自問有幾年經驗又做得ok，今時今日飲食業你行出去求其搵間外資既最起碼都要15000先請得郁你啦

10000蚊，咪連大家樂班低智能阿姐份糧都不如？

原諒我講得直

辭工，去玩一個月，再搵工

年青真好!

有錢真係唔驚wo, 肯做飲食業一定唔會搵唔到工囉.

你同我都老了

我有幾嚴重抑鬱要食藥,睇醫生佢分析我個抑鬱係十幾年黎既累積落黎,佢話改變唔到,要食一世藥
我份人太林善,咩都唔敢爭取,就算人地介紹份萬四蚊既廚師俾我,話我應該應付到,我都覺得自己做唔黎唔敢去見

我覺得自己係抵死,絕對要承受性格問題所帶來既代價,所以先辭唔到工係度呻

唔敢改變/接受新挑戰
現狀就唔會改變架
除非你安於現狀
由手機版發出

咁佢都年青嘛，應該儲到D錢既
散下心見既野仲多

建意你換個精神料醫生，或叫精神料醫生轉介去看心理醫生；他們一定會教你怎去改變的。

將義氣同感情放落垃圾桶啦
你沒有好結果的

首先你覺得如果你留下來,錢不能滿足你的的情況, 你能夠在這裏獲得什麼?
技能, 人事處理, 人脈, 上流空間, 成本控制, management ?

特別是人脈, 如果一份工能為你帶巨大的人際網絡的話, 我相信一定會一生受用

相反, 除了金錢外一無所獲的話, 你只係捱緊份工, 沒目標, 日子一久你就會埋怨,
進而對一些不如意的事產生憤怒, 影響自己的判斷力

但如果你選擇了留下, 請放下你的怨氣

就好像農場一樣, 牧場給你牧草給你一個環境, 但決不會給你情感, 你無價值的時候自然會消失
你是一頭牛, 耕田的牛, 做就做多多, 食就食少少, 開荒有你份
現在的你就好像看到了農舍內的乳牛, 乜都唔做得, 但有得食又唔洗點做
但重點係你俾人養順左, 就算出面D草有幾綠有幾長, 你都會揾借口俾自己留下來
因為你俾左個錯覺自己<這裏需要我>

茶煙飯__都係一種交際黎, 大家做到乜肺的時候你做得幾好都無人會注意到啦
其他人熟絡左, 你的優點自然會俾人發現, 意見亦然容易為人接受及支持
所以D人話鞋箱掂好過嫁撐齊

死做爛做無出路

你依段說話
對普通人(能力普通或以上,無任何傷殘包括精神上)就得
睇過之前既Post
佢應該係一個先天無溝通能力,只得死做爛做來維持生計既人
無溝通以致學業同職場上都唔如意
即使了解溝通交際對工作係非常重要,但奈何無能力改變
反而越來越鑽牛角尖,搞到有中度既抑鬱症, 亦曾經情緒失控
只能响網絡埋怨

你要佢放低怨氣係無可能兼唔現實

只認同一半
你可以當鞋箱係其中一件架撐
但唔可以靠佢發達
否則比人睇死你靠擦鞋上位
你都係好難服眾

"安於現狀"那是指對現狀還稍為滿意
現在的情況可說是"自甘墮落"
樓主既然認為自己學歷好又夠工作經驗, 又覺得比現任大佬玩佢
乾脆同佢攤牌 : 一係比你升, 一係你跳槽
奉勸樓主一句 : 唔好諗住同份做得唔開心既工講感情

仲有, 要根治情緒病還是要靠本人改變心態改變諗法, 既然樓主覺得自己一無所有, 點解唔盡地一煲係度等死!?
本人20有7做機械維修, 月入萬一, 對公司既官僚文化都非常不滿, 又抱怨公司係"少林寺"
到而家咪又係利用呢份工"時間穩定"呢個優點去學日文!?
最少我自己認為我現在冇比以前既自閉症影響到

客氣說話我唔想講, 我最多只會狠狠扑樓主個頭一棍等佢諗諗

你講中左,我無得反駁

我家族既人都係比較唔識同人溝通

我好理解到香港係一個以人際關係同溝通為主導既社會,只有以服務增值先可以係香港搵到安定生活,單靠出賣時間同勞力工作係無可能有人認同你,如果無能力處理好人際關係,就只會係垃圾同地底泥(即係我宜家)

我想改變,由初中開始就買左成櫃教人溝通既書,成日睇,睇書可以理解文字,但轉化唔到為語言同行動,我連借左錢俾朋友都唔敢叫人還
面對工作既上司,我根本無議價能力,我根本唔敢去用任何手段爭取自己應該有既野

如果連精神科醫生都叫我放棄改變性格,無得變,可以點?死路一條?

依家唔同以前
以前即使無乜溝通, 只要肯努力就會有出頭天
依家競爭激烈, 時代進步, 對人既要求都高左
高學歷之餘仲要醒醒目目打好人際關係先有得同人爭
以上兩樣欠缺, 除非屋企有錢又或者行緊運
唔係既話最多只能靠勞力打份牛工搵一萬幾千.....
女仔都好D,可以嫁出去
男人既話好易俾女仔睇唔起

除非年紀仲細
(十歲以下,最好六歲前;如果你有留意親子論壇, 你會發覺有D父母見到個囝/囡有溝通問題既跡象,
都會不惜花費金錢來訓練, 佢地了解到唔及早解決, 將來長大後會處處碰釘,過住痛苦既生活)

但我就唔係太明白為何醫生會叫你放棄改變性格
或者佢係想你接受你既性格
但負能量來自過去種種不快樂既經歷而引申出來既性格
你係睇政府既精神科醫生?

再怨落去, 你真係唯有死左佢
我本人質疑緊個醫生既專業操守

建議樓主得閒可以睇下呢個BLOG
http://kenshin.hk/
先不要質疑佢係咪吹緊水, 但要稍微改變一下你既心態應該都可以的, 前提係你搏唔搏一鋪

知道香港社會既遊戲規則但跟唔到規則去玩都係無用

如果我早出世幾十年,或者可以比較適應係個簡單d既社會之下生活

宜家唔同,做人要識圓滑識虛偽先至可以有叫做生活而唔係只係出賣長時間工作生存既人生


我睇個係私家醫生,佢話我係本身性格加埋腦分泌失調,兩者相輔相乘結果形成一個惡性循環,每次睇都會傾半個鐘計同埋開利痛抑同幾種抗抑鬱藥俾我,佢同我講三歲真係定八十,個人性格同思維模式由細個已經會定形,即係一個本身悲觀既人無可能成為本身樂觀既人,反之亦然,只係可以食藥控制血清,等我d負面思維唔會咁易走出黎,最多只會令我由非常唔開心變成唔開心

單睇書無用架,最緊要係實習,例如學游水咁,睇多多書而唔去真係游,一落水都係唔識游,唔睇書而去泳池摸吓摸吓反而會摸到識游水(雖然未必游得好).溝通都係一樣,要真係有對象可以對答訓練先學會用語言溝通方法,單係而家咁只用keyboard只可學會用鍵盤溝通.

行最低工資就一定會引發依d 問題

以前學師只有$4500, 依加請條白痴癈人最少都要$9XXX

即係話基本上飲食業己經無左 "學師" 同 "中工"...............

唯一解決方法係跳槽, 以工作經驗壓過其他新人叫高自己個價

有時同d 行家/ 老細吹水, 好多都話與其$9XXX 請學師, 不如比到$13000 請熟手大工

起碼個大工可以自動波同你起貨唔洗教

我由未有最低工資就入左呢行,6000蚊月薪挨起
宜家睇見新入行班無學歷無經驗既mk仔人工高過我

我當年係間垃圾band3咁辛苦讀書,考個正常既會考分數為咩?
不如好似d人咁玩玩玩,反正出黎人工比我更好

你依家做野果間公司知道你有抑鬱症嗎?
睇過之前既Post, 指因為某件小事令情緒失控而被同事勸服
你覺得依家做野果間公司雖然人工少卻可以包容到你既性格
兼且雖然有經驗但怕轉工果陣, 因為人事問題(性格原因搞到與同事夾唔到)而搞到失業?

阿仙奴夠對雲佩斯唔錯啦, 佢一打起, 頭也不回即走
結果係點??

去左曼聯捧杯law

有得轉工就轉吧
唔好睇少自己，工作經驗係一個本錢
對學歴冇嚴格要求，唔洗見客ge工作會優先睇工作經驗吧
由手機版發出

想自己可以亦要讓自己可以
努力

> 上星期當我向大佬詢問要求作小幅度加薪,他答我要下年才有得考慮

根本有心Hea 你啦, 佢根本無心加你人工

你不如問吓你大佬, 等到下年係咪保証人工加到高過新入行班無學歷無經驗既mk 仔

佢話保証唔到既你咪即比辭職信, 睇吓佢有咩返應都好 b

情緒問題有好多時候都係比環境問題迫出黎

我以前做麵包都超好火的, 依家轉行做食材源料代理睇返以前既自己會有d "你看看你~~~" 的感覺

至於人工問題你驚騎唔到份$14000 既話.......

你大可以當新入職收$12000 試一吓, 返正點都高過依家$10000

工作順利, 壯大自己個膽後再上$14000

應為樓主現在最大問題係唔夠自信！