曼聯躉紅魔鬼地帶[VOL.94]~Closed~

[Busconcamp]

曼聯下一步行動　續約迪基亞



曼聯正式宣布蘇斯克查坐正帥位之後，下一步行動就係為下季組軍做準備，首先要搞掂門將迪基亞續約問題。

紅魔鬼可以復甦，除咗因為蘇斯克查令球員重拾「魔性」之外，門將迪基亞亦功不可沒，多次於重要大戰，屢救險球，幫咗蘇B唔少。

不過，呢位西班牙國腳仍然十五十六，未同曼聯就續約問題傾掂數，據悉係話人工唔啱，紅魔鬼願意將佢人工，由現時20萬鎊周薪加到35萬鎊，但迪基亞希望人工要貼近阿歷斯山齊士嘅50萬鎊先肯動筆續約。

曼聯難免認為迪基亞獅子開大口，並會加重球會財政負擔。不過，並唔係冇解決方法，只要曼聯放棄A山，將佢份人工畀迪基亞，已經可以計掂數。事實上，要喺迪基亞同A山之間，兩人揀一人，相信任何人都知道點揀。