捉鬼尼樣野又要睇下邊個係老祖宗，雨革之後幾多KOL又要清算尼個又要清算果個，仲大把人捧添，個風氣吹開左囉，咪個個疑神疑鬼，郁d 都要搵人清算囉

所謂撐薯片可以包含好多種諗法，有人想買個希望，有人純粹想對家輸。無計雨革之後所有野輸到而家未贏過，就連立會好似多左議席最後都要DQ埋。好多香港人好簡單想逐d 逐d 贏返d 野返黎，但係非建制爛泥扶唔上壁可以點？ 係喎攪革命喎，以前出過黎坐出過黎打既都分裂到爛晒啦，緊係睇住d襯家死仲爽啦，要革命？ 不了 咁既環境見到薯片個賣相靚到咁投射感情落去好正常，831？23條？有d 有考慮過既咪選完先反囉，無衝突架，當然有d 高舉民主之父咁既你要笑x佢無野好講，但係講到d 人喜迎831同23條就擺明諗多左。仲有除非閣下生存喺唔同次元否則個選舉都係要發生，尼個moment如果無人有能力推翻共產黨既點都要選。小圈子選舉發生左咁多次大家都明有幾不公義，唔駛你地再曉以大義，你杯葛小圈子既我欣賞你有原則，但唔該唔好爭住黎做選委最後走去投白票(老實投胡官我無咁嬲因為都係意向)，其實你係用緊我既授權投緊唔係我想要既野，咁係咪欺騙選民？

又或者換個角度諗下點解而家薯片吹到雞但係反對派唔得？人地比到願景出黎而你唔得就係咁簡單。係呀技巧黎之嘛吹水既但係你吹唔吹到先，之前果班又永續基本法又時代革命又剩不過吹爆左囉，咁就唔好問點解無人出黎啦。

夜深了打左堆廢話，係呀我係左膠我係港豬就係咁啦，完