[jerrychf]

岩岩尋晚睇晒！唔好意思我諗真係太耐先去睇 XD

雖然我睇得唔多 gundam，只係由細睇到大，都係 0079, 08ms, z, zz, nv....同埋而加既 turn a

不過！turn a 所表演既係我覺得咁多套高達最好睇！有好好既意義，人設極佳。機設就 ok 啦，不過聽聞好多機設大師都讚個位美國機設，因為盡量合乎實際又可以一反以前高達既樣

當初我都係一樣對 turn a 既樣好有反感，感覺就係「做乜部高達整到咁既樣...」

富野呢次真係一反所有佢造動畫既原則，睇左頭五六集而無睇總監都以為係出自其他人之手而唔係富野，但後來睇番竟然係高達創作者既富野都好驚訝

缺點係....有時會連唔到戲 ~_~...不過只係發生過幾次，雖然有 d 可惜，但還可以。同埋另一個唔知係唔係缺點既缺點，就係要對以前高達系列有 dd 認識先知咩係「黑歷史」

對我泥講最大既優點係人設超好。

我最鐘意既人設係迪亞娜 (迪愛娜?) 女王，好活生生既一個角色而且表現卓越。全套 turn a 透過迪亞娜表達左好多野。在下都唔多講，不過要選最喜愛角色我會二話不說就選迪亞娜，如果世界上真係佢既話我都唔洗講 d 咩就追隨佢。呢點都解譯左點解月球好多人都支持佢既原因。

而姬艾爾同女王個樣一樣就一睇就知作者故事，因為劇情需要掛。不過唔係問題，最大問題反而係係兩個一模一樣既人點去玩「乞丐與王子」，但我覺得完美既係，作者令到兩者就算成日交換身份都會可以清楚睇得出，其他角色既問話、佢地兩者既動作都可以睇得出係女王定係大家姐。呢件事係好難做得到

哈利呢個角色係初頭比人既感覺真係有 d 反派角色既，但到中期女王同大家姐交換左之後處處表現得好好，佢實行到佢所講既野。哈利:「要為兩個女人赴湯渡火」姬艾爾就問「咁你覺得開唔開心?」哈利反而冷靜去答「好開心」。

男主角羅倫就係富野大突破。做盡以前男主角做唔到既野！男扮女裝！仲要比美真既女人。性格乖巧！睇到唔應該睇既野都唔會生起邪念。忠心誠實！多次咁比格威利用都唔知仲要為佢講好說話 XXD (唔知呢樣係唔係優點...?)。等等等等！某程度上我對呢類男主角幾有好感，因為係得呢類人去控制最勁既武器先會有好結果，其他既....有好結果機會好微。

其他角色都好正，好似凱姆家二小姐就係比觀眾睇住咁成長一樣，到最後哭成淚人都o岩既...卡巴又唔係度，實為一個幾悲慘既人物。著住婚莎企係 turn a 手上對住核爆既方向大喊個幕好令我印象深刻，又令人感受到戰爭可怕。

故事既對話好多好令人深刻。

例如1:

係札克特雷卡雙方都係最緊張既時刻上，迪亞娜同姬艾爾幾乎同時有同一樣既想法，就係以迪亞娜女王既身份命令雙方軍隊唔可以發生戰鬥。迪亞娜同姬艾爾幾乎同時間囉起 rocky talky。係一方聽到對方既發言個時，自己都用幾乎一樣既發言，而最後雙方都同一時間講係以下既對話:

「迪亞娜．梳尼爾告訴迪亞娜．梳尼爾 」
「姬艾爾．凱姆告訴姬艾爾．凱姆」

例如2:

係飛吧！成層圈個集入面，因為哈利趕唔切追上捉走迪亞娜既宇宙船而係自己 MS 入面極熱血咁爆出以下一句！

『米多加爾德！米蘭！若你們敢做出傷害迪亞娜大人的事，我就算死幾百萬次都會轉生回來向你們執仇！』

仲有好多好多既精彩對話好有意義，例如蘇西亞係月球上面想開火比羅倫阻止，雖然蘇西亞一句話「這裏是敵人的城市！」羅倫就即刻答「這也是我的故鄉！」等等等等

睇晒之後都同意有一 D 人對 turn a 既講法.......

就好似一個高達既童話

不過...係 41 集打後因為轉左 ED2 片尾，以應該係迪亞娜既身影去慢慢轉為一隻彩色蝴蝶 (月光蝶?) 發出既光芒照住月球同地球，加上月之繭呢首名曲令到全套戲既 feel 變得好神話化，感覺又係超正~