[貓太部]

尋晚中級場第一次輸，
入到去竟然係1個劍士3個天空，正常點會咁放...而家弓手橫行，佢撞到弓手一定死硬，但當時版圖仲要係樹林，大家各2隻分開，一開始佢四隻一齊向我奶僧同法師嗰2隻方向行，4近戰打2......我另外2隻追都追唔到...
之後變咗3打我2.....
其實最後我都有機會贏，1對1，我行先，打完佢會反撃，之後到佢打我......
按打嗰吓已經知道自己蠢左，應該等佢打我先......
真係俾佢打亂哂陣腳...

佢d角色Lv低過我，但有隻係敢死隊，加攻減防，贏咗我佢應該加好多防守分，但令我靈機一觸，唔知佢係無角色定專登咁砌，其實可以砌一堆針對性嘅隊，因為防守只計最高嗰次分，根本唔需要防好多玩家打法，而只係需要贏到一個強牌玩家一次，分數就已經足夠，所以可以考慮砌一副針對隊,好似上面例子，配啱地型，低Lv打高Lv，贏一次就攪掂～

幾鍾意佢鬥技場嘅計分方式，唔同之前啲手機game咁， 打得多就多分，一味要你肝，
而家咁樣反而令玩家防守多樣化，攻家又唔駛成日打黎打去都係一式一樣隊伍～