整合成/精製魔法果度有無心得?
我見好似用食物、回復品果D都樣有,
可以整冰+毒效果魔法、火+回復魔法等!
唔知開場架車去到Chapter幾先會變預告片架飛機?
我宜家暫時接副任同比錢咗4件零件升級,
變咗略為快速、極慳油、車物同窗無咁易污漕(呢個真係唔知有無實用性,大家其實可以唔賣…因為都OK貴,好似分別8千蚊)
陸行鳥方面,開頭我係完全MISS了陸行鳥競賽果Part(明明就在陸行鳥園區對面馬路…)
所以我隻陸行鳥係升到LV5先開始玩,
同埋我又係露營位食咗加速的野菜先參加最開頭果3場比賽,
試咗一兩次就過到,睇NPC對白話之後返嚟應該會有新的比賽。
係FF世界入面騎陸行鳥,真係玩同睇果個都覺得好開心,幫隻GAME加返唔少分~!
清支線時,亂行去咗火山玩登山同時發現山頂其實有皇墓,
可以"提早"少少拎其中一件幻影系武器,高攻過當時一堆武器,但可惜佢扣主角HP的速度同樣快及狠…
但奇怪另一個拍攝任去的皇墓又好似因為劇情進度問題,去到都無新的幻影系武器拎的。
另外,發現疑似"大烏"的巢穴,但可能早咗去,未有BOSS戰發生,好彩…因為乜都無準備!
主角同伴,無大家之前覺得咁hehe,
例如金毛仔普羅恩普特·阿傑塔姆（Prompto Argentum)係其中一段汽車旅館小劇情講,
其實佢原本係無朋友的怕醜仔,小學已經同王子同校,但要到中學先敢改變自己主動結交王子呢類萬人迷做朋友~!
釣魚阿叔似乎係一個名人嚟,仲上埋雜誌封面。
