引用:
作者: 001015
所以好多時都係NGO去搞。
|
NGO搞果堆野，提堆建議，有幾多係現實執行到先。
最後仲要返到去：收錢就係環保，收錢解決問題。然後有錢人見有錢使得鬼推磨，俾左錢但唔使出力唔做回收算。
冇人肯針對改善回收再造業界，垃圾運輸業界的苦況，唔搞返起本土回收再造業界，一大堆配套唔肯做就收費先
好似連登有個Post有熟業界的回應：
節錄
引用:
真正既回收業基本上冇錢賺，本身已經係厭惡工作，又俾唔起錢根本想請人都難，限制左佢地既回收量同種類。所以回收業基本上有好多野都唔收，剩係會集中回收最好賺既垃圾。如果你有留意你就會知三色筒永遠得黃色鋁罐果個筒係空既，藍廢紙就一時時，點解？因為得回收金屬先賺到個本，業界幾乎剩係收鋁罐，有空閒先收下紙，所以d阿婆會自動幫你清晒埋黃色筒拎去賣俾人回收。係政府零補貼既情況下，純靠市場支持，塑膠呀發泡膠果d根本就唔會有人收，所以就算係回收筒都會丟去堆填。
二黎香港回收業一直做緊既都只係回收、打包、出口，冇任何再造業去消化垃圾(因為再造業冇政府補貼唔夠競爭力一早就死晒)，所以你可以預期一d冇辦法出口既垃圾，例如廚餘呢d根本唔會有商業機構做大量回收。
|
