係一個至少十年既好朋友, 直頭係兄弟果隻

有 d 野我好懷疑佢女老婆份人, 不過自己係局外人, 又唔敢直接講, 怕傷感情

雖然要假扮無野唔難, 但係唔講又唔安落.

我遲 d 再講係乜事

即係點? 覺得佢老婆好爛玩? 花心? 抑或其他?

雖然係唔講唔安落，不過冇乜事就唔好講太多野啦，如果唔係節外生枝惹多左麻煩 / 甚至影響人地夫妻感情就唔好

事前講制唔過。有乜事都等到真係爆左鑊先做應對措施更佳。

知情不報同出賣兄弟一樣
我知寧教人打仔, 莫教人分妻

如果件事係嚴重的話...
遲早佢都知...
最後結果可能都係令你老友唔開心...
最少係你講...佢都無得收埋...
真係傷心你都識安慰...
我會講...(個人意見...兄弟同屋企人一樣)
若果真係咁而絕交...緣盡...

你又想破壞人地家庭呀?

無用~而家講佢都唔會聽得入耳架啦

其實最大既問題係『一家唔知一家事』
可能樓主朋友已經知呢d事，又可能唔知，但個老婆想係結婚後從良。
如果樓主係未知情況下貿貿然講出黎
最嚴重者一陣搞到人地婚變，到時真係唔知樓主擔唔擔當得起 / _ \

是咁的

我朋友係乖乖仔, 雖然讀書唔得, 但出來撈左幾年, 捱左陣, E+ 都有 30K 一個月, 但係屋企有負擔.

老婆係廣州人, 大家起 SKYPE 度識, 仲係傾左一陣識左一陣就好快結婚 (由 SKYPE 到 E+ 結左婚唔夠半年) 仲話想快 d 去外國生仔, 係為左大家既未來 wor~

咁我都係聽完就算, 畢竟人地事, 好多野外人唔知, 就無謂插嘴.

咁有一次我同佢老婆單獨相處, 傾開先發覺佢成日有問題, 又話咩野快快脆生仔, 生左佢, 人又起外國, 就海闊天空可以做自己想做既事. 加上佢成日吹噓自己同 d fd 幾有錢, 我心諗..... 係有錢就唔洗屈住起內地, 晨早搞左移民定留學啦......

所以我覺得好可疑



上次好似唔知邊個, 俾好多人情, 邊個想破壞人地呢

正常內地女仔同香港男仕結婚的思想及計劃，互助互利姐

原來個重點係樓主擔心佢老友係純情小鴨鴨

樓主想做天下無賊裡的劉華嗎？

個人認為，人要跌過才會成長，一世風調雨順反而會害死佢

何況，連婚都結埋，你同佢講完都左耳入右耳出啦

咁都係吹下水o者, 又唔係出去vv wet wet/ons果d
佢對你個fd真心就得啦

你個fd幾歲? 咁急結婚?

只係講, 但係真係有心想移民外國, 佢地都成日問我去外國定居既問題.

開頭就話外國環境好, 為細路仔著想, 俾佢接受外國教育 wor

之後講講下就變左...... 快快脆生左佢, 咁就可以真正自由做自己想做既野, 無晒拘束 (唔係生左先係拘束既開始咩 ?? 囧). 佢就話: 我唔會管教佢太多 (係咪自生自滅 ?囧)

再加上我自己睇..... 真係覺得呢個唔會係好母親囉.....

你朋友就是你

我覺得要勸朋友、都要慢慢勸。
而且人心始終會變（不論變好或變壞），太早就一野定罪又好似唔係咁合理。
如果佢老婆係呢段時間受你朋友感染或感動會變得好d 、咁就最好喇，
如果之後仍然令你覺得有問題，你再試試同你朋友傾；
又可能，話唔定你朋友唔係唔知佢老婆o既心態，
一家真係唔知一家事。

我勸你乜都唔好理囉!
佢老婆份人係點,唔關你事,
你朋友有權簡得佢,遷就佢,做埋佢老公,即係你老友愛佢,
就算佢地有問題都係佢地兩個人既事,
假如佢無向你過問意見,
即使你係好朋友,十幾件既好朋友,
講心果句,都唔關你事囉

假如因為你一句說話,令佢地產地誤會,猜忌,
你正正係係一個大損友

係lor, 除非你好sure果個女人有死罪, 都係唔好出聱為妙
依家只係你"覺得"佢人品唔係幾好", 女友係你個fd自己揀, 既然o岩佢心水, 你咪祝福佢地lor

講多無謂，如果你唔講唔舒服，頂多咪單獨同你老友講兩句囉，比D預告佢等佢有D心理準備

都叫做十年知已, 比我就早D同你朋友講,
之後就算你朋友同佢老婆有事都唔好插手, 等佢地自已諗~
講左唔聽都冇法~

我都係咁話
如果係我個friend既話
我會平鋪直述咁同佢講law, 阿未來老婆講過d咩law
跟住, 等佢自己judge啦

但係其實未必有你諗咁壞既
唔好話國內人
even香港, 有邊個女人唔想嫁個有錢人
飛埋去杜拜做少奶奶咩

所以, 我係咩都無講到

但係真係好懷疑.....

我朋友 25.

據兩個人既說話所知, 佢地見左一兩次面就結婚, 結婚時都無擺酒, 只係去左蜜月.

煩不煩呀你

婚都結埋啦..仲邊有得慢慢勸..

我都覺有時婚前婚後真係兩個人黎~
我以前都話過唔會結婚生仔啦..最後咪又..

見過1, 2次就結婚....
先唔好諗果個女人有冇問題, 你個fd都好純下喎

係囉, 使唔使咁趕?
25仲好後生姐, 見一, 兩次面既大陸女人…感覺都幾靠唔住

不過婚都結埋, 算吧啦, 講咩都冇用

樓主真係講又死~唔講又死
好難選擇