[stonekeung]

作者: HakiK

感想

老實講我諗入場睇完,
全部人都會知水島想表達乜野
個故事同個concept,
其實同eureka 7 / macross f / 翼神世音幾套大作差唔多
有好多異曲同工之處
亦都無乜深奧既地方
剎那唱埋歌既話其實就真係macross黎添

老實我入場睇左110分鐘我都仲覺得套野非常好
雖然故事係變到勇者王 / 打外星人, or話佢唔再係gundam又好
故事上叫完整,亦都叫呼應返TV版「未來通話做準備」,
veda + gundam + 變革者所建立既關係

但係最後10分鐘就真係認真麻麻
剎那走入去說得外星人之後播果條天文片同ELS既background真係好行
之後OOQ開空間轉移, 母體變朵花之後直接完場真係令人覺得為趕戲咁趕
又或者可以話劇本想將最中心最抽象表達出黎果陣用錯左最吸引唔到人既方法

當期待佢播完ending仲會有後續既時候
果段後續就更加…某程度真係幾令觀眾驚嚇…
同得淡笑,相擁果度有好多野其實無必要去咁設定
例如剎那iron man化…設定上真係為搞笑,無咩特別必要
同埋相擁果度, 如果一擁之下瑪莉娜有返老還童果種畫面至少令畫面多一份溫馨
以家望住剎那抱住瑪莉娜婆婆講相互理解果幕…畫面上真係幾令人違和
最後10分鐘真係可以有好多改善既地方

前面110分鐘真係好緊湊,畫面 / 劇情完全帶動到觀眾,
但係最後10分鐘係直接催毀左前面110分鐘既感動
我諗叫回水果班都應該係相同感受

另外聯邦個純種變革者
佢既戲份掌握真係唔太好
如果係襯托用,佢既戲份係過高,
但係佢最後既結局係普通到同戲份唔相符
如果你話佢係一個同主角 - 剎那去做對比既角色
佢明顯戲份係不足
所以呢個角色先會令人有種違和感

我都覺得講ELS抽象o既背景係交代得冇咁清晰，但最後10分鐘我覺得都ok，冇趕收工o既感覺