|
09-15-07, 08:19 PM | #1 |
God of Gamer
世嘉電子娛樂集團總裁
註冊日期: Nov 2003
文章: 14,192
|
HairsPray‧戀愛大爆髮
HairsPray‧戀愛大爆髮
製作‧出品:NewLineCinema 導演:Adam Shankman 亞當尚文 演員: John Travolta 尊特拉華達 Michelle Pfeiffer 米雪菲花 Nikki Blonsky 妮琪布蘭斯基 Christopher Walken 基斯化華堅 Zac Efron 柴克艾福隆 故事大綱: 大城市生活枯燥刻板,對於趣致學生妹翠絲(妮琪布蘭斯基飾)來說,每日最精彩時刻,就是放學鐘聲響起後飛趕回家,跟好姊妹彭妮(雅曼特拜恩絲飾)扭開電視,跟著人氣節目【大噴髮】裡的表演者一起高歌舞擺。不過,隔著電視機跳舞邊度有癮,翠絲與全城青年男女一樣,總夢想有朝一日能被星探發掘,於節目中一展舞技,搖身一變成為眾人景仰的萬世巨星。 翠絲自知冇樣冇身裁,錫到佢膿的肥媽愛娜(尊特拉華達反串飾演)都唔多睇好,就算舞步怎樣出色都不可當飯食,要機緣垂青難過登天。翠絲等到頸都長埋,終於得貴人相助,被邀請上節目顯身手──結果一鳴驚人,還爆大冷入選了「噴髮小姐」,風頭一時無倆。 翠絲高調出頭,結果觸怒了電視台惡魔高層慧瑪(米雪菲花飾),事關她存心捧紅愛女安芭(碧蒂妮詩露飾)的大計面臨泡湯,唔嬲就假!兩母女駛出陰招,夾手夾腳誓要叮走翠絲,愛娜見到勢色唔對,就拉埋老公韋拔(基斯化華堅飾)和靚仔阿凌(碩克艾佛朗飾)反擊! 評語: 老實講,一開場就肥妹仔Nikki Blonsky唱歌跳舞,真係幾難頂,但睇落就越來越鍾意,同時又係肥的John Travolta簡真用驚慌來型容,不過,越睇越就覺得佢可愛,因為佢直情女人上身一樣,做很好似(雖然隻男人手穿晒),故事其實算幾老土,有少少似片中男主角Zac Efron另一套High School Musical 2(歌舞青春 2)差唔多,又係有錢女點點點… 不過,本片睇既就睇歌舞,歌舞部分真係好正!! 最後,又係港產片最需要學既地方,就係「俗」,俗得來好笑,又唔老士,大佬學下人地喇!!
__________________
背棄了理想,誰人都可以 那會怕一天只得你共我!! |