[肉羊哩咖]

ST: D S02E08 因為舞台係 Talos IV, 特登播返 TOS 有關嘅一話畀過你睇，仲有 Pike 「後生」版出場，但作為一個非 Trekkie，可能唔夠醒，開頭唔多睇得明，反而後面講多次就明～ 成話揭露 Spock 究竟發生咗咩事，仲有佢同米高嘅關係；劇本同劇情都好，最後扭橋嗰吓幾精彩；不過咁死多 lens flare 㗎！楊姨姨繼續係亮點，佢一句：當年一知呢班友玩嘢，就打到佢滅絕～飯堂打交嗰度，本人覺得OK，但肯定畀班「原教旨主義者」閙。

ST: D S02E09 作為有睇開動漫嘅，都知某個平時唔多出鏡，同時連名都多知嘅角色，突然有好多戲份嘅話，支死旗楝晒出嚟。故事好緊湊，好多事發生。不過Spock 除咗負責同米高嗌交，同埋交待某角感情生活之外，無乜用。最後嗰幕係今季高潮，除咗最後大波「現身」之外，謎同打鬥都好精彩。有少少不滿嘅係，肥妹咁快抽出邊個係內鬼，同埋最後解決件事嘅唔係米高，為咗保持佢「清白」而由第2個人落手。