糊 ------- 入左當唔入
54) 風流波------ 因為目的已達到, 任意而踢, 爭勝心不大
55) 腳指尾拉西------- 詳情請睇卡路士O係法國盃收死巴夫斯O個球
56) 送大禮 -------- 己方失誤造就對方入球
57) 太公波 ------- 替國家隊效力
58) 黃大仙------- 有求(球)必應
59) 宴客 ------- 決勝射12碼唔入
60) 炒波底------ 通常指射門時食唔應個波, 踢左波底, 其結果會係"炒飛機"
61) 單刀/半單刀------- 球員單人帶波射入, 語出三國演義第六十六回"關雲長單刀赴會 伏皇后為國捐軀"
62) 世界波 ------- 超靚入球, 世界級
63) "擔"位------ 迎頂高波時佔據了對方球員的有利位置
64) 上身 ------- 球員演出超水準(多指龍門)
65) 先拔頭籌 * ----- (self explained)
66) 梅開二度 *----- (self explained)
67) 連中三元 *----- (self explained)
68) 四喜臨門 *----- (self explained)
69) 帽子戲法 ------ HAT TRICK, 同一球員在同一場入3球或以上, 為之大演帽子戲法. 據聞以前有人入 3 球真係有頂帽送, 因而得名的!
70) 撐龍舟----- 用頭將波頂去後面
71) 老竇帶仔出街, 大細(勢)已去 ------- 雖然球賽未完, 但落後一方已無翻身之力.
71a) 旺角對落,油麻地 ------ 球賽/球隊/球員質素頗差.
72) 打倒掛/ 倒掛金勾 ------ 一種射門技巧, 背向目標凌空翻身射門
73) 銅牆鐵壁 ------- 形容後防穩健
74) 七旋斬 -------- 急勁傳中球 (呢個香港無乜人做wor, 碧咸就見得多)
75) 莫晒 ------- 冇晒氣,跑唔陏 何老靜時常講
76) 黃(魚) ------- 犯規人既動作(好謀) 又係何老靜常講既
77) 高q大棍 ------ 長傳急攻戰術
78 ) 白頭麼囉 ------- 當某位球員頭部受傷,用沙布包紮,像印巴人士一樣ar德能,ar叔都常講
79) 笠死 or 笠入------ 笠 "lob"之聲譯,解作皮球成拋物線越過球員頭頂
80) 省中 or 省到, 食波餅 ------ 指被去勢凌厲之皮球擊中, 食波餅專指省中面部
81) 黃金右腳 ------- 形容球員右腳技巧了得
82) 破網 -------- 入球速度勁, 差D網到破埋?
83) 黑哨 --------- 執法受質疑之球証
84) 打假波 ------- 賽事結果受控制, 不是公平競賽
85) 公公腳 --------- 謝拉特必殺技? (剷波剷到你做公公)
86) 球場黑洞-------指球員差劣表現,每當隊友傳球給他腳下都有去冇回,失去控球權,與真正黑洞無異
87) 五鬼拍門 -------用盡外援名額應戰
88) 長命賽 ------- 聯賽, 因一季聯賽所有隊伍主客互賽, 甚多賽事
89) 掛靴(高掛) ------ 球員職業生涯完結
90) 斬波 ------ 大腳傳球
91) 造波 ------ 策劃/製造進攻機會
92) 跑狗 ----- 多指大腳放波比屈速度者
93) 衝力射球 ------ 源自漫畫足球小將, 主角大空翼(戴志偉)成名射門絕招,球速及力度很高的射門
94) 香蕉球 ------ 射門有"西"而灣向龍門, 通常在射罰球時
95) 猛虎射球 ------ 源自漫畫足球小將, 主角日向小次郎(小志強)成名射門絕招
96) "燙"波------通常指用腳內側踢球
97) 篤波 ------ 用腳尖輕踢
98) 掃把腳 ------ 用腳內側踢 ("燙")
99) 似傳非傳, 似射非射 ------- 球員踢出的皮球,令人不清楚究竟是傳是射
100) 血肉長城 ------ 人牆

101) 901戰術 ------- 侯利亞擅長戰術 並將之發揚光大 自方9名球員於後場防守只得一名球員作反擊用
102) 射波射左去天后廟 ------ 形容射門無準, 射得遠而方向不正
103) 一二 (one two)﹐撞牆
104) 對面海 ----- 同 102)
105) 慢流尾袋 ------門將欲救無門的情況下(通常因為不在場或失位), 皮球慢慢流進龍門。
106) 護空門﹐救駕 ------- 其他球員及時在守門員未能回位救波時將射門救出
107) 起雙飛------雙腳鏟球的危險動作
108) 挑波
109) 望門輕嘆------- 通常指因防守誤會導致,守門員在無可奈何的情況下,不能作出正常的撲救動作,目送足球溜入網窩裡
110) 半車身 ------ 半窩利
111) 窩利 --------- volley(凌空)之音譯
112) 插水式頭錘 ------ 指頭員用頭攻門時, 飛身扒前頂波
113) 擺老烏 ------ 擺烏龍, 即 own goal, 於交球/救波時誤入己方龍門
114) 龍門雙龍出海 ------- 龍門用雙拳將來球打出
115) 破蛋 ----- 落後一方第一個入球
116) 入球荒 ----- goal drought, 前鋒球員長期無入球之時期
117) 火星撞地球 ------- 球員猛力相撞
118) 水銀瀉地 ------- 應容攻勢凌勵, 法揮超常, 對方難以招駕
119) 玻璃腳 ------ 形容謀些球員腳易受傷
120) 打仔格 -------指攔截毫不留情的工兵型球員
121) 三文治------ 兩個後衛一起夾住對方球員
122) 踢空氣 ------ 接應交波/射門腳不應球, 踢到空氣
123) 波到人到----- 形容傳球動作合拍純熟,心有靈犀
124) 人快波慢 ----- 球員已到位, 但係個波比人較遲到位
125) 拉布 ------ 領先球隊拖延時間, 守波 (?)
126) 搶點 ------ 球員頂球
127) 對腳痴膠水 ------- 球員缺態或疲倦導致舉步為艱.
128) 豆腐籠------- 如同豆腐一樣,不堪一擊的籠門
129) 血肉長城 ------在禁區密集防守, 以身體阻擋對方中距離射門
130) 腳頭 --------- 球員射門之力度
131) 坐冷板 ------ 球員經常於後備席不獲正選上陣
132) 上帝之手 ------ 球員用手入球而球証見不到判為入,影響賽果,源自馬勒當拿86世界杯四強對住英格蘭O個球
133) 食波餅 ------- 球員被球撞到
134) 頭捶(線 / 批)入
135) 坐box屎 ------- 原為賽馬術語,即坐包廂，前/後/左/右俾人頂住去路,意即所有去路被封死,猶似一個box(盒)!
136) 彈弓旗----- 指旁證舉完旗又放番低!
137) 高而不遠---- 把球踢得很高, 但不是踢得很遠距離
138) 閂倒------- 射門被防守球員擋出
139) 矮腳虎----- 矮小而又球技好的球員
140) 柱蠆式------多型容前鋒,身材高大,頭球了得
141) 交叉走位----- 進攻技術之一,指球員從帶球員前面或後面交叉走過,引開守衛
142) 收死 ------- 指攻方球員射出一球刁鑽的射球,龍門欲救無援!
144) 割草式----- 多形容射球,指射出的皮球與地面距離很少,尤如割草
145) 曲墜----- 指踢出的皮球帶有下旋,拋物線比一般情況為短
146) 美高梅 ----- 美高梅出品之電影多為大製作，即大片，明晒啦！
147) 惹火尤物 ------ 脾氣暴躁, 容易法火及與對方球員發生衝突
148) 柱邊---- 龍門柱的外邊
149) 要左定要右 ---- 通常係單刀既時候,前鋒可以揀到射波向龍門左或右,就好似問龍門:"要左定要右"咁.引申至十二碼
150) 突然死亡 ------ 加時賽中即時入球決勝

151) 黃金入球 ------ 加時賽中即時入球決勝
152) 摸和 -------- 本是麻雀術語,意指不分勝負
153) 逼和 ------ 落後(弱方)球隊以和局完成賽事
154) 無帶射門鞋 ----- 射極都唔入 多數形容前鋒
155) 俾波過唔俾人過 ------ 阻人前進
156) 光蛋 ------- 無入球(蛋)
157) 如入無人之境 ------ 對方毫無球員防範, 可任意進攻
158) 以寡敵眾---- 一方的球員人數比另一方少
159) 孤立無援 (龍門 / 後衛)
160) 疊瓦式 ------- 進攻模式之一,多用於邊線,後上球員於帶球球員身邊快速走上,作突破或拉開對手防線
161) 反人牆 ------ 成排人牆入面 企個自方既球員 以達干擾之效
162) 拉鋸----- 雙方不能佔到對方的甜頭
163) 中腰波 ------ 通常指傳球的高度大概在腰部的位置, 有時亦指射門的高度。
164) 網仔 ------指龍門網的左右兩側
165) 三角短傳 ------ 3 個球員以3角形走位模式互相傳球時, 高效率之傳球方法(??)
166) 伏兵門前 ------指進攻方球員在龍門前待機接應
167) 爭食 ------- 球員於同一位置爭波踢/射
168) 較炮 ------- 負責做織攻勢, 以致命傳送為隊友製造入球機會, 多形容進攻中場
169) 雙翼齊飛 ------ 左右中場輪流出擊
170) 雙翼齊跛 ------ 左右中場出唔到擊
171) 標波 ------ '航住' 0既相反
172) 後抽 ------指用腳?把波向後踢
173) 曬靴 ------ 全力用腳鏟對方時, 猶如show (晒) 對 boot (靴)比人睇
174) 虎尾腳 ----- 隻腳向後申
175) 岩 / 唔岩步韻 ------- 帶波或接波時雙腳跑速與球不協調
176) 食塵 ------ 球員追對方前鋒帶波, 自己落後於對方後面, 猶如食塵
177) 十上十落 ---- 荷蘭全能足球(請多加資料)
178) 拗柴 ------專指足踝扭傷
179) 炒埋一碟 ------ 球員撞埋一齊
180) 浪射 ------- 亂0甘射門, 應傳唔傳走去射波
181) 怪腳 ----- 你估佢唔到, 源自阿仙奴球員簡奴之踢法
182) 揪高氣爽 ------- 踢到個波無雷公咁遠
183) 舞龍咁舞------- 形容腳法乖巧,像舞龍一樣S形,盤過多位球員,將敵方球員玩弄於股掌之中
184) cup波 cup 過佢 ----- 帶波過人
185) 濕滯波 ------ 踢到不知所謂
186) 射到九樓高 ---- 射到好高
187) 左/右閘 ------ 左右兩則後衛別名, 負責掃蕩
188) 空龍------- 指守門員失位導致出現空缺的情況
189) 數胡
190) 入楔------- 攻方球員入滲敵方陣地的動作
191) 四鬼拍門 ------- 指出動四個前鋒搏混亂入球之戰術。為雲高爾在世界杯外圍賽對愛爾蘭時, 無計可施下所創出笑爆嘴之招數。侯利亞亦在足總杯時對水晶宮將其發揚光大。
192) 星期美點 ----- 車仔絕招,場場波十一個正選都唔同,就好似星期點咁多花款
193) 的波
194) 五五波 ------ 指對賽兩隊實力相若
195) 鋼龍------- 豆腐龍的相反,指守門員受到敵方球員的強攻下,依然保持不失.或指守門員有超水準之演出
196) 敗家 / 敗家仔------- 球隊在大好形勢下,進攻球員浪費甚多入球機會,最後導致球隊失去應有的賽果
197) 唔生性 / 唔生銹
198) 抽水------- 在球証的盲點位暗算敵方球員
199) 後面有鬼 ----- "鬼"足球術語之一,形容敵方球員;相對"人",指自己隊友,整句意思為"後面有敵方球員"
200) 當老肯 ------- 即係on-fire 咁解, 何老靜以前成日講.

201) 二仔底-------- 阿叔金句, 指 死跟
202) 開大片/埋堆------指打交
203) 打球證/刪球證
204)花王----- 1.插花很利害的球員 2.專指何守信評述時的表現何守信因為不太熟悉足球,每每在評述球賽時,只懂集中提及草地情況有如花王般留意植物,如得名
205) 人前波後 ----- 人快波慢
206) 妙到毫巔
207) 單刀橫傳-----歐生成名技!

[Zaku]

38) k角位------ 由龍門中央到大禁區角所形成的直線,因與底線成一K字,故得名
-> 唔講真係唔知個出處

69) 帽子戲法 ------ HAT TRICK, 同一球員在同一場入3球或以上, 為之大演帽子戲法
-> 據聞以前有人入 3 球真係有頂帽送, 因而得名的

[KIM]

Originally posted by Zaku :
69) 帽子戲法 ------ HAT TRICK, 同一球員在同一場入3球或以上, 為之大演帽子戲法
-> 據聞以前有人入 3 球真係有頂帽送, 因而得名的

已經加入!

[貓仔1031]

10) 底線傳底 ------- 和仔絕招 左/右 底線斬中 中間冇人頂到個波飛到右/左底線或底線出波時唔夠腰力, 隊友未能接應個波, 個波已經墜番落底線了

我鐘意呢個..~~
^^

[果個]

[QUOTE]Originally posted by Zaku :
38) k角位------ 由龍門中央到大禁區角所形成的直線,因與底線成一K字,故得名
-> 唔講真係唔知個出處

講左都唔知

42) 擦鞋仔波.冇野ga??

[雙星]

有咁多

[果個]

85) 公公腳 --------- 謝拉特必殺技? (請多加資料)

被剷者會變公公??

[阿高]

Originally posted by 果個 :
85) 公公腳 --------- 謝拉特必殺技? (請多加資料)

被剷者會變公公??

咁保耶踏人地個頭呢

[t-cup]

天后廟賀誕 - 一飛衝天
沙頭角村長個女 - 你"愛"
有前無後 - 全攻型
起雙飛 - 雙腳齊剷
撞正氣門 - 打中心口, 呼吸困難
"聯"公蝦米 - 球員倒地, 痛不欲生
少林寺 - 南華
側額一批 - "sin"頭槌
爆缸/見紅 - 頭部擦傷, 出血
老鼠仔 - 身材矮細, 速度高的球員
老虎仔 - 狀態足, 有神有態
神經刀 - 仇志強 別稱, 範指龍門不按本旨出迎
雙腳齊抽 - 兩隻腳一齊抽筋
噴射機 - 星島 別稱, 指球員速度好快
煙仔杯 - 總督杯 (摺o左好耐)
大丈夫, 話唔出就唔出 - 901 死守禁區, 點o既情況都唔踏出禁區一步

[sugihara]

痴膠水唔係話痴實個波無人偷到咩

[陸奧 貴志]

有底線傳底點解好似冇單刀橫傳既?

[KIM]

最新update!

207) 單刀橫傳-----歐生成名技!

[t-cup]

雙氧水 - 譚兆偉

[Rosicky]

207) 單刀橫傳-----歐生成名技!

臨尾都要撻佢出黎

[KIM]

Originally posted by 高佬 :
207) 單刀橫傳-----歐生成名技!

臨尾都要撻佢出黎

只因太強橫了!

[KIM]

t-cup , 有沒興趣加入GAF球隊呀?

[t-cup]

不過講香港足球.. 最正都係乜仔物仔

咩 和仔, 偉仔, 丘仔, 康仔, 昭仔....

仲有仲有, 一咩倫, 就 飛仔倫, 風火倫...

雖則講波果件係老餅, 都唔細當o的球員後生咁, 好采冇 咸仔, 丹仔.. (但有哨牙仔 )

[slun]

坐box屎:被幾個對手圍,冇路走(賽馬術語)

[t-cup]

愈快愈怪, 帶波出界: 球速度快, 但控制唔到, 推波出界
有頭髮, 冇腳法: 字面解
限米煮限飯: 班費有限, 成績算係相等

[stephy]

135) 坐box屎
即坐包廂，前/後/左/右俾人頂住去路

146) 美高梅
美高梅出品之電影多為大製作，即大片，明晒啦！

[cliff]

14) 叉燒
乜唔係指一d易入既波咩?
係排球裡面"叉燒"解做係網前易得分波
真係指機會會用"餐屎"(音譯)

42) 擦鞋仔波
有波就交

85) 公公腳
剷波剷到你做公公

135) 坐box屎
原為賽馬術語,意即所有去路被封死,猶似一個box(盒)

149) 要左定要右
通常係單刀既時候,前鋒可以揀到射波向龍門左或右,就好似問龍門:"要左定要右"咁.引申至十二碼

192) 星期美點
車仔絕招,場場波十一個正選都唔同,就好似星期點咁多花款

另:好多句都聽阿叔講過

[masaki]

101) 901戰術 ------- 侯利亞擅長戰術 並將之發揚光大 自方9名球員於後場防守只得一名球員作反擊用

丟架-_-

[KIM]

Originally posted by mc仔~ :
101) 901戰術 ------- 侯利亞擅長戰術 並將之發揚光大 自方9名球員於後場防守只得一名球員作反擊用

丟架-_-

也是香港傳統戰術!901別名是......穩守突擊!

[KIM]

所有update了!
thanks!

[Gundam MK-2]

作者: alicechan11

學到野

樓上,你無咩特別原因麻煩唔好挖返陳年舊topic出黎回覆pls