兩名香港女子在日本本州中部的立山黑部懷疑失蹤，但原來是虛驚一場！根據日本傳媒TBS NEWS今日中午報道，2名香港女子原定昨晚 （4月26日）入住位於室堂的旅館「雷鳥莊」，但昨午5時許，他們向旅行社代理發出短訊，指在雪道中迷路，因此未能前往旅館，二人之後便失去聯絡；XXX向入境處查詢，入境處發言人表示，得悉事件後，已即時透過外交部駐港特派員公署（公署）及中國駐名古屋總領事館了解情況，之後入境處已主動聯繫當事人，得悉二人現正身處安全地方，並向他們提供適切意見。

入境處發言人表示，在外香港居民如需協助，可致電入境處「協助在外香港居民小組」的24小時求助熱線，電話：(852) 1868。

據了解，二人已通知酒店因大風雪未能入住酒店，但酒店方面以為她們因大風雪遇上意外，報警求助。

日本TBS NEWS的中午報道指出，日本富山縣警方今早已派員到立山黑部一帶搜索，但至今仍未發現兩人蹤影。報道又提及，「雷鳥莊」周邊有30至40厘米的積雪。消息一出，不少網民均關注兩女失蹤的消息，大部分人均希望她們平安無事，可安全歸來。有網民指出，立山黑部開山時十分大雪，而前往「雷鳥莊」的路有難度，加上新雪之下、有關路線十分難行。可幸最終兩人未有遇上意外。

迷路吾顧安全報警仲SEND EMAIL去通知旅館去吾到, 真係有交帶, 高質港女......

但至今仍未發現兩人蹤影。
可幸最終兩人未有遇上意外。

知道兩人未有遇上意外，即係已經搵到？
前後矛盾，重作

睇定D先討論隨時只係兩個shopping shop到唔想去

向旅行社代理發出短訊 >> 都叫做有交帶呀~同埋搵得旅行社代理可能已經俾左房錢?

....去唔到會通知酒店係基本吧.....

未必，印象中有唔少係到步付款，不過香港旅行社應該會找埋&追返條數吧…

香港旅行社 >> 香港旅行社更加會收左錢先~
如果佢用"旅行社"呢個字~我suppose會係永x呀美麗x呢d "旅行社"

印象中有唔少係到步付款 > 係有~~
網上酒店agent~我用過agoda~好多時係到步前一日扣數~
亦用過booking.com~的確可以揀到步先俾錢~但要用credit card擔保
我亦用過jalan / 樂天呢d網上agent~大部分到步付款


我覺得兩條女搵旅行社錯唔晒~因為佢地經旅行社訂~對頭人係旅行社

http://www.sankei.com/affairs/news/1...270015-n1.html
雪で宿泊施設にたどり着けない


http://www3.nhk.or.jp/lnews/toyama/3065996391.html
雪で宿泊先の場所がわからない
連絡が取れなくなりました
↓
２７日の夜になって２人から雷鳥荘に連絡が入り、居場所が分かったということ

廣義黎講，果D都應該算係旅行社吧

BTW，上個去關西貪得意自己直接BOOK酒店，可以到步付款仲唔駛留CREDIT CARD資料，
萬一在下放飛機真係唔知佢點追果千幾蚊…

其實在下都覺得處理OK，就算想直接聯絡酒店都唔易，有人地電話都冇用，150蚊SIM打唔到。

廣義黎講~係~果d都可以叫旅行社

日本direct官網book 大部分都係可以唔洗CREDIT CARD資料
(咁耐以黎我只試過1間要)
基本上日本國內網上agent好多都唔洗 (偶有credit card提早付款的超特價plan/極少數要)

我見到fb好多標題黨~睇到「no show」未睇內文已經即插兩條女影衰港人balalala~好冤枉

聽收音機講係兩件港女放飛機，旅館電郵聯絡她們問她們來不來？
港女回覆在雪山迷了路、嚟緊！
結果旅館因爲擔心她們，報警、出動拯救隊、電視台出尋人啟事找她們。
最後真相原來是兩港女因大雪改了行程，放旅館飛機；但竟然唔老實說不到來、取消房間，呃旅館說還在途中迷路。
這事件上了報紙頭條，還討論以後遇上香港人訂嘢，是否都要先落訂金。

之前AA制單嘢傳媒同埋D「讀者」炒晒車，都係唔好咁快下定論住先

又有真相
邊個版本先真相


唔係話向旅行社代理發出短訊，指在雪道中迷路，因此未能前往旅館
架咩

在下就寧願信格神貼果兩篇，畢竟唔同香港，呢D新聞於日本而言冇咩炒作價值。

無事就好
不過有交帯D既出到金沢就打返個電話比旅館好D啦...

今年去長野住民宿
我同個FD遅左1個鐘返去食晩飯都有打個電話返去先
免得人地以為我地出左咩意外

唔好意思唔識日文~內容大意係?


話說我剛剛3月尾的旅行~
BOOK時Mark左夜晚11點前到~但係自己坐夜機諗諗下驚delay趕唔到車~
臨出發前前都係send個email去酒店話凌晨12前到穩陣d(最後10點幾就到左酒店)

冇太用心去睇，不過頭POST果段差唔多。

不過短訊係
雪で宿泊先の場所がわからない > 搵唔到
定係
雪で宿泊施設にたどり着けない > 黎唔到
就真係有機會係前者既，咁不明不白既的確唔報警先奇…
不過放飛機都唔會話「黎緊」啦，同間民宿有仇咩？

http://news.tbs.co.jp/newseye/tbs_newseye3039700.html

格神果兩篇冇提迷路, 但有講迷路都吾一定堅迷路, 你地知啦, 香港人旅行玩到盡常識黎架麻, 要我一早上山咪蝕晒我D時間

咁疑點利益歸於被告，除非有野證明佢地講大話，唔係在下又覺得冇必要妖魔化佢地

岩岩去完北陸一帶, d 偏遠地區既巴士我同女人都未坐過, 無留意要點俾錢, 落車前司機提我地先知點計, 用 d 基本日文講左陣.

臨走前佢問我地係咪台灣人, 我話唔係, 係香港.

香港人個朵仲係咪臭, 我唔知. 我仍然會話我係香港人.

好多時人地識分, 只係你自己唔識分.

分開睇,我終於明點解港女成日話你班港男無用
人地次次都揚威海外,你班港男十單先得一單有份
俾d上進心啦



我同n個人講我係香港人,最後人地都係blog度寫我台灣人
甚至有唔少人連香港都唔知係邊,指住烏克蘭問我香港係咪呢度
真係識分？你諗多左

以前有法國廚師 housemate 帶 d fd 來開餐, 佢地問我點解識日文, 我話因為日文有 kanji , 我要學易 d.

佢再問, 係咪因為日本好耐之前(我估佢指清末至二戰)統治過中國, 所以中文變得似日文.

我無笑, 亦無噴荼. 果餐我都係求求奇奇 yeah/I see/cool/right 算, 要講起碼三個鐘, 食得舒服 d 好過.

村民無乜國際歷史視野, 亦唔需要有, 佢地起自己既地方生活得好好. 亞洲既紛爭佢地唔需要知.

UK/Britain/England/Scotland/Ireland/Wales 點分, 亦唔係個個人知.

真係咁識分就唔會問你係咪台灣人啦
BTW，識唔識分香港人同呢件事有咩關係…？

咁講清楚 d，果個司機起碼識分我地兩個唔係中華人民共和國(簡稱中國)人。

其實件似事係酒店夠盡責,小心為上所以報警

照日本media講,係佢地遇大雪,安全起見同酒店講去唔到,然後返轉頭
老老實實香港人思維呢個moment都唔會預你酒店有後續,講完聲咪走頭囉
但日本人思維就係穩陣波,加上佢地經驗上驚出事就梗係報警
咁睇唔覺有咩大錯