呢套Ghostbusters: Frozen Empire《捉鬼敢死隊:冰封魅來》,
長假期前入場睇咗,之後都經以前買落的影碟、數碼版同免費電影台,
重溫返晒全個系列。
今集我覺得只係合格水平,結尾太趕收工feel,
見佢尾段"走鬼"後,新舊成員都上齊裝備,
似係準備係消防局玩守城迎戰"冰王"的幽靈大軍咁款,
點知佢直接安排打大佬"冰王"一個就完場…
仲要劇情上明知原有裝備對付唔到"冰王"絕對零度,
但全員照用,得女主角一支"鍍金版"Proton pack有少少用,
呢個安排都幾犯駁,同上集一樣點解用大型捉鬼器時,只吸大佬唔吸埋主角方的鬼魂入去?
今集一開場就已經係上集3年後,
主角全家移居NYC唔多解釋直接繼承祖業,
係有唔少新道具,例如無人機,
但無乜特別出色的名場面咁,
嘥咗架電單車Ecto-C。
"靈魂出竅"以為玩純靈魂對話同鬼火女LGBT愛情線時…
居然玩Game of throne冰與火之歌?Winter Is Coming?
個Fire Master真係純搞笑,
同埋以為最後會放返個大佬係Fire Master嫲嫲個Sex Dungeon度~!
(對白真係講Sex Dungeon,家長注意現場真係有小朋友唔明問媽媽咩嚟,尷尬了!)
由1984年一直儲鬼?
以為會消滅或轉做再生能源添,
今次終於有講有人做後勤支援,係舊水族館 。
棉花糖怪今集繼續賣萌,
以為好似隔離I Am Groot咁有BB期、青少年期、壯年期添,
但睇片尾彩蛋…即係如果有下集應該會再玩巨大化?
個人期待出現控制自由神像打巨大化棉花糖怪。
雖然今次有為食鬼(Slimer)同圖書館女鬼,
但1984年GB1的"四眼仔" Rick Moranis繼續無影,
所以未算原班人馬全員回歸吧?
其實宜家咁興玩多重宇宙,
應該可以搵埋Ghostbusters: Answer the Call (2016)班女子組一齊拍續集喎。
翻睇完覺得女子組版其實唔差,笑位真係好笑先,
鬼怪種類、滅鬼道具又多,
係覺得"雷神"蠢男秘書情節可以全刪,
或者改設定做怕鬼的膽小猛男會更討好。
https://www.sonypictures.com/movies/...rsfrozenempire
https://www.imdb.com/title/tt21235248/
https://en.wikipedia.org/wiki/Ghostb..._Frozen_Empire