盡量扼要，煩請各位耐心睇睇，俾下意見。

一年前我因工作關係，要到外地進修，識左同樣黎自香港一齊進修o既一個女仔B，
富家女，遊手好閒，31歲，大我3年。性格樂天好玩，仲兼具天然呆、傲嬌、腹黑、毒舌屬性.....
我本身香港有個拍左7年拖o既女友A，離開香港前曾經同佢求婚，不過佢冇應承。
我係佢第一個男友，佢個性比較認真內斂，唔係好識tum男仔。

半年前我同B終於出事，之後B叫我一腳踏兩船，我冇制，最後仲忍唔住同A自爆左件事。

結果，到宜家拖拖拉拉半年，B好似終於唔耐煩，仲同另一個男仔晚晚傾電話。
我同A，講左分手，不過仲係拖拖拉拉日日傾電話。

客觀黎講，以老婆而言，A點都適合o的，起碼同我出身一樣，工作勤奮，係正經女仔。大家仲有7年默契。
但同B一齊真係好開心，有番晒激情同熱戀o既感覺。(係啦，我明知咦種感覺唔會長久。)

見到B好似對愛情咁唔認真(明明想同我一齊時又對我講好多甜言蜜語，宜家冷淡晒)，
我自己理智上都好想重新同A o係返埋一齊，
但係A因為知道我同B有野，所以黎緊一年都決定離開香港避情。
咁即係話，我同A仲要多一年先可以重新試下可唔可以o係番埋一齊。

我好驚對B o既感覺洗唔甩，唔會識得點樣再愛番A，
講真，當B對我忽冷忽熱，同埋好似想同第二個一齊，我又會好唔開心。

愛情，係咪真係要有「嫉妒、呷醋、佔有慾」先叫愛情呢？
感覺上對A冇左呢種感覺，只淨底關心同熟識感。

各位覺得我宜家應該點做？THX

對 A 只餘感情，
對 B 接近迷戀，
但不論如何，似乎對兩者都不夠決心?
現階段即使你選了其中一方，
你大概會依然三心兩意、繼續煩惱?
如果沒試過、你覺得自己始終不會心息，
那不如去跟 B 認真發展吧，即使最後可能會分，
但那也是將來才可肯定的事。

其實我曾經同B講過同佢一齊，可惜佢好似想縮想縮，話未係時候...
唔知佢係唔想俾人話係第三者、定係真係玩厭我、定係鍾意左第二個....

背景、做野方面，其實我同B真係唔係好夾(客觀咁睇)，
試下當然係一個方法，但係代價係一段7年o既感情同一個可能係好老婆o既好女仔.....
個心咁諗都好驚，好似好大壓力....

其實，愛情會唔會只係一種霎時感覺....
或者我唔見B一排....可能就會冇左呢....
或者我見番A，同A相處番一段日子，會重新愛番佢呢?

邊個可以話我知答案? 唉....

就以你嘅口供,我覺得B根本未定性
的確唔同佢一齊你會唔甘心
但就算而家俾你追得到上手,90%以上佢會變心
上面粗字果兩個可能性比較大

唔理你同唔同番A一齊,個人覺得B只會係個拍散拖嘅對象
佢一定唔會同你過人世

如果你有齊以上覺悟先好走去追B
否則......回頭把啦,施主
傷心事小,我怕你不知不覺會戴左帽咋

我都好想回頭呀，
但有冇師兄教下我點回先。

打座？不斷睇番同Ao的舊相？
唔見B一排？不斷諗A o既好同B o既衰...

試過晒啦...好似未係好有用....

你不如都俾自己冷靜下啦
你自己都未知道最需要係邊個

當然你都可以去追B,等佢狠狠地傷你一次你自然會死心
問題係你而家已經遲左,B似乎佢已經有新目標,應該唔會理你...

移情別戀又怕被飛想要備胎

咁我諗佢又未至於移情別戀/ . \
只不過係七年相處有點問題，繼而另一個可以彌補個一忽仔遺憾
所以先中招者。

唔知點解睇樓主個post令我諗起以前8點TVB播個套野入面既角色情況；不過故事入面既角色係結左婚個種。
一個求隱定，一個求熱情，又七年之癢(?)，睇下樓主個心想邊個多d先吧。

希望樓主唔好介意
其實你兩個都唔係咁愛
a只係你一個理想的太太人選
b只係你找尋激情的對象

冷靜下來
午夜夢迴你最掛念的是誰呢?
只有你自己最清楚
如果想不到的話
咁你不如放過自己放過人地
找一段新的戀情好過...

不喜勿插~

又A又B又拖拖拉拉咁似我ge

呢d野好難攪得清......

話冷靜...其實都叫冷靜左半年....
始終人在外地，心情係唔會好似以前o係香港返工咁自然...
而且...寂寞o既殺傷力真係好重...好容易令人心大變....

的確，我兩個都唔係太愛...
所以我未想諗下辦法去愛囉....
但愛情...係咪真係努力就可以做到呢....

真係好煩好難搞...
覺得嚴重影響生活同心情..

何謂愛？如何測定？
諗邊個諗得多就係愛o個個？
咁實係舊不如新架喎....

冇激情o既可唔可以叫愛？
其實我宜家願意同A行埋人生剩下o既日子架，
就算冇激情我都覺得ok，不過A都同我講，佢會覺得唔值得咁樣走埋一齊。

其實我一直都有睇你個post...
不過為左避免俾人知道真身，
開多個新account 出黎先講咦樣野。

唉，貪新忘舊，係咪最後都會不得好死？
不過我個case 比你複雜係異地戀問題....

贈你兩句:

坐這山望那山，一事無成
沒有最好，只有更好

2個都飛得
問題係之後個個好慘,因為歷史又會重演

心急黎都冇用，就算俾你等得到A返黎
就算你今次放棄B，但一日核心問題未解決，總會有CDEFG... 既危機排住隊等你。

關鍵在於你接納到A既所有野未。
假若唔得，我寧可你參考樓上所講，兩個都唔好要，專心諗清楚自己想要咩，然後自己修心養性好之後先搵個過到人世既C仲好。

你要A 佢地都未必會采你..

全中~

你以為你仲有得揀, 但其實你可能根本無得揀~

見到個PO...其實你已經好清潔邊一個適合你...適一個唔適合你...
基於你自己最清楚自己...

你應該明白...由你同B出左事果一刻...你同A都無得返轉頭...
你要留住A同希望同A一齊返只係因為B的行為同性格令你明白A是一個好情人。

之但係...身為一個男性...身為一個男朋友。
如果你知道自己做錯事...你應該會知道點樣補救...
補救有多方法...但係全部都係你自己最清楚...

事程發生左...而你同A依家又成日都有傾電話...
即係A未至於將你當作仇人...

如果經過跟B一事你覺悟了...
你不會再想B....不會再害怕對B留有感覺...
亦不會勉強跟A復合...只會繼續保持原狀...待她對你的信任修好...
如果你現在覺悟了...你還會對你的感情出現迷惑嗎?

大大...如果你未係依件事吸收到教訓...
仲係會對其他異性/同性有感覺...
你就乜都唔好做住...諗清楚你想繼續"玩"定係修心做一個好老公吧....

P.S.7年的女友...很多人也恨不到...得不到...
正正因為7年...你才有機會復合...但...這不是現在需要做的事啊

是的，我會努力嘗試做自己應該做的事。

多謝各位師兄俾o既意見。

其實自己一路以黎，都唔係唔定性。
一路以黎，自己都好想結婚，好想安定，集中精神工作。
如果唔係唔會向A求婚。

但突然之間出國一年，環境改變，眼界大左，
睇到A o既不足之處，感覺A 唔識俾幸福戀愛o既感覺我。
受到衝擊，自己都不知所措。

或者，真係要用時間令自己冷卻落黎先算.....

為樓主好mode:飛左B,斷contact,去好好地俾心機俾時間俾衝動tum番A啦

腹黑mode:B都係玩家黎架啦.至於A,真係中意你又駛乜避你情?樓主你都係成日過海外生活,寂寞到夠,所以先想搵人一齊啫,但講真你對呢兩個人/呢兩個人對你都未有努力要喺埋一齊既覺悟,其實唔stable唔長架喎

拖拖拉拉的話最後大家都唔會幸福的

正如樓上所講，拖拖拉拉的話最後大家都唔會幸福的。