http://campaign.mcdonalds.com.hk/ch/...aign=happymeal

唔係

$15.8*2一次換哂兩款咪得

http://campaign.mcdonalds.com.hk/ch/...ll-meat-burger
美式手撕雞堡

第一眼望圖似八爪魚，上面係魷魚圈:-)

我頭先食o個個凍既.....

anyway,now做起哂班煮角:-)

薯片幾好食的話 厚切係正呀
板雞OK啦的話 新包叫有d新意囉 但唔會想返兜
個手撕雞係tandoori 印度風味黎架喎

新包我覺得唔錯啊, 幾好食, 辣辣地, 但我唔識分係泰式定印式辣
手撕雞食到係暖暖地嘅, 係個洋蔥圈搞笑啲, 同啲雞迫埋同一層, 但又唔覺好小雞, 份量ok
包皮夠軟熟, 好咬唔硬
整體係值得翻兜的, m記好耐未試過出到個有返咁上下質素嘅特式包
如果跟餐有免費轉粗薯就更perfect:-)

我就唔太喜歡呢個包,冇諗過手撕雞個質感會似吞拿魚包果種感覺..

我覺得唔係唔好食 係個tandoori偏咸 重口味左少少
未至於食到口乾 但有少少搞到食薯條都無味咁

整體個包真係有質素 但好唔好食真係睇人

對上一個好食而又飽肚嘅包係好耐之前嘅咩咩皇室乜乜堡(唔記得咗個名)，份量拍得住雙層足三兩，可惜出過一次之後冇再番兜過...:-)

之後仲有個heavy嘅，薯餅加足三兩肉(又係唔記得名)，不過真係唔好食...:-)

散點算,粗薯無興趣

今天吃了包還可以但鷄還是平時的質素，主要靠調味但我對這味道一般

粗薯感覺比較咸(大慨放太多鹽……)LUNCH時間感覺不是太多人叫粗薯

價錢總合也不便宜(42元)，一次就算了，這價錢不如去吃MOS BUNGER好過

［自身經歷，文長注意］
今日食手撕雞包發生左件事，我覺得應該要寫番出黎話俾大家知


自己食過手撕雞包覺得唔錯值得encore

於是頭先收工就諗住再整個黎嘆
點知咬落頓覺奶野，舊炸洋蔥既炸漿竟然韌到爆，好似咬緊紙皮咁
心諗可能舊包整好擺得耐左擺到韌左(?
點知講完換過舊新包只係好少少，韌既程度只係由到瓦通紙變成卡紙

我明白俾左幾多錢就有幾多質素呢個道理
我亦明白換左新包都無改善就應該唔係個別洋蔥既問題
於是我只係再走埋counter同佢講清楚我上次同今次食到出黎既分別
無再叫佢換過舊包俾我
番埋位諗住抆走舊紙皮食埋個包就算數

食到差唔多尾聲，頭先係counter聽我講意見果位唔係著Tee既同事走埋黎
用一秒幾十字既速度同我講左佢地檢視過食物質素，製作過程等等
都無發現有問題
亦都稟告左佢經理話有咁既事
話佢地會keep住留意番之後會唔會有咁既問題

老實講我唔係好記得晒佢講既野，因為真係講得太快，聽得切黎都記唔切XD
最後佢同我講因為佢地既食物達唔到我既預期，所以會退番成個餐既錢俾我
事發得好突然
但我淨係知我食左個包飲左杯汽水
雖然係失望
但食左就係食左
食左就應該要俾錢
我如果真係R你錢就頭先同你無限換包啦
我推卻講我唔駛退款，但佢就堅持我收

於是我收左
係我離開餐廳既時候擺低左$40.8入麥當勞叔叔之家個錢箱入面

好似文太長無乜重點
但我覺得佢真係有聽過我意見，有心去跟進過（又或者其實只係擔心之後俾人係熱線/email投訴)
雖則跟完好似無乜點解決到

點都好，我覺得呢位麥記同事今次係值得讚一讚既

邊間分店?個員工真係抵讚

我肯定大多數都只係黑口黑面話冇問題本來就係咁

咁事實又真係咁質素:-)
係廣告個樣過份誇張左姐

尖咀星光行

其實我第一次食真係唔紙皮feel咖
拿如果我第一次食就係尋日咁樣我肯定唔會encore

廣告從來就是300%美化，但個員工的表現值得給個GJ

旺區老麥係唔同啲 :-)
俾著其他屋村老麥真係采你都傻 :-)

其實有事直接搵經理會易解決D.

M記經理客服絕對會好D, 權限高D好多野都話到事就易解決D.

職員唔敢揸主意就往往咩都SAY NO左先.

今日買個外賣食個:-):-)餐
轉個栗米杯得新地杯一半:-)


跟住打番去間鋪問
佢話換 結果半個鐘內話黎 結果冇影

再打去問
聽電話既朋友就話 搵第2個"仔仔" (仔仔 我估係靚仔送黎)

跟住又話追番第2個人黎送番個正常既黎


結果
送既就唔係"仔仔"啦
係車手送黎既時候 個栗米杯一樣都係咁架啦

:-) 跟住拿上手
佢就知不妙:-), 我渣果個少成吋

佢兜都兜唔切(o: 咩栗米收左水係會少咁多

又話同佢講冇用
nice:-)

冇用你就唔好咁多意見啦車手:o)

我一向都唔敢嗌麥麥送...

以前聽過好多路程中食住先既傳聞(傳聞由員工提供

手撕雞包售罄:-)

因為要換手撕豬

其實外賣係指 takeaway

6+1了...

試左新既手撕烤豬包,我覺得好食過雞好多

個汁幾好味,重點係個口感好過雞包果種雞蓉(?)既感覺